|
|
|
 Re: حزب المؤتمر السوداني المارد القادم بنكهة (Re: Gafar Bashir)
|
منذ اليوم الأول لإنقلاب يونيو 1989، يخوض الحزب حربا سياسة شرسة لا هوادة فيها مع نظام الإنقاذ، وذلك من خلال العمل الميداني والإلتحام مع الجماهير السودانية في كافة مدنها وقراها، بإقامة المخاطبات الجماهيرية في الأسواق والميادين العامة، وعقد الندوات السياسية،
وعن سر التمدد الشعبي للحزب، أوضح محمد الفكي، الباحث في معهد السلام بجامعة الخرطوم: “هذا التمدد سببه ليس الخطاب الفكري للحزب بل يعود إلى الموقف السياسي القوي والمحترم من النظام، وهذا موقف أيضا سببه أن الحزب يديره شباب وخريجو جامعات وليس كبقية الأحزاب التي تقودها شخصيات شاخت ولم تتغير مناصبها منذ عقود”. وينصح الفكي قائلا: “إذا تخلى الحزب عن هاتين الميزتين سيفقد تمدده في الشارع وصفه كونه الأكثر إزعاجا للنظام”.
| |
  
|
|
|
|
|
|
|
|
Re: حزب المؤتمر السوداني المارد القادم بنكهة (Re: Deng)
|
سلام دينق
حزب المؤتمر السوداني فعلياً مؤسس ديمقراطياً في هكيليته وتربية كوادره فكريا وسياسيا، قابل لاستيعاب السودانيين بمختلف انتماءاتهم الجغرافية والقبلية والعقائدية ... كمخرج من الازمة السودانية ...
مرتكز في افكاره علي القومية السودانية و الدولة المدنية و حقوق المواطنة و جدلية المركز والهامش ....
حقيقة الواحد سعيد بانو في حياتو يحضر فترة ديمقراطية قادمة عشان يشوف امكانية الحاجة الاسسنا ليها من قبل 42 سنة بداية مؤتمر الطلاب المستقلين علي ارض الواقع ممكن تنجز شنو ... المغصة الما قادرين نتجاوزها هي انفصال الجنوب .... كانت الاماني والاحلام في وطن كامل باختلافاته المتعددة تتحول من عوامل تفكك لي عوامل وحدة وقوة باحقاق الحق علي اساس المواطنة
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: Gafar Bashir)
|
يا عبدالمنعم شوية كراعك من البدال
ولا تغبش رؤيتك ما تدور في الفترة الراهنة
من خلافات سياسية حول المواقف من المجلس العسكري
والإتفاقات الأخيرة
لأنك حتماً ستتفق معنا بأن حزب المؤتمر السوداني
أكثر حزب ناضل ضد حكم البشير وتعرضت كوادره للإعتقال والتعذيب
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: عبد الصمد محمد)
|
بناء على ردك، واستناداً إلى البرنامج السياسي لحزب المؤتمر السوداني، فإن هذا الأخير ليس حزباً سودانياً، ناهيك أن يكون حزباً سودانياً خالصاً، إذ توجد أحزاب طبق الأصل من المؤتمر السوداني وأقدم منه في الوجود في مختلف بقاع العالم، وأستند في ذلك على الحقائق الصلبة التالية:
1/ اسم الحزب السابق ( المؤتمر الوطني )، مستلف من الخارج، إذ ورد بالنص في برنامج الحزب السياسي، ص 5 " كان في انفتاح التجربة على العالم من حولنا آثار ايجابية محمودة في إطلاق إسم ( المؤتمر الوطني ) على الحزب الجديد تيمناً بحزب المؤتمر الوطني الجنوب أفريقي الذي كان يقاتل في حينها نظام التفرقة العنصرية في جنوب أفريقيا، وكان أيضاً في تبني الإسم إحتفاءاً بالمؤتمر الوطني الهندي ".
2/ اسم ( نظرية المركز والهامش )، التي يستند عليها الحزب كإحدى المرجعيات الفكرية، مقتبسة من اسم ( نظرية المركز والمحيط ) للمفكر المصري الماركسي الراحل سمير أمين، كما أن منهج التحليل الثقافي ليس من اختراع محمد جلال هاشم وأبكر آدم إسماعيل.
3/ الديمقراطية التعددية بشكلها الحديث التي يدعو إليها الحزب في برنامجه ليست اختراعاً سودانياً.
4/ اقتصاد السوق مع وجوب تدخل الدولة الذي يتبناه الحزب ليس اختراعاً سودانياً.
5/ الدعوة إلى مجانية التعليم والصحة الواردة في برنامج الحزب ليست اختراعاً سودانياً، بل وليست من اختراع حزب المؤتمر السوداني، فهي فكرة اشتراكية أثرت حتى على الدول الرأسمالية.
استناداً إلى كل ما ورد أعلاه فإن حزب المؤتمر السوداني ليس حزباً سودانياً خالصاً، وفي الحقيقة ليس هناك ما هو سوداني خالص، في الحدود الجغرافية السودانية الحالية، سوى دولة كوش العظيمة، وإلهها آمون الساكن جبل البركل.
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: عبد الصمد محمد)
|
حزب المؤتمر السوداني في اوساط الشباب كالنار في الهشيم.
أكثر الاحزاب شغال بفعالية وسط الشباب وبرنامجه اقرب للمزاج
العام للشارع السوداني في المرحلة الحالية.
---
الجمهوريين اتوقعت برضو تكون ليهم فعالياتهم وسط الشباب و
معاودة للمد الجمهوري الكاسح في نص التمانينات والارضيات
الواسعة وعريضة الاكتسبوها في الفترة ديك. حسب فهمي المتواضع
جدا بفتكر الظروف الان افضل بكثير من نص التمانينات و مواتية
جدا ليهم للعودة للواجهة وبقوة كحزب عقائدي اقرب للروح
السودانية المتسامحة والمتدينة بالفطرة , وللتغيير الكبير الحصل بين
الاجيال في التعاطي مع افكار كانت اقرب للمحرمة في فترة مدّهم
الواسع ديك بعد الشذوذ الديني والتطرف والنشاز الحاد الاصاب
العقيدة في فترة الاسلاميين الكيزان ومن لف لفهم واستثمر في
تجارتهم.
الشيوعيين مفروض يعاينوا في المراية ويسألوا ليه الحزب فضل
في الحياة السياسة السودانية رغم تكالب اااااي زول عليهم؟
لانه برضو ببساطة جوة اي سوداني (شيوعي صغير) بمشي
معاه وبتعامل بيه وعائش في عقله الباطن من غير يحس. بس لما
تجي لبعد الدين عن الدولة هنا الفكرة بتلقي الاعتراض في مفهوم
محمد احمد من غير ما يفكر شوية فيها. يحلوا المعضلة دي ح
يلقوا جمهور ماكان يحلموا بيه. الشارع متقبل رغم الظلال الباقية
من زكري اليمة اسمها الكيزان.
----
غايتو لو في شيوعي او جمهوري جرئ ولم الفكرتين مع بعض
ح تكون شارطة جدا وجاذبة للغاية وسط الشباب الراكب رأسه
المنفتح علي لتقبل اي فكرة جديدة جريئة تجمع بين التنشئة
(الشيوعية) والتدين المتسامح (الجمهوري). مولد حزب الوطن.
حزب الخضر برضو ح يلقوا مساحة بس هم ورغبتهم في توسيع
القاعدة او اكتفاء بس بالوجود في (مساحة).
الامة والاتحادي محلك سر.. اراضيهم ماعادت هي واسمهم اكبر
من رسمهم. محتاجين شغل كثييييييير بس علشان تفضل الاسماء.
--
شكلي اخدت راحتي يا جعفر في بوستك دا وقعدت اشرع يمين
وشمال في شارع 2019 وازقته وحواريه ما الشارع العااام
(HighWay) القديم الناس لسة راكباهوا.
| |
|
|
|
|
|
|
|
|
 Re: حزب المؤتمر السوداني المارد القادم بنكهة (Re: Mutasim Idris)
|
جعفر وضيوفو السلام عليكم وكل العام والامه السودانيه وانتم بخير
السودان يحتاج فعلا احزاب من فصيله حزب المؤتمر السودانى حزب مفتوح للسودانيين دون حكم مسبق وتصنيف قد يجعلو حزب قاصر على اساس الجهه او الطائفه او العقيده ....الخ وانما كيان يستوعب لكل الطيف السودانى.ون تمييز.
بس عندى سؤال برا الموضوع شويه : ظروف بروز حركه الطلاب المحايدين فى الوسط الطلابى رغم وجود الحركه المستقله وهل كانت خصما على رصيدها فى التاييد؟
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: عبد الصمد محمد)
|
هههها انا ما بعلمك يا جعفر
ان كنت لا تعلم فتلك مصيبة؛
بعد ٢٨؟ دي
.......
عبدالصمد
اتا كمان ما تبااااالغ
بامارة انو الحزب الهابط دا بعد مرور الانتفاضة
بشهر كان الدقير مازال يفاوض مع نداء ابسودان
يفاوض البشير
وعلاقة ابراهيم الشيخ مع الكيزان معروفة
.....
ثم هم اول من اجهضوا الانتفاضة العظيمة باعترافهم بالمعجا
وياهو البعبوص الركب غينا لي يوم الليلة دي
....
ما تشكر لي الراكوبة في المطرة دي
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: نادر الفضلى)
|
Quote: يا عبدالمنعم شوية كراعك من البدال
ولا تغبش رؤيتك ما تدور في الفترة الراهنة
من خلافات سياسية حول المواقف من المجلس العسكري
والإتفاقات الأخيرة
لأنك حتماً ستتفق معنا بأن حزب المؤتمر السوداني
أكثر حزب ناضل ضد حكم البشير وتعرضت كوادره للإعتقال والتعذيب
|
ده كلام صحيح لدرجة كبيرة خصوصا للناس الما عندها فكرة جيدة عن حزب المؤتمر السوداني ومسيرته
، فاالاحداث خلال الفترة الماضية متسارعة تتضمن تحالفات واختلافات تخلق حالة من الضبابية وعدم القدرة علي التمييز،
عشان كدة الموضوع جة من محاولة التعريف
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: نادر الفضلى)
|
تحياتي عبدالله حسين
ووجهة نظر محترمة
موضوع السودانية المطروحة مرتبطة من خلال حديثي بنظريات وافكار بقية الاحزاب السودانية، وهي ليست مجرد مسميات ك المؤتمر الوطني او المركز والمحيط والا لما كان هنالك معني في الاساس لاختلاف .
الشيوعية والبعث والأخوان المسلمين هي نظريات فكرية متكاملة تم نقلها ومحاولة تطبيقها بنسخة سودانية (رغم كونها نظريات متكاملة) وليست مجرد أسماء ولم تدعي ايا من التنظيمات المذكورة انها اخذت فقط الاسم تيمناً بحركات عالمية...
وجهة النظر ان هذه الافكار نشأت وفق واقع مختلف ولمجتمع مختلف بتركيبته عن التركيبة السودانية كنموذج مثلاً مسالة القومية العربية في مجتمع مثل المجتمع السوداني او التحليل الماركسي متضمنا نظرية المركز والمحيط الاقتصادية للدكتور سمير أمين والتي بدورها ناتجة كمحصلة لقراءات أخري كمثال ابن خلدون. بجانب ارتباط التنظيمات بقيادات قطرية او قيادات دولية مما يحد الي مدي من الاستقلالية للتنظيم
لا يمكنالادعاء لاي شخص ان يضع تصوراً فكرياً خالصاً مثل (القرآن الكريم) لم ينزل لا من قبل ولا من بعد تجاوزاً
وتجاوزاً لأن القرآن نفسه يشتمل علي قصص وافكار وروايات من أديان مختلفة من شريعة حمورابي الي المسيحية
وماركس له قراءاته في هيجل وميشيل عفلق ايضاً وحسن البنا وسيد قطب والدكتور سمير امين ...
تبقي االفكرة ان في مقابل نظريات متكاملة يتم تنزيلها علي الواقع السوداني تواجه اختلاف في طبيعة المشاكل والمجتمع مما يحد من قدرتها علي معالجة المشكلة او واقعية تطبيقها ... كانت هنالك من قبلنا قراءة للواقع السوداني وطبيعة مشاكله وفقا لظروفه الخاصة ومن ثم انتاج الافكار في منظومة لها القدر علي حل المشكل السوداني بالتاكيد الافكار وفقاً لقراءات اكاديمية وتاريخية متوافقة مع واقعنا.
---------
كوش كانت قبل حدود السودان الحالية وهي سودانية مصرية
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: نادر الفضلى)
|
Quote: غايتو لو في شيوعي او جمهوري جرئ ولم الفكرتين مع بعض
ح تكون شارطة جدا وجاذبة للغاية وسط الشباب الراكب رأسه
المنفتح علي لتقبل اي فكرة جديدة جريئة تجمع بين التنشئة
(الشيوعية) والتدين المتسامح (الجمهوري). مولد حزب الوطن. |
هههههههه
طبعا دي اظنها الفكرة العملها المؤتمر السوداني .. كمثال طرحه عن الدولة المدنية العلمانية ما بتقابل بنفس النفسية لما يطرحها الحزب الشيوعي .
صراحة الحزب الشيوعي تاريخ طويل جدا واسهام كبير في الحركة السياسية السودانية واحتمل ضربات كثيرة وجهت له ولا زال في الساحة السودانية بقاوم من 30 سنة ضربات لم يحتملها الجمهوريين .واظنا ان المحاولة التي قادها الاستاذ طيب الله ثراه الخاتم عدلا و تنظيم حركة حق-السودان كانت في مسار للانفلات من تركة الحب الشيوعي .. حتي في محاولة انشاء تحالف الجبهة الديمقراطية طغت عليها مسالة الشيوعية اكثر من الديمقراطية .. ما اعرف اذا ممكن تستهويه فكرة دينية ثانية خصوصا متشددة مثل الجمهوريين لكن نرجع لي طبيعة السودانيين وتدينهم ونقول نتني ان نري الحزب الجمهوري في جامعاتنا وشوارعنا.
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: Gafar Bashir)
|
Quote: تبقي االفكرة ان في مقابل نظريات متكاملة يتم تنزيلها علي الواقع السوداني تواجه اختلاف في طبيعة المشاكل
والمجتمع مما يحد من قدرتها علي معالجة المشكلة او واقعية تطبيقها ... كانت هنالك من قبلنا قراءة للواقع السوداني وطبيعة
مشاكله وفقا لظروفه الخاصة ومن ثم انتاج الافكار في منظومة لها القدر علي حل المشكل السوداني بالتاكيد الافكار
وفقاً لقراءات اكاديمية وتاريخية متوافقة مع واقعنا. |
تحياتي جعفر لك ولضيوفك الكرام وكل عام والجميع بخير
ممكن تنزل لينا أو توضح لينا رؤية الحزب وبرنامجه في نقاط بسيطة ومحددة تخاطب العقل وتصل لرجل الشارع البسيط
بدون كلام كتير وإنشاء وتنظير وكلام كبار كبار وهلمجرا كما بقية الأحزاب السودانية الفاشلة منذ نشأتها من مية سنة
بعدين وين موقعكم في خارطة وجغرافية السودان ولا بس ياهو مقركم في المركز ومنتظرين ناس الأقاليم والهوامش
يجوكم لحد عندكم ؟
وسؤال تاني يا جعفر حزب المؤتمر السوداني ما عنده كادر مؤهل وكفء غير الدقير لتولي منصب رئيس وزراء؟
طيب لو طلبوا منكم خمسة وزراء لشغل وزارات مختلفة ؟ مالية وخارجية وزراعة وبلدية وصناعة مثلا ؟ مستعدين؟
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: محمد محمد قاضي)
|
فليمسك هذا الحزب - المؤتمر السوداني في درب عبد المجيد إمام وليبتعد عن دهاليز الصادق المهدي - فالتحالف مع ا لصادق يخصم ولايضيف - فالصادق رمز للفشل - رمز للتشبث بالماضي والجمود والمتاجرة بالشعار الديني - علاوة إنه وعلي المستوي السياسي يعد فاقد للمصداقية وليس مصدرا لثقة. . -
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: كمال عباس)
|
سلام نادر وتحياتي
إختيار الإسم:
بالنسبة لمؤتمر الطلاب المستقلين تم اختيار الاسم في اشارة الي مؤتمر الخريجين باعتباره حركة مستقلة عبر التاريخ حزب المؤتمر السوداني من جهة اخري اختار المؤتمر الهندي والجنوب افريقي.
التصنيف هو حزب وسط والاختلاف هو الانفلات من اطار الطائفية والدينية لان الاولي معيقة للديمقراطية والثانية لا تناسب تكوين السودان مع الاختلاف الاهم هو حزب قام علي اطار فكري يري مشاكل السودان بصورة اوضح ويطرح حلول ... مثلا موضوع صراع المركز والهامش تم تبنيه بالكامل من قبل الحركة الشعبية لانه يشير الي المشكلة السودانية بوضوح
صحيح بداية الحركة المستقلة كانت رمادية مثلها مثل حركة المحايدين في التسعينات، لكنها لم تستمر كحركة احتجاجية فقط ثم تذوب في بقية التنظيمات ... الاطار الفكري والتنظيمي والانتقال الي حزب قائم بذاته هو المحدد وليس مشكلة ان تستقطب من الاحزاب الاخري بدون (كندسين) لكن الاهم الا تذوب في اي مرحلة في بقية الاحزاب كما حدث مع مؤتمر الخريجين ...
وللتصحيح المستقلين لا تعني Nutral ولكنها Independant عن الدين واللغة والطائفة والمشاريع الفكرية الخارجية ... والرمادية انتفت اطار المؤتمر كحزب وتنظيم لانها حددت موقفها بوضوح من مجمل القضايا الحاسمة في التصنيفات مثل الدين والسياسة والافكار المطروحة من بقية التنظيمات ومن الانظمة العسكرية مبدأيا ..
الثورة لا يمكن ان يمتلكها او يتبناها احد او تنظيم او جهة محددة فهي نتاج تراكم طويل من العمل شارك فيه الجميع .... اما بالنسبة لانتفاضة 85 فمعروف ان الحركة الطلابية كانت علي رأس الرمح في الاحتجاجات كما معروف ان خروج جامعة الخرطوم كانت حاسمة في الانتفاضة .... في هذه الفترة نشأت الحركة المستقلة وكانت علي رأس اتحادات جامعة الخرطوم ( عمر الدقير ) واتحاد جامعة الجزيرة وعلي ما اذكر امدرمان الاسلامية .... هذه الاشارة المقصودة
النخب السابقة لها تقديرها واحترامها كافراد ولا احد ينكر اسهامهم بلا شك سواء كانوا مستقلين او حزبيين لكن ما رأيناه اننا فشلنا كدولة ومنظومة سياسية في حل مشاكل كانت عالقة منذ الاستقلال مثل مشكلة الجنوب او الديمقراطية او العلمانية او الانظمة العسكرية التي شاركت فيها جميع هذه الاحزاب سواء الامة او الشيوعي او الجبهة الاسلامية ... نعم عبد المجيد امام طيب الله ثراه كان رئيسا للحزب حتي وفاته ... وقد تقول انه يمكن ان يظل ريسا للحزب لو كان حيا حتي الان لكن لا اتفق ... حتي ولو كانت مسالة عبدالمجيد امام لاعتبارات خاصة به اظن ان الامر تم تصحيحه مع ابراهيم الشيخ ولا زال الرجل قادر علي العطاء لكن بعد فترتين في الرئاسة خضع لتغيير كما تقتضي الديمقراطية وعمر الدقير وهو تأسيس لم تستطع بقية الاحزاب اتباعه استطاع السوداني .. والمستقبل في رايي سيصقل التجربة اكثر ويجعلها تتجاز اية اخطاء في السابق
نعم حزب المؤتمر ظل رافضا للحل العسكري حتي مع وجود بعض الكوادر التي انتمت اليه مع حركة عبدالعزيز خالد وكان الاولي به ان يتحالف معها لكنه رفض ذلك لتمسكه بالحل السلمي ... اما ما يخص الجبهة الثورية فالتحالف كان تحالف مدنيا وليس عسكري ... وربما ما نراه من مشاكل الان بخصوص الجبهة الثورية هو الاختلاف بين رؤية الجبهة الثورية المدنية داخل السودان والجناج المسلح خارجها .... واظن انها مرحلة تحول للجبهة الثورية من المسلحة للمدنية او كان هذا اساس التحالف
| |
|
|
|
|
|
|
|
|
|
Re: حزب المؤتمر السوداني المارد القادم بنكهة (Re: Gafar Bashir)
|
تحياتي محمد قاضي
تحياتي حمودي
ببساط المؤتمر السوداني حزب وسط ...
بفتكر انو الفشل المتواصل من الاستقلال نتيجة لعدم الرؤية الواضحة او الرؤية الانتهازية لمشكلة السودان الاساسية وهي سيطرة المركز العربي الاسلامي علي السلطة والثروة ونفي الاخرين
بناء علي دينهم او انتماءهم القبلي ونتج عنها مشكلة الجنوب ودارفور وبقية المشاكل في الشرق والشمال بنسبة اقل وتبعا لها السلطة والثروة.
الانتماء الممفترض من قبلنا هو قومية سودانية قائمة علي حقوق المواطنة بدون اي درجة تمييز دينية او عرقية او جغرافية
النظام السياسي هو دولة ديمقراطية تعددية مدنية علمانية وحكم لا مركزي يعترف بالتهميش والتمييز الايجابي للمناطق المهمشة اقتصاديا
مع سلطات مستقلة قانونية وتشريعية وتنفيذية تعمل كرقابة علي اداء كل واحدة وتخضع جميعها للقانون مع سلطة رابعة اعلامية حرة ومستقلة ورفض لاي دولة عسكرية او دولة دينية اياً كانت
يساند الحزب بكل قدراته الجهود التي تطمح في إيجاد تسوية سلمية للصراع. في دارفور وجبال النوبة وجنوب النيل الازرق :
ودعوة للاطلاع علي بقية البرامج والمعلومات في الموقع الرسمي
http://www.sudancon.orghttp://www.sudancon.org
--------
5 وزراء بس ما شوية؟
للحزب فرعيات منشرة في معظم مناطق السودان ودول العالم 42 سنة بيخرج في كوادر في جميع المجالات
فترة السنوات الثلاثة القادمة حاسمة للحزب في النجاح لاستقطاب الكثيرين بعد 30 سنة من العمل تحت بطش اجهزة الجبهة الاسلامية
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Deng
عبدالمنعم الطيب حسن
Mutasim Idris
Asim Ali
نادر الفضلى
محمد محمد قاضي
كمال عباس
فيس بوك
تويتر
انستقرام
يوتيوب
بنتيريست