|
|
 Re: الإعجاز العلمي في andquot;الهندوسيةandquot; (Re: osama elkhawad)
|
سلام باخونا الاديب اسامة.
بخصوص الاعجاز العلمي في الاديانِِ.
والله لم اتابع الا الشريط الاول ووجدت المتكلم يتحدث من خلفية بتاعت زول عالف(مطلع) لمعارف هي في ابجديات المضوع والعالف, زي الزول الشبعان كلما زاد لقمة من الاكل علي طول عايز يستفرغ فهو زيو وزي الناس القاعد ينقد فيهم لافرق بينهما!
فقها+ هذه الاديان يستغلون عجز اللغه في ان تدل بصورة مباشرة علي ماهو ترانسندتال وعليه نجد اللغة قابلة لتاويلات كتيرة اي زول يمطها ويفصلها علي حسب تجاربه ومعارفه النظرية او التطبيقية لانها دون المرام:
عندما اقول ليك بلغة الدين واقصد بالدين هنا كل ماهو (ترانسند) للمحسوس:
مثلا جملة:
انا ذاهب للسوق.
ممكن افسرها لك بحسب تجربتي بالاتي:
انا: تعني اللطيفة البين جنبتي
ذاهب: تعني مراقب ومتفرس لما هو داخلي
للسوق: تعني وحدة الكثرة القاعد اراقب فيها بداخل ذاتي وهي ترميز ليوم الحشر الذي نصبته بداخلي بعد ما تخطيت ثرثرة العقل ووصلت الي جمعية لايعلم بها الاانا ومقصودي!
وبرضو ممكن استغل عجز اللغة وافسرها نفس العبارة كالاتي:
انا: تعني القوة الخلاقة بداخلي
ذاهب: تعني عندما اخرج من الجسد
السوق: تعني مكان اشباع المتع للانسان لان السوق زي الجنة فيه تتواجد كل متطلباتنا كبني ادمين اي السوق يرمز للجنة او سدرة المنتهي(المحسوس يرمز للامحسوس) من حيثعجز اللغة!
مجمل التفسير عشان تكتمل الصورة:
القوة الخلاقة بداخلي عندما تخرج من الجسد سوف تذهب لله او للجنة!
وعلي كدا قس اي انسان في مجاله العلمي الاكاديمي يقدر يفسر نظرياته ويسقطها علي الترانسدنتال بالطريقة البيشوفها تحقق غرضه, لان اللغة عاجزة تماما عشان ما تنال من الدين!
نصيحة لفقهانا امثال محمد المصطفي عبدالقادر, ابوبكر اداب وصلاح فقيري عدم اخذ هذا التفسير ماخذ الجد!!
|
|
  
|
|
|
|
Mohamed Adam
فيس بوك
تويتر
انستقرام
يوتيوب
بنتيريست