نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
[} فيا ترى من يكون هؤلاء؟!! طبعن، بخلاف أشقياء الحال ممن سقطوا في القيد من فلول الوطني بگتائب ظله و دبابيه و خلاياه النائمة. فياما تحت السواهي دواهي و خلايا (ناعمة). [} فبالله يا بو مروة يدكم معانا أي زول بس يسل لينا الناقشو منهم، لامن نمرقم بالواحد في السهلة.
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
غازي صلاح الدين و من معه ليس خافيا على أحد أنهم گانوا أصابع خبيثة ليد قذرة دخلت في جيوبنا بيضاء من غير فلس و درهم و لا دينار. و راحت تعوث فسادا في الأرض, إلىأن طفح بنا الكيل و بلغ السيل الزبى. و لما أحسوا بها ترتجف و تهتز گأنها جان و لوا عنها مدبرين و لم يعقبوا ؛ في محاولة بائسة يائسة متأخرة و باهتة جدن لل «أصلاح الآن» و ليس بأي وقت مضى، لبعض ما أفسدته ثلاثون عاما من« الإنغاز»
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
حتة التنفيس دي الشاغالين بها كوميديانات الإنغاز ديل من أجل الإلهاء و من ثمَّ التدلي فالتضليل ، ما ديرين نفوت فيها حوفا وكمان لحسن الحز عترنالنا في بوست أوسكار سبعة نجوم عن "نكات في الإنغاز" للمبدع محمد عبد الكريم الأمين موش الكيكي و طبعن برضو ولا السرورابي بتاع نصرة الشريعة ، عشان من نلخبت اللختساسات. لقينا ه خاتو لينا هنا سبيل و كوزو مدروع بي خيت دُباراة , و وصانا قال : إى زول عندو نُكته عن الجماعة الجو ينقذونا ديل يكشح باقى الكُرَّاد وا لحتلوب الفى الكوز و يغرف لينا موية نضيفة هنا . و هدى إفتتاحية السبيل دا و نحنا ح نعيد انتاجو بحذافيرو نجيبو بي ضبانتو بس بشوبة بتصرف بسيط هذا مع خالص امتنانا مشفوعاً ببالغ اعتذرنا لصاحب البوست و متداخليه لتغولنا على حقوق ملكيته الفكرية.
# فقـال ليك: ناس الإنقاذ لامن ريحت فسادم فاحت، لجأوا لمبادرة الحومار الوتني، يشكلوبا حكومة جبهة وطنية عريضة مع المُعارطة (نظام توريط) قامو رسلوا وفد لـي نُـقـد فيهو مـنـدور وغـنـدور ..قام عمك نُقُد وهو معروف صاحب نكتة حاضرة و ساخرة ضحك وقال ليهم : ليه ما جبتو معاكم الأمنجي فرفور.
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
# الجماعه ديل فعلن عارفين إنو السرقة حرام وعارفين عقوبتا ن ولكن بالرغم من ذلك يحبونها!!!! # من الحُبِ ماقتل ! لكن طبعن الكان بيسيوو فوقو دا قالو ما سرقة ، مفيقهنو بشريعة (التمكين) يعني همبتة؛ التقول دي ما هون عارفين إنو عقوبتا أشد و هي حد الحرابة يعني، إما بتر أياديهم و أرجلهم من خلافٍ أو ينفوا من الأرض، الله لاعادم ولا جاب عقابم
# و دي كمان واحدة مني براي نجر أخدر و لا للأمانة المهنية ، لاطشا بي شمارا حار هسي من واحد مسطول لاقاني لافي بجاي :قال: السودان دا كان ممكن يكون أنضف بلد لولا "أولئك" الإنغاز خلوه لينا متل سبكة الكجيك ولا الكمونية الاتنين طعمن عليه جنس حلا لكن ريحتن عفنة. فقلتا لو غايتو الأنا ما جربت الكجيلك علا لاكن بصراحة بموت في الكمونية بالزات لامن تكون مظبطة بالبومبار!!
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
أيام واحدة من التعديلات الوزارية الما ليها حد ديك .؛ ترا بس متل شغل تبديل الطواقي في سوق المواسير ) ، كان عمك اللمبي كان وزير الداخليه وكان متوعك وراقد فى البيت و داقشة أضانو إشاعة حايمة بتعديل وزاري جايي. فقام اتصل عليه كبيرهم الذي علمهم مفاقة الجنان ، وقال ليه : يا عبد الرحيم الصحة كيف معاك قصده صحتك كيف قام عبد الرحيم قال ليه لالالا يا ريس خلينى فى داخليتي دى احسن لى لسة شوية لامن نتمكن فيها كويس!!علا هو صحى جنس المجدة القاها في الداخليه ديك تاني بلقاها وين !!؟
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
أدروب لقالو دفار بوليس مالينو بنيات طالبات حليوات معتقلهن، قام سأل بتاع الدكان: جكسويات هلوين ديل مالو؟ الراجل قال ليه ديل أطن كانن في مظاهرة بتاعة شيوعيين و قبضوهن مودينهن بيوت لأشباح أدروب مشى جنب الدفار والعسكري الحارسو كان شايقي عليه جنس غتاتة لو حسادة امن يكطع الخميرة من البيت و يلا قعد هتف: آاش نِدال التبقه الآمِله (عاش نضال الطبقة العاملة)..لعسكري طنشوآاش كفاح الشعب السوداني آاش الحزب الشيوئي السوداني و كت لقاها ما جايبة دخل قال آش |أبو هاشم!! اسنجك ما اشتغل بيهو شغلة يعيش مهمد ابراهيم نوكد.السنجك يعاين ليهو وقال :والله الليلي إن كان بقيت لينين عديييل، ما بتركب في الدفار ده !
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
# وردنا للتو من مصدر إباليسى واسع الأطلاع لامن قايل بث، ولكن غير موثوق به بطيبعة الحال : أنه لقد قررت عفاريت من الجن و بنات إبليس من غير المردة المقرنين في الأصفاد خلال اشهر الفضيل ، قرروا إسقاط كل اللافتات الكان مكتوب عليها عباراتٌ كاذبة من شاكلة :هـذا مـن فـضـل ربـى(فى دولة كوزخستان البائدة الإسلامية ذات التوجه اللا حضارى) ، و ذلك لاكتشافهم و لكنللاسف متأخراً جدن، إنها كانت "هي لله" زوراً و بهتاناً ، كونها ليست للشعب.
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
ما نافع على موش نافع قال لصاحبو بشة: تصور أمبارح حلمان مشيت السوق لقيت المرحوم نقد فاتح ليهو مول و قال طلق السياسة خلالص بالتلاتة و قام أداني كمان كرتونة صابون حمام فنيك لايف بوي هدية ملحوتي لوجه الله .البشير قال يمشي يتاكد بي نفسو مشى لقي نقد فعلن قاعد في المول حقو وقال ليهو أنا فعلن طلقت السياسة وهاك دي صابونة الحمام دي هدية مني ليك عمك بشة صر وشو زعل قال ليهو: و ليه تديني تدي نافع كرتونة و أناسيد البلد تديني صابونة واحده نقد قال ليهو لانو أنت و سخان بس نافع اوسخ منك.
| |
|
|
|
|
|
|
Re: { كَانَتَا رَتْقًا فَفَتَقْنَاهُمَا ۖ } (Re: دفع الله ود الأصيل)
|
# وصايا أُم حنونة شفقانة على شافعا فى عـهـد لانغاز البائد: # يا وليدى ماتبقالي أنصارى سُنَّة وتجدع عزيبتك ,, ولاتبقالي ختمياً و تخنق لي رقيبتك ولا تبقالي شويعياً ولا جمهورياً بقطعو لي رقبتك ,علا بس كان كايس رُضاي تبقالي جبهة نديانة تمد للعالم أجمع قريعتك تنفعنى معاك وتمتع رقيبتك.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|