من عجايب السودان : 👈 أي أزمة تحصل عندنا ناس يعملوا منها مهنة وياكلوا منها عيش وبمناسبة أزمة السيولة آخر ما تفتق عنه عقلية بعض المستنكحين انه يجي منهم ثلاثة أو أربعة ويقفون في صف الصراف الآلي خلف بعض... وعندما يجي دور اول واحد منهم يدخل البطاقة في الصراف و يخرجها دون أن يسحب شي ثم يصفق يديه في حيرة ويعلن نفاذ القروش فيتبعه الثاني كأنه غير مصدق فيعمل نفس الحركات فيتقدم الثالث والرابع ليؤكدوا الخبر فيصدق الجميع أن خزنة الصراف خالية من النقود فينصرف الجميع منهم الكبير الذي أعياه الانتظار ومنهم الحاجة الشايله وصفة الدواء والباحث عن ربع مرتبه... وبعد خلو الجو ينقض اربعتهم ومعهم اكبر عدد من البطاقات علي تلك الغنيمه ويشفطون باقي الصرافه.... 📌 في هكذا حال من ضياع الضمير وعفانة الذمة تقول الحكمة عزيزي المواطن لا تصدق الا بعد أن تدخل بطاقتك في الصراف وتتأكد بنفسك انه الماكينة كنب...... . 📰 خبر لم يرد في الصحف السودانية : 👈 أوردت جريدة الشرق الأوسط أن عبد الواحد محمد نور مؤسس جيش تحرير السودان قال: (رفضنا عروضا من البشير لفصل دارفور) وأضاف عبدالواحد: (لا نريد تفتيت السودان ولكن نريد توحيده عبر برامج واعدة ورؤى يتفق عليها الجميع وأضاف ليست المشكلة في دارفور أو الجنوب السابق ولكن المشكلة في نظام الاخوان في السودان)....... 📌 متفقين تب.... تسقط بس .ه. .ه. 📰 الوطن: 👈 إعفاء محمد خير الزبير وتعيين جنقول محافظاً للمركزي 📌 فترنا من شيل عيشة وجيب أم الخير دي . 📰 الوطن: 👈 "تحالف 2020" يقترح تشكيل مجلس رئاسي والتمديد للحكومة 📌 والله ال (بوتفليقات) ديل كان وفروا اقتراحاتهم دي يكون كتر خيرهم . 📰 الوطن: 👈 إيداع مرسوم الطوارئ منضدة البرلمان وتشكيل لجنة لدراسته. 📌 الفول والتمر جاكم بلاء . 📰 الصيحة: 👈 “قيادي الوطني” يعقد أول اجتماع دون”البشير” 📌 جفيت ما بنت وأبيت ما لنت . 📰 الصيحة: 👈 البشير يجتمع بتنسيقية الحوار اليوم للتشاور حول الحكومة المرتقبة 📌 تبسيقية أقصد تنسيقية الحوار دي موش لغوها قبل كدا ؟ . 📰 الصيحة: 👈 وزير العدل: فرض الطوارئ جاء بسبب الفساد الممنهج والسرقة 📌 يعني ناس بتاعين فساد ممنهج وسرقة يفرضوا الطوارئ عشان يقبضوا ناس بتاعين فساد ممنهج وسرقة تانيين ؟ . 📰 الانتباهة: 👈 توقيف زعيم سماسرة للاتجار بالبشر 📌 تعاااااينوا في الفيل وتطعنوا في ظله... . 📰 الانتباهة: 👈 وزير العدل: للطوارئ أضرار وآخر العلاج الكي 📌 أممممك... ناويين تكوونا ؟ بيني وبيكم أرحم لنا من الخاذوق . 📰 الانتباهة: 👈 مصفاة الخرطوم ترهن إنتاج الجازولين بتوفير”الكاش” 📌 چي حليلو هو . 📰 الانتباهة: 👈 إسرائيليون يقيمون في مركز كان ملكًا لـ”بن لادن” في “جوبا” 📌 هناية الهناي يديك ليها البتاع . 📰 الانتباهة: 👈 والي الشمالية: سنتعامل بحسم مع قضايا الفساد 📌 قول والله . 📰 اليوم التالي: 👈 “المركزي”: دخول فئة الـ”500″ جنيه خط الإنتاج ولجنة لمتابعة تغذية الصرافات 📌 ال 500 دي مابتتحمل ضياع بعد كدي كل زول يلبس (ستيانة) ويخت قروشو فيها . 📰 اليوم التالي: 👈 غرفة المستوردين تقلل من أثر تخفيض الدولار الجمركي على معاش الناس 📌 ناخده اجابة ونشوف غرفة المستوردين الوهميين . 📰 المجهر السياسي: 👈 الدرديري: يستعرض جهود السودان لتعزيز التضامن العربي 📌 أمحق تضامن . 📰 المجهر السياسي: 👈 مياه الخرطوم تهدد باتخاذ إجراءات قانونية للمخالفين في توصيلات المياه 📌 أعملوا لهم طواري . 📰 المجهر السياسي: 👈 إحباط تهريب”100″ برميل من الوقود بولاية سنار 📌 100 برميل الزمن دا كتيرة والله . 📰 الأخبار: 👈 عصام صديق يطالب باستفتاء شعبي بين الديمقراطية الحزبية واللاحزبية 📌 لا ، نحن عاوزين استفتاء بين تسقط بس وتقعد بس . 📰 الأخبار: 👈 اكتشاف موقع أثري عمره أكثر من”500″ ألف عام بالسودان 📌 أمممك والله دا فيه حلات بيعه لي تركيا والا قطر . 📰 الأخبار: 👈 الشعبي: سلمنا الحكومة والمعارضة مشروعًا سياسيًا كاملاً 📌 ومشروعكم دا (خالفة) برضو والا (راقده) ؟.... . 📰 الأخبار: 👈 ناشط سياسي يتحرش بفتاة سودانية بفرنسا 📌 يمكن قايل نفسو دبلوماسي . 📰 ألوان: 👈 وفاة”50″ معدنًا بانهيار آبار منذ بداية العام الحالي 📌 لا حول ولا قوة الا بالله ربنا يستر على الباقيين . 📰 ألوان: 👈 الاتحادي الأصل يؤيد الطوارئ ويستبعد تأثيرها على الحريات 📌 ديل مساكين نايمين زمنهم كله لا فارق معاهم طواري ولا مرزبات . 📰 آخر لحظة: 👈 البشير في جلسة نادرة بشارع النيل 📌 خلاص بعد شارع النيل نحن عازمنه جلسه في بري . 📰 آخر لحظة: 👈 نافع” إجراءات الرئيس بدأت تؤتي أكلها 📌 بدأت توتي والا بدأت شمبات انت بس ابعد مننا . 📰 آخر لحظة: 👈 البشير: حقوق الأشخاص ذوي الإعاقة محل اهتمام 📌 ووب عليهم المساكين حقهم راح . 📰 آخر لحظة: 👈 تفكيك أخطر شبكة متخصصة في تزوير الشهادات الرسمية 📌 دي غير عصابة سعادة اللواء ديك ؟ . 📰 أخبار اليوم: 👈 وزير العدل : للطوارئ آثار سلبية لكن الكي آخر العلاج وأبغض الحلال. 📌 أبغض الحلال يا سعادتك ليس الكي وانما هو الطلاق ودا بي يحصل عندما تسقط بس . 📰 أخبار اليوم: 👈 البنك المركزي: ضوابط وإجراءات جديدة لاستيراد الأدوية. 📌 تقريبا المواطنين دبروا امورهم في الحته بتاعة الدواء دي فااا ما تقدونا بيها ساكت . 📰 أخبار اليوم: 👈 المالية تؤكد تأمين احتياجات الكهرباء في الصيف ورمضان. 📌 كان كدي منه العوض وعليه العوض . 📰 أخبار اليوم: 👈 تصريحات لمولانا هارون بعد رئاسته اجتماع المكتب القيادي للمؤتمر الوطني امس... 📌 تصريحات تسريحات شرشحات ما مشكلة بس ما يفكر لنا في نفرة للوطني . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست