ما هي خيارات المجلس العسكري مقابل التهديدات بالتصعيد و العصيان و الإضراب؟

Quote: كلام صحيح ولحدي 2010 سجل 18 مليون سوداني وفشلها الاخوان المسلمين في النظام والفاشلين في المعارضة والسودانيين بعرفو الديمقراطية من 1954 وطلعو بيها الانجليز قل يتلوث السودان بالانقلابات ومشاريع الصرف الصحي المصرية وهم هسة في المجلس العسكري ديارين انتخابات مدغمسة مستغلين اوهام وانتهازية الشيوعيين والناصريين والبعثيين البتفاضو فيه ديل وايضا عندهم دستور مدمغس جاهز بحركو ليه مساجد الضرار ليستمر السودان في الوضع الاقليمي المذل والشائن بين العرب وكلهم علي بعضهم قوى غير ديمقراطية وعايزة تلغي حتى احزاب الاستقلال الوطني والختمية والانصار والحركة الشعبية ذاتا من وراء حجاب انا ما بخاف من الانتخابات وبتحدى المجلس العسكري يعمل الستة حاجات دي فقط قبل الانتخابات يتلزم بالدستور الموجود اول حاجة 1- يفعل المحكمة الدستورية العليا وارشح ليكم 9 قضاة محترمين جدا جدا لتقوم بدورها الدستوري والقضائي الانتقالي وفقا للدستور 2- يلغي الولايات 18 ويرجع الاقاليم الخمسة القديمة باسس جديدة 3- يلغي الرقم الوطني المستباح للاجانب والجواز الالكتروني كهوية سودانيين الخارج ومعسكرات النزوح في الانتخابات ونرجع للجنسية الخضراء والبنية وجوزات ما قبل يونيو 1989= وثائق الانتخابات 4- الالتزام بكل الاتفاقيات مع الهامش وتسجيل الحركة الشعبية شمال الاصلية والحزب الجمهوري في مسجل الاحزاب بدون لولوة 5- الخروج من التحالفات الاقليمية لمشينة واعادة الجنود السودانيين من اليمن وفقا للدستور 6- اعتماد الحريات الاربعة والجنسية المزدوجة لدولة جنوب السودان واعادة تطبيع العلاقة بين الشطرين من الان ******************** اها الكلام ده واضح وما فاضح ..وموجه للمجلس العسكري وليس برهان او حميدتي فقط هذه هي المسؤلية والحصة وطن في نظري بعد تتحقق الحاجات الستة دي الانتخابات ثلاث مراحل الاقاليم الخمسة 1- انتخاب حاكم الاقليم وبرلمان الاقليم مرحلة اولي حاكم اقليم بدرجة نائب اول في الدستور 2-ثم انتخابات برلمان المركزي 3-ثم انتخابات رئيس جمهورية ويزح المجلس العسكري للحكومة المنتخبة اقليميا ومركزيا وفقا للمعاير الستة اعلاه وفيش وتشبيه من المحكمة الدستورية

https://up.top4top.net/

الناس ديل في المحلس العسكري(الكيزان) وفي تجمع المهنيين (الشيوعيين ) قاعدين لحدي الليلة يمشطو الانقاذ دي قملا وما عندهم برنامج واضح لتفكيك النظام اكثر من المشاركة فيه وهارننا في الاقااليم بالجنرالات ال18 ديل
واكبر دليل هو عدم اهتمامهم بالمحكمة الدستورية ورفدها بي 9 قضاة محترمين عشان تحاسب الجميع وتراكين الامر للجنرالات وفعلا يموت الزمار واصابعو تلعب الشيوعي والكوز كرهتو القضاء المحترم وكلنا شفنا القضاء في الانظمة الشمولية عمل شنو في السودان والسودانيين خلال 52سنة من الانقلابات