|
Re: مبادرة لابتكار وسائل جديدة لتوسيع أثر الم (Re: Yasir Elsharif)
|
تجمع المهنيين السودانيين 12 Std. ·
اعتصامات ومواكب الأحياء يوم غدٍ الأثنين 4 مارس 2019 م
تنطلق المواكب والاعتصامات في الميادين من الســـ 4ــــــاعة عصراً إلى الســـ 6 ــــــاعة مساءً.
سمينا بعض الميادين لتكون إضافةً إلى الميادين التي تختارونها بمعرفتكم، ليعم صوت الثورة كل أرجاء السودان. في حال كان هنالك صعوبة في الوصول إلى الميادين التي سميناها، فللثوار أن يختاروا ميادين تنطبق عليها المواصفات التالية: - أن يكون الميدان المختار في وسط الحي. - أن يفتح الميدان على 4 شوارع. - أن لا يكون مطلاً على شارع رئيس. - أن يسهل الدخول إلى الميدان والانسحاب منه.
أسماء ميادين الاعتصام :
الخرطوم: - بري الدرايسة - ميدان الهلال، الديم - ميدان نادي جبرة، جبرة - ميدان الشهيد محجوب الصحافه . - الشجرة، ميدان الحماداب - ميدان كهف النمر شارع البحيرة الازهري والسلمه - ميدان اركويت سوق الخيمة
الكلاكلات: - ميدان ترهاقا، الكلاكلة صنقعت - ميدان رابطة القبة، الكلاكلة القبة
أم درمان - ميدان الأنصار - ميدان دلوق، أبروف
أمبدة - ميدان المولد - ميدان النجم الأحمر، أمبدة الراشدين - ميدان الرميلة، الحارة الأولى
كرري : - ميدان المولد، الحارة 8 - ميدان محجوب شريف، الحارة 21
شرق النيل : - ميدان أم دوم - ساحة الاعتصام، الجريف شرق - ميدان سوق 6 - ميدان مربع 9 .
بحري : - ميدان العامل، حلة خوجلي - ميدان منزل الشهيد د. بابكر بكافوري - ميدان نبتة، السامراب.
الموجهات العامة :
>> يجب أن تكون هذه الاعتصامات والمواكب سلمية وتعبر عن سلمية الثورة في كل مراحلها.
>> على الثوار استخدام مكبرات الصوت وترديد الهتافات الوطنية وحمل الأعلام واللافتات تعبيراً عن وحدة الصف الوطني تجاه قضية إسقاط النظام.
>> على الثوار أثناء التوثيق أن يذكروا إسم المنطقة وتاريخ الإعتصام مكتوباً على ورقة أو شفاهةً.
>> أثناء الاعتصام يمكن للثوار أن يحتفوا بالثورة السودانية وذلك بعمل المخاطبات الثورية وإشراك الجميع من النساء والرجال والشباب والشيوخ وذلك من أجل رفع الحس الثوري وزيادة الصلات الاجتماعية.
- كما نهيب بالثوار إحضار الفرشات والبروش وحافظات الماء إلى الميدان المتفق عليه
>> ينتهي الاعتصام عند الساعة 6 السادسة مساءً.
#موكب4فبراير #مدن_السودان_تنتفض
قوى إعلان الحرية والتغيير 3 مارس 2019
| |
|
|
|
|
|
|
Re: مبادرة لابتكار وسائل جديدة لتوسيع أثر الم (Re: Yasir Elsharif)
|
يا دكتور الشريف عايزين مبادرة لتفعيل مشاركة القادرين في كل الأحياء الماقادرين ديل خلهم ... الموضوع اكبر من الماقادرين يا دكتور ... هل تصدق منذ إحتجاجات الخميس الإتخلع فيهو البشير وأعلن الطواريء تاني يوم ماشفت لي لستك محروق الا في جامعة مامون حميدة... القصة دي محتاجه خطوات تنظيم يا دكتور...
| |
|
|
|
|
|
|
Re: مبادرة لابتكار وسائل جديدة لتوسيع أثر الم (Re: محمد حمزة الحسين)
|
((هل تصدق منذ إحتجاجات الخميس الإتخلع فيهو البشير وأعلن الطواريء تاني يوم ماشفت لي لستك محروق الا في جامعة مامون حميدة...))
يا محمد حمزة الحسين التظاهرات لا تقاس بحرق إطارات السيارات. بعدين إنت ما شفت مظاهرة يوم الأحد 24 فبراير الكانت بعد خطاب البشير وإعلان حالة الطوارئ؟ كدي شوف واتفرج
| |
|
|
|
|
|
|
Re: مبادرة لابتكار وسائل جديدة لتوسيع أثر الم (Re: Yasir Elsharif)
|
Quote: هل تصدق منذ إحتجاجات الخميس الإتخلع فيهو البشير وأعلن الطواريء تاني يوم ماشفت لي لستك محروق الا في جامعة مامون حميدة. |
يامحمد حمزه اقرب مثال الليله انا فى شارع المعونه مرورا من الكدرو حتى بحرى شفت اثار لساتك محروقه هبودها اسودمعناها اتحرقت قبل اقل من يومين تلاته. دا اذا كان حرق اللساتكمقياس زى ماقال الاخ ياسر الشريف.مثلا وجود لناس العمليا الخاصه/جهاز الامن عند ميدان شمبات جهه نقطه الصافيه والغريبه مافى جنبها عربات ناس الاحتياطى (القفص ) دا عير انتشار لناس الكاكى الغامق(ماعرافهم ناس عمليت خاصه ولا جيش) فى بعض المواقع زى بنك الخرطوم فرع الكدرو. ما اظن المظاهر واكتر منها لو لفيت اكتر دى طبيعيه لو مافى احتراز من المظاهرات حتى بعد الطوارىء. ماعارف كلمه طوارى دى بتذكرنى محاكم العداله الناجزه فى اخر ايام نميرى
| |
|
|
|
|
|
|
Re: مبادرة لابتكار وسائل جديدة لتوسيع أثر الم (Re: Asim Ali)
|
Quote: سلام محمد حمزة، اذا انت ما شفت، غيرك شاف.
هل انت راقبت الخرطوم و ام درمان و بحري من الجو بي هليكوبتر؟ |
أقعدو ادفنو راسكم في الرملا لامن تغنو ظلموني الحبايب أنا نبهتكم وتاني الموضوع دا ما بتكلم فيهو ... وإن غداً لنـــــــاظـــــــره قريب وقريب جداً جداً ... الي اللقاء>>>>>>>
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|