|
ســر الحيــاة !!!!!!!!!!!!!!!!!!!
|
ســر الحيــاة
حِدوة حصان.. رنانة في أضان البيعشق صوت رحيق الأقحوان ريحة صهيل الروح عنا.. ولون الضمير صاحي وبينضح عنفوان نَفَسْ الأماني الصاخبة.. جوانا الشهيق.. اللمسة بوح والهمسة طعم البُرتكان * * * * حدوة حصان.. بتدُّوس على وتر الأغاني وتسكُب الألحان نزيف تنكأ جراحات القصيد.. تصدأ حروفات الهِجَا وينافق الزمن الشفيف زمناً مَغَبِّي وما حريف.. وسخان ملّوث ما نضيف كداب حرامي وما عفيف محزن وقاتم ما طريف .. واطاتو حارة وما خريف زمناً شقي .. جملة هواجس وانفصام وجنون مخيف * * * * أنا إنتَ.. ما إنتَ التعفف والتشفف والنقاءات والسنا شاتَرْتَ كونَك يوم بقيت.. لون حنة البحر العروس أبيض دواخلك كاللبن.. وجُوَّاك نضار السَّوسَنَة * * * * أنا ما لقيتك صدفةً.. ولا كان رأيتك لمحةً جواي مأصَّل في العروق.. يوم وِلْدَت الشمس الشروق يوم عِشْقَت المطرة البروق.. رعدك هتف جوايا "طاخ" في روحي أذَّن صوت هواك.. ميقات صلاتك كل حين من دون مراعاة الفروق لامست خط الاستواء.. نازل تحت ساعات معاك ويطلع مُعَّرج إنحاء.. لو إنت يا حظ سعدو فوق طفل كبير.. بيضحك ويقهقه وينبطح للقمرة في نُص الهجير ينادي للكدسة التَنَطِّط في الحِيَط.. ويطارد النَّمِل الصُغَار نوح الرتيلا وكت تجُر.. قمحاية من نخلاية.. أو بلحاية من قمحاية في الجو المطير طفلاً كبير تلقاهو ينتف.. كم شعيرات فوق شفايفو تحت نَخَرْتُو إتلصَّقن يدَّسَّ يبكي وينحشر تحت السرير * * * * دَمْعَك صديق.. يهدم معاك جبل الهموم ينزع الألم الملغَّم.. في الحنايا واعوجاجات الطريق دمعك صديق.. يطهَّر الجُرح المَنوسِر بالعفن ويطفو بالحلم الغريق سايل نداك.. فوق جِذعة الريحان كَبوب تتلمَّا قطراتو الكتير .. وتَطَفِّي جُوَّاك الحَرِيق * * * * دمعك صديق.. يبقى في المنديل مرافقك في الدهاليز السواد دمعة زايد صفعة زايد هزة زايد لمسة من إنسان رقيق دمعك وَقِح.. مرات صفيق.. ومرات بيرقص في مجون ويغازل النجمة الحنون.. الطالَّة من شُبَّاكها في الليل الأنيق * * * * بشفق عليك وكتين تسوقك.. خطوتك ملهوفة للحب الربيع شفق المغارب بلعن الحُمْرَة.. البتسُكن في دفا الجوف الصقيع ورغم المشاوير الرماد.. في سِكَّة الحياة والحداد رابطني بيك.. سر البِيَرُبط ريحة الكفن الحنوط مع صرخة الروح الرضيع وآه يا وجع قلبي الوجيع آه يا وجع قلبي الوجيع
من ديوان ميلاد عصيب لرجل ما.. الصادر فى القاهرة !
|
|
|
|
|
|
|
|
Re: ســر الحيــاة !!!!!!!!!!!!!!!!!!! (Re: ALGARADABI)
|
القرضابى الغالى
Quote: الخواجة فلس و لا شنو قام يقلب فى الدفاتر؟؟؟ أدينا من الطازج لو سمحتى (ذبح اليوم) و على العموم البجى منك كلو حلو!! ناس ما عارف بجيبوها من وين؟؟ِ |
الخواجة مقرررررررررررررررش شعر يعلم الله !!
نحمدو ونشكر فضلو عندى ديوانين تحت الطبع لكن قلنا نطرح الفى الديوان الفات لمن لم يطلع ونرجو ان نكون عند حسن الظن دوما !
ارقد عاااااافية يازول ياسمح
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
Quote: أنا إنتَ.. ما إنتَ التعفف والتشفف والنقاءات والسنا شاتَرْتَ كونَك يوم بقيت.. لون حنة البحر العروس أبيض دواخلك كاللبن.. وجُوَّاك نضار السَّوسَنَة
|
يالقرضابي اخوي
عليك الله زولة بتقول كلام زي الفوق دا بيقولو عليها فلست ،، إنسانة بتحمل مشاعر زي دي بتترجمها لكلام زي دا ما قالو زول وما اظن يقولو وراها بشر ،، بتفلس ،،، أفلس أنا وتفلس إنت ونتسلف منها عبارات تعين الواحد فينا على صنفرة وجدانو في زمن الكآبة والرتابة والكربنة .
نادية ،،، في انتظار المدد
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: عبدالرحمن عبدالله أبوشيبة)
|
* بشفق عليك وكتين تسوقك.. خطوتك ملهوفة للحب الربيع شفق المغارب بلعن الحُمْرَة.. البتسُكن في دفا الجوف الصقيع ورغم المشاوير الرماد.. في سِكَّة الحياة والحداد رابطني بيك.. سر البِيَرُبط ريحة الكفن الحنوط مع صرخة الروح الرضيع وآه يا وجع قلبي الوجيع آه يا وجع قلبي الوجيع ...............................
تسلمي يا ندويه من الوجع.. ودائماً ان شاء الله حداك الفرح راسم شعاعو على وجيهك..
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: nashaat elemam)
|
صديقى نشأت الامام
اخو البنات
مقنع الكاشفات
عشا البايتات
الزول السمح جوة وبرة
تسلم من كل شر يااااااااااااااااااارب
Quote: تسلمي يا ندويه من الوجع.. ودائماً ان شاء الله حداك الفرح راسم شعاعو على وجيهك.. |
وانت كمان اخوى الغالى يارب
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: عبدالرحمن عبدالله أبوشيبة)
|
النبيل عبد الرحمن ابو شيبة
Quote: عليك الله زولة بتقول كلام زي الفوق دا بيقولو عليها فلست ،، إنسانة بتحمل مشاعر زي دي بتترجمها لكلام زي دا ما قالو زول وما اظن يقولو وراها بشر ،، بتفلس ،،، أفلس أنا وتفلس إنت ونتسلف منها عبارات تعين الواحد فينا على صنفرة وجدانو في زمن الكآبة والرتابة والكربنة .
نادية ،،، في انتظار المدد |
تسلم على حسن ظنك فينى ياعبد الرحمن وان شاء الله اكون عند حسن الظن بى دائما يارب
خارج النص:
اها نشترى الرياحين ولا لسة ؟!!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
Quote: بشفق عليك وكتين تسوقك.. خطوتك ملهوفة للحب الربيع شفق المغارب بلعن الحُمْرَة.. البتسُكن في دفا الجوف الصقيع ورغم المشاوير الرماد.. في سِكَّة الحياة والحداد رابطني بيك.. سر البِيَرُبط ريحة الكفن الحنوط مع صرخة الروح الرضيع وآه يا وجع قلبي الوجيع آه يا وجع قلبي الوجيع |
شكرا عزيزتنا نادية
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: عبد الله عقيد)
|
الشاعر ..والاديب المرهف عبد الله عقيد
Quote: تسجيل حضور وإعلان الحصول على كامل حصة الاستمتاع والارتواء من هذه الحروف المترفة |
لمرورك من بيوتاتى طعم البهجة ..واحساس الطمأنينة وكامل الرضاء .. فرجاءا لا تحرمنى هذه الاطلالة الرائعة ابدا
وكن كما اتمنى لك دوما بالف خير وسعادة
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
دَمْعَك صديق.. يهدم معاك جبل الهموم ينزع الألم الملغَّم.. في الحنايا واعوجاجات الطريق دمعك صديق.. يطهَّر الجُرح المَنوسِر بالعفن ويطفو بالحلم الغريق سايل نداك.. فوق جِذعة الريحان كَبوب تتلمَّا قطراتو الكتير .. وتَطَفِّي جُوَّاك الحَرِيق!!!!!!!!!!!!!!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
صاحبة الفردوس والمقام العالى (نادية) الحروف والحسن والذوق والوصف حسنا فعلت ، انت أخرجت من هذا الكنز لاننا لم نكن لنعرف كل هذا البهاء ونحن بعيدون عن مصادر الاصدار فى هذه القارة القارس شتاؤها والباردة المشاعر . صديقنى يا ندوية لم احس دفئا كما احسسته اليوم منذ زمن بعيد الا فى قصيدة واحدة طلبتها من شاعرها فوجدت انك ايضا ورائها بل كنت الملهم الاساسى لصاحبها وبذلك تكونى صاحبةاجمل نصين هزا كيانى وزلزلانى فى الفترة الاخيرة. الحظ فى قصائدك بالموقع قصرها ، وبذلك تتفقين مع استاذنا المشترك (سعد الدين ابراهيم) فى هذا النهج والذى ألف منه ديوان ( الثاء ثاء) . وتعنى ثلاث ثوانى لكل قصيدة بدعوى ان الوقت لم يعد يسع ان نتسكع زمنا طويلا ، فللحياة ملازم اخرى. بيد أنى احب الاندياح واحب هذا النوع من القصائد الذى يملاء حياتنا المحتاجة له حد الوله. محبتى لك اختى نادية عثمان مختار ضياء الدين ميرغنى
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: altahir_2)
|
النبيل المرهف ضياء الدين ميرغنى
Quote: صاحبة الفردوس والمقام العالى (نادية) الحروف والحسن والذوق والوصف حسنا فعلت ، انت أخرجت من هذا الكنز لاننا لم نكن لنعرف كل هذا البهاء ونحن بعيدون عن مصادر الاصدار فى هذه القارة القارس شتاؤها والباردة المشاعر . |
لو كنت اعرف ان لحروفى وقع الدفء فى نفسك الشفيفة اذن لانزلت هذه الحروف (المتواضعة) منذ زمان اصدارها الاول ايها الفنان الجميل .. ولكن عفوا وساحاول ارسال الديوان لك فى اقرب فرصة ان شاء الله .
Quote: صديقنى يا ندوية لم احس دفئا كما احسسته اليوم منذ زمن بعيد الا فى قصيدة واحدة طلبتها من شاعرها فوجدت انك ايضا ورائها بل كنت الملهم الاساسى لصاحبها وبذلك تكونى صاحبةاجمل نصين هزا كيانى وزلزلانى فى الفترة الاخيرة |
.
هذا والله لهو من دواعى فخرى وسرورى ايها البهى حد الثمالة !!
Quote: الحظ فى قصائدك بالموقع قصرها ، وبذلك تتفقين مع استاذنا المشترك (سعد الدين ابراهيم) فى هذا النهج والذى ألف منه ديوان ( الثاء ثاء) . وتعنى ثلاث ثوانى لكل قصيدة بدعوى ان الوقت لم يعد يسع ان نتسكع زمنا طويلا ، فللحياة ملازم اخرى. بيد أنى احب الاندياح واحب هذا النوع من القصائد الذى يملاء حياتنا المحتاجة له حد الوله. محبتى لك اختى نادية عثمان مختار ضياء الدين ميرغنى |
يالله!!
ماكل هذا الجمال الذى يحفنى وماكل هذه السعادة ياربى ؟!!
تشبّه كتاباتى (المتواضعة) بكتابات عملاق كسعد الدين ابراهيم ؟!!
وقبل ايام شبّه الاخ راكوبة كتاباتى (المتواضعة ) ايضا بكتابات الراحل الضخم الموهبة والابداع حسن الزبير !!
ياجماعة الرحمة حلوة (وجه مهجوم عديل)!!!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: خالدة البدوي)
|
الأخت العزيزة / نادية عثمان
تحية عطرة تشبه دواخلك المضمخة بالألق الجميل ...
لدي قناعة راسخة بأن الشاعر الجميل تجده دائماً إنسان جميل الدواخل ... (ولوغلطان صلحوني يا ناس..) حاولت أن أقتطع بعضاً من هذا النص المكهرب بارتعاشات الخلايا ولكني حقيقة لم أفلح .. بدون مجامله كل ما أنوي على مقطع يبدو الآخر أبدع ... برغم كل شيء أختي نادية تظلين الأروع والأكثر عمقاً وتجلياً ... وإبداعاًيلامس السماوات الشامخه ... ولا تعليق ... سوى التصفيق ...
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: إدريس محمد إبراهيم)
|
الانسان النبيل جدا
ادريس محمد ابراهيم
اتابع مرمروك المفرح من بيوتاتى بفرح طفولى غامر ايها الشفيف
فلا تحرمنى هذه الاطلالة البهية ابدا
Quote: الأخت العزيزة / نادية عثمان
تحية عطرة تشبه دواخلك المضمخة بالألق الجميل ...
لدي قناعة راسخة بأن الشاعر الجميل تجده دائماً إنسان جميل الدواخل ... (ولوغلطان صلحوني يا ناس..) حاولت أن أقتطع بعضاً من هذا النص المكهرب بارتعاشات الخلايا ولكني حقيقة لم أفلح .. بدون مجامله كل ما أنوي على مقطع يبدو الآخر أبدع ... برغم كل شيء أختي نادية تظلين الأروع والأكثر عمقاً وتجلياً ... وإبداعاًيلامس السماوات الشامخه ... ولا تعليق ... سوى التصفيق ... |
ياحامل المسك بيد وبالاخرى معول البناء عبر صفقة المشجع على الاستمرار فى سبر اغوار الحرف الحريق !
لك منى كل التقدير ووافر المعزة والاحترام ..
وكن بالف خير ابدا
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
بشفق عليك وكتين تسوقك.. خطوتك ملهوفة للحب الربيع شفق المغارب بلعن الحُمْرَة.. البتسُكن في دفا الجوف الصقيع ورغم المشاوير الرماد.. في سِكَّة الحياة والحداد رابطني بيك.. سر البِيَرُبط ريحة الكفن الحنوط مع صرخة الروح الرضيع وآه يا وجع قلبي الوجيع آه يا وجع قلبي الوجيع
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
نادية وبس (عندما يتسع المعني تضيق العبارة )
الكلمات سحائب للغة والشعر مطر يهطل دون إذن .والخيال فضاء يسمح بحركة تلك السحب وتشكلها
دوما امارس النظر الي تلك السحائب التي تشكل عوالم من سينماء هوليود. حينها ايقنت جيدا ان
لو كان البحر مدادا لكلمات ربي لنفد قبل ان تنفد كلمات ربي .
يظل الشعر هطولا حين التقاء سحائب الكلمات ذات الشحنات المختلفة في معمل اللغة لحظتها
تولد الاشعة والبروق والرعد والام المخاض معلنة ميلاد جديد لنص جديد ساعتها نطلق الزغاريد
والاحتفال .
الان الساحة الشعرية مليئة بحساسية خاصة,مما نتج عنها لون ونص إبداعي خاص له سماتة
ومميزاتة وملامحه .
النص يتشبع بسمات عدة ,ملئ بالكلمات التي تعبر عن مجسمات ملموسة لكنها تفقد هويتها
حين تتحرك وتتفاعل مع مجسمات اخري لتفرز اشارات لمعاني قد يختلف او يتفق المتلقون فيها .علما
ان النص اصبح ملكا للاخرين وليس ملكا للكاتب كما ان النص اصبح متعددا لمتلقي واحد حسب اختلاف
المعمل المكون له.
كما انه يمتلئ بمعاني كثيفه مما يمكن المتلقي من صنع مجسماته وعالمه الذي بشبع تلك
المعاني .وما بين هذه وتللك دوما نغرق في شبر موية ,حقا يمكن للنص ان يكون شبرا عميقا بعمق
ما يحجبه وبقدرتة علي المرواغة ودة كلام كبير له مساحته .
نادية والله الواحد يمتلئ حزنا عميقا ان يتم طرح هذه الاعمال الادبية والنقدية
بالاقسسسساط.نسبة لعدم وجود رصيد وطني يسع الجميع .
شكرا لك أيها المشفي
مجدي شبندر
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: إدريس محمد إبراهيم)
|
النبيل ادريس محمد ابراهيم
Quote: احترت واحتار الفهم ... والحيره ما بلت لي ريق ... والدهشه والبهره اكتست ... لون الأزاهر والعقيق ... واتلعثم الحس الندي ... من روعة "الحرف الحريق.." .. |
قالوا الفهم ياناس قسم
وانت فهمك جد عميق
زولا بديع يهوى الجمال
ويعشق الحرف الحريق
مسرورة بى طلة فرح
وكسبانة جد أنبل صديق !!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
أختي ذلت القلب الأبيض النبيل ... نادية عثمان
تحية صباحية تحاول أن تتطاول لتصل مقامك الشاهق البديع ...
قالوا الفهم ياناس قسم
وانت فهمك جد عميق
زولا بديع يهوى الجمال
ويعشق الحرف الحريق
مسرورة بى طلة فرح
وكسبانة جد أنبل صديق !!
الطيبه والحس الشفيف واشراقة الرد الأنيق ... خلوني ممتن ليك كتير .. شكراً كثيف صادق عميق .. ما انتي أروع من خيال .. واعتز إني اكون صديق ...
أستاذه / ناديه ...
بيوتاتي مشرعة تنتظر طلتك لتمنيحها بعضاً من وهج قلمك المتألق ...
مع خالص الود والتجلة ...
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: إدريس محمد إبراهيم)
|
النبيل ادريس محمد ابراهيم
Quote: الطيبه والحس الشفيف واشراقة الرد الأنيق ... خلوني ممتن ليك كتير .. شكراً كثيف صادق عميق .. ما انتي أروع من خيال .. واعتز إني اكون صديق ... |
يازول صديق بعتز بيك
وبى قلبك الصافى الكبير
انا للحرف ممنونة جد
جامعنى بيك عبر الأسير
الدنيا بيك كم فيها خير
يكفينى شر نار السعير !!
كن بالف خير ايها الصديق العزيز وتحياتى لاسرتك الكريمة ..
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: مجدي شبندر)
|
النبيل مجدى شبندر
Quote: نادية وبس (عندما يتسع المعني تضيق العبارة )
الكلمات سحائب للغة والشعر مطر يهطل دون إذن .والخيال فضاء يسمح بحركة تلك السحب وتشكلها
دوما امارس النظر الي تلك السحائب التي تشكل عوالم من سينماء هوليود. حينها ايقنت جيدا ان
لو كان البحر مدادا لكلمات ربي لنفد قبل ان تنفد كلمات ربي .
يظل الشعر هطولا حين التقاء سحائب الكلمات ذات الشحنات المختلفة في معمل اللغة لحظتها
تولد الاشعة والبروق والرعد والام المخاض معلنة ميلاد جديد لنص جديد ساعتها نطلق الزغاريد
والاحتفال .
الان الساحة الشعرية مليئة بحساسية خاصة,مما نتج عنها لون ونص إبداعي خاص له سماتة
ومميزاتة وملامحه .
النص يتشبع بسمات عدة ,ملئ بالكلمات التي تعبر عن مجسمات ملموسة لكنها تفقد هويتها
حين تتحرك وتتفاعل مع مجسمات اخري لتفرز اشارات لمعاني قد يختلف او يتفق المتلقون فيها .علما
ان النص اصبح ملكا للاخرين وليس ملكا للكاتب كما ان النص اصبح متعددا لمتلقي واحد حسب اختلاف
المعمل المكون له.
كما انه يمتلئ بمعاني كثيفه مما يمكن المتلقي من صنع مجسماته وعالمه الذي بشبع تلك
المعاني .وما بين هذه وتللك دوما نغرق في شبر موية ,حقا يمكن للنص ان يكون شبرا عميقا بعمق
ما يحجبه وبقدرتة علي المرواغة ودة كلام كبير له مساحته .
نادية والله الواحد يمتلئ حزنا عميقا ان يتم طرح هذه الاعمال الادبية والنقدية
بالاقسسسساط.نسبة لعدم وجود رصيد وطني يسع الجميع .
شكرا لك أيها المشفي
مجدي شبندر |
امام طرحك العميق
وتحليلك الوافى للمفردة اقف عاجزة عن القول !!
يلجمنى طرحك ورؤيتك للكلمة بكل هذا (الاتساع الثاقب)!
دعنى اكتب وانت وامثالك من اطباء الكلم يمرون بأدوات التشريح ليخرجوا لنا بالتشخيص المتكامل لحالات الانفعال الشعرى ولحظات المخاض العصية !!
كن بالف خير ولا تحرمنى اطلالتك البهية ابدا
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
(نحن أهل الجلد والراس)...( أدينا واحدة من بيت الكلاوي)...( أمسك لى وأقطع لك)... نادية سمعتي بالأمثال السودانية دي... ما عارف السودانيين أمثالهم كلها لحم ليه ............ دحين الأبيات بتاعتك دي سر الحياة من بيت الكلاوي
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: nour tawir)
|
الحبيبة المناضلة نور بت عم تاور
Quote: دمعك صديق.. يبقى في المنديل مرافقك في الدهاليز السواد دمعة زايد صفعة زايد هزة زايد لمسة من إنسان رقيق |
وتستمر الحياة ياصديقتى رغم المعاناة ومرار الغربة ووجع الاهل والوطن !!
اسعدنى جدا مرورك ياملكة ونزل على القلب بردا وسلاما
كونى دوما بالف خير
وكونى بالقرب من بيوتاتى فاطلالتك لها طعم الشهد !
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
Quote: أنا ما لقيتك صدفةً.. ولا كان رأيتك لمحةً جواي مأصَّل في العروق.. يوم وِلْدَت الشمس الشروق يوم عِشْقَت المطرة البروق.. رعدك هتف جوايا "طاخ" في روحي أذَّن صوت هواك.. ميقات صلاتك كل حين من دون مراعاة الفروق لامست خط الاستواء.. نازل تحت ساعات معاك ويطلع مُعَّرج إنحاء.. لو إنت يا حظ سعدو فوق |
حروفك جميلة يا نادية مثلك .. بتخرج من القلب للقلب ..
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: معتصم دفع الله)
|
الشقيق الغالى معتصم دفع الله
Quote: حروفك جميلة يا نادية مثلك .. بتخرج من القلب للقلب .. |
بل روحك المترعة بحب الخير والجمال هى الاكثر روعة يامعتصم .. ياهذا الفتى الذى افخر بأن انجبته بطن بلادى الحنينة !!
كن بالف خير ولا تحرمنى طلتك البهية دوما ايها الولد النقى جدا كقلب الامهات فى وطنى !
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
Quote: حدوة حصان.. بتدُّوس على وتر الأغاني وتسكُب الألحان نزيف تنكأ جراحات القصيد.. تصدأ حروفات الهِجَا وينافق الزمن الشفيف زمناً مَغَبِّي وما حريف.. وسخان ملّوث ما نضيف كداب حرامي وما عفيف محزن وقاتم ما طريف .. واطاتو حارة وما خريف زمناً شقي .. جملة هواجس وانفصام وجنون مخيف * * * * |
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
أختنا الأصيلة / نادية عثمان ..
Quote: يازول صديق بعتز بيك
وبى قلبك الصافى الكبير
انا للحرف ممنونة جد
جامعنى بيك عبر الأسير
الدنيا بيك كم فيها خير
يكفينى شر نار السعير !! |
يكفيك شر نار السعير ... ومن لسعة الحزن الهجير ... ما أنتي زي أروع وميض ... ما أنتي جدول ماء نمير ... حرفاً مجرتق بالبهاء ... زفة عروس في توب حرير ... يا الطاهره يا صوت الوطن ... تنداح أسى وزفرات هدير ... شكراً على عذب الكلام ... مبهور أنا وممتن كتير ...
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
أختي العزيزة نادية
لك كل الود وخالص التحايا ...
شكراً كثيراً .. ومعليش زي ما قلت للبوست الجميل يبدو إنك منشغله شويه حتى لم تقرأي المداخله الفوق شويه عندما داخلتك شعراً للرد على شعرك الجميل ...
لك كل الحب وخالص المنى ...
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: إدريس محمد إبراهيم)
|
Quote: يكفيك شر نار السعير ... ومن لسعة الحزن الهجير ... ما أنتي زي أروع وميض ... ما أنتي جدول ماء نمير ... حرفاً مجرتق بالبهاء ... زفة عروس في توب حرير ... يا الطاهره يا صوت الوطن ... تنداح أسى وزفرات هدير ... شكراً على عذب الكلام ... مبهور أنا وممتن كتير ... |
تسلم اخوى انت الامير
نضمك سمح ماهو الفطير
انجدنى من وسط الهموم
واصلو الحزن وجعا كبير
جيناك نفتش للسلام
والفرحة فى وهم الاثير !
ولقينا حبة فرحة جد
بس الالم كان جد خطير !!!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
الأخت النبيله / ناديه عثمان ...
تحية تحاكيك روعة وانبهارا ..
Quote: تسلم اخوى انت الامير
نضمك سمح ماهو الفطير
انجدنى من وسط الهموم
واصلو الحزن وجعا كبير
جيناك نفتش للسلام
والفرحة فى وهم الاثير !
ولقينا حبة فرحة جد
بس الالم كان جد خطير !!! |
يا ناديه يا قطر الندى ...
يا شايله من وطني الكثير ...
ما تشيلي همّ أبداً محال ...
يا الساكنه في قلب الأثير ...
لابد من الشوك والأسى ...
في سكة الهدف الكبير ...
إن شاء الله دايماً تسلمي ...
فواحه للحرف العبير ...
كوني دائماً بألف بخير مع خالص التحايا لأسرتك الكريمة ...
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: فيصل نوبي)
|
ادريس ونوبى
اشقائى الاعزاء
تسلموا يارب
معليش على الغياب والله كمبيوترى بايظ والمهندس شالوا ليهو اربعة يوم واختفى !!!
حالتى صعبة وشغلى متعطل وزهجانة زهج شددددددددديد!!
اها دعواتكم وربنا كريم يشفى كمبيوترى ويرجعوا لى بالسلامة !!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: نادية عثمان)
|
Quote: يا ناديه يا قطر الندى ...
يا شايله من وطني الكثير ...
ما تشيلي همّ أبداً محال ...
يا الساكنه في قلب الأثير ...
لابد من الشوك والأسى ...
في سكة الهدف الكبير ...
إن شاء الله دايماً تسلمي ...
فواحه للحرف العبير ... |
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: إدريس محمد إبراهيم)
|
Quote: يا ناديه يا قطر الندى ...
يا شايله من وطني الكثير ...
ما تشيلي همّ أبداً محال ...
يا الساكنه في قلب الأثير ...
لابد من الشوك والأسى ...
في سكة الهدف الكبير ...
إن شاء الله دايماً تسلمي ...
فواحه للحرف العبير ... |
الوطن الحبيب شايلنو جوّة عيونا
نحلم بيهو ديمة فى صحونا وسكونا
البلد الوفى حاشاهو مابيخونا
شايلين من سمارو وطيبتو قمحة لونا !!
| |
|
|
|
|
|
|
Re: ســر الحيــاة !!!!!!!!!!!!!!!!!!! (Re: adil rahman)
|
الغالى عادل عبد الرحمن ابراهيم
Quote: في رأيي (شاعرة البلاط) لقب جميل إذا لم يعجبك نسحبه على الفور دون سابق إعلان |
لا .. طالما عاجبك اللقب ماتسحبو.. بس القصة بتتوقف على انى شاعرة بلاط ناس منو ؟!!
وبعدين شعراء البلاط ديل بيان قالت كانوا بيدفعوا ليهم دنانير وانا بكتب بلوشى !!
ههههههههههه
سعيدة بمرورك الطيب اخى عادل وكن بالف خير
| |
|
|
|
|
|
|
|