|
|
|
 Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
قرأت ان جيريل ابراهيم دا
بتاع العدل والمساواة عسكري بلا جنود على الارض
ليس للعدل والمساواة جنود على الاقل في السودان
بل انه الجناح العسكري بلا عساكر
اسم بس
للمؤتمر الشعبي بتاع علي الحاج والترابي
غايتو لحدت هسا ما عندهم جنود
ربما مستقبلا على اعتبار ما يكون
.......
الاخ مني مناوي دا كمان برضو قالوا عندو شوية عساكر
في ليبيا تحت الطلب بالراس
.....
وعقار ما عندوش جنود برضك على الارض وكان لاجئا لسنين
في يوغندا ومعاهو ياسر عرمان؛
وكمان سمعنا انهم ليس على قلب رجل واحد
بل هنالك ربما جبهتين صوريتين
الجبهة الثورية هي الجبهة الصورية على الورق
جنرالات بدون جنود
ولا ارض ولا شعب ولا جماهير ولا متعاطفين
طيب على اي اساس يتفاوضوا
ابحث عن الصادق المهدي والدقير والكيزان والمعجا
للاسف قحت لبست الطعم للمرة التانية
التالتة واقعة
.....
| |
 
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
انه التفاوض الخطا مع الجهة الخطا
...........
ينبغي ان تتفاوض قحت مع
الجنرال عبدالعزيز الحلو
و
عبدالواحد محمد نور
كونهما من يملكان قوة على الارض
من شعبية ومن مسلحة
غايتو
تفاوض من يملك مع من لا يستحق ما يجري حاليا
بلا طائل وبلا حصيد
لو كنت مكان قحت لغادرت بمجرد وصول الثنائي الغير مرح
السيد السادق وتابعه الدقييير
ولتركتهما يتفاوضان
فهما يمثلان الكيزان ونداء السودان والهبوط الصوفت؛
وتفاوضهم في قحتهم الموقعة على محضر الاجتماعات
والمسمى الاتفاق السياسي
والمؤيد من المعجا ومن الكيزان
ومن نداء السودان....
.......
وكدة
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
جبريل+التوم هجو+مناوي+عقار+ياسر= صفر
............
هؤلاءخمسة انفار يمثلون انفسهم
معقولة بس
مضيعة للوكت
ومن يفاوضهم
السادق وتابعه الدقييير والشيخ ومريم
ياخوانا مهزلة شنو دا
ديل كلهم نداء وهم
ولم يقتنعوا بالانتفاضة التي استشهد في اغلى دماء السودانيين
يلقوها ديل باردة
لا لا دا كلو غلط
تجمع المهنيين ركز
والا
لا تلومن الا فريد ومدني والكم منبطح....
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
الحبيب عبدالمنعم
التحايا و التقدير
..
والله الناس مندهشة
من هذا الذى يجرى فى اديس !!!
معقولة ....
مطلب الشعب و من يحاول او يتكلم باسمهم واحد ... و الله واحد
اسقاط الفهم الذى ادار به الجبهة الاسلامية السودان
و قد كان
و قحت انبرت و تقدمت الصفوف
و فاوضت من سموا انفسهم المجلس العسكرى الانتقالى شركاء التنحية ..
و حدث ما حدث و كانوا قاب قوسين لتوقيع اتفاق برغم شروخه اتفق حوله معظم الشعب
.. ثم ظهرت اديس
.... و تتناقل الاقاويل مالا يسر
و ما يجعل بعض المحبطين ينادى بالعسكر لتكوين حكومة تكنوقراط
..معقولة اشقاء و مفروض احبة و هدفهم واحد يتفاوضوا مدة اكتر مما تفاوض العسكر و قحت
زمااان قالو لا تامن جانب الاحزاب السودانية تالدها و تليدها و جديدها
....هل يعرفون ان هناك موجعون و مفجوعون ,, شهداء .. اغتصاب مفقودون ...؟؟
ينتظرون دولة القانون و العدل ..
تبا لهم ثم تبا لهم
..
مودتى و تقديرى
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: محمد بدرالدين)
|
سلام أخ عبد المنعم
ماعدا عبد الواحد محمد نور
الذي له قواعد وجماهير علي الأرض
الحركة الشعبية ضعفت ..الحلو لهو بعض البؤر في الجبال...
أما مناوي فهو مبارك الفاضل بتاع الجبهة الثورية وجبريل أقل قامة من أخوه وتتنازع حركته
الولاءات القديمة والمحاور الإقليمية -
ليس لهم جماهيري وشعبي خارج الوجود المسلح المحدود !
وأخشي أن يتحولوا للوردات حرب - وسعاة مكاسب ومغانم خارج القضايا العادلة لأهلنا في غرب
السودان..
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: ود محجوب)
|
ود محجوب
سلامات يا اخوي
انت يا محجوب مسؤول من الخير
مش مفروض ناس قحت يكونوا بتفاوضوا مع (المعجا)
اختصار لي المجلس العسكري الجنجاويدي
شنو سابوا البلد للمعجا وكتائب الظل والكيزان
وركلسوا في الزهراء المتفتحة دي
وضربوا الاكل النضيف والشراب النضيف
ونسوا اهلنا بغادي القريشات البنرسلا ليهم من برة
ماشة ناقصة والسلعة ماشة زايدة
معقولا بس
.......
لم تسقط بعد
وبالطريقة شايف دم الشهيد حا يروح شمار في نيل
اخخخخخخخ من كدة
شكرا ود محجوب
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: كمال عباس)
|
استاذ كمال عباس
كيفك يا صديقي
جنرالات الحرب ديل الخمسة في عين العدو
ما عندهم ولا جندي نفر يقاتل لقضية داخل السودان
يُقال ان لمناوي عساكر مرتزقة تحت الطلب يقاتلون في ليبيا
لصالح حفتر
وجبريل قد يكون لديه عدد محدود من المرتزقة وقد لا يكون
والاخ التوم هجو وعرمان وعقار ليس لديهم جنود برضو على الارض
الناس دي عايشة على الذكريات
وقالوا التنظيم والترتيب والتمويل من عرمان والهدف وظائف سيادية
وقيادية للاصدقاء ديل
امر مضحك فعلا
اكتر حاجة ما مفهومة ليش حقت مصرة على الفوضى دي
لم يستشهد اولادنا وكنداكاتنا لياتي يحكمنا مناوي
في حاجة غلط
شكرا استاذ
كمال
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: محمد بدرالدين)
|
العزيز محمد بدر الدين
شكرا لمرورك العطير
ولقول الحق الذي هو لسان الشعب والشارع الان
قبل فترة بسيطة اجتمع حميدتي بمني ماركوني والتوم هجو وبعضا من ناس
حركة العدل الجناح العسكري للمؤتمر الشعبي
في انجمينا وبعدها طلع التلاتة ديل ونزلوا تقليل من قيمة قحت
المفروض هم اعضاء فيها....
والله ما مترقعين كشعب من الوهم ديل غير كدة
لكن السؤال لماذا تعطيهم قحت كل هذا الزمن وكل هذه المساحة
والبلد على حافة التفكك والانهيار
حاجة غريبة
ابحث عن السادق المهدي وتابعه الدقير
وعن نداء السودان
وعن الهبوط الناعم
دا اكبر خزلان للثورة وللثوار وللشهداء وللجرحى وللمفقودين
اذا استمر الوضع اكتر من كدا
ستضيع شعبية تجمع المهنيين
ويكون على الثورة السلام
........
تحياتي
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
سلامات يا منعم
ليت قحت استثمرت هذا الجهد مع الحلو وعبدالواحد
الإبتزاز الذي يتم لقحت من أمراء الحرب في أديس قبيح
ولا يشبه الثورة، في هرجلة شديدة
محمد سيد أحمد يتواصل مع الوسيط الأفريقي لباد كأنه صاحبه
وعامل فيها سيد الثورة.. جبريل ومناوي وهجو كل واحد تلتخ بيه التاني
قصة عجيبة
قم يا تجمع المهنيين واحسم لنا هذه الفوضى
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالعظيم عثمان)
|
سمعة حبيبنا الغالي
ليك وحشات
عارف يا سمعة ظل الشعب
طوال سبعة شهور ينام ويصحو على ايقاعات الثورة
تلك التي قادها باقتدار وحكمة
تجمع المهنيين السودانيين
نعم هنالك اخطاء جسيمة تمت ربما تمت بحسن نية
وربما فرحة انهيار راس النظام
كان ينبغي ان يستمر المد الثوري مع انتهاء اينعوف
بذات الوهج ليسقط البرهان تالت
وتاتي قيادة من الجيش تتناغم مع تطلعات الثورة ومطالب ابثوار
ولكن تم اجهاض هذا
بواسطة الدقييير وابراهيم الشيخ وناس نداء السودان
واستمرت اللولوة ليوم الليلة
اقترح على تجمع المهنيين ان يتبرأ من اي اتفاق سياسي
مع حقت
والعاوز يواصل من حقت يواصل التفاوض
وعلى تجمع المهنيين الاعداد لاسقاط المعجا
من او جديد
كل الشعب سيكون معه
هذا
او الطوفان
........
شكرا سمعة
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
الزول الفيهو امل الوحيد من جنرالات الحرب ديل
الجنرالات بدون ذخيرة ولا جنود
جنرالات بما كان زمان
قبيل الهزيمة
بعد الارتزاق؛
يا للهوان....
المهم الامل الوحيد في ياسر عرمان
عليه
ان ينسى الماضي واحلامو
ويغود مغردا داخل الوطن
يعمل منظومتو السياسية
وينتظر الشعب بعد تلاتة سنين
الرجل ما زال شبابا مقارنة بالعود السادق المهدي
والكلام برضو موجه لابراهيم الشيخ وللدقييير
ينتظروا الشعب في الكريبة تُقرا الانتخابات
.......
وعلى تجمع المهنيين ان ينفض ايدو الليلة قبل بكرة منهم كل
بجازم
ويرجع لقواته ويسقط المعجا
والحل في البل
ما يحصل الان مضيعة للوكت وللثورة وللمطالب
.....
هذا او الطوفان
عشان بعدين ما تقولوا ما كلمتكم
ودا راي الشعب كلو
وما انا الا غزية
تُقرا السودان
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
Quote:
جنرالات الحرب ديل الخمسة في عين العدو
ما عندهم ولا جندي نفر يقاتل لقضية داخل السودان
يُقال ان لمناوي عساكر مرتزقة تحت الطلب يقاتلون في ليبيا
لصالح حفتر
وجبريل قد يكون لديه عدد محدود من المرتزقة وقد لا يكون
والاخ التوم هجو وعرمان وعقار ليس لديهم جنود برضو على الارض
الناس دي عايشة على الذكريات
|
حبينا الجميل منعم
أرفع رجلك شوية من الأبنص
ضرورات المرحلة تتطلب ذلك
مازلنا نقف على أرضية هشة يمكن أن تنهار بنا جميعاً
الكيزان يتربصون بنا من كل الإنجاهات وإختلافنا يقويهم ويرفع معنوياتهم
يجب أن نقبل الجميع على علاتهم على الأقل في هذه المرحلة
ولما نقف على أرضية صلبة حينها لكل مقام مقال
| |
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
والله كفيت ووفيت يا عبدالمنعم والله تشخيص سليم 100%
الناس ديل قلنا امسكو درب الحركة الشعبية عديل وبرنامجا من 2005-2010 قعدو يلفو ويدورو وحتة تكتمل الصورة
ق ج ت دي
تجمع المهنيين جسم مجهول يختفي حلفه المتحولين سياسيا وبعض بلاعيط الشعبي كمان
قوى الاجماع الوطني ديل جماعة مايو 1969 الشيوعيين والبعثين والناصريين ولم يجمع عليهم احد اطلاقا
نداء السودان ده بوتيك الصادق المهدي لاشباع نرجسته الفريدة ولم يعد الصادق المهدي يمثل المهدية ولا الانصار ولا حزب الامة العظيم نسخة السيد عبدالرجمن المهدي
وبي كده رجعنا لي الوعد الحق والفجر الكاذب من جديد
ناس انقلاب مايو 1969 × انقلاب 1989
واعادة تدوير الدولة المركزية بالمحاصصة لا رؤية ولا برنامج واضح
ومن شعار ق ح ت وعلم مايو بتعرف حدود وعي الناس ديل مثلث الحمدي وعالم العرب التعيس ويتسكعو كلهم بين قطر والامارات قطبا الرحا الدمرت المنطقة
الثورة دي دايرة ليها ثورة تاني
نزحنا من العرب وادواتهم الرخيصة في السودان وترجع الجنوب وسودان يناير 1956
والله يستر ما تصحى الكديسة دي تسوط الدنيا قبل نمسك الناس ديل الدرب
https://up.top4top.net/
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: adil amin)
|
ونسوا اهلنا بغادي القريشات البنرسلا ليهم من برة
ماشة ناقصة والسلعة ماشة زايدة
معقولا بس
==========
حبيبنا عبدالمنعم .. لقد لمست الحقيقة مباشرة
وهذا اكثر ما يهم الناس ..
كما ذكرت اصبحنا نرسل مصاريف اضافية أكثر من 50% عن السابق
حتى الاقربين من كانوا يعتمدون على انفسهم بدأوا العودة للبيت الكبير
بلا حركات .. الشعب خلف الثورة .. تكوين حكومة بصورة عاجلة
ورئيس الوزراء يقوم بزيارات إلى الدول الغربية .. وهذا يكون الاعتراف
الكامل لا أحد بعد ذلك يستطيع الكلام ولا المجلس العسكري ولا غيره
كده على باريس لندن برلين الامم المتحدة واشنطون ..
أكبر خطأ إذا الثوار وجدوا هؤلاء القوم في مناصب حكومية .. هو الاحباط
فقط الحوار مع عبدالواحد وحلو ..
أين شباب التجمع ..
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: علي عبدالوهاب عثمان)
|
استادنا علي عبدالوهاب عثمان
مسكاقناا
كيفك حبيبنا لعلك بالف خير وصحة وسلام
.......
المواطن العادي القدم تضحيات وصلت الدم رالنفس الغالية
ممكن يصبر تاني لحدت ما تستقر امر الحكومة والتغيير
وهو عارف المشكلة كبيرة
منكن يصبر على قحت
اما ما يحصل في اديس من فوضى لا تمثلنا كشعب
ولا تعبر عنا كثوار
وانما مفاوضات عبثية لا طائل وراءها
مع خمسة جنرالات حرب واصدقاءه
جاءوا من فرنسا ومن بريطانيا ومن امريكا ويوغندا
ومن مهاجرهم المرهفة
جاءو لاقتسام سلطة ثورة ما كان لهم فيها يد
بل ان كلامم كان سلبيا عنها
استثناء عرمان من الكلام السلبي
.........
شكرا استاذنا علي عبدالوهاب عثمان
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: adil amin)
|
مرحبتين يا عادل امين
احترم رؤيتك حول قحت ولكني اختلف معها
تجمع المهنيين ليس تجمع لمجاهيل فقد ظهرت
معظم قياداته وهو اصلا تجمع نقابي
ولا يضم واحدا من الشعبي
وهو من قاد الثورة بانتظام وبراعة حتى سقط البشير
ولكن ناس نداء السودان بخبثهم المعهود التفوا حول الثورة
واجهضوها باكرا بقيادة الصيد السادق وتابعه الدقيير
ومعاهم ابرها الشيخ
قوى الاجماع الوطني ديل مواقفهم واضحة وصريحة
وحتى الان مع الشعب في خط الدفاع عن الثورة
الفكرة ان تتم تجاوز كل الاتفاقات الزيف مع المعجا ومع ق ح ت
ويتجه تجمع المهنيين بكلياته ومعاه كل الشعب وكل الشارع
لانجار متطلبات الثورة ومطالب الثوار
شكرا عادل
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
سلام عبد المنعم
| Quote: انه التفاوض الخطا مع الجهة الخطا |
تعرف ناس الجبهة الثورية افتكر عددهم لا يتعدي المستهبلين الجايين للتفاوض
جبريل ما عنده أي قوة غير شوية مرتزقة مع الوفاق في ليبيا
مناوي جماعتو ما ما بيملوا تاتشر صابنها مع حفتر
تجمع المهنيين مفروض يوقف المهزلة دي لأنو الشارع ما حيرحم
والجيل الطالع ده اوعى من كل المتفاوضين، ومفروض تكون في مليونية
لايقاف التفاوض مع مثل هكذا أوباش
بلا حركات مسلحة بلا جبهة ثورية بلا قرف
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: ترهاقا)
|
والله احزاب الوهم و التوهم و من سمت نفسها حركات مسلحة
اذا لم يغيروا مفاهيمهم البالية
سندور ف فلك الوهم .. و الدائرة الجهنمية القاتلة
احزاب ... انقلابات ...
و هكذا يضيع عمر السودانى و من استطاع الهجرة يقفز لاعمار دول اخرى منحتهم الامن و الماكل و المشرب و التعليم و الصحة ..
.. تبا لكم ثم تبا لكم و دوما لكم العار و التخزيل
الوطن ينزف .. شهيد روحه ينتظر القصاص .. ام مفجوعة .. اخ مقهور .. اخت مغتصبة
و مازالو فى كيف و من و سوف الخ
كل يوم يمر .. بل كل ساعة و ثانية الله سائلهم عنها .. و هناك من لا يجد ما يسد رمقه او يجد دواءا لطفل يتالم
تبا لهم
اكتر من 10 ايام تفاوض !! ... فى ماذا ؟
....
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: ترهاقا)
|
ترهاقااااا
نمستي
والله ما قتا الا الحق
تصدر الجبهة الثورية دي باي حسابات انتهت من زمان
وزي ما قتا ياهم المستهبلين البفاوضوا ديل
عموما لا اعتقد ان كل الزمن دا مع الوهمات ديل
امكن في حاجة تحت تحت بتم
وشايف في الخرطوم في بل شديد
يارب في بعض والنار حدها الركبة
ونحن فراجا
ديل المعجا ديل كتلونا واغتصبونا وذلونا
عاوزين نشوف فيهم يوم
كل العساكر الفي الجيش الكباراعتقلوهم
باقي كبش والعطا والبرهان
ومعاهم الجنجويدي الخلوي حميدتي
ناس الجبه الثورية ديل موضوعم بسيط
ربع عضو مجلس سيادة ما يدقوا فيه حرف
خليهم يمشوا يحاربوا الخمسة الكرام
شكرا ترهاقا
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: adil amin)
|
قحت يا عادل امين ....
تعاملت مع الواقع على الارض؛
ومن هنا رسمت شعارها....
وجداننا كسودانيين رافضين لاي قرار اتخذه الاخوان المسلمون
منذ ١٩٨٩
عليه نجاح الثورة مرتبط بوجدان الشعب
وجدان الشعب مع عودة كل الوطن
لحضن الوطن؛
جوباااااااا
كسوداني لن اقبل ان تكون جوبا الساحرة خارج وطني الحبيب
وان يكون الرفيق احيبا اوكي اجيبا يدخل الخرطوم بجواز سفر
اجيبا سوداني مكتمل السودانوية وغيره كل اهلنا في جنوب الوطن
.....
واو
ومن مريدي السمحة لمحة؛
......
الثورة مستمرة
و
سننتصر نحن الشعب
شكرا عادل
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
الثورة الحقيقية تزحنا من العرب والوعي العروبي وترجع دولة الجنوب بالحريات الاربعة اذا كانت تتحرك وفق العمق الحضاري للسودان
عرفنا الخرطة...علم مايو1969 ده لازمتو شنو ؟؟؟
مش برضه تدليس
علم الاستقلال جابتو قوى ديمقراطية سودانية1956 وعلم مايو1969 ده يخص بابكر عوض الله والشيوعيين والبعثيين والناصريين =بالله ديل يرجعو ليكم العبيد كيف ؟؟النظرة الدونية للجنوبيين مصدرها هذه الايدولجيات غير الديمقراطية
والله يا عبدالمنعم القصة الداخلة فيها الامارات وقطر من وراء حجاب دي بتودينا لي نفس النتائح في اليمن وسوريا وليبيا
الثورة لا حامل فكري ولا رؤية واضحة واهو انت شايف براك
ناس الجبهة الثورية في نداء السودان بي جيهة وهسة في اديس بي جهة ثانية
انا ما عارف يخيل لي كاني بقرا في نسخة سودانية سمجة لرواية انيمال فارم وكل يوم يظهر بؤس الوعي الذى يكمن خلف هذا الحراك
والله يكضب الشينة
هسة الانقلابات الكثيرة اثبتا انو الجيش والامن اسوا من الجنجويد وغير متجانس وموبوؤ بالاخوان المسلمين
حقو كل ابناء الشعب السوداني والقبائل يدخلو في المؤسسات دي كلها وفقا لقانون الجنسية بتاع 1957 بدل نقعد نولول كده في كل الاقليم ينقدم الناس للدعم السريع والجيش والامن كامر واقع ذى ما قلت انت ايضا الشعار امر واقع
عشان يكون جيش وامن وطني ليس له علاقة بالاخوان المسلمين علة العلل في السودان والعالم زي ما قال عمنا الكوباني
الكوز الكويس بس الكوز المربوط في الزير والكوز الميت
مشكلة السودان الان هي الاخوان المسلمين وارتبطاتهتم الاقليمية والدولية
والعودة للديمقراطية العمبقة تتطلب الاعتراف بي علم الاستقلال وجيل الاستقلال 1938-1956 مش عبدالناصر وصدام حسين كما ينعق ساطع الحاج والسنهوري
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: adil amin)
|
والله يا عادل كلامك زي الورد
ومكتوبك محترم نتفق ان الثورة السودانية
العظيمة عندنا هبت كانت سودانية وسودانوية محضة
ثورة شباب متعلم
ومرتبط ببلده وشعبه
وعاوز هذا الشباب يعيش في بلده
كله بحرية وبسلام وبعدالة
الثورة كانت ماشة كويس
دخل علينا نداء السودان والسادق المهدي والدقير
وابرها الشيخ
فاجهضوها باكرا
ومواصلين للحين
مواصلين فكرة الاجهاض
ما يدور في اديس لا علاقة له بالشباب الثائر في عطبرة ونيالا والقضارف وبورسودان
والابيض والخرطوم
ثورة يقوم بها الثوار ويطاها نداء السودان
اخخخخخخ
الحل في البل
سلام عادل امين
| |
|
|
|
|
|
|
|
|
|
Re: الجبهة الثورية...لاعمد...لا اطيان!!!! (Re: عبدالمنعم الطيب حسن)
|
Quote: ثورة يقوم بها الثوار ويطاها نداء السودان
اخخخخخخ
الحل في البل
سلام عادل امين |
والله يا عبدالمنعم مع احترامي لوجهة نظرك
انا الثورة البعرفا واحترما كانت قيامة الساحة الخضراء2005 ورؤية الحركة الشعبية ودستور 2005 والمحكمة الدستورية وانتخابات 2010 وافشتلها النخبة السودانية الفي ق ح ت دي والنظام ايضا
وقفت في محلها والناس ديل رايح لهيم درب ذى ما قال منصور خالد
من تلقي الامارت وقطر حايمة طوالي تذكر مصير اليمن سوريا وليبيا \
ولي انشتاين ده بليد
https://up.top4top.net/
الثورة الحقيقية تزحنا من العرب وترجع جنوب السودان وده ما بتم يالامر الماشي ده بي الالتزام بالاتفاقيات الموقعة الدولية اتفاقية السلام الشامل طال ما النظام نفس النظام ..
وعندي خارطة طريق من من ستة نقاط حايمة في لاسافير ولا الزم بها احد والعاقبة للمتقين
في ظل العروبيين والمركز ده لافي ثورة ولا هم يحزنون
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالمنعم الطيب حسن
محمد بدرالدين
كمال عباس
ود محجوب
عبدالعظيم عثمان
محمد علي البصير
adil amin
علي عبدالوهاب عثمان
ترهاقا
فيس بوك
تويتر
انستقرام
يوتيوب
بنتيريست