|
|
|
 Re: تقافة الراتب وتقييم المهن (Re: ahmedona)
|
Quote: راتب لصيدلي في حدود 4500 ريال وساعات عمل
تصل الى 12 ساعة |
تحياتي أحمد عمر
نفس النقاش دار في قروب مهندسين بالامارات لامن جا اعلان عن وظائف في السعودية مدير مشروع بخبرة عشر سنوات براتب 7 آلاف و مهندس مقيم براتب 5 و مهندسي مواقع برواتب بين 1800 و 3000
طبعا الرواتب ضعيف جدا مقارنة حنى بالسوق السعودي
لكن المشكلة المهندس السوداني العنده عشرين سنة خبرة ويعمل في المواقع اليوم كله ويرجع المكتب نهاية اليوم حتى الليل يحسب و يجهز و يصمم راتبه لا يصل الالف ريال! فلامن يقرا ارقم زي دي بضرب في 2عشرين طوالي و يقول ليك راتب بين مية ومية واربعين مليون دا وزير ما بياخده في السودان دون ان يحسب المصروفات وتكاليف الحياة و طوالي يقبل
هسي الصيديلي ابو اربعة ونص الف ريال دا بحولها يلقتها تسعين مليون!! مدير الامدادات الطبية ما بياخدها راتب شهري, ما في شي في الدنيا ممكن يقنعو انه ما يقبل بيها
| |
  
|
|
|
|
|
|
|
|
Re: تقافة الراتب وتقييم المهن (Re: محمد البشرى الخضر)
|
حسب علمي ان عدد كبير من السودانيين الموجودين في السعودية مؤهلين ولكن للأسف يستلمو رواتب اقل الأقليات لا ترضى بها اذا كانت مؤهلة .... عيبنا نحن السودانيين لا نعرف كيف نقدم انفسنا للاخرين وكيف نجعل الاخر يحترمنا ويقدرنا ويضع لنا الف حساب وهذا الشي نابع من طيبتنا الزائدة وتواضعنا اللا متناهي وهذا سبب اننا في مؤخرة الجاليات في المملكة العربية السعودية خاصة من حيث التقييم والتقدير وحفظ الحقوق ...
بوست مهم أتمنى ان يجد اذن صاغية حتى نغير من هذه النظرة الدونية لنا كشعب له كيانه وله حقوقه وله مؤهلاته العالية ...
تحياتي : ياسر العيلفون ....
| |
|
|
|
|
|
|
|
|
|
Re: تقافة الراتب وتقييم المهن (Re: محمد البشرى الخضر)
|
Quote: لكن المشكلة المهندس السوداني العنده عشرين سنة خبرة ويعمل في المواقع اليوم كله ويرجع المكتب نهاية اليوم حتى الليل يحسب و يجهز و يصمم راتبه لا يصل الالف ريال! فلامن يقرا ارقم زي دي بضرب في 2عشرين طوالي و يقول ليك راتب بين مية ومية واربعين مليون دا وزير ما بياخده في السودان دون ان يحسب المصروفات وتكاليف الحياة و طوالي يقبل
هسي الصيديلي ابو اربعة ونص الف ريال دا بحولها يلقتها تسعين مليون!! مدير الامدادات الطبية ما بياخدها راتب شهري, ما في شي في الدنيا ممكن يقنعو انه ما يقبل بيها |
الأهم من ذلك يا هندسة، أن المغترب - مهما كان دخله - قد يتمكن من إدخار جزءا من دخله. فإذا وفر 100 ريال فقط في الشهر، فهذا يعني قرابة 2400 جنيه سوداني، وهذا ما يصعب تحقيقه في السودان من خلال راتب شهري. الأجور داخل السودان غير منطقية ولا تتناسب أبدا مع العمل المنجز.
| |
|
|
|
|
|
|
|
|
|
Re: تقافة الراتب وتقييم المهن (Re: احمد عمر محمد)
|
ود البشرى
في شأن ان
Quote:
المهندس اللي في السودان اللي يقارن الريال بما يستلمه بالجنيه
|
لكن عاوزين الوضع ده يتغير لانك اذا كنت عندك قيمة فعلية في السوق
ولكن ما بتعرف تقيم نفسك لان من قبلك ارتضى بالقليل فهذا كمن يحرث
البحر.
الحمدلله هناك الكثيرين الذبم بقودون مؤسسات كل يوم للامام وقبل هذا كله
يتصفوا بالامانة و لكن رقم هذا تجدهم الاقل راتبا من بين نظرائهم في نفس المؤسسة
وقد يكون نظرائهم الاقل انتاجا والاكثر راتبا وامتيازا
السؤال
من اين جات هذه القسمة الضيزي ولابد من ان تتبدل واعتقد انه لو
ضُمِن في المنهج الجامعي كيف تفاوض في الوظيفة وان يكون هناك امكانية
اطلاع لكل الخريجين في السنة الاخيرة على شروط العمل في مادة للدراسة فقط
دون امتحان فقط للمناقشة فان هذا سيجعل الواحد واثقا وهو يتجه في رحلة البحث عن العمل
لكن ان لا يكترث المشغل لامكنياتاك وانما فقط ينظر لجنسك ويقيمك على هذا الاساس
فأن هذا الامر يجب ان يتغير ولو انك فرضت قيمتك اعقتد ستجد من يدفع
فقط تكون واثقا من قدراتك
تحياتي شاكرا مرورك و مشاركتك القيمة للموضوع
| |
|
|
|
|
|
|
|
|
|
Re: تقافة الراتب وتقييم المهن (Re: احمد عمر محمد)
|
دايرين النجيضة؟
الحريف هو البشتغل لي حساب نفسه بدون راتب
أي نعم المسألة صبر وتوفيق من الله بس لو ضربت أمورك بتظبط
صاحب الراتب عندو يقين إنه نهاية الشهر جاياهو قروش بينما صاحب المشروع الشخصي ممكن تكون عندو مخاوف من حال السوق
نحن السادة الموظفين أصحاب الشهادات العليا كنا شهرياً بنمشي نتدين من زميلنا الجدع شهادته وفتح دكان حطب طلح وسباغ في السوق
قاعد عرقان بالجلابية يكسر في الحطب ونجي نحن الأفندية نقعد جوة الدكان يجيب لينا الشاي
هو عمل بيت وعربية ونحن اشترينا هدوم جديدة
| |
|
|
|
|
|
|
|
|
 Re: تقافة الراتب وتقييم المهن (Re: أحمد محمد عمر)
|
سلام عليكم
عده نقاط
اولا القصه مرتب بس ؟ اعتقد وجود سكن وسياره واجازه مدفوعه الاجر ..الخ هى اضافه الى قيمه المرتب بشكل او باخر
ثانيا ماعارف ليه نحنا السودانيين بنستسهل و بنضيق على نفسنا وماايكون عندنا مخاطره المحاوله خارج السائد لدى الاخرين ليه مثلا الخليج فى تجارب مثلا فى افريقيا ناس شغاله ولاقيه وضعها ودى واحده من المشاكل انو الناس لما تزحم سوق العمل فى بلد لازم يكون فى القضيه دى -انخفاض اجور وامتيازات وظيفه ...- حتى لو كنا مفاوضين جيجين بنفاوض فى هامش ضيق . ليهبنكسل عن البحث عن اسواق عمل تانيه نكون على الاقل رواد لبنى جنسنا فيها ونلقى وضعنا فيها.على سبيل المثال لاالحصر استاذ جامعه وجد فرصه عمل فى تنزانيا كم سنه اتزوج ووعمل بيت واشترى عربيه وعايش حاليا مستوى كويس.
تحياتى
| |
|
|
|
|
|
|
|
|
|
Re: تقافة الراتب وتقييم المهن (Re: Asim Ali)
|
احمد محمد عمر
الحريق حقك من غير تقول باين
فعلا حكاية ان الواحد شغال شغل افندية حاجة تزعل والافكار كما قلت متوافرة
بس كيف تدخل السوق و السوق و الله رحمة بس كيف تمرق رقبتك من حكاية
انتظار الراتب اخر الشهر و الذي لا يغطي واحد على عشرة مما ترتب له
وتجد نفسك في دوامة دين ياخي لو جاءتك طلب سلفية غير مرتبة تخرب
ليك الشهر الجاري وجيرانو شهرين تلاتة كمان
الخروج للسوق للموظف مخيف خاصة اذا كانت تتربت عليه التزمات واجبة الايفاء
كما انه يحتاج لتمرين جيد وتحمل الصدمات التي ستواجهه عند الخروج على الاقل
في اول الامر ولكن اعتقد ان السوق واسع وفيه المستقبل الاكيد
ننتظر افكارك و التي ربما نجازف مع احداهن وبالمقابل عندي مشاريع و افكار علمية
بس اخوك خواف ويما راحت لينا افكار مجرد اننا ما سجلناه واصبحت ملك اخرين
| |
|
|
|
|
|
|
|
|
الامتيازات دي ليس اضافة لك بقدر ما انها معين للمشغل وواهم من يعتقد
ان هذه اضافة له بالعكس هي خصما عليك مالم تكن ملك خاصة لك اكتسبه خلال سني
عملك
| |
|
|
|
|
|
|
|
|
|
Re: تقافة الراتب وتقييم المهن (Re: احمد عمر محمد)
|
| Quote: بنضيق على نفسنا وماايكون عندنا مخاطره المحاوله خارج السائد لدى الاخرين ليه مثلا الخليج فى تجارب مثلا فى افريقيا ناس شغاله ولاقيه وضعها |
quality of life
الخليج عالم أول متقدم في كل حاجة لا قطوعات كهرباء لا موية، تركب احسن عربية بالأقساط المريحة، وأهم حاجة أمان للعائلة وتعليم كويس للأولاد
أفريقيا بلد الانقلابات العسكرية الأمان فيها مفتقد والحياة فيها تعبانة
أصحابي اتنين شغالين في افريقيا بمرتبات دولارية عالية لكن اضطروا رجعوا أسرهم السودان
| |
|
|
|
|
|
|
|
|
|
Re: تقافة الراتب وتقييم المهن (Re: أحمد محمد عمر)
|
اعتقد الموضوع بتعلق باقتصاد دولتك والمستوى المعيشي فيها ، ما قاصر على السودانيين بس
المصريين والهنود وتقريبا كل الاسيويين والان السوريين ديل كلهم بتقاضوا رواتب بسيطة بشكل عام ، ياهو
زي ما قال محمد البشرى الواحد بضربا بعملة بلدو ويقارنا بالراتب الممكن ياخدوا فيها وفي النهاية الموضوع
برضو محكوم بسوق العمل ، عرض الوظائف في المؤسسات البتمنح رواتب جيدة قليل مقارنة مع
المؤسسات التعبانة اضافة لي انها بتشترط تأهيل ممتاز وخبرة جيدة، نحن جامعاتنا ما بتوفر تعليم ممتاز
ولا سوق العمل البدائي التعبان في السودان بوفر ليك خبرة مهنية محترمة وبي هناك الاسرة ظروفا سيئة
ومنتظره متين الزول السافر ده يشتغل الخ الخ الخ
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
احمد عمر محمد
ahmedona
محمد البشرى الخضر
ياسر السر
محمد الأمين موسى
Asim Ali
Abdullah Idrees
فيس بوك
تويتر
انستقرام
يوتيوب
بنتيريست