|
بريدك
|
بريدك وفوق دروب الريد تايه امدّد مهجتي أمشي حفيان زي دراويش المسيد ملتاع أجالس لوعتي ظلك مديد عودك يميد ريان يغازل وحدتي وأحسّ بيك جوة الوريد جرعة شِفا تمحي الوجع من غربتي بسمك يشع زي البروق راجيهو بي شوقاً شديد نورك يبدد ظلمتي مستني رجعة زول بعيد بعد الغياب ما طال عليّ حزنان أغالب دمعتي احضن عواطفك زي وِليد فرحان يداعب في الصدر أسرح أسامر مُنيتي بالروعة منّك أستزيد اسمع نشيدك والغنا واللوحة ترسِم هجعتي وغيم الأسى يرحل بعيد سايق سحابات الضنا يفسح دريبا تمشي فيهو مودّتي
|
|
|
|
|
|
|
|
Re: بريدك (Re: ابو جهينة)
|
كلمة ريدة يا أبوجهينة فيها حنية أكتر ... وقريبة من الوجدان السوداني ، لذا فهي دائما تلامسه .. أنا ما عارف يا أبوجهينة شنو حكاية الجروح دي ، معقولة تظل جروحنا ما استمرت حياتنا ، لماذا لا يعمل الزمن عمله فتندمل جروحنا بمرور الزمن وبالتقادم ...
| |
|
|
|
|
|
|
Re: بريدك (Re: ودقاسم)
|
الخال ودقاسم مسكاقمي Quote: فرحان يداعب في الصدر |
وحيث انني من غير الناطقين بها ياريت لو شرحت لي البيت وبالتفصيل وعدم الاختصار لكي لا تضيع روعة البيت (أقصد روعة المنظر)
| |
|
|
|
|
|
|
Re: بريدك (Re: حمزاوي)
|
حمزاوي مين قال ليك أصلا أن المنظر رائع ؟ أكيد إنت قاعد تبصبص ... موش أحسن تبطّل حركات يا حمزاوي ، وخليك على النيدو أحسن لك !
| |
|
|
|
|
|
|
Re: بريدك (Re: ودقاسم)
|
Quote: ظلك مديد عودك يميد ريان يغازل وحدتي وأحسّ بيك جوة الوريد جرعة شِفا تمحي الوجع من غربتي |
إنه شفاء الروح يا ودقاسم .. يمنح الفرح والمعنى ..
| |
|
|
|
|
|
|
Re: بريدك (Re: Mohamed Abdelgaleel)
|
الأخ العزيز والصديق المبدع / ود قاسم
تحية الريده الضاربة في أعماق الوجدان ...
Quote: ظلك مديد عودك يميد ريان يغازل وحدتي وأحسّ بيك جوة الوريد جرعة شِفا تمحي الوجع من غربتي |
ما شاء الله يا ود قاسم كل يوم نكتشف فيك مواهب جديده يا رجل ... وشنو الحكايه ما خايف ولا شنو ؟ ... غايتو انت فكيت آخرك شيل شيلتك مع الداخليه ... وبراك سويتها في نفسك !!! أنا غايتو ما عليّ ستجدني واقف في الصف مادي إيدي شان جرعة الوريد دي .. وبعد ذلك الجاياها التجي ...
| |
|
|
|
|
|
|
Re: بريدك (Re: إدريس محمد إبراهيم)
|
الشاعر الجميل إدريس تحية ومودة أهو يا أخي محاولات من هنا ومن هنا ، وتعثر في الطريق ، وربما نصل إن مد الله في الآجال .. وحكاية الخوف دي طردناها بعيد ، بقينا زي الترابي ، ما عندنا ما نخاف عليه ...
| |
|
|
|
|
|
|
Re: بريدك (Re: Mohamed Abdelgaleel)
|
أبوحميد الرجل الباهي سلامٌ عليك ، وأنت دائما تبشرنا بالفرح ، وتبعث فينا الأمل ... بكرة ( الاثنين ) منتدى الصالحية الأسبوعي ، وسيكون موضوعه : أسس المنتدى وموضوعاته ...
| |
|
|
|
|
|
|
Re: بريدك (Re: لؤى)
|
Quote: بسمك يشع زي البروق راجيهو بي شوقاً شديد نورك يبدد ظلمتي |
ود قاسم
ازيك
وطالبني طبعا اعتذار
العشم فوق القلب البطلع منه الاحساس الجميل دا
تعرف الكلام الفوق جميل شديد
يعني لحد ممكن تكسر معاهوا قرار زي مخاصمه البورد
ربنا يخليك
محبتي
| |
|
|
|
|
|
|
Re: بريدك (Re: Alia awadelkareem)
|
Quote: وطالبني طبعا اعتذار |
الشاعرة الأديبة عالية عوض الكريم تعتذري لي منو يا عالية ؟ فقلبي تجاهك أبيض .. بركة الشفناك في البورد ، ففي مقاطعته قطع للمودة التي نحتاجها ، ودمتي لنا صديقة ودودة .
| |
|
|
|
|
|
|
Re: بريدك (Re: لؤى)
|
صديقي الجميل لؤي تحية وشوق شكرا للخلفية الرائعة .. واصل مشوار الجمال ، والفرح ،،، لا يصيبك التعب ولا تستسلم للفتور...
| |
|
|
|
|
|
|
Re: بريدك (Re: ايهاب نميري)
|
إيهاب إياك ولدنا ، وحبيبنا ، وناثر الفرح فينا ،،، وأمسيات أمل السودان سابقا ، الآن ( عزة السودان ) تشهد .. سلم لي على وليد آدم ، وياسر الحلفايا...
| |
|
|
|
|
|
|
Re: بريدك (Re: ودقاسم)
|
الخال ود قاسم
تحايا وود
كلام ابوجهينة في المليان
Quote: شفت الكلمة دي سمحة كيفن ؟ خاصة لو خليت حرف الياء مجرورة و ممطوطة ؟ يخيل لي أعمق من كلمة ( بحبك ) .. لأنها كلمة مشتقة من ( أريد ) .. أراد يريد .. ريدة .. فهو مريود و هي مريودة .. |
وكلامك ابلغ
Quote: كلمة ريدة يا أبوجهينة فيها حنية أكتر ... وقريبة من الوجدان السوداني ، لذا فهي دائما تلامسه .. |
ولا تعليق لي بعد ذلك
مودتي واحترامي
| |
|
|
|
|
|
|
Re: بريدك (Re: انعام عبد الحفيظ)
|
ابنتنا إنعام شكرا للدعم ، وشكرا أنك تتابعين ما نكتب .. وفعلا أبوجهينة دائما كلامه في المليان ، وهو صديق قريب ، فله الشكر أيضا ..
| |
|
|
|
|
|
|
Re: بريدك (Re: ودقاسم)
|
وأحسّ بيك جوة الوريد جرعة شِفا
احساس عميق وتعبير أعمق استاذنا
ذي الريد الاختلط بالدم ،،،
والوريد وعاء جريان الدم ،،،
لك التحية والود ,,,
| |
|
|
|
|
|
|
Re: بريدك (Re: خالدة البدوي)
|
نحن هنا ياصديقى لنستمتع بهذا القلم الرشيق دائما حروفك صادقة..ونابعة من القلب لذى تصل الى القلب سريعا مودتى ودقاسم
| |
|
|
|
|
|
|
Re: بريدك (Re: خالدة البدوي)
|
الصديقة خالدة البدوي تحايا ومودّة لابد للحب الصادق أن يلامس القلب ، والوريد من القلب ، يبادل القلب آهاته ويقاسمه أنّاته ... والحقن الوريدي هو أسرع السبل لتعاطي العلاج ... لك صادق معزّتي ...
| |
|
|
|
|
|
|
Re: بريدك (Re: ودقاسم)
|
العم الشفيف والله ده كلام يقردن في العضام والقلب ينمل لما يسع به
وما في غير القرايه في صمت
خيط رفيع من الموده
| |
|
|
|
|
|
|
|