|
Re: عبدالحليم المتعافي ..يلتهم الدجـاج ..(صورة للتعليق ) (Re: يازولyazoalيازول)
|
هو لو اكلو براو مالو
ده اكل معاهو ود الجبل وسعود البرير واشر لى كده
المعنى (على حسب مفوهميتى انا) : انو ود الجبل وسعود البرير اكلو انتو شنو الخايفين ليها
دة الفهمتو انا غايتو واليوم داك جيت مارة بمحل وشميت ريحه جداد قلت يمكن انفلونزا التيور اثرت فى
مخى
معقولة زول فى مكانة المتعافى يقول كده
لالا
شكلو مخى اتلحس
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: JAD)
|
أولا الدجاجة البيمعط فيها المتعافن دي أكيد تم فحصها مليون مرة وأكيد ما دجاجة زي الدجاج التاني. تانيا الزول دا أكيد إما هو وإما قريبا ليهو عندو شركة إنتاج دواجن وخايف على السوق أكتر من خوفو على صحة الناس. وهذه المسرحية البايخة سبقه إليها عضو مجلس شعب مصري حيث أخرج قطعة دجاجة من جيبه وأكلها تحت قبة البرلمان وتاني يوم المرض قرض الدجاج المصري كلو وتوفي عدد من الناس.
فهل يحاول المتعافن أن ينكر وجود انفلونزا الطيور في السودان أم يحاول أن يروج لسوقه.
خليهو يا لؤي اليمشي ياكل بوش لمدة ستة أشهر ويجي يقول البوش ما بيسبب فقر دم. وخليهو يمشي يشرب من موية الثورات لمدة ستة أشهر ويجي يدعي إنها ما بتسبب فشل كلوي. وخليهو يمشي يسكن في أمبدة أو السجانة تلاتة أيام فقط ويجي يقول بعوضة السودان ما قاعدة تسوي ملاريا بس بتدغدغ الواحد عشان ينوم.
بعدين هو منو القاعد ياكل دجاج في السودان قول ليهو يا وهم؟؟؟؟؟؟؟؟؟؟؟؟؟؟ والله بس يشوفوا في الشوايات ساكت ويتصوروا جنبو.
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: luai)
|
خلاص يا عمدة هونغ كونغ.... صدقناك و بقية الكضب داك خلي جنبة
هو الحرامي المتعافن ده ما قالوا شبع و خلاص طائر من كرسيو ده، قال يتمها جداد ولا شنو؟!!!!!
تاكل السم الهاري يا حرامي
بعدين يا حرامي القاعد ياكل جداد منو في السودان ال90% من شعبو بيأكلو بوش يا حرامية يا لصوص
مرتضى جعفر
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: luai)
|
استاذ مرتضى
Quote: بعدين يا حرامي القاعد ياكل جداد منو في السودان ال90% من شعبو بيأكلو بوش |
صدق أنا زاااتي كنت بقول كده، لحدي ما بقيت أمشي السودان سنوياَ!، اغترابنا في الخليج كان يميزه لوقت قريب عن السودان (الجداد) راح في حق الله!، وبقى اغتراب أوانطه بس اطرف تعليق سمعتو ، إنو جداد الكيزان مابجيهو إنفلونزا
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: فيصل محمد خليل)
|
. غايتو عقليات الحكام عندنا تعيسة الهسي و الزمان أذكر أن حكومة الديمقراطية التالتة ناقشت موضوع صعوبة المواصلات و تأخير الموظفين عن العمل بناء على ذلك أها قام وزير أخو بنية قال عاوز يركب المواصلات دي تضامنآ مع الشعب تحرّكت فورآ عربتا تغطية أمنية و مشّـطـت المحطة الوسطى أم درمان قبل وصوله بنحو ساعتين ثم جاء ركبه الميمون مصحوبآ بأربعة جنيات آخرين راكبين عربية براهم برضو صعد اثنان أمامه و اثنان وراءه و خلقوا له ملاذآ آمنآ ليصعد البص و سط فلاشات الصحافة و كاميرات التلفزيون و قبل و بعد البص كانت تلهث سيارات الدولة و موظفوها للمتابعة! ياخ دة تفكير بائس
واحدة تانية؟
البشير مستعجل لمشوار لاحظ انو الكوبري لمن يكون ملخبت الزمبارة لا تجدي ..لأنو الناس من عدم ذوقها لا تسقط في الماء لتترك له فرصة المرور فقام مشى بالهيلوكوبتر..داخل الخرطوم هه هسع المتعافي دة بلغوا خبر الإصابة و الفراخ مات فقال الحل كدة؟ وسط اللحم الدجاجي متصور! ياخ ناسنا ديل تحف .
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: luai)
|
الحمد لله مشاكل البلد محلولة
قامت الولاية مشكورة بحل مشكلة تلوث مياه الخرطوم بسبب مد انبوب مياه محطة مجاري الشجرة الى النيل الابيض بدلا عن الحزام الاخضر
كما قامت الولاية مشكورة بتوفير الفول لكل المواطنين
وامنت مجانية العلاج للجميع ولم يحصل ان رفض مستشفى استقبال مواطن بسبب عدم توفر النقود
دعوة للاخ المتعافي لزيارتنا في السوق العربي , في احياء الخرطوم الطرفية , ليأكل معنا مما يأكله عامة الشعب
ليشرب من مياه محطة المقرن الواقع على بعد امتار من محطة مجاري الشجرة
بانتظارك يا اخونا المتعافي
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: luai)
|
.....أكلها نئية أم" نجيضة" ??? هذا المرض يصيب من يتعامل مباشرةمع الطيورةالحية.... وليس هناك ضررمن أكل طيور جيدة الطهي..... أذا أستعراض المتعافي الأعلامي هذا لاينفي عدم وجود مرض كما أنه لاينسحب علي الطيور الحية مكمن المرض الأساسي... هذا الرجل يوجه رسالة في غاية الخطورة يستخف فيه بهذا الوباء وينسف مبادئ الوقاية وأخذ الحيطة والحذر مما يعرض أرواح من يتعاملون مع الطيور بشكل مباشر للخطر..... أي عقلية يتعامل بها هذا الرجل? كمال
| |
|
|
|
|
|
|
Re: عبدالحليم المتعافي ..يلتهم الدجـاج ..(صورة للتعليق ) (Re: kamalabas)
|
في حد بيسرق سفنجة وملاية وفي حد بيسرق خروف السماية وفي حد (لو تصدق) بيسرق ولاية وديّ القضية.. إن يلتهم المتعافي (الاسم سالم) دجاجة.. ما مشكلة المشكلة إنو يلتهم ولاية.. ليه الكاميرا عجزت من تصوير الأشياء التانية التي التهمها المتعافي؟ وبهذه المناسبة أهدي المتعافي أغنية (يا جدادتي كاك) لأنها تتناسب مع ذوقو وأقول ليهو محل ما يسري يخري (بكسر الياء وسكون الخاء) لكن يا لؤي بوستاتك دي حاتودينا في ستين ألف داهية..
| |
|
|
|
|
|
|
|