|
|
|
 Re: رمضان زايد..والمنصوري..وليـتـني زهر..مموسقة (Re: منصوري)
|
| Quote: هذه الأغنية من عيون الغناء السوداني وتشبه الإنشاد الصوفي الراقي.. ومن ناحية تكتيكية فنية موسيقية بحته هي مليئة بالشحنات الموسيقية والتنويع.. وقد غناها فنان رائع مقل. ملتزم حساس راقي.صاحب حنجرة آتية من جنوب الوادي.متمكن من اللغة العربية لدرجة مذهلة... |
جهد مقدر يا منصوري , حديثك أعلاه أوفي هذه الأغنية الكبيرة بعض حقها!..
عندي مشكلة فنية فيما يختص بإمكانية سمع الأغنية لكن دي دفعة قوية كي أسعي لعلاجها و ليت الأخ الباشمهندس بكري ما يلحقهاالأرشفة!..
عموما ظللت أبحث عنها خاصة بصوت هذا الشلكاوي المدهش , و أخيرا إنطبقت علي هذا الصباح مقولة " قام من نومو لقي كومو "..تشكراتي..
| |
 
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
تسلم معز... وإن شاء الله لما تحل المشكلة عندك في كمبيوترك تتمكن من سماعها..
..............
هو شلكاوي وبعض الخلطات الأخري.. عاش في الشمال والجنوب.. وعاش في بحري.. وشوية من بنت أختو في أم درمان ..
............
الحاجة المدهشة في رمضان زايد النزعة الدينية الإسلامية الواعية التي تشبه سلوك التصوف.. لقد حكي لى احدهم وهو به لصيق.. قال لى مرة رمضان زايد قال له..عاوز أقول ليك حاجة.راح تذكرني بيها بعدين وتذكر فائدتها من الله تعالى.. كلمة ساهلة وبسيطة وهي( أصلك ماتقول لا) لأي زول لي صاحب غرض خدمي مادي عيني .. إذا كان قدرت واديتو الحمد لله وإذا ما قدرت قد الله ييسر ليك بعدين تلقي وتديهو. واذا ما لقيت وما أديتوا الله بحسبا ليك اجر.. وبركة في أهلك ونفسك... ما تقول لا ابداً مافي اكعب من كلمة لا..
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
المعاني التي تنادي بها الأغنية..
حب.بدون سخايم نفوس
هدوء.. صمت.. صفاء.. رقي عن عالم الحس بما يلوثه فيه البشر العاديين يلوثون معاني الجمال بالرعونة.. والجلافة والغلظة والقسوة.. والشهوة المحرمة..
..............
كأن الأغنية تنادي بسمات المدينة الفاضلة ... ولكنها على التحقيق موجودة عند البعض الراقي هذه المعاني المجسدة..
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: Hafiz Bashir)
|
العزيز المنصورى
شكرا لهذا اللحن الرائع للفنان الموهوب الراحل المقيم رمضان زائد.والكلمات للشاعر مبارك المغربى..وهى اغنيه رهيبه حقا.فيها امتاع وشجن وابداع وإغراق وصوت الفنان رمضان..الشجى..
يحلو تلاقينا من غير ميعاد.
ويرف وادينا .شوقا لمزمارى..
اغنيه رائعه.لكن للاسف الشديد لم نستطع الاستماع اليها ولا حتى من خلال اللنك .لان الموقع قد تنغير كما اوضح..نرجو لو فى امكانيه على الريال بلير..يكون ممتنين وشاكرين ومقدرين. من اجل نستمتع بجهدك المقدر...يا فنان..
عميق الود والتقدير
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: عصمت العالم)
|
الاخ منصورى
لم استطع سماع الاغنية, لكن رمضان زايد تحديدا له فى وجدانى ود مقيم.
لرمضان حسن(كم اعشق هذين الرمضانين) اغنية يا نسيم ارجوك, غالطنى احدهم انها للتاج مصطفى, لا ادرى, فالمدة طالت لاخر استماعى لها, ارجو ان تتحفنا بها لو امكن, غايتو الواحد داخل على طمع عديل كدة.
وتسلم لذوقك الرفيع.
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
رمضان زايد.. كثيرون تحدثوا عنه.. أنه فنان ملتزم.. لقد عرف عنه احياناً أثناء الغناء.. يقول ( خليك مع الزمن) واحد قال ماتشوف رمضان زايد يهجج الجمهور وحكاية خليك مع الزمن دي. رمضان زايد دا قال أنا عاشرتو كتير.. نادر تلقى زول حساس زيو ورقيق زيو.. ومتدين زيو.ز كان ملتزم.. ومواعيدو مواعيد إنجليز في الحفلات في أي شى.. ومعروف عنه أنو فنان الأسر الراقية.. عندو كم هائل من صداقات الأسر. يلتزم نحوهم بهداياه لأطفالهم ونجاحات أطفالهم وأعياد ميلادهم.. يكون منضبط جداً في التعامل معهم.. ورقيق وخجول.. يبدو انه لم يتزوج حسب علمي... كان يغني معظم الأحيان من غير عداد.. يدفع للعازفين من جيبو لما يكون العريس مفلس.. أو صاحبو...
يروي عنه دائماً سيارته في خدمة الناس.. يديها الناس لقضاء حولئجهم لمشوار دكتور لغيرو وهو يقيف في الشارع للمواصلات.. لكن قالوا كمان الناس يردوا له الجميل ماحصل خلوهو يركب مواصلات ما وقف في الشارع إلا جات عربية شالتو..
مات ميتة عادية في مدني بعيداً عن الوسط الفني في العاصمة
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
الناس الحساسين والناس الفنانيين مرات تمسكن قرفة زهجة. من المجتمع من الناس من أي شى... مرات رمضان زايد تمسكوا حالات من دي.. ما مرض ما أي حاجة.حاجة زي رهبنة كدي.ممكن تسميها خلوة خلود للنفس. زهج ترك الفن ترك الغناء ذهب الى مدني والى مدن أخري ..كل مرة يلقى واحد من أصحابو من ناسو من الناس البحبوا غناهو..يقول ليهو.. يارمضان حرام عليك تحرم الناس من فنك دا.. قامة انتجت ليتني زهر. حرام تندفن كدة بعيد من عيون الناس.. في زهجة من الزهجات مرة مشى جابو الرائد ابو القاسم محمد إبراهيم.. مرة وصى ليهو زول يجيبوا.. قالوا ليهو أبوالقاسم قال ليك ماتكسر خاطري..مرة مشى ليهو عوض دكام... حالة إنزواء ليس إلا..
هذه حالات المتدينين دين منهاج تعبدي تصوفي لاتسوي عندهم شى بل تأتي بعدها إشراقات.. علاجها قيام ليل واحد فقط..
أما بعض الحالات المستفحلة زي بتاعة الجابري..مرة مسكتوا قرفة إنزوى كم سنة في بيتن.. لما الصحافة سألتوا قال حزنان على أمو الماتت.. ولما خرج من المنزل خرج شيال يشيل مع محمد أحمد عوض.. قامة بقامة فن الجابري.. بعدها كدة بكم سنة إستعدل وجاب حاجات جديدة..
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
شكرا اخ منصوري لهذا اللحن الشجي والكلمات الرصينه رحم الله رمضان زايد بقدر ما
ما اعطي لهذا الفن ولهذا الشعب من الحب والجمال والابتسامه ...
لي سؤال لو تكرمت بالاجابه .من هذا المغني الذي يغني في هذا البوست؟؟
ولك كل تقديري واحترامي
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
في أواسط السبعينات.. كان كان عمر الحاج موسى وزيراً في عهد مايو.. قرر أن يسجل الفنان صاحب الحنجرة الذهبية عبد العزيز محمد داوود.قرر أن يسجل كل أغاني الحقيبة بصوته.. وتحفظ للتاريخ في مكتبة الإذاعة..ليس لشئ وإنمالأنه رأى أن صوت عبد العزيز محمد داوود.زيمكن أن يكون أحن صوت تحفظ به هذه الأغاني الخالدة.. ثم خوفاً من المسخ الذي يطرأ عليها من بعض المجددين الجدد.. ثم إكمالاً لمجهود عبد العزيز نفسه الذي تغنى بعدد هائل من أغاني الحقيبة.. وفعلاً د قطع شوطاً كبيراً في هذا العمل..كذلك طرح الموضوع لعدد من الفنانين الكبار.ولكنهم لم يجرؤا على هذه القمة الكبيرة التي وضع فيها عبد العزيز أغاني الحقيبة.زخوفاً من المنافسة التي قد تقلص جمهورهم.. ثم لما يعرفونه من جودة الأداء عند أبي داوود.. فإنزووا عن هذا المشروع وتركوه لعبد العزيز..
فما كان من رمضان زايد.ز إلا أن تقدم بأغنية في الحقيبة وهي( غصن الرياض) وحشد لها كبار العزفين.. وإختار بعض الآلات الموسيقية وحزف بعض الآلات الموسيقية.. وأعد لها حشداً هائلاً من الموسيقين.. وكان هنالك مزع النوتة الموسيقية يصاحب التسجيل.. وقد إختار زياً موحداً للعازفين.. وتحلى هو بكامل أناقته من بدلة زرقاء فاتحة.. ويعجبك رمضان في زيه وأناقته ورشاقة عوده وجماله الرجولى الذي يملأ العين.. ووقف شامخاً كالطود يأدي هذه الأع\غنية الخالدة.. بكل جرأة وثبات.. أضاف اليها نكهة رمضان زايد الخاصة.. اضاف اليها فردية حنجرتة.. أضاف اليها حيويته في الغناء..لم ينتهى من إدائها إلا أقسم الجميع بأن هذا العمل هو أحن مما قدمه عبد العزيز محمد داوود وفي هذه الأغنية بالذات.. وقد نالت إعجاب كل منسمعها بأداء رمضان زايد.الأمل في التلفزيون السوداني أن ينفحنا ويعيد علينا هذا العمل الخالد الجيد.. التحية للفنان زمضان زايد .رحمه الله وأحسن اليه
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
صحفيتنا نادية..وين إنت سعدنا بطلتك والله.. وتابعنا لقاءاتك في الفضائية السودانية والنيل الأزرق.. عايزين تقرير دسم كدة عن ريحة التراب السوداني..والناس الغبش وريحة الكسرة والجروف وخرير المياه ولقاءات الأعراس.. والكاميرات البتصور بلا خبر..وأخبار الباسطة.. والرباطابي الساخر القدير سجيمان..ونجود..وعنيدة.. ومعاذ.. هؤلاء الرائعون..
...........
أقوليك يا أستاذة.. كان ما سمعت المرة دي موش مني أنا من الريال بليار بتاعة كمبيوترك جدديها أب قرييد.. ما أنت كنت حايمة في السودان كتير وبعدك كم تجديدات جات على الريال بليير.. والبالطوك.. والماسنجر.. والنت مييتنق.. والياهو ماسنجر..
..........
لأنو متأكد انا لازم الناس تسمع بعد كدة..
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
التحية والأحترام سيد منصوري،
بحق انتشيت وعاودني حزن نبيل لرحيل رمضان زايد، فقد كان هو والراحل المقيم الفنان الرهيف صالح الضي من الذين يطربون وجداني. وحقا كما قلت بأن رمضان قمة في التواضع، دائما ما كنت أراه وهو في طريقه لمدني مترجلا يستصحب غيتارته في شارع مدني. وكنا نتهامس اذا رأيناه "ذاك هو رمضان زايد في طريقه لمدني"، نحيه "يا أستاذ" وفي رده تلتمس حقا بأن هذا الرجل فنان.
التحية لك أستاذ منصوري وثردك النبيل، والرحمة تتنزل علي قبر فنانينا صالح الضي ورمضان زايد.
لك الود.
دنقس.
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
رمضان زايد كان من المحبين لمدنية بحري.. وكان معظم وقته فيها وقد الف فيها من الأغاني.. نشأ في مركز شباب بحري.شاب فنان صوته أقرب الى رمضان زايد..نسيت إسمه والله مع الإعتذار..ولكنه يؤدي أغاني زمضان يصورة جيدة.. وهو حصيلة هذا المركز المعطاء الذي ظل يقدم خدماته الفنية ردحاً من الزمن...وهذا الشاب لحسن التوفيق بالإضافة الى تماذج صوته مع رمضان فهو في قامته أشبه برمضان ايضاً.. فله الشكر لما قدمه عرفاناً لهذا الفنان الإنسان...
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
مرة واحد أخونا ساقته مهمة أن يقضى عشرة يوم من رمضان في بورتسودان.. وعشرة يوم في عطبرة..
لما رجع العاصمة سألوه رمضان كيف في بورتسودان وعطبرة.. فقال:
والله في بورتسودان...... رمضان زايد..
وفي عطبرة......... رمضان حسن
وفي الخرطوم.... رمضان عشرة....بضم العين
...........
في بورتسودان رمضان زايد..زايدة عدد ساعتو عشان الرطوبة والحر بتاع بورتسودان..
وفي عطبرة رمضان حسن.. عشان عطبرة فولها الكارب.. والدمعة واللحمة والكمونية. ومطاعم عطبرة كان يضرب بها المثل وكان يجيبوا ليهو هذه الوصفات مع الفطور.. بالإضافة الى الصحانة البي يمدوها فوق الحيطة الجيران..
.......
في الخرطوم قال رمضان عشرة ليه؟ لأنو كان في واحد اخونا في المجموعة التي تفطر مع بعض إسمو رمضان عشرة.عشرة بضم العين.. اي يعني رمضان سمح بعشرتكم إنتو لكنه موش رمضان حسن زي عطبرة؟
| |
|
|
|
|
|
|
|
|
|
Re: رمضان زايد..والمنصوري..وليـتـني زهر..مموسقة (Re: منصوري)
|
Quote: تسلم يا منصوري
دا مش غناك انت زاتك
وفي زمنا دا...والله احييك |
>>>>>>>>>>>>>>>>>>>>
ها ها ها... قلت لى كيف يانزار.. موش حقي أنا الغنا دا... طيب اضرب لى تلفون عشان تسمع صوتي
...................
غناء من الزمن السمح...يا نزار..تشكر يا سيدي
| |
|
|
|
|
|
|
| |
منصوري
Hafiz Bashir
عماد شمت
متوكل بحر
Murtada Gafar
Marouf Sanad
nazar hussien
فيس بوك
تويتر
انستقرام
يوتيوب
بنتيريست