|
|
|
 Re: البارح لاقيت ابوذر الغفاري ومصطفي سيد احم (Re: نزار عبد الوهاب)
|
سلام يا عثمان موسى وشكرا ليك ويا سلام يا سلام.. الرحمة والنور تغشى روحيهما
نقلت الكلمات من الفيس بعد ما صححت بعض الكلمات.
♡في عيونك♡
●●كلمات:ابو ذر الغفاري●●
●اداء:مصطفى سيد احمد●
في عيونك ...
ضجة الشوق والهواجس
ريحة الموج البنحلم فوقو
بي جية النوارس
ياما شان زفة خريفك
كل عاشق أدى فرضو ..
ومافي شمسا طاعمة طلت
إلا تضحكي ليها برضو
والغمام الفيكي راحل
في الصنوبر يلقى أرضو
والصباح إمتد ياما
.. كلما جاوبتي نبضو ..
نشتهيك ..
نشتهيكي وياما نحلم
نحكي ليك عن المسافة
عن سفن بالشوق بترسم
في بحيراتك ضفافا
عن ملامح غنوة هلت
في عويناتك هتافا
عن حقيقة نهاتي بيها
وفي أساطير الخرافة
ويا صباحات المواني
حتي لو دربك ترنح
في مشاوير الأغاني
والجرح إرتد بينا
لي زمان الآهه تاني
يانا لا بنتحاشا صدك
لا بتموت فينا الأغاني
يا غنانا .. المشتهنو
ياني موعود بي زمانك
بي مواقيتو البرنُّو
بي إرتعاش صرخة وجودك
يوم يطل ميلادي منو
ولما إتوسد صباحك
ياتو ليل بفصلني عنو
-
-
-
| |
  
|
|
|
|
|
|
|
|
Re: البارح لاقيت ابوذر الغفاري ومصطفي سيد احم (Re: Osman Musa)
|
مرحب حبابك الأخ عثمان ...
يالك من محظوظ أخي الكريم ...
وياهو حلمنا البنحلم بيهو يوماتي وبنهاتي بيهو سنين ودنين ...
صدقت النبوة المغناة طوبى لهم أضناهم حب الوطن ...
ويا ضُلنا المرسوم على رمل المسافة وشاكي من طول الطريق ...
قول للبنية الخايفة من نار الحروف قول ليها ما تتخوفي ...
وإن شاء الله الجاي أحلى ...
مع الشكر أخي عثمان ...
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
نزار عبد الوهاب
Yasir Elsharif
فيس بوك
تويتر
انستقرام
يوتيوب
بنتيريست