نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: بورداب الامارات ابتسموا تماضر فى الشارقة (Re: mohmmed said ahmed)
|
الغالي أستاذنا أبوساره ،،، تحية و شوق كمية،،، والله اللوم جاك من حسى ... أول مره تعملها و ماتتصل الحاصل شنو ؟؟ ولا لقيت أبو وسن و (الفورويل)2006 و فتحت لينا ... ولا مطار دبي ده (prestige) نحن و ناس الزنجي ديل(حدنا)النادي العربي و البطينة ... تحياتنا للغالية تماضر .. حللتى أهلا و نزلتى سهلا ... لو علمنا مجيئكم لفرشنا مهجة القلب مع سوادالعيون وفرشنا خدودنا و التقينا ليكـن المسير فوق الجفون ...
عـزيزي أبوساره .. حاضرين إنشاء الله سأتصل بك لاحقا للتنسيق و التواصل ..
و تسلم ياغالي ....
| |
|
|
|
|
|
|
رد (Re: mohmmed said ahmed)
|
شلبى الفردة شنو يا زول يا مختفى انت ما بتقصر انا كنت منسق مع ناس الدائرة الثقافية للذهاب للمطار جمعتنى صدفة بالعزيز ابو وسن وهو ما بيقصر المطار طوالى بهنس الفنان ياريت كنتا معنا تماضر من جات الجو انعدل و3 يوم امطار شفتا كيف
| |
|
|
|
|
|
|
Re: بورداب الامارات ابتسموا تماضر فى الشارقة (Re: عمر عبد الخالق سعيد)
|
الأخ محمد سيد أحمد سلامي واحترامي لك ولجميع الإخوة الكرام مليون مرحب بالأخت الفنانة تماضر في شارقة الثقافة والأدب. ونتمنى لها أقامة طيبة ونرجو أن يكون الاحتفاء بها يتناسب مع شخصها الكريم .. نتشرف وتتشرف الشارقة بشروق تماضر.. نرجو التنوير عن برنامج الاحتفاء بها لو أمكن حتى يستطيع أكبر قدر من الزملاء المشاركة.. لكم جميعاً الود والإعزاز..
| |
|
|
|
|
|
|
رد (Re: mohmmed said ahmed)
|
القرضابى 19 بداية المهرجان اصحى يا بريش الحلاوى جاهز عمر عبد الخالق نصر الدين احمد النيل شاع الدين امسحوا ساى المنصورى حضورك ضرورى الزنجى وين يا جار جارى وانا جارو تماضر منذ عصر الامس تم اختطافها من الاقارب وما لامين فيها انا خايف افتتاح المهرجان ذاتو ما تجى بين خالتى صفية وعمتى هنية
| |
|
|
|
|
|
|
Re: عباس (Re: mohmmed said ahmed)
|
شكرا لك أخي محمد سيد أحمد.. وكل الترحاب الجميل بالفنانة تماضر الخير.. وأتمنى أن تمدنا ببرنامج الفنانة تماضر ومتى ستقدم أول عروضها.. حتى نتشرف بلقياها..
| |
|
|
|
|
|
|
رد (Re: mohmmed said ahmed)
|
الاعزاء محمد الامين المسافر تيسير ابوتقى يمكن بصورة مبدئية الاختفال يكون مساء الجمعة بس القرار النهائى فى يد كتيبة العمل المباشر على اسماعيل الجريفاوى شلبى ديا ناس الترتبيبات التنظيمية غايتو القرضابى ضامن لينا فنان
| |
|
|
|
|
|
|
Re: بورداب الامارات ابتسموا تماضر فى الشارقة (Re: abas)
|
اصدقائى الاعزاء ...
Quote: عباس ولنا مهدى سارى الليل شماسى فى العين سبيل خال العيل خال فاطمة سمبتيكو تيسير عووضة من الله المنصورى حمزة سليمان عاطف عبد الله بدرى الياس عثمان حامد يحيى عبد الكريم سيف خليل ياسر عبد الحى هشام المجمر ومحسن خالد وعبد الجبار فى ابوظبى عجب الفيا عويس سرندار ابوحجل مهدى الامين مرتضى عبد الدين عبد الله بابكر الحلاوى المسافر كارا الجريفاوى شلبىالقرضابى عاطف عمر الزنجى العربى داليا انسانة ابوتقى مجوك السندةعمر بهاء الفنان عمر عزيز د محمد الامين د عمر عبد العزيز الكتيابى
|
التحية والتقدير لكم جميعا ... والله ليكم بالجد وحشة ..والبركة فى زوارنا الكرام البيهم حنشوفكم تانى ..ده ما صوت ملامة لكن حقيقة نحن فى بقعة واحدة وبالكاد نلتقى فى المناسبات فقط .. العريس شلبى : شعلة بورداب الامارات والانسانة زولة 123 كانا انشط واميز البورداب فى تفعيل انشطتنا .. زولة اختفت فص ملح وداب (نسأل الله لها السعادة اينما حلت ) والعريس الشاب الخلوق شلبى مسكو داء المتزوجين وركن تلفونات بس واحيانا ( اصح يا بريش ) والاستقبال كان صدفة جمعتنامناسبة عظيمة من اخ عظيم بابو سارة و منها على الطاير المطار وكان الوقت متأخر وما كان نريد ازعاجك يا امير .. عباس بتاع العين زمان : مشى الفجيرة وانقطعت اخباره التقول صابتو عين ..مشتاقين لشوفتك يا ابومحمد ...الجريفاوى (والله هسع انا كنت فى سيرتك وكنت عايز اتصل بيك ؟؟مشتاقين ) سيب الحركات دى وبان وليك الامان ..الزنجى الزين انت قريب وشارع الشيخ زايد ما بعيد ومؤسستكم شعارها الوصل اين انت من ذلك ؟؟؟؟؟؟؟؟؟؟ مهدى الامين الشاب الانيق المهذب جهز كمرتك المناسبة تستاهل (يعجبنى ادبك حقيقة)..يحيى عبدالكريم :الحكاية شنو يا سعادتة الافقاتو الخير لو ما كفى اهل البيت ما بدو للجيران ..مشتاقين يا اخى غريبة مش كده ؟؟؟؟ خالد عويس اميرالامراء : السكوت ابلغ من الكلام احيانا وبالذات فى شخصيات مثلك ..الكتيابى صديقنا الاديب الشفيف افتقدناه كثيرا .. سافر للعيد ومن ديك وعييييك طاب له المقام فى الوطن وبينى وبينكم كده كلنا ديرنها ...الاصدقاء الاعزاء جميعكم نتمنى ان نلتقيكم يوم الجمعة مساءا الساعة الثامنة بنفس القاعة وهذا باعتبار تاكيد للزمان والمكان (قاعة قصر اسيا قاعة المبارك)نفس القاعة التى تم احتفاء الاخ بكرى بها .. خالص الشكر والتقدير
| |
|
|
|
|
|
|
رد (Re: mohmmed said ahmed)
|
شوفو الشتارة نسيت اعزاء مثل الصحفى الهمام الكيك وصاحب الانامل السحخرية الفنان عمر عزيز
عد كبير من البورداب يطالب بان يكون الاحتفال يوم الخميس نحاول ذلك اليوم واذا نجحنا نعلن لكم مساء اليوم
| |
|
|
|
|
|
|
Re: بورداب الامارات ابتسموا تماضر فى الشارقة (Re: HAMZA SULIMAN)
|
ياناس الشارقة سلام
الناس الروحهم شمسها شارقة سلام
الناس المسكولاتهم فى اشعارم غارقة سلام
الناس الما لاقيين من ودسيداحمد طريقة طارقة سلام
محمد سيد احمد غشاكم هوى
انا فى الفندق منتظراكم هوى
يادوب جاب لى موبايل
ويادوب للحفلة بفكر يحاول
وهههههههه
المحبة شديدة
ونهال كرار ما ضلامية
وعلى اسماعيل انصارى على السكين
وتيسير عوووضة عسل
ومحسن خالد .... شافع ساى
وكل الناس الحلوة...
احبكم تربيع.
ولما اشوفكم اعفوا لى
اهلا بيكم
| |
|
|
|
|
|
|
Re: بورداب الامارات ابتسموا تماضر فى الشارقة (Re: منصوري)
|
العزيز أبو مصطفى
العزيز علي إسماعيل
الأعزاء المنظمين
التحايا والود
مراعاة لظروف القادمين من إمارات أخرى للإحتفال بالأخت تماضر مراعاة لظروف ( الجميع ) بإرتباطهم بمواعيد عمل أو مدارس لأطفالهم صباح السبت
ألا يمكن تقديم الإحتفال ليوم الخميس ؟؟
| |
|
|
|
|
|
|
Re: بورداب الامارات ابتسموا تماضر فى الشارقة (Re: mohmmed said ahmed)
|
الأعـزاء الغاليين ،،، تحية صباحية،، رغبة الكثيرييييييين في لقاء الغالية المبدعة تماضر في شارقة الجمال و إختيارهم ليوم الخميس كموعد يتناسب مع إرتباطاتهم سيما و أن الكثيرين يقيمون في مناطق خاج الاماره جعل من أمسية يوم غد الخميس الموافق 23/3 بالنادي الثقافي العربي موعد للقاء البورداب على شرف الأستاذه تماضر ... للمزيد من التنسيق يمكنكم الإتصال بالإخوة محمد سيد أحمد 0504912637 علي إسماعيل 0504506191 الجريفاوي 0507682297
| |
|
|
|
|
|
|
Re: بورداب الامارات ابتسموا تماضر فى الشارقة (Re: عبد الباقي الجيلي)
|
Quote: زولة إنسان أول شيء يا سلام، تماضر بت خُطواتها يسرّحوا مساير الدرب وحلوة حلاة، العجب ضحكتها،.. إبراهيم الصلال اتكسّر فيها مَرَّة، إنت والله جوهرة المهرجان ووردة الفندق، من أقواله "البكائية" في طمطم،.. |
ما حاسدنكم يا ناس الامارات....بس بغرانين،
تحياتنا للمبدعة تماضر النورت الامارات... وشرفت السودان بحضورها البهى
تحياتى
| |
|
|
|
|
|
|
Re: بورداب الامارات ابتسموا تماضر فى الشارقة (Re: mohmmed said ahmed)
|
استاذي محمد حاولت بعث هذه الرسالة لك عبر الماسنجر الداخلي.. ولكنه استعصم عن ايصالها لك.. نشات الامام
الاستاذ العزيز محمد سيد احمد لك التجلة يا رجل يجعل احلامنا بالتواجد ضمن المهرجانات والفعاليات الثقافية العربية ممكناً.. ونشد على يدك ونربت على كتفك وانت تحتفي بثقافتنا لهذا الحد وتناضل من اجلها اتصلت بالاخت تماضر حول مشاركتها في المهرجان.. فاعطتني ضمن ما جادت به اسمك وانك قمت بارسال الدعوة لها.. فلك شكر كل سوداني حادب على وطنه وبنيه.. ادعى نشأت الامام.. عضو واخ لك بالبورد هذا الوطن الجميل الذي جمعنا بأعزاء نفتخر بتواصلنا معهم.. واعمل صحافياً بصحيفة الرأي العام السودانية.. ولدي صفحة فنية اسبوعية كل يوم خميس.. احاول الاجتهاد بقدر ما يتيحه الوقت في عكس تواجد مبدعينا خارج الوطن.. من اخذتهم الغربة الاختيارية او القسرية.. واحاول خلق تواصل لهم مع جمهورهم هنا في السودان.. لذا فاني مهتم ببتبع اخبارهم وهم في ذلك البعيد يحملون السودان في حدقاتهم.. وفي قلوبهم.. ليتك استاذي تعينني في ذلك بعكس ما يدور هناك من احداث وفعاليات ثقافية للسودان منها نصيب ولمبدعيه كذلك
| |
|
|
|
|
|
|
رد (Re: mohmmed said ahmed)
|
شرفتنا الفنانة تماضر بالزيارة فى المنزل وتعرفت على زوجتى لبنى وبناتى سارة وسماح ومصطفى قعدت فى الكومبيوتر وعملت خروج وضاع منى الباسورد ونسيت كيف ادخل ويكرى ما ردعلى وابن عمى وقريبى شلبى سمح لى بالدخول عن طريقه تماضر قعدت وكتبت فى البوست وقالت لى نبذتك يا محمد سيد احمد قلت ليها ا....فى بيتى وبيكبوردى يا تماضر
| |
|
|
|
|
|
|
رد (Re: mohmmed said ahmed)
|
سلوى مهيرة ثريا والله تماضر عملا حيوية وصخب فى المهرجان احمد العربى تماضر من امريكا جات وشفناها انت حنشوفك متين ضياء يامتر اسمك اول زول يا اسكندرانى محمد محى الدين تشرف بس لمن تجى تعرفنا عبد الباقى والله المطر حاجة عجيبة الامارات ما حصل فيها جو زى دا فى مارس امس علقت كدا العراقية والكويتية قالوا الجو اتصلح عشان نحنا جينا قلتا فى سرى هوى دى تماضر ما تصلبتن عادل عثمان شكرا على الصور الجهل التكنولوجى شلانا ما بنقدر ننزل الصور تماضر اشترت كاميرا ونازلا تصوير امس فى جلسة تكريم الفنانيين واحد قال ل احمد بدير جمهورك من النساء الجميلات تماضر قالت ليهو انا واحدة منهن قال ليها يا اه وانت كاتما كل دا ليه تراث يا ريت تجيكم تماضر فى اليمن السعيد بيك وبالجندرية والجلسات الثقافية والشاعرات ناس هدى ابلان ونبيلة الزبير نشات الامام يازول انا معجب جدا بالمسادير ومتابع بالرغم من اعجميتى النوبية حاضرين تماضر كلمتنى وسوف اكتب لكم بس ادينى الايميل اول مرة اعرف انو نهال كرار معانا هنا ان شاء الله تشرفنا فى الحفلة
| |
|
|
|
|
|
|
Re: رد (Re: Shalabi)
|
الاخ العزيز شلبي ياخي تشكرات عديل كده على اهتمامك.. ونحنا في الانتظار ورغم لسانك النوبي.. سعيدين بتعاطيك العربي بهذه الدرجة الجميلة
واهو.. نحنا في الانتظار
| |
|
|
|
|
|
|
Re: بورداب الامارات ابتسموا تماضر فى الشارقة (Re: mohmmed said ahmed)
|
نعم.......إبتسمنا.... وابتسم الخليج
فصناعة البسمة فى الشفاه هبة تندر فى هذا الزمن اليباب ....
دعونى الآن أجهز نفسى ... فساعة الإحتفاء بمصدر الإبتسام قد أتت ...
بعدها لى حكايات عنها ستأتى ... هى تعرفها ... وستعرفون
أتصدقون لو قلت لكم ....
ماذا أقول.. ألا يكفى البعض منكم ان ربيع قدومها قد أخرجنى من موسم البيات
صلاح أبوحجل
| |
|
|
|
|
|
|
ليلة تماضر (Re: mohmmed said ahmed)
|
امس كان يوم تماضر العالمى حديث مرتب وجميل وعميق فى قناة الشارقة الفضائية الساعة 6مساء حضور العروض المسرحية من السابعة حتى التاسعة ادارة ندوة تطبيفية الساعة العاشرة مساء الساعة الحادية عشر النادى العربى وبدا هطول شلالات الابداع التماضرى وصلنا النادى العربى اهل الفن حمزة سليمان وبهاء سليمان ومكى على ادريس اعتذروا ما عندنا برنامج رحبت بالحضور وبتماضر وبالمسرحية العراقية ازدواهى صموئيل والقى د عمر عبد العزيز رئيس النادى كلمة ترحيبية قصيرة اها استلمت تماضر الحفل وهطلت نكات وتعليقات ومشاهد مسرحية حدثت حالة من التالق المدهش يعنى ظرافة تماضر فى الونسة الفردية تضاعف عشرات المرات وهو تتواصل مع الجمهور ادهشتنى كيمياء التواصل لدى المسرحى وهو يسرى الى الجمهور امتدت تماضر وغطت المكان والزمان طافت بنا الى الوطن وهموم الناس ومعاناتهم تدخل فى شخصية وتخرج الى اخرى حكت مجموعة من الحكايات الطريفة فلانة صحبتى وقريبتى ديك بمقدرة فذة على التقاط الطرفة والمفارقة الكوميدية وتمكن فى الاداء اللفظى والحركى وهى تعرض سالت دموع عدد كبير من الحاضرين ونحن فى هوجة ضحك عارم ستبقى فى ذاكرتى طويلا ليلة امس وستقودنى للبحث فى كيمياء التواصل بين الفنان والجمهور بجد السوتو تماضر امس فيهو شى من السحر العجيب
| |
|
|
|
|
|
|
Re: ليلة تماضر (Re: mohmmed said ahmed)
|
محمد سيداحمد تماضر هي السحر نفسه معجونه بي عســـــــــــــــــــل هي الممثلة ...المنظرة في خفة دم وفي نفس الوقت بي عـــمق تماضر شــــــــــــلال من العفوية والتلقائية يابختكم بي تماضر ويابخت تماضر بيكم هي ذاتها دلوقت فرحانة انها لاقت كل الناس الحلوة وده بديها شحنة من الالق تقدر تدور الفين سنة ضؤئية لي قدام مبروك عليكم وخليها تفكر جادة تصلنا هنا في الدوحة عشان نقوم بالواجب لهذه الفنانة العظيمة التي سرقتها من جمهورها الغربة الشينـــــــــــه
| |
|
|
|
|
|
|
السنى (Re: mohmmed said ahmed)
|
السنى الفنان لا بالجد امس تماضر قربت تطير ونحن فى خضم ايام الشارقة المسرحية عروض وندوات وجلسات نقدية واوراق تقدم وتبحث فى اشكالية العلاقة بين الخشبة والجمهور المتلقى امس تماضر اثبتت انو لا فى اشكالية لا الله قال القصة كلها فيزياء توصيل الكهرباء وكيمياء تفاعل الوجدان مباشرة منذ اللحظة الاولى حصل نوع من التوحد بين تماضر فى المقدمة والجمهور فى الصالة الزولة دى قعدت تحكى وتمثل وتضحك لمن اشوطنت الناس قاعدا تمسح دموعا من الضحك هو كان عرض مفتوح ساحر بين الحكى والضحك والتشخيص والانفعال والحركة والطرفة والونسة غايتو انا كنت شايف عزة بنت د مصطفى ادم بتصور بالفيديو لو الخبراء ساعدونا نحاول ننزل ليكم جن تماضر السوتو امس
| |
|
|
|
|
|
|
السنى (Re: mohmmed said ahmed)
|
السنى الفنان لا بالجد امس تماضر قربت تطير ونحن فى خضم ايام الشارقة المسرحية عروض وندوات وجلسات نقدية واوراق تقدم وتبحث فى اشكالية العلاقة بين الخشبة والجمهور المتلقى امس تماضر اثبتت انو لا فى اشكالية لا الله قال القصة كلها فيزياء توصيل الكهرباء وكيمياء تفاعل الوجدان مباشرة منذ اللحظة الاولى حصل نوع من التوحد بين تماضر فى المقدمة والجمهور فى الصالة الزولة دى قعدت تحكى وتمثل وتضحك لمن اشوطنت الناس قاعدا تمسح دموعا من الضحك هو كان عرض مفتوح ساحر بين الحكى والضحك والتشخيص والانفعال والحركة والطرفة والونسة غايتو انا كنت شايف عزة بنت د مصطفى ادم بتصور بالفيديو لو الخبراء ساعدونا نحاول ننزل ليكم جن تماضر السوتو امس
| |
|
|
|
|
|
|
امس (Re: mohmmed said ahmed)
|
سعدنا بعودة ابوحجل للكتابة بالمنبر وتشرفنا بالاعزاء جمال طراوة وزوجتة ماجدولين والاولاد د مصطفى ادم وزوجتة وعزة مدثر وزوجتة د نجاةحسن نهال كرار ضلامية منورة
| |
|
|
|
|
|
|
Re: امس (Re: mohmmed said ahmed)
|
الميشــــــوطينة ودي ليها الســــــــــــــــــلام والـــــــــــــــــــــــــــــــــــــــــــــــوق نحن في الانتظار في مطار الدوحه
| |
|
|
|
|
|
|
Re: امس (Re: mohmmed said ahmed)
|
Quote: سعدنا بعودة ابوحجل للكتابة بالمنبر وتشرفنا بالاعزاء جمال طراوة وزوجتة ماجدولين والاولاد د مصطفى ادم وزوجتة وعزة مدثر وزوجتة د نجاةحسن نهال كرار ضلامية منورة |
فقط؟؟؟؟
| |
|
|
|
|
|
|
Re: بورداب الامارات ابتسموا تماضر فى الشارقة (Re: mahdy alamin)
|
Quote: بجد السوتو تماضر امس فيهو شى من السحر العجيب |
أيواتلك يا محمد وأنا أقول ... سرعة البصر تفوق سعة الأعصاب الناقلة والدماغ سعة ستة سلندر ناقص زيت كلما يسرع عشان يلحق يلقى مئات الأسئلة هو في سنو هو في سنو القصة هذه سألت عنها الميكانيكي البكتساني
بولكال أكال قال لي أنت مشان صديق مال أنا أنا بكلم مشان انت انت بس عاين بعيونك الباقي مال انت كلو في خراب
أيوة عشان كدة الفنان قال بس بعاين بعيوني
لكن من غير ( انتي سحر) ( أنتي فيشن) المسألة فيها خطورة
يعني ببساطة بتحصل ليك لخبطة
يعني لما تأخد ليها جرية كدة على الشمال واحدة من العوينات بتجري معها شمال والتانية ما بتشوفش إلا النور
وكما قال الخبير البكتساني في ميكانيكا الحركية العقلية "" بس خلاس انت في شرب مية كتير.. ومافي قر قر قر كلام كتير بس خلاس..
| |
|
|
|
|
|
|
تماضر (Re: mohmmed said ahmed)
|
السنى الفنان تماضر ما بين مطار مسقط ومطار البحرين حايرة مهدى فاتتك ليلة حلوة المسافر كل لغات الدنيا تعجز عن وصف ما فعلته تماضر امس غايتو محاولة التعبير الباكستانية قدمت اضاءة
توجهت تماضر ظهر اليوم الى ابوظبى بصحبة هشام المجمر وما تقصروا يا ناس ابوظبى
| |
|
|
|
|
|
|
سعدنا (Re: mohmmed said ahmed)
|
صديقى عاطف عمر لا طبعا ما فقط ....سعدنا بكل الاحباء فقط انا اشرت للناس اللقيناهم اول مرة سعدنا بلاسرة الكريمة والبنات الجميلات والفرس الصغير لنا مهدى فى احتفال لتكريم ووداع تماضر يوم الاثنين بعد بكرة وكدى ما تجى انت ويعقوب سفيان تدفعوا كم يا ناس السودان صديق الموج عمرة كدى خليها تفكر غابت تماضر مساء الحب عن عروض المهرجان فحلت عليها الكابة جننوا الناس بالسؤال ابراهيم الصلال المكسر كل شوية وين تماضر وين تماضر قربت اقول ليهو اصلو انا داسيها فى جيبى
| |
|
|
|
|
|
|
Re: سعدنا (Re: mohmmed said ahmed)
|
Quote: صديقى عاطف عمر لا طبعا ما فقط ....سعدنا بكل الاحباء فقط انا اشرت للناس اللقيناهم اول مرة سعدنا بلاسرة الكريمة والبنات الجميلات والفرس الصغير |
عارف يا محمد
ونحن إنتظاراًَ لمقدمكم الميمون طلعت عفو الخاطر طرفة بليغة من العزيز صلاح أبو حجل أو لعله العزيز عجب الفيا مفادها ( أنو الزول الداير يتداخل أو يهظر في بوست اليومين ديل إلا تكون سكينو في ضراعو ). وأنا أقرأ كلماتك الصادقات في وصف البهجة التي أشاعتها العزيزة تماضر في الحفل . إنتابتني رغبة عارمة في ( الهظار ) تحسست ( ضراعي ) لم أجد سكيناًَ . قلت ياود ما عليك فك الهظار ساى أبو مصطفى جمل شيل .
قالت هديل إبنتي( أول مرة أشوف ممثلة سودانية ولا أحس إطلاقاًَ أنها ( بتمثل ) ) قلت لها إنه الصدق في الأداء والتمكن
تماضر شيخ الدين
شكراًَ كثيراًَ وليته يكفي
| |
|
|
|
|
|
|
Re: بورداب الامارات ابتسموا تماضر فى الشارقة (Re: mohmmed said ahmed)
|
كانت لحظات في منتهى الروعة، تلك التي قضيناها مع تماضر يوم الجمعة، وقتما حضرت لزيارة بورداب وبوردابيات ابوظبي وزيارة أهلها...يرجع الفضل فيها للأخ هشام المجمر وتماضر ومحسن خالد... لحظات تعرفنا فيها على تماضر عن قرب لحظات رائعة بروعة تماضر وخفة دمها ثم وجديتها ودقتها التي علمها لها الغرب فنبعت من ذاتها بصبغة تماضر.. لحظات تعرفنا فيها على بورداب وبوردابيات في منتهى الوداعة والرقة والفكر والأدب والتربية عالية النسق والذوق...تمنينا أن تطول.. لحظات سرقناها من الزمن المزحوم فكانت زنة الدهر الدهير.. والحمدلله أولاً وأخيراً...
| |
|
|
|
|
|
|
حفل (Re: mohmmed said ahmed)
|
بالتعاون مع المسرحى المبدع انور النويرى ابدعت الفنانة تماضر للمرة الثانية نحاول الاحتفال بيها تقوم هى تحتفل بينا
وللمرة الثانية والثالثة او اكثر يخذلنا اهل المغنى بالاعتذار فى اللحظات الاخيرة
| |
|
|
|
|
|
|
تراث (Re: mohmmed said ahmed)
|
الحبيب تراث مقدر حالتكم النفسية وحسادتكم موضوعية تماضر دى نشرت كمية من الفرح والضحك والسرور والالق والبهجة والنشوةوالابتسام والانشراح لكن برضو الحسادة ممكن تكون ايجابية اعملوا ليها دعوة لزيارة اليمن وحتكون معادلة مذهلة اليمن السعيد+تماضر+الاصدقاء الجميلين+القات دى ما الجنة عديل
| |
|
|
|
|
|
|
Re: تراث (Re: mohmmed said ahmed)
|
محمد سيد احمد
وكل اهالى الشارقة من بلاد السودان الجميل
ماذا انا فاعلة بكل هذا الشعور الجميل الذى نثرتم وروده حولى؟
ساعود
لاخبر عنكم القراء
فرد فردا ساجزيكم عن خيركم بالكتابة
وهى كل ما املك
يا اصدقائى الجدد
يا اهلى وعشيرتى التى لم تجمعنى بها الاماكن من قبل
يا كرماء يا متفجرين بالحياة
انا ممتنة لكم
بالوقت الجميل والحب الكبير
انا ممتنة وعاجزة عن الشكر لكم
اقبلوا عجزى وفقرى الى الكلمات
ومحبتى العامرة
حتى اعود
| |
|
|
|
|
|
|
Re: تراث (Re: Tumadir)
|
محمد سيد احمد يا عظيم
شلبى اسعدت كثيرا بلقائك
محمد بهنس حزنت كثيرا لفقدك العزيز تقبل تعازى ومحبتى
ومرحبا بعودتك
القردابى لن انسى ابدا كرمك وروحك المبدعة
عبد الرحمن الحلاوى غزرتونى وكبرتو كومى عاطف عمر
لقاؤك كان مصدر سعدى
احمد النيل ما فيكم من قصر
عباس ادين لكم بالفرح
عمر عبد الخالق اشرقت الدنيا بانوار لقائى بك
نور الدين البشير اشكرك على الحفاوة البالغة
زنجى نورت الجلسة ولقاءك كان مصدر متعه لى
منصورى ما خليت لى شى اقولو لو انت لو سيدة جبريل
محمد الامين موسى عزومتك لينا فى المطعم ومشويات الاسماك لن تبرح ذاكرتى شكرا كثيرا عليك
ابو تقى ..ولك ترحيبى الحار ايضا
تيسير عووضة انتى الفرح زاتو ..لك محبتى
المسافر كنت حاضرا فى كل اللقاءات وصديقتى الصغيره قريبتك جعلت اللقاء ادهش شكرا لتواجدك المستمر
عباس ياناس الضهارى ..المعاك ما قصروا
ولا انتو قصرتو فى الحفاوة
على اسماعيل من المطار وتانى ما شفتك ..لك محبتى الوافرة
ديمقراسى ...ولك افضل الشكر
حمزة سليمان الله ما كتب الشوفة لكن القلوب واصلة
سلوى صيام ونحن حاسدين كليفورنيا كلها عليك
عاطف عمر وبرضو شفتك رغم الظرف الصعب شكرا لتكبدكم مشاق الحضور
ثريا ابراهيم انتى المفرحة
احمد العربى واسميك صديقى الجديد بملء فمى
شلبى شكرا للقائك الحبيب
ضيا تحضر ما تغيب
محمد محى الديم عملت اللازم ولكن لم اتمكن من لقاء مدنى شكرا لمحبتك الناصعة
محسن خالد وماذا اقول انا عن بريق عيونك وصداقتك المبدعة اشكر الظرف الذى عرفنى بك
عبد الباقى الجيلى والله ديل وثقوا لمن الكاميرا قالت عووووع كفاى من تماضر شكرا للاهتمام
مهيرة يا جميلة الف محبة لك وبغرانه من البلاقوك
نشأت كيف مشت امورك الصحفية ان شا الله كل شى تمام واشكرك على الاهتمام
ايهاب مهاجر ترحيباتكم هنا براها ترحيب
الدار ما قصرت وما حب الديار شغفن قلبى ولكن حب من سكن الديارا
شكرا عادل عثمان على المتابعه والتغطية وياريت تساعدنى القى باقى التغطية لاغطى بدروى
تراث النبى عزيز
ياريت لو كنت املك كل هذا الوقت ما بغلى عليكم انت وامانى لكن المشاغل تحتم علينا العودة والمسئولية كبيرة
مهدى الامين تحياتى العامرة
صلاح ابو حجل انت قصتك تانية خالص طلع اهل اهلنا واكتشفت انك مبدع وانسان بقلب كبير وخدماتك لا تضاهى احمد الله الذى عرفنى بك وما تخلى البورد بعد رجعت تعال نحكى للناس عن السفينة وحفلة الموبايل
محمد السنى دفع الله يا صديقى الجميل كم كانت امنية ان اعتلى معك خشبة مسرح بعد كل هذه السنين ولو ارتجال
سفيان نابرى ابتسم ياخ منعول ابوها حياة ..وزى ما قال ابسفه لو ما السخرية والموية الباردة كنا انفقعنا
لنا المهدى لم يبتسم نجم حظى تماما فقد اخفاكى عنى
صديق الموج لمتين ازورك ويغمرنى نورك وتجرى الدموع وتروى سورك "طبعا دموع الضحك"
بكرى ابو بكر يا سيد الحوش..الديفيدى معاى وابى يشتغل هنا ده من شنو ده يكون؟؟ الجريفاوى وكنت قايلاك هشام المجمر؟؟ ده انت طلعت مجمر اكتر منو
عمر عبد العزيز شكرى موصول لاهتمامكم الضخم
والجايات اكتر من الرايحات
محبتى للجميع
ويا تراث نفعونى هم قبل ما انفعهم
| |
|
|
|
|
|
|
Re: تراث (Re: Tumadir)
|
بعد كل الايام الجميلة التى قضيتها فى الشارقة ..
وبعد العودة ..عدت الى هذا البوست ووجهت عبارات شكر وعرفان لكل مساهم..
ولكن لاحظت ايضا ان كل بنيان الصداقة الذى بنيته..اصبح نسيانا..وكنت اتساءل "ياربى مالهم"؟؟
حتى خبرنى احد الاصدقاء بأننى لم اشكرهم ..
وعدت الى هذا البوست فلاحظت ان المداخلة التى حوت شكرى لاهل الشارقة ..جاءت معلقة ..ولم ترفع البوست الى اعلى ..
يا اهل الشارقة ..
انا لا اشكركم فقط..
انا عبرت فى اكثر من موقع..والكل يعلم..انكم "خربتو طبعى"....
والله جئت الى بلدى هنا..وانا لا اذوق للحياة طعم..
واشعر بعدم الانتماء واصبت بالاحباط لمدة طويلة قبل ان افيق لسبب ذلك الشعور..
وهو اننى سعدت بكم سعادة كبيرة..وحرمت منكم قبل ان اكون على استعداد لهذا الفراق..وقبل ان ابدى امتنانى الكبير لمجاملاتكم اللطيفة فى وجودى هنا..وارجو ان تقبلوا عذرى فهو خطأ ارتكبه فى حقنا سويا "الاسفير"....
مجددا لكم غذرى ومحبتى الصادقة..
اعلاه تجدون المداخلات التى اعنيها..
والبيننا ما بيقيسوهو بالمداخلات ..ولا شنو؟؟
| |
|
|
|
|
|
|
|