|
|
 صوت عيونك
|
صوت عيونك
اول شئ ملامحك زاتا فى محنة
ملامح رؤيا بالاول ولونها شجن
حكاية زفة بالانغام ..
وصوت احساس بعيد جايى
وكل البشبه لقاك ممكون
ملامحك يا بنية عديل
شفق فى النهار الصاح
وشمس العفة فى عينيك
تقول ياها المشاوير البين
مشاويرك بوح جوة سكون
بتسكن فيها ارواح زول
يحن فى بُعدو للاشواق
ويستناك على الحس البعاين فيك
وفى عينيك ملاهى بعيدة للانسان
بيسرح ليها نص الليل
يتاوق فى بيوتا سجون
يا روعة فى شكل التفانى قبيل
ويا رعشة قوافى النيل
شتات عشقى ملهوف بيك
و انتصار حسك العالى فى دمى
يجرى عليك بشوق مجنون
اعتبرتك جزء اصيل من ألمى
من وهج العيون الزوق
وفى لغة العطر الحان
بتحكى حروفا قصة زول
مشاكسا حظوظو ديمة شجون
فى ذاكرتى صورتك بتحكى نغم
بتكتب رعشة الحيرة
تفاسير للوله صعبة
عشان الضحكة فى عينيك بترسم موج
يروح فى طيوفو كل الناس
تغنى مع الاحساس أحلى لحون
يرقص على الازعاج قلب لاهث
يفتش فيهن الاشواق بالفرحة
بتضحكى انتى فى وهجن
تروح الروح مع الانسام فى الضحكة
وتتغنى الليالى الطاشة فى الصحراء
تناجى كلامك المرهون
وانا فى عمق الكلام الجد
حيران فيك وفى عيونك
اسائل نفسى برااااحة ... وما ارتاح
اعايش قلبى فى الراحة وكت ينضح
ولما الدهشة تكمل تب
اسوق النغمة بالالحان عشان عينيك
ألملم جوطتى من الكون
واقول ليك بريدك يا عيون الحب
وزى ما يكون ....
بريدك انتى يا شوقى
واسافر فيك بالاحساس ومهما يكون ............ امستردام
|
|
 
|
|
|
|
alfatih
فيس بوك
تويتر
انستقرام
يوتيوب
بنتيريست