إسماعيل انت زول متحيز وما دقيق في نقل المعلومة اول حاجة الزيارة كانت من تجمع المهنيين وليس الحرية والتغيير والحاجة الثانية الوفد طلب من السعودية دعم خيارات الشعب السوداني في قيام سلطة مدنية إنتقالية
وزار الوفد أيضا السفارة البريطانية في تصريح صحفي رسمي من تجمع المهنيين بالكلام دا
ما تخم الناس بي كلام خطأ وقاطعه من راسك
05-26-2019, 09:50 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
حول لقاءات لجنة العلاقات الخارجية لتجمع المهنيين مع سعادة السفير البريطاني وسفير خادم الحرمين الشريفين
التقى يوم أمس السبت وفد من لجنة العلاقات الخارجية لتجمع المهنيين السودانيين بسعادة السفير البريطاني بمنزله بالخرطوم. ناقش اللقاء الأوضاع في السودان والدور الذي يمكن أن تلعبه بريطانيا ودول الترويكا والاتحاد الأوربي في دعم الاستقرار في السودان. كما أمن سعادة سفير المملكة المتحدة على الانتقال السلمي لسلطة مدنية ودعمهم لهذا الإتجاه ووقوفهم مع مطالب وتطلعات الشعب السوداني. من ناحية أخرى التقت لجنة العلاقات الخارجية ظهر اليوم وبطلب منها في لقاء أولي، بسعادة سفير خادم الحرمين الشريفين لدى السودان وذلك في سفارة المملكة بالخرطوم. طالب وفد التجمع سفير المملكة بدعم خيارات الشعب السوداني في إقامة سلطة مدنية انتقالية، كما تطرق النقاش للعلاقات بين السودان والمملكة العربية والسعودية في المستقبل وأكد الطرفان على ضرورة أن يستمر التعاون بين البلدين خصوصاً وأن العلاقات بين الشعبين الشقيقين علاقات أزلية وتاريخية.
وتأتي هذه اللقاءات في إطار جهود التجمع لعكس رؤيته حول المرحلة المقبلة من تاريخ السودان لكافة الأطراف الدولية والإقليمية .
لجنة العلاقات الخارجية تجمع المهنيين السودانيين ٢٦ مايو ٢٠١٩
#اضراب28مايو #اضراب29مايو #اعتصام_القياده_العامه
05-26-2019, 09:51 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
اللهم لا تمتحنا. لا تىلينا.. الشئ شنو المجلس العسكرى يتحاوم بهناك. التجمع يتحاوم ىهنا. حوامة البشير علقت معاهم و شايفها بقت عرف و تقليد و سنة.. نباتات طفيلية لا تنبت إلا على فروع الشجر.. وبعدين عرفنا المجلس ورث حوامة الخليج دى من البشير و لكن هل فوض الثوار ناس التجمع المهنى عشان يعملوا اتصالات خارجية؟ و ما هو نوع الدعم الذى طلبه التجمع من الحكومة السعودية؟
05-26-2019, 10:16 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
هل لا يزال البعض يبايع ويبصم ويهتف :تجمع المهنيين يمثلني ؟!!
يا تجمع المهنيين كتر خيرك ياخ..بعد دا أنزل من ضهر ثورة الشعب . سلمناها ليك على بياض لأنه سواقتك كانت حلوة ..في البداية لكن الخلعة الدخلتك إنت وقوى المحركة والتحيير بتنحي البشير ..خلت سواقتكم خمجانة ودخلكتم في الطين والأوحال..
فمافي داعي للشوبار بعد دا..فالبيعرف يسوق عربية ما شرط بيعرف كمان يسوق طيارة . ثم.. مش كفاية كتلتو حسنين بالمغصة ..وتسببتم في قتل شهداء المتاريس ؟!! بتنوموا كيف إنتو ؟
ثم ثانيا أوعوا تمنعوا الناس من حاجة وتحللوها لنفسكم .. ماشين جايين للقصر ..والبيمشي القصر غيركم تخونوه .. ماشين جايين للسفارات والبيمشي غيركم تخونوه .. ماشين جايين للأمارات والبيمشي غيركم تخونوه ..
شوية مبدئية واتساق ما بتضر يا ضهب إنتو .
05-26-2019, 10:20 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
بعدين يا سمعة الأسبوع الفات التجمع نور أعضاء البعثات الدبلوماسية لاتحاد الأوربي يعني دا عمل روتيني للجنة العلاقات الخارجية لتجمع المهنيين ما حاجة جديدة
05-26-2019, 10:31 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
مفهوم جدا أن الكيزان وفلول الكيزان شغالين يتربصوا باي شئ يخص الثورة وقيادة هذه الثورة فهونوا عليكم الشعب السوداني حسم خياراته وملتف حول قيادة ثورته ولن تستطيعوا أن تنالوا منه بهذه التأويلات العجيبة الشعب اليوم أكثر وعيا وأكثر حرية في تحديد خياراته لن يستطيع جداد الكيزان وفلول الكيزان ان يلعبوا عليه
شوفوا ليكم شغلة ساي
05-26-2019, 10:35 PM
حامد عبدالله حامد عبدالله
تاريخ التسجيل: 04-12-2014
مجموع المشاركات: 1326
الكيزان والفلول عرفناهم إنتي يا آمنة منفوخة مالك؟ الثورة دي عندها قيادة والمعارض تتحضر لهذا الدور منذ توقيع وثيقة البديل الديمقراطي وقبل ذلك اي زول ما قدر يركب يجي المنبر يتنفخ ويطرشق واي زول عاوز ينظر وعامل فيها زعيم دي قصة عجيبة الثوار عارفين يختوا ثقتهم في منو
05-27-2019, 02:57 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: والمعارض تتحضر لهذا الدور منذ توقيع وثيقة البديل الديمقراطي وقبل ذلك اي زول ما قدر يركب يجي المنبر يتنفخ ويطرشق واي زول عاوز ينظر وعامل فيها زعيم دي قصة عجيبة الثوار عارفين يختوا ثقتهم في منو
والمعارضة والثوار إنتو بس ؟!! والله دي قصة عجيبة..دي مكنتك يعني يا عبد العظيم لسرقة وإحتكار (ثورة المدن) إنت وكياناتك بتاعة المحاور ؟!! قبلما نطلع من حكم وإحتكار الكيزان للبلد ..يظهروا لينا كيانات تانية عايزة تحتكر التغيير والثورة العملنا عليها كلنا منذ ثلاثة عقود .
وكمان عايزين يحجروا علينا الكلام ونحنا شايفين مصائر ثورتنا مهددة قدر شنو بجهلهم وخلافاتهم وأطماعهم. الكلام والفعل الما قدروا الكيزان طوال ثلاثة عقود يحجرونا ليهو ..
هسه دي مكنتك العايز تحتكر بيها الثورة لكيانات محددة ؟ وثيقة البديل الديمقراطي الهزيلة بتاعة نخب المركز المافيها سيرة للشرق كأنه ما موجود والإنتقدناها في البورد دا في تاريخها وصغنا في نفس الوقت وثيقة التغيير الأمتن وأشمل وأنضج منها؟ وللا إنتو بس المن حقكم تكونوا معارضة وعندكم وثائق؟!!
طيب ممكن أنا برضه أقول ليك الثورة دي نحنا بنتحضر ليها مما رفعت كياناتنا السلاح ، ومن يوم المذكرة الكتبوها أهلنا وماتوا بسببها في بورتسودان. ناهيك عن من فجر الثورة الأخيرة دي الهسه إستلمتوها وما عايزننا نقول بغم كأنها حقتكم براكم !!
بعدين هل دا فهمك للثورة إنه زول يركب وزول ينزل ؟ يا زول إنت كنت جبهة إسلامية وللا شنو .. ذكرتني سفينة الإنقاذ سارت والعايز يركب وينزل والأدبيات دي .. لا وكمان أخير الإنقاذ ..أي زول كان عايز يركب ممكن يركب .. لكن إنتو الركوب عندكم الظاهر عنده شروط معينة ..عدم نقد الوثيقة ..وإنك تكون قابل للإنقياد الأعمى والمبايعة بتاعة الكيزان ..ويمثلني وبطيخ. وإنك ما تكون زول نقناق ..ومطيع طاعة عمياء وتبصم بس على أي تصرفات غير مفهومة ..
بصراحة شكوكي حول الكيان دا من البداية إتضح إنها كلها صحيحة وربنا يستر. وأنا واحدة من الناس لم أبايع بعد محمد رجلا ..ناهيك عن مبابعة حاجة ما مفهومة . وأي بيان طلع من الكيانات الأنا عضوة فيها ما شرط أكون موافقة عليهو شخصيا . وبالمناسبة كيانين من الكيانات الموجودة على موقع تجمع المهنيين أنا عضوة فبهم ..وواحد من الكيانات دي قدم شهداء أكتر بكثييير من شهداء الثورة دي.فاهم؟
وطبعا ما محتاجة أذكرك إني مواطنة سودانية زيي زيك ومن حقي أنظر زي ما عايزة يا دكتاتور يا كوز يا جدادة محاور . وبلاش إستعباط معاك ... الشعب دا ما ثار علشان تجمع المهنيين ولا علشان قوى المحركة والتحيير.. أسأل أي شافع وللا شافعة من الثوار الطلعوا في بورسودان وللا الدمازين وللا الفاشر وللا عطبرة وللا القضارف لو كانوا طلعوا علشان كيان محدد
وكلنا عارفين إنه الثوار البيقولوا تجمع المهنيين يمثلني معظمهم قالوا كدا قبل إنضمام كياناتك البتقولها للتجمع وكتير من الثوار يرون أن هذه القوى معيقة أصلا ..وكانت سببا في إحجام الشارع عن المخاطرة بالإنتفاض ..وكانوا خايفين من ديل بكونوا البديل .. والكيزان كانوا بيستثمروا في الحتة دي .
دا تنويه للناس الفقدوا الذاكرة مؤخرا.
وبالمناسبة الرد الطويل دا ما بتستاهلوا مني...ولا سيد البوست دا ولا واحد من الإمعات المروا بالبوست دا. كلكم نكرات وشخصيات باهتة من كومبارس البورد دا . لكن بكتبه كوثيقة تاريخية. وحا أكبشره وأحتفظ بيهو ليوم ما.. فمداخلاتي محسوبة في البورد دا..وبكتبها لغرض. يا وهم.
05-27-2019, 03:14 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
وانتي قايلة بتستاهلي الرد ما برضو بنكتب وبنرد علي الزيك عشان القارئ إنت لو بتعرفي سياسة بي تعريفة كان عرفتي أهمية تماسك قيادة الثورة وتجمع المهنيين الماعاجبك دا هو رمانة ميزان الثورة وهو ذاته كان جبهة الهيئات في 64 وكان التجمع النقابي في 85 ودي كتلة نقابية مهمة تتكسر عندها إختلافات السياسين لكن وعشان تفهمي أهميته رغم التحفظ عليه في بعض تكتيكاته ولكن تبقي المحافظة عليه من المحافظة علي الثورة تخيلي بكرة صبحنا وما لقينا تجمع المهنيين الماعاجبك دا وريني الثورة حتمشي كيف يا موهومة انتي مفروض تشوفي ليك شغلة تانية غير السياسة ما ياهو إنتي واحد من 2 ياانتي زولة ماشة ساي وما تعرفي تقري سياسة وهنا علينا نتحمل جهالتك وسوء تقديرك بقدر قدرتنا علي تحمل جهلك او عندك حسابات خاصة ودافنة ليك غباين سياسية وهنا برضه تأخذي علي راسك وتشيلي كوم غبينتك وتمشي بعيد تخلص الثورة وتتنقل السلطة للمدنيين وتعالي صفي حساباتك مع من تشائين ما شغلتنا الكلام دا ينطبق علي كل صاحب غبينة سياسية
إن شاء الله تكون وقعت ليك
موهومة
05-27-2019, 03:24 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
وثم. أحلف إنه الشباب الثائر دا بيعرف ليك الكيانات المن العصر النايلوثي دي 😹😸
وبالمناسبة ، ما كلموك إنه الأحلى من الثورة ..هو الإستمرار في الثورة؟! يسعدني أكون في موقع المعارضة برضه..لأي نظام قادم لا يلبي رغباتي في وطن أستاهله ويستاهلني.
05-27-2019, 03:33 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
اولا أعتذر عن الأسلوب في آخر مداخلة ولن أعود اليه حتي لو عدتي المهم في الموضوع الثورة دي الناس كانوا شغالين ليها سنوات طويلة وهي مؤكد عمل تراكمي طويل واي زول معارض صادق مؤكد بكون خت فيها طوبة وانا شخصيا بفتكر واحد من مكاسب الثورة دي تقدم جسم نقابي زي تجمع المهنيين لقيادة الثورة الذي يجعلني مطمئن انا شخصيا بعرف منهم شباب إشتغلنا معارضة ونحنا طلبة واثق فيهم جدا وفي وطنيتهم ولن يساوموا في قضية التغيير أتمني أن يستمر هذا التجمع بعيدا عن السلطة خلال الفترة القادمة وبعد نهاية الفترة الإنتقالية، لأنه البناء يحتاج الي مؤسسات راسخة وأتمني ان يتحول الي منظومة نقابية فاعلة ويبني لنا نقابات حقيقية ويتحول الي جسم حارس للدولة المدنية والديمقراطية زي إتحاد الشغل في تونس.. ما محتاجين لي أحزاب ولكننا في حاجة الي جسم نقابي يعبر عن السياسين وغير السياسين الحزبين وغير الحزبين عاوزين العملية السياسية الكحيانة دي تتغير
بالفعل خطوة ذكية جداً ونحن في وقت نحتاج فيه لمبادرات وليس الكسل والتعامل بردة الفعل لابد أن تلتقي لجنة الإتصال الخارجي بكل السفراء متمثلة بالأهم فالمهم لشرح رؤية الثوار لهم وتطمينهم بأن ليس للثورة أي موقف عدائي مبدئي مع أياً منهم وتذكرهم أن من يعول على حميدتي والبرهان يعول على الحصان الخاسر أما من يقول لماذا ذهبوا له أقول له وهل يعقل أن يجتمعوا معه والدنيا رمضان في ساحة الإعتصام والحرارة 41 أم أنهم يملكون مفاتيح قاعات وزارة الخارجية من يعادون ويتربصون بتجمع المهنيين أهدافهم شتى من تراجي وحتى ضياء الدين البلال لكنهم يقفون في الضفة المعادية للتاريخ كما أدرك ذوالنون ذلك
05-27-2019, 03:42 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
يا عبدالغني ديل ناس متربصين إذا تجمع المهنيين ما مشي وما قابل البعثات الدبلوماسيةحيجوا ينصبوا نفس المشانق دي ويقولوا دا تجمع تعبان ومابيعرف سياسة وإذا عمل الصاح وقام بتنوير الفاعلين إقليميا ودوليا حيجوا يجقلبوا زي جنس جقلبة البوست دا
05-27-2019, 03:56 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10091
الماجدة آمنة مختار و العزيز عبد العظيم عثمان خلونا نتفق انكم معارضين للنظام البائد و كل اعوانه و مواقفكم مشهودة و رائعة خلونا بدل نشبك في بعض نشوف اننا ممكن نعمل شنو الاختلافات في الرؤى جيدة طالما الهدف واحد فاستهدوا بالله , الله يرضى عليكم الاخت آمنة مختار من القابضات على الجمر و منذ سنين طويلة كنت قد اجريت معها لقاء في العام 2012 لصالح اذاعة كدنتكار من بريطانيا و كانت هي في يوغندا ولولا ايماني بدورها و مواقفها الراسخة لما سعيت لها و هي كانت على قدر الثقة .. لها المجد و بعد هذا اللقاء جرت مياه كثيرة تحت الجسر
05-27-2019, 03:37 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: بعدين يا سمعة الأسبوع الفات التجمع نور أعضاء البعثات الدبلوماسية لاتحاد الأوربي يعني دا عمل روتيني للجنة العلاقات الخارجية لتجمع المهنيين
😹😸 على قول واحد صاحبنا: نفسي أصدق..لكن قمبوري سلفتو لزول ..وما رجعوا لي لسه .
الجماعة ما طلعوا بيان خجول بالزيارة ..إلا بعدما صورهم صبيان قوش بالدس..وهم طالعين يدبو من السفارة. ظاااهر في الصور زول بيصور فيهم من عربية ..وهم طالعين مرتبكين زي الزول العامل عملة.. قفا الزول البيكون عامل عملة ما بيخفى على فراسة البدو 😹 مساكين..طه وقوش الظاهر غشوهم ووعدوهم الزيارة تكون سرية.
05-27-2019, 03:49 AM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
يا آمنة شغل الغلاط البلا فهم دا مرهق جدا ما تخليني امشي افتش ليك بيان لجنة العلاقات الخارجية في تجمع المهنيين بعد لقاء ممثلي البعثات الدبلوماسية للإتحاد الأوربي قبل أيام قبل زيارة سفارة بريطانيا والسعودية وفي جدولة اللجنة دي زيارات تانية وبرضه روتينية ضمن مهام اللجنة دي امشي موقع تجمع المهنيبن حتلقي البيانات موجودة
بالفعل أخي عبدالعظيم لذا سموها لجنة علاقات خارجية من يعتقد أن للتجمع موقف مبدئي معادي للسعودية فهو خاطيء ومحاولات السعودية للتدخل في مجريات الأحداث يجعل من التواصل شيء ملح جداً كعب الإنقياد وإتخاذ قرارات وفق إملاءات لا تخدم إستقلال ومصلحة البلاد لكن قد تنكر العين ضوء الشمس من رمد وتأكد هذه الأصوات المتربصة بالتجمع ستظل تبحث دوماً في المسالب هذا الذي فتح البوست حميدتي بتاعه إستدعوه إستدعاء فسافر لهم خارج البلاد وما رأى كل ذلك لكنه تحول لحمالة الحطب التي وللعجب أن موقفها منت الثورة متماهي جداً مع مواقف الكيزان منها وقبل الثورة كان يسعى للفتنة بين أبناء دارفور وغيرهم
بصراحة تجمع المهنيين ما مفروض يقابلوا ناس السفارة السعودية ، واساسا الحكومة السعودية ما مؤيدة تسليم السلطة للشعب وبتايد تكون السلطة في يد العساكر ،،، ...واقراوا تعليق امنة مختار مرة ثانية يا ناس التجمع ،،تعليق اوسكار خمس نجوم ،،، وانتو من بداية سقوط نظام اللصوص والحرامية بتقولوا دولة الامارات والسعودية بتتدخل في شؤون السودان ،،وكمان بتطالبوا بعودة الجنود السودانيين من اليمن ،،، ..فهليا ترى تغير راي السعودية في الثورة السودانية ام انتم الذين تغيرتوا يا ناس التجمع ،،،
05-27-2019, 07:30 AM
adil amin adil amin
تاريخ التسجيل: 08-01-2002
مجموع المشاركات: 36919
لمن يكون رافعين علم مايو العروبي البائس تاكدو الوعي وقف في سنة 1964 وما قادرين ابدا يكونو في مستوى العصر 2019 ويعرفو الدور الرخيص للخارج كله في تدمير الداخل والله لو مشو الااقليم وعملو مشورة شعبية مع السودانيين كان احسن ليهم الهرولة الي العرب ومصر تعني لا توجد ثورة من الاساس والحتة الفيها الحديدة وبترجع الديمقراطية فعلا ما ديرنها وهي اديس ابابا والاتحاد الافريقي ومنتبر الايقاد والالتزام نصا وروحا بمسار نيفاشا ودستور 2005 الذى وصلنا انتخابات 2010 واجهضاا هؤلاء الفاشلين
Quote: الوعي الجديد :السودان في النفق المظلم ونحن نريد استعادة حضارتنا كما هي الحبشة في شكل الدولة الديمقراطية الفدرالية اشتراكية مكونة فقط من ستة اقاليم ومحروسة بمحكمة دستورية وليس الجنجويد وليس النماذج العربية البائسة والسودان ليس دولة عربية من الاساس وهناك اقليات مشوهة في المركز تشد السودان نحو مصر والامارات والسعوديةوالمحاور العربية المجرمة والمدمرة وكلنا قرانا مذكرات محمد نجيب الله يرحمه كان الوحيد الذى يحترم السودان والسودانيين في ذلك العهد الغيهب وزمن عبدالناصر التعيس الممتد حتي الان في مصر مع الطاغية عبدالفتاح السيسي ..هذا هو النموذج الغبي الذى تلهث خلفه المعارضة الرافعة علم مايو وحزب الامة والمجلس العسكري ..اعادة تدوير المركز والدولة المركزية واللهات المستمر نحو مصر والعرب .
https://up.top4top.net/
مصر والسعودية ولامارات مركب ذو قوة ثلاثة للابادة واصورة تحكي لمخطط الامبريالي الصهيوني الشيطاني القادم في المنطقة اذا ما زحينا من العرب ديل الثورة الحقيقية تزحنا من مصر والعرب وترجع دولة جنوب السودان فقط لا غير ولها طريق واحد فقط دستور2005 واتفاقية نيفاشا ومنبر الايقاد والاتحاد الافريقي دي الحتة البترجع الديمقراطية وما عايزا الكوز والشيوعي والبعثي واناصري والسلفي https://up.top4top.net/
05-27-2019, 07:38 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48736
ما زال تجمع المهنيين يمثلني أكثر من أي وقت مضي وهذه الزيارة قمة الحكمة
كان في مقطع من حوار دار في فيلم العراب أستهلك خالص من قبل الأمريكان بيقول keep you friends close keep your enemies even closer بالعربي أحتفظ بأصدقاءك قريبا لك وأحتفظ بأعدائك أقرب من كدا
نحن ما جزيرة معزولة والناس دييل ناس السعودية ومصر والامارات كان خليناهم في حالمهم ما حيخلونا في حالنا ما حل غير التفاوض معاهم (وبالجد أنا محتار أصنفهم في خانة الأصدقاء ولا الأعداء)
والذي وصلني من إشاعات الخرطوم أن السعودية قد إنزعجت من تحركات السلفيين وبقايا الكيزان وخافت من عودتهم للسلطة ولذلك سعت وتسعي لتقريب وجهات النظر بين قوي الثورة والمجلس العسكري صحيح إنه السعودية لن تسعد بالديمقراطية في السودان ولكنها تعلم أنها ليس هناك من بديل مريح للديمقراطية في السودان ديمقراطية السودان قادمة قادمة ولو كره كل كيزان العالم وديكتاتوريه رفعت الأقلام وجفت الصحف وثانيا إذا خيرت السعودية بين عودة الكيزان للحكم وبين الديمقراطية لإختارت الأخيرة
فيا شباب قليل من بهار علاقات خارجية متوازنة وعاقلة بيسبك حلة الثورة
05-27-2019, 08:27 AM
Osama Mirghani Osama Mirghani
تاريخ التسجيل: 03-17-2003
مجموع المشاركات: 689
Quote: الجماعة ما طلعوا بيان خجول بالزيارة ..إلا بعدما صورهم صبيان قوش بالدس..وهم طالعين يدبو من السفارة. ظاااهر في الصور زول بيصور فيهم من عربية ..وهم طالعين مرتبكين زي الزول العامل عملة.. قفا الزول البيكون عامل عملة ما بيخفى على فراسة البدو 😹 مساكين..طه وقوش الظاهر غشوهم ووعدوهم الزيارة تكون سرية.
Quote: شباب واعي بدل نضيع الزمن مع المحرشين ومسيرين أخير نتفاوض مع اصحاب القرار مباشرة على الاقل نقلل من خسائر الدولة كل يوم طيارة رئاسية مسافرة للتعليمات
على ماذا يتفاوض قادة التجمع مع السعودية؟؟
الواجب هو كشف دور السعودية والإمارات. لا التفاوض معهم.
05-27-2019, 08:14 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48736
Quote: ما زال تجمع المهنيين يمثلني أكثر من أي وقت مضي وهذه الزيارة قمة الحكمة
كان في مقطع من حوار دار في فيلم العراب أستهلك خالص من قبل الأمريكان بيقول keep you friends close keep your enemies even closer بالعربي أحتفظ بأصدقاءك قريبا لك وأحتفظ بأعدائك أقرب من كدا
نحن ما جزيرة معزولة والناس دييل ناس السعودية ومصر والامارات كان خليناهم في حالمهم ما حيخلونا في حالنا ما حل غير التفاوض معاهم (وبالجد أنا محتار أصنفهم في خانة الأصدقاء ولا الأعداء)
والذي وصلني من إشاعات الخرطوم أن السعودية قد إنزعجت من تحركات السلفيين وبقايا الكيزان وخافت من عودتهم للسلطة ولذلك سعت وتسعي لتقريب وجهات النظر بين قوي الثورة والمجلس العسكري صحيح إنه السعودية لن تسعد بالديمقراطية في السودان ولكنها تعلم أنها ليس هناك من بديل مريح للديمقراطية في السودان ديمقراطية السودان قادمة قادمة ولو كره كل كيزان العالم وديكتاتوريه رفعت الأقلام وجفت الصحف وثانيا إذا خيرت السعودية بين عودة الكيزان للحكم وبين الديمقراطية لإختارت الأخيرة
فيا شباب قليل من بهار علاقات خارجية متوازنة وعاقلة بيسبك حلة الثورة
كلامك فيه وجه من الحكمة. إذن المسألة ليست تفاوض بقدر ما هي نصح يحوي تحذير من مغبة الأخذ به.
ياسر
05-27-2019, 08:16 AM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
الاخ اسماعيل ولد عبدالله تحياتي اعتقد عنوان البوست يحتاج اعادة نظر نحن نعيش في عالم انتهت فيه مفردة السيادة بمفهومها التقليدي حيث المصالح والتاثير والثاثر بمحيطك الاقليمي والقاري والعالمي لذا من وجهة نظري الخطوة جاءت متاخرة جدا المحيط الاقليمي كعبه عالي في الثورة واي حديث غير ذلك يدخلنا في دائرة الهتاف لذا التواصل مع هذا المحيط يمثل جزء من حل الازمة وفق عنوان كبير وهو ماذا يريد الشعب السوداني من المحيط في ظل التقاطعات وايضا ماذا يريد المحيط من السودان وهنا تكمن الندية ولكن اعيب تكالب قوي التغير منفردة اتجاة المحيط الاقليمي كم هو جميل ان تاتي قوي التغير مجتمعه لتجلس للمحيط بدلا من الزحف المنفردة كما شاهدنا نداء السودان الخطورة علي الثورة ليس في وجود قواتنا في اليمن فيما يخص محور الخليج لكن الخطورة هي تهافت القوي المناط بها احداث التغير لمحور الخليج بطريقة منفردة تقدم ايحاء لهذا المحيط اننا شعوب مرتزقة بدلا من لقاء المحيط كوحدة واحدة وندعوهم للمساهمة في نهضة السودان عبر الندية والمصالح مازلت اخشي علي الثورة من مراهقة من يمسون انفسهم قيادات الحراك المتمثلة في تنظيماتنا التي لم تنس شيئا ولم تتعلم شيئا
06-11-2019, 08:13 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2811
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسماعيل عبد الله محمد
MOHAMMED ELSHEIKH
ترهاقا
عبدالعظيم عثمان
حامد بدري
Abureesh
AMNA MUKHTAR
حامد عبدالله
Bashasha
Nasser Amin
Mahjob Abdalla
خضر الطيب
adil amin
Yasir Elsharif
Nasr
Osama Mirghani
عبداللطيف حسن علي
فيس بوك
تويتر
انستقرام
يوتيوب
بنتيريست