كتب الكاتب الفاتح جبرا المتوفرة بمعرض الدوحة
|
♧ استراحة £ (Re: امتثال عبدالله)
|
{90} {دا مع مراعاة إنو الحرامية خشم بيوت. في زاوحف مهمتة بلد بحالها على مدى ثلث قرن}. ● يحكي أهلنا بأنو زمان هاجم المرفعين أحد القدماء.. وطب الزول قبض في اضنين المرعفين. عينك ما تشوف إلا النور. قامت عيتنوبة لامن عجاجتا رابطة في عنان السماء.يلا تتَّبك اقبضك، ألبعك، أصرعك من المغرب يااامن هدااااك الحَمار شق و الواطة صِبحت.
● بعد صبَحان الواطة جاء واحد بتاع شمارات و متلقي حجج و حشر نخربنو قعد يكورك في الزول البعافر في المرفعين.العوافي يا زول ، أها المرفعين دا لا تفكو. ..أكان فكيتو النصيبة دا بجيب خبىم ياكلك يلحقك أمات طه !!!
● الزول المكنكش في المرفعين على المِحنة الهو فيها كمان جابت ليها تريقة من رويبضة زي دا. قام انحنق من قالو هييييع؛ أنا أخو الراسية، المرفعين أنا ماااني فاكو بي ساهلة.. علا لكن بس بدور (أكتل حزامتي) دي اربطا سمح. دحين تعال أدن قريب جاي هاك امسك لي راس المرفعين و خليني النميز روحي أتحزم زين و أجي امسكو منك ... ● اهااااااا قام الشماراتي مسك المرفعين و قعد يناتل فيهو و يعاين للزول سيد الحزامة يربط تكتو ويجيهو راجع يتبالىبي شبكة نصيبتو دي.
● أتاريه عمك سيد الحزامه من ديك عيك عمل زغبير كب الزوغة شتت و فااااات. يازول ما تجي راجع لي مرعفينك .. قالو : هن بقي مرعفيني فكو ساااه...و أنا تاني هدا طرفي منو، ماني جاييك راجع و إت أكُل نارك معاه. تخزينة: ● بالله عليك مو ياهو ظاكو لسان حال الشيء الحاصل علينا دا. قلبا سمح و أدينا رايك بأمانة.
(عدل بواسطة دفع الله ود الأصيل on 02-09-2020, 11:53 AM) (عدل بواسطة دفع الله ود الأصيل on 02-09-2020, 06:30 PM)
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|