|
|
 Re: أيهما اكثر وحشية ؟ كتائب ظل الإسلاميين ام (Re: النصرى أمين)
|
سلام أخ النصري.
أبدا الإغتصاب ما كان ثقافة عامة زمان وإلا كنا عرفناها .
في الإقليمين دارفور وكردفان عندهم مقولة (المرة ما عندها عدو).
فالنساء كانن بيقطعوا مسافات طويلة للأسواق براهن وبيرعوا وبيزرعوا والرجال يسرحوا مع الإبل ويخلوهم مع العيال ومافي زول بيهبشهم.
الدخل سياسة الاغتصاب هم مليشيات الدفاع الشعبي وكذلك الجيش للأسف.
نفس السياسة العملوها في الجنوب.
والهدف كان عنصري وهمي بهدف تغيير سلالات القبائل الأفريقية.
وكذلك ديني ..قصة (السبايا)..
فحتى نحنا في المدن كانوا بيتعاملوا معانا كسبايا لذلك إنتشر التحرش الجنسي في دور العلم والعمل.
في مصر قابلت جنوبيات كتار في عدة فعاليات بيقولن إنه أبهاتهم مندكرو ..
وقالوا الجيش والدفاع الشعبي لما يدخل قرية بيستبيح نساءها.
وفي المدن بيختشوا شوية ..فكانوا الضباط بيختاروا بنات المدارس السمحات ويعملوهم صحبات بالغصب ..مقابل يدوا أهلهم مواد تموينية .
الكيزان ديل هم الخربوا النسق المجتمعي في دارفور ..وكذلك في كل الوطن.
الثورة دي بدت تعيد لينا بعض قيمنا الحميدة ..وكذلك بدأت تزيل بعض عاداتنا السالبة تدريجيا.
تحياتي.
|
|
  
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
AMNA MUKHTAR
فيس بوك
تويتر
انستقرام
يوتيوب
بنتيريست