صالون سودانية مع الخردة حسين ملاسي - حال البلد (1) (2) بتاع سودانيزأونلاين
طبعا صاحب البرنامج الجماعة عملوا معاه (زغبير) مشى لناس درجة تالتة أمثال منى الكوزة و ملاسي و المرة الجاية حا نرسل ليه بريمة و كيزان بورد سودانيز. طبعا يا جماعة عايزين منكم تبرعات عشان نشتري بدلتين لبريمة عشان نكون في مستوى أفضل من ظهور بدلتي الخردة ملاسي المكرفسات ديل. عايزين لبريمة بدلة بنبية و بدلة زرعية عشان يمثلنا خير تمثيل نحن الأميركان و رئيسنا ترمب رضي الله عنه. والله صحي حال البلد!
03-12-2019, 12:27 PM
Kostawi Kostawi
تاريخ التسجيل: 02-04-2002
مجموع المشاركات: 39979
منى بابكر الكوزة معانا هنا في واشنطون و أعرفها منذ مدة طويلة و ليس لها أي خلفية دراسات قانونية... يا للعجب مظاهرة واشنطون كانت مسيرة من الكونغرس للبيت الابيض و بمعاونة البوليس الفدرالي...الزولة دي ساذجة و صاحب البرنامج أسذج منها. حا نخت ليكم فيديوهات مظاهرة واشنطون و حماية الأمن لها يا كوزة.
03-12-2019, 12:36 PM
Kostawi Kostawi
تاريخ التسجيل: 02-04-2002
مجموع المشاركات: 39979
سلام يا نصر الهجام، غايتو الله يسامحك.. هجمتنا.. كوستاوي وملاسي ومنى بابكر، فرد مرة!! === لأسباب تتراوح بين الرفاقية المنبرية والمعرفة الواقعية، فقد انفقت قرابة الثلاث ساعات في مشاهدة أو سماع الفيديوهات دي. الحمد لله غايتو، فرغم كل شيء، انفكت حيرة الطاهر التوم... واتونسنا! رسائل ملاسي كلها وصلت، في هدوء شديد، القالها والأشار ليها والسكت عنها.. ورسائل د. منى، القديمة في ظروف "قانونية" جديدة، برضو وصلت!!
فأما حسين إبراهيم ملاسي؛ فالحمد لله أنه بعدما هجر منبرنا فقد ظهر رايقا ومروّقا وأقرب للتسامح وزول ونّاس!
في الفيديو الأول: تجربتو الدراسية والعملية، وفي تنظيم الوقت، تستحق الإعجاب والتنويه.. كلامه عن خبرته الإسفيرية العريضة، وفهمه واستخدامه للأسفير، مما برهنت عليه التجربة.. كلامه عن تجربة الدراسة في مصر، وعن التجربة الخدمية للإتحادات الطلابية، حقيقي. بعض آرائه حول التعليم العالي في السودان، قد تفتح الباب لنقاشات أوسع حول الموضوع. استقلاليتو السياسية بتأثير من السيرة الأسرية، لا تثريب عليه فيها، من حقو. فهمو لي مظاهرة "التوب الأبيض" سطحي ومتمسك بالقشور الاسفيرية، قول: أوف بوينت!
في الجزء التاني؛ *كلامه عن اليمنيين وعن محبتهم للسودانيين، متعمد جدا ولمن يعنيه الأمر! *وحديثه عن الفلبينيين وتجويدهم واتقانهم ونظامهم التعليمي فيه رسالة مقصودة ومهمة. *عبر تجربة أبنائه وتحولات وعيهم بالثورة؛ ما قصّر في الإشارة، وضرب مثلا لكيف تنجح الثورات. *ثم على عكس ما أراد الطاهر، قال للإسلاميين بالواضح ؤما بالدس، الشباب ديل أبوووكم تب، أقنعوا منهم! *قال مرتبة رئيس الوزراء ما كفاية.. ولم لا أكون رئيس الجمهورية.. قوووول الرئيس الانتقالي.. وتأمل! *عن تغريدته الشهيرة: (لم يخطر ببالهم أن ينظفوا.. إلا بعد أن طلب منهم تجمع المهنيين ذلك) لا أظنه قد تأمل قبلها كفاية! هو عارف إنها سلاح ذو حدين، تجرح يمين يجرحك شمالك، وكالسفروق، تفكو غلط يرجع يفلقك.. ودا الحصل!!
*الخلاصة السياسية عن الأحوال الملاسية ؛ ملاسي لا بريد أمر الإنقاذ الواقع ولا بحمل بلاها، ولذا فهو يفضّل أن يعاين من برج الحياد المتأمل! والطاهر، ود لو أن يقرب ملاسي أكثر، ولكنه لم يقدر على زحزحته أقرب من ذلك.. فتأمل؟ =====
ود. منى بابكر.. مالها.. كلامها كلام خوف ساي أم كلام ثوري مثالي أم كلام انقاذي؟ من البداية تتحدث وكأن حكومة البشير هي حكومة انجيلا ميركل!! ثم قالت: الهتاف زاتو تقويض للسكينة العامة وإخلال بالأمن!! ثم قالت المظاهرات ما وقا للقانون.. ثم قالت لما يسكّهم االبوليس!! وقالت اسقاط النظام هو المس بأمن الدولة!! [ويمين ما في مس بالدولة أكثر مما مسّها شيطان الانقاذ دا!] وقالت دستور ٢٠٠٥ يقول بالتداول السلمي للسلطة، [طيب حنكلم البشير والعصبة بالموضوع دا!] وقالت الثورة دايرالا تفويض شعبي بانتخابات أو بأي وسيلة أخرى.. [أخرى زي شنو!] وتكلمت عن الشرعية الثورية.. وسكتت عن الشرعية الانقلابية؟
١) قالت إنها شخصيا ثورية ولكنها متحفظة؛ متحفظة بخصوص الشرعية الثورية!! قالت أن هناك شرعيتان فقط "شرعية التفويض وشرعية الأمر الواقع" وأن الشرعية الثورية هي شرعية أمر واقع، زيها ؤ زي شرعية انقلاب البشير؟ [ودي مغالطة لكل علوم السياسة وللقانون والمنطق زاتو!!]
٢) قالت إنها متحفظة على الشرعية الثورية وتدعو لتجاوز البشير، فكيف؟ قالت لازم يكون في قبول معياري (ستاندارد أبروفال) مش قبول ضمني (امبلايد أبروفال)! لي منو القبول دا؟ قالت للثورة!! [وأها طيب القبول المعياري الدايراهو دا نجيبو من وين وكيف]؟ قالت بالانتخابات!!.. فقال ملاسي: فتأمل!
في الأخير، بعد اللفة دي كلها.. فكلامها هو: خلو البشير في شرعيتو، شرعية الأمر الواقع، ولا تنتزعوها منه إلا بشرعية التفويض الانتخابي.. خلو الثورة بالصناديق هههها!! ودا ياهو الخالق الناطق كلام البشير، لغاية أول أمس القريبة دي!! لكن معقولة يا دكتورة؟ سيد الشيء زاتا خلا زي كلام د. منى دا، وتراهو قاعد يفتش في تلات ورقات جداد، لي سي جديد من لعبة ملوص جديدة!! =====
الزولة دي محتاجة لمراجعة طبيب نفسي هي بتقارن ممارسات سلمية في بلد ديمقراطي يسمح بحرية التظاهر و بتصريح محمي من قبل الشرطة مع ممارسات سلمية في بلد مغتصب و لا يفهم نظامه معنى الديمقراطية و لا يسمح بالتظاهر و لا يعطي تصريح بذلك هذه المرأة تمتلك قدر من السذاجة و الغباء لو وزعت على اهل الأرض لكفتهم طيلة حياتهم من وين بتجيبو الاشكال دي انتو , اول مرة اشوفا و اسمع الغباء دا يا لتفاهتها و تفاهة من استضافها
03-15-2019, 00:33 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10092
يا لطولة بالك اخ هاشم الحسن لقاء ملاسي الأول سمعتا فقط مقدمة الضليل التوم غير الطاهر و ابتسامات ملاسي الخبيئة و الخبيثة فقط لمدة دقيقة و لقاء الكوزة منى الصوتي ما تميت دقيقتين , اديتا دقيقتين بس لاني عاوز اصل لنفس النتيجة يا للغباء و الضحالة مستحيل كان اضيع من عمري دقايق اكتر من كده الناس ديل بنعرفم من زمان و عارفنهم شايتين وين تباً لهم
03-15-2019, 01:19 AM
Kostawi Kostawi
تاريخ التسجيل: 02-04-2002
مجموع المشاركات: 39979
Quote: طبعا صاحب البرنامج الجماعة عملوا معاه (زغبير) مشى لناس درجة تالتة أمثال منى الكوزة و ملاسي و المرة الجاية حا نرسل ليه بريمة و كيزان بورد سودانيز. طبعا يا جماعة عايزين منكم تبرعات عشان نشتري بدلتين لبريمة عشان نكون في مستوى أفضل من ظهور بدلتي الخردة ملاسي المكرفسات ديل. عايزين لبريمة بدلة بنبية و بدلة زرعية عشان يمثلنا خير تمثيل نحن الأميركان و رئيسنا ترمب رضي الله عنه. والله صحي حال البلد!
هههاي .. كوستا .. بالغت انا عندي ربما اكثر من 75 كرفته .. هل تصدق؟ وزول عنده عدد مهول من الكرفتات بهذا القدر يكون عنده كم بدلة؟ .. لو وديتوني بظهر إما بطاقية الكاوبويات أو العقال .. وغالباً العقال .. وأنا لا أدري لماذا علق الناس علي "العقال" الذي ألبسني له الأخ قسم الفضيل ولم يهتموا كثيراً بطاقية الكاوبوي .. وأنا ألبس طواقي الكاوبويهات منذ الصغر بحكم أننا رعاة ومحتاجين لشيئ يقينا حر الشمس .. أها جهزوا نفسكم لأختيار الزي المناسب ..
الأخ حسين ملاسي عبر عن نفسه بصدق .. وشفافية .. وأنا أفتكر هذا اللقاء ح يكون سبب في أن كورة حسين ملاسي ح تفك بعد دا .. أنا أعرف شخص .. يعتبر حسين ملاسي صديق عزيز بالنسبة له .. ويعرف سيرته منذ الصبا .. حينما رأي الناس في منبر سودانيزأونلاين شابكين حسين بانه كوز .. قال ناسكم ديل والله ما ناقشين أي حاجة .. قال حسين لا علاقه له بأي تنظيم أو جهة أو جماعة أو حزب .. قال مجموعتهم كانت شلة أنس وضحك وونسات ..
اللقاء الجاي .. مرشحين له نفرين .. أنت والعبار دينق .. أنت قاعد لناس السفارة في حلقهم منذ أن وطأت قدماي أمريكا قبل عشرون عاماً .. السفراء وأي قنصل أمني في سفارة واشنطن .. أنت وريتو وش حديد .. أخرتها بقيت .. للسفير محمد عطا في عزيزته .. الحته دي بالذات دايره لها لقاء .. الناس بتقتل في رأس الثعبان هناك .. وأنت هنا تردم في ضنبه .. لما وصلت اللحم الحيي .. أنت غتيت في الدواس .. هههاي ..
الطريقة النطقت بيها الزولة الاسمها منى دي كلمة Jurisprudence في التسجيل الحايم في الواتساب بتخليك تجزم انو علاقتها بالقانون زي علاقة عبد الرحيم محمد حسين بالدفاع الجوي.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kostawi
HAIDER ALZAIN
جلالدونا
خضر الطيب
هاشم الحسن
Yousuf Taha
Biraima M Adam
سيف النصر محي الدين
فيس بوك
تويتر
انستقرام
يوتيوب
بنتيريست