|
|
|
 Re: ؟What’s wrong with you people (Re: النصرى أمين)
|
فتحت البورد متوقع اشوف موجة عاتية من التبريكات و التهانى
المتبادلة.
لقيتكم ماشغالين بالموضوع .
اليوم حصل إتفاق بين المجلس العسكري الانتقالى و قوى إعلان الحرية و التغيير
الممثل الشرعى للثورة السودانية.
ياخ ده يوم تاريخي و يستحق منكم اهتمام اكثر.
| |
  
|
|
|
|
|
|
|
|
Re: ؟What’s wrong with you people (Re: النصرى أمين)
|
مافي شك يا أخ النصري إنو كان مفروض يكون يوم تبريكات
ولكن الشعب السوداني لم يعد يثق مثقال ذرة في العسكر وفي نفوسهم شيء من حتى
حتى يروا التنفيذ بأم عينهم فما فعله الانقاذ لم يفعله التتار ولا المغول
| |
|
|
|
|
|
|
|
|
|
Re: ؟What’s wrong with you people (Re: ترهاقا)
|
أهلا ترهاقا
العسكر بتاعننا ديل نيتهم صافية ، بعدين
هم ما ناس شدايد ، السياسة ما حقتهم و ما عندهم ليها طولة بال.
ناس بتاعين عمليات و ميدان .
هم فرحانين بالاتفاقية دى اكتر من قوى إعلان الحرية و التغيير.
| |
|
|
|
|
|
|
|
|
|
Re: ؟What’s wrong with you people (Re: النصرى أمين)
|
مرحب اخ النصري
هي خطوة ايجابية في الطريق الصحيح و الذي كنا نرجوه منذ فترة لو لا مماطلات العسكر و الدولة العميقة
و لكن ما حدث من نفس هؤلاء العسكر ليلة الاثنين الدامي و محاولتهم فض الاعتصام بالقوة و يأسهم بعد ذلك
مستصحبين خزيهم و عارهم و شنارهم في قتل المتظاهرين السلميين هو ما دفعهم للرضوخ لإرادة الشعب
و امتصاص غضبه العارم
بعد قتل الثوار ذادت اعداد المعتصمين بصورة تجاوزت كل توقعاتهم و ايقنوا بعدها ان لا بد من الانصياع
و الانحناء للعاصفة
جاءت موافقتهم على تشكيل المجالس الثلاثة سريعة و غير متوقعة
فرحتي لن تكتمل الا بتشكيل تلك المجالس لتكون مرضية بالنسبة للثوار و لكافة الشعب السوداني
يمكن لهؤلاء العسكر ان ينقلبوا على هذا الاتفاق و في اي لحظة وهم من تربوا في ظل هذا النظام
و طبلوا له و نفذوا كل اجندته الخبيثة و منذ ثلاثين عاما حتى نالوا من الرتب و الامتيازات ما نالوا
هؤلاء الملطخة ايديهم بدماء اهلنا في دارفور و كجبار و جنوب النيل الازرق و بورتسودان و جبال النوبة
و جنوب السودان لن يكونوا بين ليلة و ضحاها بشراً اسويا .. فلننتظر التفاصيل القادمة لتكتمل فرحتنا
و بعدها فليذهبوا الى الجحيم من رئيسهم المخلوع غير مأسوف عليهم ..
| |
|
|
|
|
|
|
|
|
|
Re: ؟What’s wrong with you people (Re: خضر الطيب)
|
اهلا خضر
يوم 8 رمضان وراه سر كبير ، اتمنى لجنة التحقيق المشتركة تصل للحقيقة.
عن شخصى ، انا متاكد ان جانب القوات المسلحة السودانية لم يشترك فى الجريمة.
المتهم الرئيسى هو حميدتى ، المتهم الثانى كتائب الظل .
ننتظر و نشوف نتيجة التحقيقات .
| |
|
|
|
|
|
|
|
|
|
Re: ؟What’s wrong with you people (Re: خضر الطيب)
|
يالنصري مجموعة احاسيس متداخله واسئله اكتر من اجوبه..
ذكرتني نص التسعينات وانا قاعد في الطيارة لاول مرة جاي امريكا.
خايف تحت اي لحظة ينادوني تاني, وخايف الطيارة زاااتها ما تصل
ولما تصل ح اعمل شنو..غايتو كنت سرحان بعيان قدامي والحاجة الوحيده
البتتحرك فيني كانت عيوني.. ومع ده برضو فرحان اني مسافر سايبها للكيزان.
غايتو انا لو ما شفت البشير وعلي عثمان مكلبشين ورئيس وزرائنا الجديد
حلف القسم ح يكون عندي نفس الاحساس داك..
لكن للضمان كده فرحاااان.
| |
|
|
|
|
|
|
|
|
|
Re: ؟What’s wrong with you people (Re: Mutasim Idris)
|
اهلا معتصم اكون كضاب انا لو قلت ليك انى فرحان فرح مطلق .
والله شايل هم و خايف الامور تتعكلت تانى.
اكتر شئ مخوفنى انو نحن السودانيين لا نعرف نشتغل مع بعض .
ركز لى على كلمة (نشتغل)
لو جمعت 100 سوداني فى مكان واحد وطلبت منهم ان يتفقوا على (عمل) واحد مشترك، لن ينجحوا .
برضه خايف من المنظراتية و ناس شوفونى و ناس العقد النفسية و طبعا ناس المصالح.
غايتو ربنا يستر و يقود الفترة الجاية ناس عقلاء
أمامنا تجربة عملاقة و لازم ننجح فيها
| |
|
|
|
|
|
|
|
|
 Re: ؟What’s wrong with you people (Re: النصرى أمين)
|
وقت الفرحه بدرى عليهو
كزول عايش فى السودان وعارف وشايف مكر وخداع الكيزان عن قرب .كنت مستغرب فرحه الناس يوم 11 ابريل وهم منتظرين بيان ابن عوف لغايه ماجا البيان مخيب للامال وخلى المعتصمين يحبطوا ويبكو بكا راسو عديييل.هسهى برضو مافى ضمان لربائب الانقاذ من العسكر ووكيل المجازر فريق اول خلا .العسكر ديل بعد المماطله دى كلها ومحاوله فك التروس على الارض فى نفس الوقت الكانو بقدمو تنازلات لوفد (ق ح ت) والليله اتورطو فى الاستمرار فى المفاوضات و (ق ح ت ) موقفهم قوى بسبب عباء العسكر بعد ماكانو مفتكرن انو الاعتصام حيتفض يوم امس ويضعوفو موقف (ق ح ت). معقول المجلس الكيزانى ومن يديرو من خلف ستار يستمروا فى الاتفاق بصدق فى نقل السلطه للمدينين ؟
الفرحه مهناها تنفيس عن حاله التحفز والاستعداد والاسرخاء بالوصول لاتفاق .
شخصيا النظام موجود طالما فى المؤسسه التى اعمل فيها رئيسى المباشر والاخرون من هيكل الاداره مؤتمر وطنى وواعلبهم ل ادوار امنيه بجانب وظيفتهم الظاهره للعيان.
الفرحه يوم وصول الثوره لغاياتها وانفضاض الاعتصام بامر الثوار ليخرجوا من الاعتصام فى مواكب الفرح والعزه.
نتمنى ان لايتغابى المجلس لبكيزانى وسم السلطه للمدنيين حتى تبداء مسيره بناء سودان جديد
تحياتى النصرى الامين
| |
|
|
|
|
|
|
|
|
|
Re: ؟What’s wrong with you people (Re: Abureesh)
|
كلامي وقع ليك با أخ النصري؟
المجلس العسكري تغيير أدوار فقط لنظام الانقاذ
وسيماطلون حتى يأتو بالمنافق الأفاك عبد الحي يوسف خليفة للمسلمين
التفاوض مع هؤلاء شرزمة الكيزان مضيعة وقت
وإن كان هنالك تفاوض، لا يجب أن يكون مع هذا المجلس العسكري الكسيح
مهمتهم لحد هنا إنتهت واثبتوا فشلهم في إدارة الأمور
وتسقط تالت ورابع وخامس
| |
|
|
|
|
|
|
|
|
|
Re: ؟What’s wrong with you people (Re: النصرى أمين)
|
يوم الفرحة هو يوم تشكيل الحكومة المدنية من اشخاص مستقلين ووطنيين لا ينتمون لاحزاب ، وحكومة قوية تستطيع التفاوض مع العسكريين وتتخذ قرارات شجاعة وثورية لاقتلاع الدولة العميقة، دولة اللصوص والحرامية من الجذور، وبدء محاكمة رؤوس نظام اللصوص والحرامية وسفاكين الدماء،،،،
ونتمنى من قوى التغيير والتجمع عدم الجدل البيزنطي مع المجلس العسكري وسرعة تشكيل الحكومة المدنية ،،
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
ترهاقا
خضر الطيب
Mutasim Idris
Asim Ali
Abureesh
فيس بوك
تويتر
انستقرام
يوتيوب
بنتيريست