الاخ بكري ابوبكر...هل اصبح البورد سائبا بلا رغيب؟؟؟ لا لتصفية الخصومة علي حسابنا وأهلنا

Quote: وكلما ربينا موضوع .. جات الثعالب .. وجرحت جسده .. حتى لم يبق فى المنبر موضوع أو بوست ليس فيه طعنة حقد أو جرحة حيف .. فلا نامت أعين الجبناء .. وسالت دماء الكلمات وفسدت .. وكلما سال دم .. اشتمت الأكلة الرائحة وعوت .. وتنادت .. ورمت بأبنائها .. غثاء وربوب .. وخمجيبة .. حتى ابتعد الإعلام عنكم ..أو كاد وقيل أهو هذا المنبر الأول ؟ يا لذكاء العناكب وذاكرة الخفافيش !! يااااااااااااه يا لنسيانى مقالك يا صديقى عفيف اسماعيل .. يا خسارة طعم العذوبة فى شعرك يا أزهرى يا لفطنتك الغائبة يا محسن خالد ياه .. أين صفاءك يا ثابت اين ذكاء مداخلاتك يا نادوس .. وين روقتك يا أبو جهينة .. وين ذكرياتك سيف خليل .. مفردات ود رملية ..وبت فاطمة .. وين خال فاطنة ذاتو ؟؟؟ وين إنشاد الجمهوريين و ين نشيد خدر وين نقرشات المنصورى وعلم الموصلى .. ونغيمات زول ساكت ودندنات راكوبة و يازولZOLE يا زول انت وين ماشى ؟ وين تخريمات ناذر .. لو ممكن تصنفر لينا الصدأ .. أين عبقر واديكم .. أبا ذر و هشام و نادية و بروف معز .. أين صوفية الشعر عند البحيراوى .. وجرأته عند نصّار .. وين شلاقة مفرداتك يا شيرى .. وينو معتز ترو .. ومعز برو .. وعزيز خطاب .. غرقت تراجى فى عفار آمنة و الكتاحة شرّدت اشراقة و اندست أبنوسة فى لحاء شجر الجزيرة .. و عزاز بشخوصها ..أخذتها العزة بالهروب .. أين حكمتك الضالة عثمان الصالح .. هل تحتاج جرعة لصدر كتابتك .. فإنى أسمعها تكح .. حتى أين سفاهة مفرداتك يا هبانى .. عندما تكون خالية من الغرض ولوجه الوطن .. اين ابداعات نزار حسين .... ولا أبرئ نفسى .. دا كان طعمنا الأصلى .. قنقليس موز لالوب برتكان وموية دونكى .. ولو تعكر نيلنا بنقول دا التساب .. ولو اتلبد السما بننطُر العبادى .. والكتاحة وراها الهمبريب .. دا عشمنا .. رهيد كلنا نرداهو ونريد فيهو .. اها الحاصل دا شيتاُ تانى .. لا .. وشنو .. كمان بقى طعمو ما ياهو .. دا بقى طعموا زى الواقع فيهو جيفة .. قدر ما قلنا ناخد جغيمة .. تطفح لينا مصيبة .. مما تنتج الأرضة من بومها و كومها وسجمها ورمادها .. و نحن زى الماعرفين تأخذنا العزة بالتار و يجرّونا ورا الكلام الفاضى وخمج .... اها السنة دى العويش كوم .. تنتبهوا ولا نحرق ..!!