معاني لكلمة ( البهم ) التي أُطلِقت على المدعو ( توفيق عيسى مكي )

Quote: حبيبنا محمد أبوزيد .. مودتي .. صدقني نحن ضهاري 100% تعلمنا العربي في المدارس إلي اليوم لا نستطيع بعض الحروف بصورة سليمة رغم التعليم .. كمان جمع المؤنث أكبر مشكلة .. المشكلة يا الحبيب .. توفيق زي ما قلنا كده زول جلسات وونسة أو كما يقول ناس الخليج ( طقطقة) إخوانيات كمان اهلنا في الوطن خاصة الايامات دي ربما ظروف الحياة والوضع الصعب يجعلهم ينصرفون إلى أشياء جانبية ليست لدي خبرة في ثقافة المدن .. لكن يقولوا ناس أمدرمان مشهورين بالظرافة مع بعضهم .. ناس كورة وعكننة (اخوانيات) وتنوع سودانيز ميزة .. زمان دنيق ، باوقة ، معاوية عبيد .. نموذج المجالس تكون حلوة .. بوجود الزول الصارم ، الكضاب بدون ضرر ، الشايف نفسو ، مدعي العلم ، السكران ... إلخ عندنا كان في ضل النخيل نص النهار .. وفي المدن في النوداي وبرندة الدكاكين .. كلهم يكونوا في منظومة ( زي باقة ورد مختلف الألوان ) لأن التشابه الباقة في اللون والعبق تفقدها خاصية الجمال ولا تعرف كمية المودة بينهم إلا في غياب أحدهم ..سؤال وبحث .. ما ننسى حتى إمام المسجد مرات يكون ضمن الجلسة .. معليش محمد الحبيب دي كلها محبة .. وفي المداخلة الاخيرة عرفت إنك متسامح وقلبك كبير تحياتي يا جميل .. معليش طولنا شوية كله عشم وأخوة ..