|
شـــنو يعنى ماتسـقط إنجامينا ودبـــى
|
قولو حكم تشاد محمد نور ولا دبى ولا عبد الواحد محمد نور ولا أركوى زاتووو يعنى شنو . آخر زمن تشاد الفى التسعينيات مافيها تلفون دايره تعمل فيها دولة أقل من تلتمائة متمرد وصلو قلب العاصمة بلاهى دى دولة ولا معسكر لاجئين.... يعنى الحكومة السودانية لو عندهاى القدرة تدخل إنجامينا( ما عارف الناس ديل إنجمو من شنو عشـان يسموها إنجامينا) كان حركات تحرير دارفورالليلة فى النيجر... ******************************************
الخط الاحمر ( القوات الحكومية السودانية ) الخط الاسود ( قوات حركات دارفور المسلحة ) الخط الازرق ( المتمردين التشاديين ) الخط الاصفر ( القوات الحكومية التشادية ) ************* الرسم منقول من بوست الأخ الكريم/ محمد حامد جمعه بعنوان كيف وصل المتمردون التشاديين أنجمينا
|
|
|
|
|
|
|
|
Re: شـــنو يعنى ماتسـقط إنجامينا ودبـــى (Re: Shao Dorsheed)
|
ولدنا كيفنك شاو يا محجوب انت بي جاي وانا افتش فيك بي هناك يا راجل
Quote: Chad's area code is 235 Sudan's area code is 249 Which one had it first???
|
ايه يعني لمن يكون كود تشاد 235 وكود السودان 249 انت كنت موجود لمن بوزع في الاكواد ما يمكن الناس ديل بادين من ورا بعدين يا محجوب اسكتلندا بلد غراهام بل الزول الاخترع التلفون ذاتو كودا 44 وامريكا القاعدين فيها دي كودا 1 دي كيف 00 حلها لينا تحياتي الازيز الامين
| |
|
|
|
|
|
|
Re: شـــنو يعنى ماتسـقط إنجامينا ودبـــى (Re: WADKASSALA)
|
ده بوست لذيذ اتلموا فيهو حلوين
انجمينا هو اسم باقة ورد تحملها عروس تسمى السودان... و في حالة سقوطها في يد - او امتلاكها بواسطة سعيد الحظ فهي ستشكل فأل حسن و تفك بورة ازماتهم و تفرجها على سياساتهم.. و ان شاء الله كلكم تضوقوا العرس If possible
| |
|
|
|
|
|
|
Re: شـــنو يعنى ماتسـقط إنجامينا ودبـــى (Re: Shao Dorsheed)
|
عارف يا محجوب لو عايز زي تأويلاتك دي بملاك لحدي ما تقول بس وما تزوغ جاوب لي على سؤالي ليه كود اسكتلندا 44 وكود امريكا 1 بعدين نجي لقصة حرقتك لي تشاد ودفاعك عن كودا
اسمع انت وين صورتك المثلثات اديها كوستاوي يطلعها ليك كاروهات الازيز معاك
| |
|
|
|
|
|
|
Re: شـــنو يعنى ماتسـقط إنجامينا ودبـــى (Re: Shao Dorsheed)
|
إنجمينا أو أمجمينا معناها إسترحنا.. و فيها بلاغة كبيرة لأن اسم المدينة إبان الاستعمار الفرنسي كان فورت لامي ، و معناه حصن (أو قلعة) لامي و هو اسم فرنسي. بعد نيل تشاد إستقلالها تغير الاسم إلى Ndjamena يعني استرحنا (من الاستعمار). نحن أبناء دارفور بشكل خاص يهمنا أمر هذا البلد لدوافع مختلفة أهمها أنها، أي تشاد، متاخمة لينا من الغرب و لدينا الكثير من القبائل المشتركة و حتى الأسر هناك، بل حتى العربية التي يتحدثها الناس هناك قريبة جدا إلى عربيتنا في دارفور، إضافة لعلاقات تجارية قديمة تربط الكثيرين منا بهذا البلد. و لا أرى عجبا في أن يتعاطف بعض الناس من دارفور مع دبي أو مع محمد نور للصلات العرقية و الأسرية و التداخل التجاري و التاريخي، و يمكن قياس هذا التعاطف إلى تعاطف الكثيرين في سوداننا و حتى منبرنا هذا مع البشير لمجرد أنه جعلي أو علي عثمان و الجاز لمجرد أنهم شوايقة أو لأن صلة قرابة تربطهم باي من المسؤولين المتنفذين. هذا لا يعني، بالتأكيد، تأييدي لهكذا نوع من التفكير، و لكنها الحقيقة التي يحاول الكثيرون إخفاءها و بالذات ما يخص المشكل السوداني. أتمنى أن تتغير نظرتنا نحن السودانيين من منظور العصبية الضيق إلى رحاب الحق و الفضيلة و القضايا العادلة.
| |
|
|
|
|
|
|
Re: شـــنو يعنى ماتسـقط إنجامينا ودبـــى (Re: معتز تروتسكى)
|
المحترم معتز صباحاتك نور حبيبي دورشيد دا لو راجي منو نقاش هادف واطاتك اصبحت يا الحبيب كدي عاين لي معظم مداخلاته كان تلقى فيها جملة مفيدة تقول ليهو الطيار يقول ليك التيار تقول تناقشه في الاوم والفولت والامبير يطلع ليك في التيارات البحرية تجيب ليهو المد والجزر والعقدة والميل البحري يدخل ليك في مثلث برمودا هو عايز يعمل فيها الود خطير ومقددها , نظام المداخلات القصيرة ذات الدلالات والمعاني البعيدة بس مشكلته بجزها جز من عروقها وتبقى مداخلته ما مفهومة
اصحى يا دورشيد
| |
|
|
|
|
|
|
|