|
عليييكم الله دندنو معاي .. يا نسيم ارجووووووووووووووووووووك
|
يانسيم ارجوك روح لها وحييها وبالغرام البي والشجون احكيها بي ادب يانسيم واحترام ناجيها لعل بالتزكار عطفها يعود ليها ان تصادف وكانت نايمة لا تصحيها كن كثوب عن عفة وبي حنان غطيها ان ابت او صدت دعها تتبع تيها وهي جاهلة وديعة رقيقة راقية نبيها لا تحاول احذر يا نسيم توذيها فهي بضة ندية ..الحرير يدميها كن ملا كا طاهر يا نسيم لوليها كن اديبا واحذر ان تمس خديها روحي بينك وبينها وانت ماك داريها ووجدي خلفك حارس وقلبي بين كفيها
|
|
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: إسماعيل وراق)
|
Quote: Quote: يا وراق العمدة ليهو كم فترة كدي طاير بالريش الدقاق(إلهي ما يرك من الطيران الجميل دة).. ك(شاهدة عيان)معاهو حق تماماً.. وندندن معاهو يا نسيم أرجوك ويا نصيم الصبا النجدي كمان
ما دام ذلك كذلك يا لنا... قولي له لا تنسى .. يا نسيم قول للأزاهر... |
أعتقد(والله أعلم)أن (أرجوك يا نسيم روح ليهو..بي أشواقي وصرح ليهو) أو (يا نسايم الليل روحي كلميه) أنسب و أوقع في حالتنا الراهنة فهو بحوجة لنسيم(ناقل و قائل)وليس (قائل فقط)
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: lana mahdi)
|
لعل بالتزكار عطفها يعود ليها ان تصادف وكانت نايمة لا تصحيها كن كثوب عن عفة وبي حنان غطيها ان ابت او صدت دعها تتبع تيها وهي جاهلة وديعة رقيقة راقية نبيها
Quote: ك(شاهدة عيان)معاهو حق تماماً |
الاميرة ست الامراء والاميرات حسي امانة في ذمتك وك ( شاهدة عيان ) النضم ده مافي مكانوا انا قلت الشاعر ده قاصدني انا ؤبث الاتاري يا بت مهدي كنا ضايعين ساي Quote: إلهي ما يرك من الطيران الجميل دة |
ايام الله لا عادها تلك التي لم نكن فيها وانشاء الله الضقتو والحنان العشتو ربي يديهو لكل الناس
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: إسماعيل وراق)
|
وبالغرام البي والشجون احكيها بي ادب يانسيم واحترام ناجيها ترلم ترلم ترلملممللمم
Quote: يا حبيب كيفك حالك يبدو أن حالة ما قد ألمت بك مما يستوجب على الحادبين إستدعاء طبيب جراح..
|
الحبيب وراق حالة ؤبث يا حبيب ؟؟؟؟؟؟؟؟؟؟؟
دي فيضانات تقيلة جدا بس قول يا ساتر انت قايل ريتا وكاترينا ديل الا في امريكا ؟؟
ده القلوب احيانا بتبقى اقوى من المفاعلات النووية بس بيني وبينك فللجدران اذان .
ودي موش من اجمل الاغاني دي الحنان ذاااااااااااتو ماشي با########## عدييييييييييييل ليهو روح وقلبي مليان جروح وللحبيب انا عايز اروح وكفاي نوح
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: حمزاوي)
|
Quote: حبايبي الحلوين حزب الامة حديد في شنو يا اخواني الغنا والطرب دا ماساي ركبونا معاكم |
اخوي حمزاوي
اركب ساي يا حبيب دي موجة حب عاتية ولا نجاة الا بسفينة المحبة والمودة والتذاكر عند اخوك وراق اصلو باقي راس الصوت وصلو ومافيها حاجة والله كل العاوز يفك اخرو يجي يحتو هنا البكاء في الحب مافي زيو تعال اتفشى يا حبيب وكمل جعريبك وكان ماك جعار بجعر لك انا ده اصلو جعاري ما بكفيني
والكنانية ما بتقصر تب البشكر كلها محضراها
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: محمد حسن العمدة)
|
بت اخوي الاستاذة لنا مرحب بالفرح المعنوي عشان خاطرك Quote: الخال ود قاسم و إنتا و أبا جهينة(بدون احتجاج)وصديق الموج و هلم جرا بالعمم و الجلاليب تشرفونا .. ما شايفنا مسيرين ود العمدة أنا ووراق حسة الله ورقبتنا؟؟ |
بس صديق الموج دا ما بينفع (عينو زايغه) وام حيدر محرصانا عليه أما الحبيب محمد حسن العمدة والله نسيروا ولي بيتو نوصلو بس بشرط انه يأخذ محسية
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: حمزاوي)
|
Quote: الخال ود قاسم و إنتا و أبا جهينة(بدون احتجاج)وصديق الموج و هلم جرا بالعمم و الجلاليب تشرفونا .. ما شايفنا مسيرين ود العمدة أنا ووراق حسة الله ورقبتنا؟؟ |
عارفة يا الاميرة الناس الممكونة زي كتيرييييييييييين وحسي كان دقت الدلوكة وزمجرت النقارة ودق الطبل بجو يعرضو
وهديتي دي يا وراق ويا حمزاوي وصية توصلوها لعمنا الكبير صديق الموج و
السواقي النايحة نص الليل حنين الدنيا ممزوج في بكاها زي طيورافي الفروع فارقت بتفتش جناها البيوت والناس بتسأل عن صبية فارقت حلتنا زي طيرا غريب سافر عشية ما حرام ماضيك يصبح ليك أسية يا سلام .يا سلام يا سلام لو كان الطيف حسن نية كنت نسيتنا الوصية
المفارق عينوا قوية
لا سلام منك وما منك تحية للوراك خليتوا عايش في الأسية ما حرام يا الفنجري ما تسيب وصية كنت زي طيرا غريب سافر عشية ما قبيل وصوني يا حليل الوصية كت مكضب ..كنت ناسي دابو صدقت المفارق عينو قوية
******** أوع ليييييل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب للديار مــــا حد يشوفنا.. لا نشوفوا.. لا يشوفنا انحنا راجعين في المغيرب..المغيرب المغيرب للديار مــــا حد يشوفنا.. لا نشوفوا.. لا يشوفنا
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: ايوب عبدالرحيم)
|
Quote: ياربي نسيم النشيشيبة ؟؟؟؟ |
ايوبي يا حليلك يا دفعة ويا حليل ايام النش كانت لنا ايام ..في قلبي ذكراها ما زلت اطراها ياليتنا عدنا..او عادت الأيام
*** أن أنسي ما أنسى ذكراك ياسلمي في وكرنا المهجور والصمت قد عمى تحلو لنا الشكوى والحب والنجوى لن أنسى نجواكي والهمس والبسمة وحرارة الأنفاس في قبلتي لما ضمتك يمنايا ..ياسعد دنياي وغفوتي في صدري نشوانة بالأحلام
*** كيف أنسى أيامي وفكرتي الكبرى يا وحي الهامي انعمت بالذكرى ذكرى لياليكي ..في خدر واديكي الليل أهواه في شعرك الناعم لكن تباعدنا دهرا وما عدنا للوكر ياسلمى..أو عادت الأيام
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: لؤى)
|
انا في البعيـد مشتـاق لهمسة من الوطن يـا نسمة
Quote: انا في البعيـد مشتـاق لهمسة من الوطن يـا نسمة
|
الجميل جمال الماشي ليهو النسيم
ياخوي انت النسيم ده شايلو وحايم بيهو البوستات وتهاتي بيهو من ضل لضل وجاي تقول لي التورو شنو ؟؟؟ انا قبيييييييل ما قلت الممكونين كتاااااار
تشكر ياغالي وحمد لله على السلامة بس قصة ما لاقي نت دي يعني جدة مافيها نت ولا شنو ؟؟؟
وناس اساسي وهشام عاملنها لينا الباوقة ذاتا في المدنية والجمال
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: محمد حسن العمدة)
|
Quote: ود العُمدة سلامات
والله أنا بعيد كُلّ البُعد عن النّت الأيّام دي ، وما فاضي لي دندنة ، لكن عشان خاطر أختي العزيزة لنا ، وعشان خاطر عيونك الشّينين
بس ياريتنا نفهم الحاصل شنو !! النّسيم دا التّورو شنو هسّع ؟؟ |
والله يا لؤي آخوي كتر خيرك جبرتا بي خاتر أختك أما التور (النسايم و الهبايب) فدي قصة يطول شرحها..موضوعنا الآن و (الخوف كل الخوف)ود العمدة ينفض يدو من الوراه و القدامو..ويقابل البوست دة بعد ما نصبتا ليهو الغنية..نبقى مع الكفيل في حل و أربط
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: nazar hussien)
|
يـا عمـدة يـا مـرتـاح ... طـار ليـك ولا شـنو !!؟؟
قـالـو :
الحـب بـداوى كعـب الاندهـاشـة !!!
شـفت الحـب فـي الكـبر بعمـل فيـك شـنو ؟؟ مـا زمـان قـلنا ليـك حـب .. بتقـوم تهـرب مـن (بلوك سفن) ... بنقـول ليـك (جكس) عـامل لينـا فيهـا الامـام المهـدي (عليه السـلام).. هسـع أخير ليـك الهضـربـة دي ؟؟؟ يـا راجـل أثبـت ...
مـع مـودتـي ، وأمنيـاتي الحـلوة لـك !!
ولك السـلام .. ولنـا السـلام .. فـي زمـن البحـث عـن السـلام .. حتـى مجـئ السـلام ...
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: حسين يوسف احمد)
|
ود العمدة
بقيت تحب عاد امانة ما تعب راجل اها هاك دي
يا نسيم بالله اشكيلو
يا نسيم بالله اشكيلو
تباريح شوقي وهيامي
يا نسيم عن شخصي ارويلو
حديث الحب وتأويله
وبالغ شرحي تطويلو
لعله يسيب دا كلو
او اقله يرجع قلبي في محلو
يكون في عطفه اكرامي
وافوز بي حظي ومرامي
دوام انا شوقي ناميلو
جداول دمعي تهميلو
صرف عن حبي صار ميلو
وانا اللازال احاميلو
احبه وافتخربو
واهوى قربو
واخشى حربو
يزيد في هجري وضرامي
وازيد في حبي وغرامي
محمد بشير عتيق
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: حسين يوسف احمد)
|
Quote: مـا زمـان قـلنا ليـك حـب .. بتقـوم تهـرب مـن (بلوك سفن) ... بنقـول ليـك (جكس) عـامل لينـا فيهـا الامـام المهـدي (عليه السـلام).. هسـع أخير ليـك الهضـربـة دي ؟؟؟ يـا راجـل أثبـت ... |
بسسسسسسسسسسسسسسسسسسسسسسسسس شفت شهادتك دي اشيلا واجري بيها كداري للجماعةزمان ما غشيتونا يا حسين عملتوها لينا كلها مظارهات واركان نقاش ووش الطوبة وحواشة القطن - عرفتو موش ؟؟؟
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: adil rahman)
|
زكرتنا الهمبريب وعنقريب في ضل شجرة مع العصرية تنوم وتحلم
الحبيب عادل عبد الرحمن
ياااااااااا حليل زمن العناقريب الهبابي ذكرتني بيتنا في كوستي وقت نطلع العنقريب ونرشرش الموية في الجنينة برا ونتونس مع اهلنا الطيبين ناس السكة حديد هذه جارتنا فلانة جايا من الجزارة وبتاع الخضار وعمنا فلان راجع من المكتب وشايل كيس العيش وديك راجعين من المدرسة ووووالخ
كانت لنا ايام والله
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: طارق جبريل)
|
Quote: انت عارف كويس انه انا ما حزب امة لحدي اللحظة دي بس كلامكم المدفق دا عجبني ودندنت معاكم
تليشة: لمن ما قدرين بتكبوا في الجلكسات دي ليه |
عشان تعرف وعشان تآمن يا طارق انو الفن لا لغة الجميع لا بعرف وساوس الساسة ولا تناحر الايدلوجيا الفن غريزة يفهمها ويتاثر بها الجميع حتى من كان في المهد صبيا
بس عارف احلى ما في الحب الجلكسات دي ده بدونا يا حبيب مالهو طعم
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: محمد حسن العمدة)
|
Quote: أسمع يا جوك
انت دندنة ده ما خلي تاني
انت جيب مرة داخل بيت تواااااااااااااااااااااااااااااااااااالي
اسمع يا جوك مش قالواااا مافي داعي ثانوي عالي ده ثانوي عام حاجة تمام 11 سنة أساس وعرس توااااااااااااااااااالي
وتييييييييييييييييييب؟؟؟؟؟؟؟؟؟؟؟؟؟؟؟؟؟؟؟ |
قرقرقرقرقر والله يا المسافر ضحكتني انت عارف ... انا ساعة بفكر في الكلام ده ونسيت عربي شرق اسيا على شاكلة عربي جوبا ... ذكرتني ايام الثانوي في الابيض عارف شارع المستشفى زي شارع النيل في خرتوم بليل كلو هوب سااااااااااااااااااااااي قلوب ده عدييييييييييييل موقع في الشارع وهاك يا قمردين نزل وفورموست طلع
| |
|
|
|
|
|
|
Re: عليييكم الله دندنو معاي .. يا نسيم ارجووووووووووووووووووووك (Re: محمد حسن العمدة)
|
ود العمدة single بتاع شنو ؟؟ يا رااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااجل ؟؟؟؟
الكلام ده بيصل الحلة ، والمول، وجنب الشارع والحلفاية .... خف خف شوية !!
بعدين مش زمان في الابتدائي قالوا ليك الجكس في الكبر كالشرب من البحر ؟؟
مااااااااااااااااا كنتوا بتقروا !
| |
|
|
|
|
|
|
|