|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
فكرة البوست جات من راس الزول دا :- Yousuf Taha و دي مداخلتو في بوست سابق:-
Quote: ابو حسين كيفك انا داير من بوستك دا اهني بنات قروبات الفيس بوك ياخ بنات قروبات منبرشات والدعم السريع شغالات شغل لايقل اهمية المتظاهرين بالله ترسل ليهم صورة واحد بس من المجارمة ديل دقيقتين بحيبو خبره برقم تلفونه وعنوان سكنه |
و هو يتحمل نتيجة فشل البوست لو فشل و انا اتحمل نتيجة نجاح البوست لو نجح ... 😂😂😂😂
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: محمد البشرى الخضر)
|
Quote: دقيقة دقيقة!! هو قروب نسائي يعني مغلق على النساء انت شن عرفك بتفاصيلو وغرضو ونشاطو اوعى تكون عامل فيه درويشة هناك!! الشي التاني ضربت المسيرة الكبرى كمان عايز تضرب القروب! يا كوز يا مندس |
عين و صابتك يا فقر ... حالتك بقت تحننن .... خليني اتعمق في الموضوع و بعدين عضي عراقيك و تعال جاري جريتك دي ... اسي انت زااااتك بقيت (منبرش) .... كر عليك يا (ودالشري) ارسل ليك بخور تيمان و محايات ...؟ الكلام القلتو دا كلو معروف و قلتو عشان الناس تعرف القروب قبل ما ندخل في (صلب) الموضوع .. اهدأ ....
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: اها صلب موضوع المنبرشات شنو غايتو بوست زوى علوق الشدة والله يستر من ديك |
قلت (صلب) الموصوع ما تحرف الكلام رجاءا .... الكلمة البين بوست و علوق دي استعصت علي ...
غايتو مستحيل افتح لي بوست ما يجوني الوهم ديل يقطعو لي حبل افكاري و اطلعو لي نفسي من الكتابة الجادة الرصينة ... 😂😂😂
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
انطلقت الثورة و كل واحد او واحدة اتجه للمكان اللي ممكن يقدم فيه شي للثورة و كل واحد متسلح بالمعرفة و الخبرة اللي اكتسبها و الهدف واحد (إسقاط النظام) .. (المنبرشات) إكتسبن خبرة كبيرة في جمع بيانات الاشخاص من صورهم المتظاهرين مع التكنلوجيا المتطورة و المنتشرة كانو بصورو مقاطع فيديو و صور لي امنجية مارسو الضرب و القتل و التنكيل بالمتظاهرين في السابق كانت بتنشر صورهم للتشهير... اها قومن يا (المنبرشات) شيلن الصور و انشروهن في القروب و اطلبوا معلومات عنهم ... النتيجة كانت مذهلة جدا جدا .... جابو خبر كل الامنجية اللي ظهروا في الصور الإسم الرتبة اصلا من وين السكن و كتير جدا رقم الموبايل و في كتير من الحالات صور اوضح ليهم ...
و الله ما قصرن
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: جلالدونا)
|
اى محاولة لانتزاع جانب مضيئ من حالة اختلال نفسى هى فى نهاية الامر تطبيق ثابت لحالة سريرية قد تتعدد جوانب فهمها و اختزالها و طريقة عرضها للاشياء فمثل هذا الخلل النفسى يحتاج الى اعمال الفهم فى منتج العلة العقلية سواء من باب السلوك او الفعل لنصل الى تشخيص يحدد ابعاد العلة النفسية لحالة قد لا تجد مقابل لها فى خارطة الخلل النفسى عليه التعامل مع مثل هذه الحالات بمفهوم طبّى ثابت قد لا يجدى بل قد يزيد من تفاقم الحالة و الدليل ازدياد الحالة العدوانية للاستاذ حاتم ابراهيم و توسّع دائرة اعدائه المتوهمين _____ النجاعة فى الباص كمصل اثبت نجاحه التجرية ____ يا ابو حسين ممكن تشجينا بى شن اسو
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: جلالدونا)
|
Quote: غايتو الامنجي ابو فلجة هيييج الناس والمنبرشات حاليا ناس الامن بقو يتلطمو ويتغتغتو واتعكست الاية اولاد ام زقدة
ابو حسين تحياتي |
حامد يا بدري اهلا بيك ... غايتو اشتغلن شغل مجيه و منظم و مرتب شديد و فوق كدا سريع جهجهو الامنجية و على قولك بقوا الامنجية مبلمين ظاهرة العيون بس خوفا من (المنبرشات) 😂😂 دا غير حاجات تانية نخليها لي قدام
تسلم يا حبيب
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
(المنبرشات) جابن خبر كم امنجي كل بياناته و صور اوضح و إنفضح امرهم ... اها بقو الامنجية بغطوا وشوشهم كتير ... خوفا من (المنبرشات) ... 😂😂 و ظهرت كتير من الصور و مقاطع الفيديو فيها الامنجية و هم مغطيين وشوشهم بي شال او عمة او طاقية البرد البتغطي كل الراس ما عدا العيون و الفم .... اها و الله ما قصرن (المنبرشات) ....
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: شلاقة الزمن الجابت العنج أب زيت في الفقرة. |
أستغرب في تكرارك وترويجك يا حاتم إبراهيم لحادثة مؤسفة وقعت في لحظة تهور تمنيت بعدها لو خسفت بي الأرض وارتحت من عذاب ضميري فارجوك انت وغيرك من الأعضاء أن ترحموني فاني بعدت تماما من المنبر بسبب هذه الحادثة فرحمة الغائب من مكارم الاخلاق
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
(المنبرشات) لمن في صورة واحد امنجي .. جابن خبرو الإسم عنوان السكن صورة واضحة رقم الموبايل ما وقفوا هنا ... إعلان لي منتجات بشرة و عليها خصم و في الإعلان (رقم تلفون الأمنجي) إعلان مكتب للتقديم للدراسة في عدة دول و في الإعلان (رقم تلفون الأمنجي) إعلان مكتب عقار و لديه عروض على اراضي و منازل و عمارات و فلل و في الإعلان (رقم تلفون الأمنجي) اكثر من 30 إعلان و كلها فيها (رقم تلفون الأمنجي) غايتو دا بكون رمى التلفون و قدم استقالتو .... 😂😂😂😂😂😂
#تسقط_بس
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
تحياتي يا ابو حسين و عام سعيد عليك و على أسرتك و الجميع... بوست في السلك و الله بس عبرك خليني اسلم على العزيز جداً ود البوش و اقول ليهو مشتاقين ياخي و سنتك طيبة و ايامك سعيدة و ياحبيب الدنيا هي شنو غير لمة اخوان و اخوات و انت زي ما قلته ندمته وقدمته اعتذارك و نحنا قريناهو و الزول اب رويس دا قبلو فياخ تعال راجع ياخ انتو اخوان و نحنا اخوانكم برضو.
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: أستغرب في تكرارك وترويجك يا حاتم إبراهيم لحادثة مؤسفة وقعت في لحظة تهور تمنيت بعدها لو خسفت بي الأرض وارتحت من عذاب ضميري فارجوك انت وغيرك من الأعضاء أن ترحموني فاني بعدت تماما من المنبر بسبب هذه الحادثة فرحمة الغائب من مكارم الاخلاق
|
ما أنبلك يا صديق.
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: بالله دا شغل رجال .. يتجسس علي البنات ..
صاحب البوست أخو أخواته! |
البقاري الكضاب عقلك صغير دا غير التخلف الواضح فيك و حا ارد عليك على اساس الحاجات الفوق دي انا فعلا اخو اخواتي و الحمد لله و اخواتي ديل اقسم بالله ارجل منك قبل كدا قلت ليك نجيب الطشت هربت و قبل كم يوم سألتك بتلعب حارس مرمى هربت برضو ... كان واجعك شي قول لينا عشان نساعدك ما بيناتنا يا بقاري يا كضاب ...
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: التحية والمجد للمنبر شات والمجكسات والدعم السريع فكل ميسر لما خلق له الا القراد بشقيه العادي والالكتروني، فهو مخلوق للعسر فقط |
اخونا عمر التاج ما قدمنه (المنبرشات) لا يعد و لا يحصى و جرسن الامنجية عديل (القراد) ليس لديه ما يقدمه او ليست لديه القدرة على تقديم شيء او انه مسخر لغرض غير معلن .... التحية ل(المنبرشات) و الخزي و العار ل(القراد)
#تسقط_بس
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: أستغرب في تكرارك وترويجك يا حاتم إبراهيم لحادثة مؤسفة وقعت في لحظة تهور تمنيت بعدها لو خسفت بي الأرض وارتحت من عذاب ضميري فارجوك انت وغيرك من الأعضاء أن ترحموني فاني بعدت تماما من المنبر بسبب هذه الحادثة فرحمة الغائب من مكارم الاخلاق |
شكراً يا ود البوش منكم تعلمنا مكارم الأخلاق وبكم نتشبه... : : : مع التحيات لله الزاكيات.
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
ده دور مهم جدا يا ابوحسين تواتر صور القتلة وعناوينهم في صفحات الفيسبوك رسالة واضحة جدا لكلاب أمن المؤتمر الوطني .. يكفي اضطرارهم لتلثيم وجوههم في 31 ديسمبر المجيد ..
.. ثم لا يراودك أدنى شك أن الادوار مرسومة لهم كل في مجاله .. القاء الضوء على أهمية التوثيق وبآليات بسيطة وملهمة مسألة مقلقة جدا لهم
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: محمد حيدر المشرف)
|
Quote: ده دور مهم جدا يا ابوحسين تواتر صور القتلة وعناوينهم في صفحات الفيسبوك رسالة واضحة جدا لكلاب أمن المؤتمر الوطني .. يكفي اضطرارهم لتلثيم وجوههم في 31 ديسمبر المجيد ..
.. ثم لا يراودك أدنى شك أن الادوار مرسومة لهم كل في مجاله .. القاء الضوء على أهمية التوثيق وبآليات بسيطة وملهمة مسألة مقلقة جدا لهم |
غايتو المكيفني كل واحد او واحدة ابدع في الحاجة البجيدها ... حيرو ليك الامنجية خلوهم ليك يجارو يمين و شمال و يطاقشو في بعض الثورة اظهرت إبداعات جيل طمنا كتير .... الله يديهم العافية و ينصرهم
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
طلعت واحدة في مقطع فيديو عرفت نفسها بالفنانة نسمة تاجوج قالت:- الشعب السوداني حاسد و فاشل و ما مفروض يطلعو مظاهرات و نص الشعب كريزي و النص التاني سايكو ....😂 و قالت هي العيش بجيها لغاية بيتها و كذلك الغاز بتمشي محطة البنزين بتملأ التنك و مافي صف بتمشي البنك بتصرف المبلغ اللي هي عايزاه و قالت الصفوف دي مافي السودان المهم فورت دم الناس البعض استنجد بي (المنبرشات) .. ما قصرن دقايق و جابن خبرها ... عاملة فنانة في دبي ......... ........... ............. و حاجات تانية حامياني .... 😂😂😂😂😂 و ظهرت في لقاء في واحدة من الجرايد قالت حا تكون اول رئيسة للسودان ... !!!!!!!!!!!
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
قروب الردمية أبى إلا أن يشارك في الثورة كيف كانت مشاركته واحدة أمنجية (أنثى) جنس ناعم شافوها بعض المعتقلات و هي بتضرب و بتنبز في المعتقلات جابو صورتها و كل المعلومات عنها :-
- عزة دفع الله - اقتصاد وعلوم سياسية/ جامعة الخرطوم ٢٠١٠ - ملازم في جهاز الأمن - عربيتها مورنينق بيضاء مظلله تظليل خفيف لوحتها خ٣ ٨٩٤١٩ - شغاله في فيض التميز الفي الكيلو - عندها مكتبه خدمات في جامعه بحرى مجمع الكدرو - بتمشي أتني مع بنات بمشو معهد الإنجليزي - ساكنة الحلفايا - محطة ٧ شرق الظلط، بيتهم فاتح غرب في الميدان، بابهم لونو تركوازي - رقم جوالا: 0928080313
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Yousuf Taha)
|
Quote: ياعمك كيفك ان شاء الله طيب جابوا اسم امها واختها واخوها ياخ منبرشات ديل شفاتيات ياخ الشباب مسمنهم امن الثورة الظريفة في شباب ايام كان بطلعوا وبنزلوا معاها ايام الحامعة اندهشوا انو الزولاية دي كيف بتعذب وكانت لقوية ظريفة وانيقة في الجامعة |
بخير و الحمد لله إنت مشيت وين ....؟؟؟؟ غايتو إجتهدن شديد و عذبو الأمنجية عذاب شديد الأمنجية قبضوها و فضحوها و عاين دي رمت نفسها براها :-
قالت ليك كلنا أمنجية .... و إتردمت ردم الجن .....
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Asim Ali)
|
Quote: يا بتاع قروب المنبرشات انت! يعني اسي المعلومات دي مية مية موثوقة وحصل ليها فيرفيكيشن ولا اي منبرشة تكتب اي هراء و الناس تشيلو وتقدل بيه!! |
يا رمادي اللون ..... ياخ الثورة دي أظهرت بلاوي و أظهرت إبداعات للشباب و الشابات ما عادية ..... الفيس متعة الأيام دي حسابات إتقفلت هروباً و موبايلات إتكسرت بعد معرفتها و إنتشارها للعامة أما الصور للسادة الأمنجية ما تديك الدرب ما شايف الجماعة بقوا ملثمين ...؟؟؟؟ إنت قايلهم خايفين من الحسد ...؟؟؟؟
تعال بي هناك و حا تشوف العجب زاتو ....
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: بارك الله فى القروب دا نحنا العلاقات واللباقه الاجتماعيه بتعمينا من شوف الوجه الاخر لنوع زى دا من الشباب - اولاد وبنات - .لكن لما تلاحظ بهدوءلطبيعه حياتهم والتغييرات البتحصل ليهم و........ بتفهم حاجات كتير خاصه ايام العصره الشديده دى. |
يا عاصم ظهروا زملاءها في الجامعة و فيهم اللي ما قابلوها بعد الجامعة أدوها كلام زي السم
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: إنت مشيت وين ....؟؟؟؟ |
مشيت الدوسان وجيت يازول الشباب منجضين الشغلة ومورمين ليك الهفق ديل ورم شديد، شغالين ليك بفهم سهر الجداد ولا نومه ياخ مرة لقيتهم حارقين لستك الساعة 1 صباحا في شارع الصحافة شرق مزاج بس تشغيلة للبوكس الفي الناصية تقاطع شرق هههههه. في عرس صاحبنا اي اغنية شغالين تسقط بس في الكتمات و الزنقات. يازول بانت والعباسية وشارع الاربعين دي قصص براها ياخي ديل شفتنة الشفتنة زاتو صراحة
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Yousuf Taha)
|
Quote: مشيت الدوسان وجيت يازول الشباب منجضين الشغلة ومورمين ليك الهفق ديل ورم شديد، شغالين ليك بفهم سهر الجداد ولا نومه ياخ مرة لقيتهم حارقين لستك الساعة 1 صباحا في شارع الصحافة شرق مزاج بس تشغيلة للبوكس الفي الناصية تقاطع شرق هههههه. في عرس صاحبنا اي اغنية شغالين تسقط بس في الكتمات و الزنقات. يازول بانت والعباسية وشارع الاربعين دي قصص براها ياخي ديل شفتنة الشفتنة زاتو صراحة
|
ما تلخبت لينا الكيمان .... الحاجات دي مخلنها لي وكت تاني د... 😂😂 ناس العباسية بالليل بشركو للكجر .... يرسلو ليهم كم واحد في الشارع الرئيسي و الوهم يجو ساكينهم اول ما يدخلو الزقاقات البيوت كلها بتطفي النور.... الجماعة فجأة يلقو ليك نفسهم في ضلام دامس ... اها شي رجم بالحجار و شي جماعة جروهم ليك من البكاسي نزلوهم ليك .... لغاية الآن الجماعة ما عارفين الطفا النور منو .. 😂😂😂😂😂😂😂😂😂😂
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
لكن يا معلّم سؤالي لازال قائم, ممكن اجيب ليك المعلومات الشخصية عن اي زول وساكن وين ورقم تلفونه وكدا لكن معلومة انه في الامن الفلاني او القسم العلاني زي البت اعلاه مثلا منو البتأكد من معلومة زي دي! ممكن اكون شامي لي واحد أو واحدة ساي واقوم اقول عليه امنجي واطلع فيه معلومات من راسي بتجي انت خامي ساي بلا فرز نهوزز راسك ومبسوط! اها دي يحلوها كيف!
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: محمد البشرى الخضر)
|
Quote: لكن يا معلّم سؤالي لازال قائم, ممكن اجيب ليك المعلومات الشخصية عن اي زول وساكن وين ورقم تلفونه وكدا لكن معلومة انه في الامن الفلاني او القسم العلاني زي البت اعلاه مثلا منو البتأكد من معلومة زي دي! ممكن اكون شامي لي واحد أو واحدة ساي واقوم اقول عليه امنجي واطلع فيه معلومات من راسي بتجي انت خامي ساي بلا فرز نهوزز راسك ومبسوط! اها دي يحلوها كيف! |
يا رمادي يا فقر البت أعلاه دي عرفتها واحده أظنها من عندكم في الأمارات قابلتها في مكتب الأمن بتاع موقف شندي و هي معتقلة و بعد كدا كم واحدة أكدوا أن المعلومة صحيحة و كلهن كانن معتقلات في نفس الوقت و فيهم اللي ما بعرفن بعض و ذكروا أشياء حصلت ليهن اليوم دا و تأكدن إنهن كانن معتقلات في نفس اليوم و كلهن حكن اللي حصل و لم عرضو صورتها أكدن المعلومة حتى بعد كدا تم نشر صورتها لجمع البيانات عنها ... يعني لو مشيت تعمل ليهن حركاتك دي بجيبو زيتك إنت زاتك .... ما سمعت بي إنو إتهمو واحد بالخطأ لأن أغلب الصور بجيبوها من صور المظاهرات و مقاطع الفيديو و من ضمنها الأمنجية اللي دخلو في بيت و نهرزوا ناس البيت و قلو أدبهم و كانت وجوههم واضحة ديل برضو جابو زيتهم يعني حكاية إنو أمنجية دي ما المعلومة اللي هم بفتشوها .... هم بفتشو معلومات عن إسمه و عنوانه و كل الـCV حتى المتزوج 2 و 3 عرفوه ... و فيهم واحد متزوج 2 و زوجته الأولى ما عارفه المعلومة دي ...
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: محمد البشرى الخضر)
|
Quote: وانت يا خوي قاعد ومتحكّر وسط القروب (النسائي) و (المغلق) دا وحاضر النقاشات دي كلها ما شاء الله الله يخيّبك |
الله يخيبك انت الطلعت مخك قدر مخ بريمة .... 😂😂😂😂 انا لو قاعد في نصهن بجي بحكي ليك انت يا العشا اب لبن ... 😂😂😂 الكلام دا مفروش في واطات الله و الاسكرين شوت دي حايمة عن قصد في الدنيا كلها و ل انت قايل الناس زيك كدا تنتظر الاخبار تجيها في مكانها و تغالط كمان ...
عليه العوض و منو العوض
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Asim Ali)
|
سلام يا شباب
القروب دة سمعت بيهو قبل مدة , واحد قريبنا اتقدم لواحدة رفضوهو بعد فترة وهو قاعد ف اوربا برضو مرة تانية اتقدم لي واحدة وحصل تعارف ووووو بعد قترة رفضتو .... المهم راسو ضارب كدة جاو الشمار نو صورتو نزلت ف القروب داك وفي (متبرعات ) جابن ليهو تاريخو كلو وبصرراحة تاريخ ما مشرف .....
قروب ممتاز شديد بس ان شاء الله ما يخربو ليهم بتاعات الامن ( الامنجيات).
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Asim Ali)
|
اسمو (منبر) (شات) مش (منبرشات) من الانبراش بصيغه المؤنث
========== شكراً الحبيب عاصم على الشرح رغم ضعف إمكانياتي في العامية ولكني كنت مستغرب من هذه التسمية كده الحكاية بقت واضحة
حبيبنا أبوحسين .. مودتي يا رب تنصر هؤلاء شباب ..
اقتربنا من الخلاص .. والفجر قد أتى
واصلوا بوستات التشجيع والحماس والتعبئة
مرة أخرى تحياتي لك أبو حسين الحبيب
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: اسمو (منبر) (شات) مش (منبرشات) من الانبراش بصيغه المؤنث |
أخونا عاصم أهلاً بيك اللي كان بحصل في القروب قبل الثورة هو أشبه بالمعنى الثاني .... الآن الجماعة بقولو عليه إستخبارات الثورة ...... قدم خدمات كبيرة للإطاحة بكثير من الأمنجية اللي كانو في وسط المتظاهرين ... و هن من أجبرن الأمنجية على تغطية وجوههم في المظاهرات و غيرها و جعلوهم يخافون كثيراً من تصويرهم ....
تحياتي
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: سلام يا شباب
القروب دة سمعت بيهو قبل مدة , واحد قريبنا اتقدم لواحدة رفضوهو بعد فترة وهو قاعد ف اوربا برضو مرة تانية اتقدم لي واحدة وحصل تعارف ووووو بعد قترة رفضتو .... المهم راسو ضارب كدة جاو الشمار نو صورتو نزلت ف القروب داك وفي (متبرعات ) جابن ليهو تاريخو كلو وبصرراحة تاريخ ما مشرف .....
قروب ممتاز شديد بس ان شاء الله ما يخربو ليهم بتاعات الامن ( الامنجيات). |
و عليكم السلام أخونا أسامة القروب كبير جداً علشان كدا لو طلبت أي معلومة عن أي شخص أكيد بتلقاها بسرعة و بالتفصيل الممل كمان ... علشان كدا صورة الأمنجي في دقايق على قولهن بجيبو ليك الزيت بتاعو ...
تحياتي
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
Quote: حبيبنا أبوحسين .. مودتي يا رب تنصر هؤلاء شباب ..
اقتربنا من الخلاص .. والفجر قد أتى
واصلوا بوستات التشجيع والحماس والتعبئة
مرة أخرى تحياتي لك أبو حسين الحبيب |
حبيبنا أستاذ علي التحايا و المودة الطيبة نعم الخلاص قريب بإذن الله و كل المؤشرات مطمئنة ....
تحياتي
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Yousuf Taha)
|
منقول من هنا https://www.facebook.com/shadia.abdelmoneimhttps://www.facebook.com/shadia.abdelmoneim
**المجموعات المنضوية تحت مظلة شابات سودان الغد **
" الجميلات هن القويات بأس يضئ ولا يحترق"
التحية لشهداء الشعب السوداني، المعتقلات والمعتقلين، لشابات وشباب السودان فى القرى و الحضر، للمصابات و المصابين منهم في أحداث ثورة ديسمبر، الشابات والنساء السودانيات في المهاجر.
التحية لجحافل المهنيات والمهنيين في كل المواقع. التحية لجماهير الشعب السوداني التي خرجت في الشوارع تهدر كالسيول مسطرة كلمتها ضد سياسات الظلم والقهر والتجويع والتشريد والتهميش والذل. نحن في المجموعات النسائية التي جمعتنا في الاسافير بعد أن ضيق علينا النظام القاهر المساحات على أرض الوطن كنا ولا زلنا في قلب هذا الحراك الجماهيري الذي انتظمت به جماهير الشعب الابي بكياناته المهنية واحزابه ومنظماته قلبا نابضا وإرادة لا تلين ضد القهر والفساد والطغيان.
نهب نحن نساء و شابات سودان الغد من داخل وخارج السودان نعلِنّ مناصرتنا لإعلان الحرية و التغيير ونشارك كتفا" بكتف مع القوى الموقعة على الاعلان ونؤكد اقتسام العبء الذي هبّت له الجماهير بلا توانٍ للنضال من أجل إسقاط نظام دمر الوطن واغرقه في العنف والفساد وكرس قبضته الباطشة لسحق النساء.
و نؤكد تأييدنا لموكب الزحف العظيم 31 وكل خطوات تصعيد النضال لإسقاط هذا النظام و نتعهد بأن نعمل مع كافة القوى الموقعة على إعلان الحرية والتغيير لأجل إسقاط هذا النظام و تأسيس دولة المواطنة و حكم القانون.
*مجموعات البنات التي إنضمت تحت مظلة شابات سودان الغد: 1. منبر شات 2. هواريزون 3. ماجيستي 4. الردمية 5. الدعم السريع 6. بالصراحة اكيد احلى 7.فسخ وجلخ 8. تنقد الرهيفة 9.رويحتي الحلوة 10.مهيرة 11. فينوس
*#عاش نضال الشعب السوداني* *#عاش نضال المرأة السودانية* *#والعزة للوطن*
*شابات سودان الغد 30 يناير ٢٠١٩*
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: Yousuf Taha)
|
Quote: هيا ببّا! كمان بلا خجلة نقلتو للمنبر الجديد!! بالله دا بوست يكنبو راجل وينقلوا كمان! |
اسمو المنبر الجديد .... !!!!!!! كان كدا بكري دا عندو كترت منابر ... 😂😂😂 آمنت بالله ... يا زول انت ما كنت كويس مالك الحصل ليك شنو ؟؟؟ غايتو ما فضل ليك الا تمشي تصور بالشماغ و العقال و تجي تعلقها لينا هنا 😂😂😂😂😂😂😂😂 داير اقول ليك قوم لف لكن حالتك صعبت علي ...😂😂
| |
|
|
|
|
|
|
Re: ***** قروب (المنبرشات) في الفيس و الثورة ***** (Re: ABUHUSSEIN)
|
7.فسخ وجلخ
=========== تحياتي للجميع .. حبيبنا أبوحسين .. ( فسخ وجلخ ) ربما تكون عبارات عادية في السودان ( نحن ناس ضواحي الدنيا ) ولكن لدى الخلايجة كلام خطير .. أحياناً بعض العبارات تكون عادية في مجتمعات وتكون معيبة في مجتمعات اخرى .. عبارة ( فسخ ) مستخدمة هنا لدى القانونيين ( مثال .. فسخ عقد العمل ) ولكن لدى العامة ( خلع الملابس) جلخ هي العبارة الأخطر لدى الخلايجة .. رغم السن وأنا خجلان ولكن لا حرج في المعرفة هي ( العادة السرية ) ربما معنى العبارة يختلف في مناطق اخرى في الخليج ..
تحياتي يا أبوحسين .. معليش قلنا فقط للمعرفة ..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|