عبد المجيد إدريس علي

Quote: سلام بكور بمناسبة عبدالمجيد إدريس رءيس القضاء ، أوائل التسعينات كنت شغال طبيب مستشفي سجن مدني ، الزمن داك عبدالمجيد دا كان قاضي في مدني ، الفترة ديك كان في السجن اخونا طارق الشيخ كان رءيس اتحاد طلاب الجزيرة والضباط بتاعين المحاولة الانقلابية ومن ضمنهم المرحوم العقيد اسامة عبدالرحيم سعيد ربنا يرحمة ويعطر قبرة ويحفظ ذريته واسامة دا طبعا قصة براها تحتاج لمجلدات من حكاوي الكرم والشهامة والرجولة ، وانا كنت شاهد علي ذلك كم عدد الديات والغرامات التي دفعها لمساجين واطلق سراحهم وهو داخل السجن ، نرجع لي اخونا عبدالمجيد ، الأيام ديك ناس الأمن كان قبضتهم قوية جدا في مدني ، قبضوا اكبر تاجر بنقو مدني اسمو النًيًل بتشديد النون والياء ، عبدالمجيد حكم عليهو مؤبد ، النيل قام هدد عبدالمجيد وقال ليهو بعمل عمل اخلي زبك تاني ما يرفع راسو ،عمك عبدالمجيد كم يوم اظنو حاول يجرب البتاع لقاهو راقد جرايد ، اها يوم جيت الشغل الصباح لقيت العساكر جايبين ليك النيًل في العيادة مدقوق دق العيش ، النًيًل طبعا كان الجن ، فسألته الحصل شنو ياعم النًيًل قال لي دا عبدالمديد جاء السجن نص الليل معاهو ناس الأمن وكسروا ليك النيل دا كسرة صاح ، ذكرت ليك القصة عشان تعرف مدي دموية الراجل دا ، تحياتي لك و للأسرة ودمت بخير

Quote: طارق الشيخ ما متاكد يتذكر القصة دي ام لا لكن النقيب عصام مصطفي في استراليا حاليا والعقيد عبدالرحمن عبدالمطلب في لندن حاليا ممكن يتذكروا الحكاية دي