المصالحة الوطنية في البورد

و لكما معاً والتحية و التجلة . تعرف يا خدر،
بوستكم دا فيه قلة أدب ( طبعن، العبارة غير مقصودة لحرفيتها)
شدت مي طاعمة لامن قربت تهيف لي ضحوتي ، بس لقتني فاضي
شوية و هدي تقهية. لكن عمك عادل دا بالجد اكتشاف خطير جدن .
لكن لينا برضو شرف الماولة و السلبطة نقول نحنا البنكتشف فيه.

# بس كنت عايز أعيد ليك بحاجة ظريفة من أجوانا هنا في حنتوب:

[} ود أب ظن كان من ظرفاء قاع المدينة في حنتوب الجميله .
فمرة كان على خشبة المسرح و قام طار منو النص؛ فقرر يخرج
يطش نهائي من السيناريو برمته.و يلا قعد يتلفت جاي و جاي ؛
عاين في نص الجمهور قام لمح ليك أخونا أحمد منقة من هنوك ؛
كان راجل مسالم و هادي و جدن و بتاع رياضبات أدشنل( الزيو گنا
نسميهم الترزية من طول انجعاصتم للگسر و المذاكرة)، لاكينو متلش
و شكلو بصراحة فعلن شرامي و شين لامن يكطع الخميرة من البيت.

∆ قام ود أب ظن يگورك ليه: ي ود منقة هووي تعال هنا جيب سفة بالله!!
- أخونا زعل قاللو: يا زول منو القالك أنا قاعد أسفة، تسف جرقة الرماد إن شاء
الله اليكيل حماد. هسي مالك علينا ياخي مجهجه باكاتنا قدام خلق الله ديل!؟
_ ود أب ظن مصر يشاغلو: و الله ي منقة من شكلك ساي، موش بتسف، و كمان
ظنيتك بتاع گرستال عديل؛ والمعطيات كولهن عندك بس إنتا الماك قادر تبرهن.

# و قبال نفارق عاوز أسال عمو عادل عن زول رايح لي كان في اليمن القالو:
ضياع زمن ،أخونا ود حلتي عادل السعيد محمود شخصية كانت ليها بصمات دامغة
هناك ـ و قبلها هنا كان ساعد أيمن لعمنا جاد الله جبارة في مؤسسة الدولة للسينما.
و من سةن جات دبابة بني كوزان، داخلة بالباب طار بالشباك هو و كل اللي زيو،
لامنسعمت عنو هسي في ولاية تكساس ببلاد العم سام و شكلو لسة بضيع زمن..