|
Re: سيدة سودانية تقتحم اجتماع قوى الحريه والت (Re: Idris Logma)
|
يا لقمة أرفع كراعك شوية من الأبنص أحكم على الفعل الحصل دا في سياقه، فهو عمل شجاع من كنداكة لم تجد الا التصفيق من المجتمعين وربما قد يكون كسر جموداً بين المجتمعين بعدين شنو أختها نائبة سفير وأخوها سفير ما سيدنا نوح ولده المن صلبه إختار القوم الكافرين وقابيل كتل هابيل وفي البيت الواحد بتلقى الشيوعي والأخو المسلم بعدين ضروري انت تعرف موقفها كان شنو في أحداث إنتهكت فيها حكومة الكيزان أعراض وأرواح أهلنا من قبل ياخ ربنا بقول لو عملت (مش ما عملت) لو عملت السبعة وزمتها هنالك ما يكفرها مثل الحج الذي يجب ما قبله فيا أخوي حاسب نفسك قبل ما تحاسب الآخرين يعني خليل إبراهيم نفسه من كان دباب قدر الليلة وبكرة والجرايم حصلت من المركز الغالبيته شمالي ضد الهامش لكنها برضو حصلت من الهامش ضد الهامش والكانو بعاونوا النظام الفات في قمع الهامش ما هم أولاد الهامش ذاته وهسع أسمع في الجزيرة والعربية الناس الضد الثورة ومع النظام الهالك نصهم من الهامش فياخ خت الكورة واطة وما توسع الفتق على الرتق
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|