|
Re: اهداء للشباب الكبار 45 ربيعا وقدام (Re: البعيو)
|
البعيو أخوى الباذخ
سلام ماكن
مالك فاطيني ؟ عشان صغار يعني ؟ غايتو السنة الجاية بنخش الموسوعة بتاعتك دي
تخريمة :
في الباخرة من جدة لبورتسودان .. في حاجَّة كبيرة خالص خالص في السن .. أي كلمة و التانية تحلف : وحاة شبابي .. واحد قال ليها : يا حاجة أحلفي بي شي تاني فقالت : زى شنو يعني ؟ فقال لها : قولي وحاة عافيتي فقال رجل عجوز و هو مغمض عينيه في إغفاءة : باين العافية كملانة و ما بتحلف بيها .. لكن النسوان أعمارن مدسوسة لحدي ما يخموهن في قفة للمقابر.
أرقد عافية
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
شكرآ يا البعيو. تتذكر "تينا شارلس"؟ وجون ترافولتا "ساترداى نايت فيفر"؟ ورود ستيوارت؟ "اي يام سيلنق"؟ وجيمى كليف وبوب مارلى؟ وجيلانى الواثق؟ ووليم اندرية؟ وكمال كيلا؟ وجاز العقارب والديوم؟
كانت لنا أيام!!! ليت الشباب يعود يومآ.. لآريه ما فعلت الانقاذ..
| |
|
|
|
|
|
|
Re: اهداء للشباب الكبار 45 ربيعا وقدام (Re: Adil Osman)
|
ياسلااااااااااااااااااااااااام
رجعتونا خمسين سنة لى وراء!!
فعلا كانت الحياة اجمل من هسع بكتتتتتتتتتتتتتير !!
Quote: كانت لنا أيام!!! ليت الشباب يعود يومآ.. لآريه ما فعلت الانقاذ.. |
عادل شقيقى
هو انت زمن الانقاذ كنت مولود ؟!!
ياخ مكبر روحك مالك ياشقيق؟!
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
الأعزاء عادل ونادية نعلكم طيبين اشكرك ياعادل على المرور والحاجات الجميله الطريتنا ليهادى لكن شوف حسادة نادية جايه تخرب ليى البوست... والله ياناديه زمن أول كان سمح بالحيل الخريف مش الانا فيه ده الخريف الصح كان عنده نكهة اسع امانه فى زمتك حصل شميتى ليك دعاش بس تسمعوا بيه وتزينوا بيه شعركم وكتاباتكم يخربكم
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
ده الشلن لمن لم يراه كان بيسوى الهوايل يساوى 5 قروش يعشيك براحة يدخلك السينما تشترى بيه2 حاجه بارده (قزازتين حريه مثلا) وايام الاستعمار لمن المشاركين فى الحرب العالميه رجعوا السودان الحاكم العام امر باعطاء قطعة ارض لمن يرغب بى شلن تعرفوا الآرض دى وبن نمره تلاته اجدادنا وناس بلدنا رفضوا قالوا نحن الواطه دايرين بيها شنو فى البلد البعيده دى ما بنفرط ليهم فى الشلن ده ماعدا واحد بس قبل العرض واسع بيته فى نمره تلاته طبعا فالوا عليه بوم(عوبر) وهم اسع الواطه الرفضوها دى فى خشمهم
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
البعيو العزيز
اها هبشتنا عددددددددددديل لان السمع خفه وما عرفنا
الغنيه كانت شنو والحمد لله على النظر0
لكن ما احلى تلكم الايام واولاد الزمن دا ( يعنى الوراء)
لو رجعوا الدهر ( مابلقوا ذى دا)
اذا غنى الفنان اطرب واذا رقص اى انسان تكون فى حالة عجب
واذا شفت الحسان ما ليهم حد ، واذا دورت الاخوان ما يدوك الدرب
بس أشر تجد الكل ليك مقرب ، وبالموجود مقتنع ، والمناسبه ما فيها
جنب ، هم ناس فلان وفلان ولى بيتكم جار جنب ، وعمرو الطفل فى الحى ما
يضهب ، وبين الناس مافى عتب ، وللصغير بنت او ولد الكل مؤدب ، ما
رسولنا اوصى بالقرب 0
تحياتـــــــــــــى
ســــــــــــــــيد
| |
|
|
|
|
|
|
Re: اهداء للشباب الكبار 45 ربيعا وقدام (Re: سيد محمد احمد سيدنا)
|
Quote: جنى كيف حالك ياخى انت بتكون اصغر من كده نحن لمن كنا فى فريق اللواء الأبيض مع الصينى انت كنت يادوبك تتاتى راجع عمرك مره تانيه البعيو |
تذكر لمن كنا صغار كنت بتمسكنا من يدينا وتقطعنا الزلط! أحي فيك روح الفكاهة فقد تقبلت مداعبتى فى الجمع بين القصر والعوارة كما يقال فى المثل حشفا وسوء كيله! انا زى خالتى ما بريد الكبر! خالتى لو قلت ليها يا حاجة تقول ليك تحج فوق جمل أعور شايفنى فارشة فول مدمس! لك تقديرى جنى
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
هلا وغلا بالزول يازول احييك بتحية اهل نجد التى التى تجاوز وجودنا بها ربع قرن وما زاد عن ذلك لن اعلنه خوفاً من الحسد حمده فى بطنه وهذه ليست المشكلة المشكلة متى سنرجع للوطن؟؟ .......... اذكر فى بداية الإغتراب كنا بنروح المقابر لدفن سودانى فى السنه مرتين تلاته بالكتير الآن كل يوم بيكون فى اتنين تلاته المساكين بيموتوا محبطين وممغسين ومشبعين بالشوق والحنين للبلد الله يجازى الكان السبب
بالنسبه للصوره العتب على النظر لكن تعال انت الفرينى ده مش ياهو القرشين الفضية الصغيره تحياتى وشكراً للمرور
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
الأخ جنى ما بيناتنا وانتهز هذه الفرصة وأطلب منك ونفسى وكل من يعبر من هنا أن يدعوا فى صلواتهم العلى القدير أن يعين كل ذو الإحتياجات الخاصة فى حياتهم وأن ندعم المؤسسات السودانية التى تعمل لدعم هذه الشرائح وأن يتقبل منا ولك الشكر والتقدير
| |
|
|
|
|
|
|
Re: اهداء للشباب الكبار 45 ربيعا وقدام (Re: البعيو)
|
سلام للأخ انور,
بوست دافئ
بس العمر المحدد دا مشكلة
أنا محتاج اطبق لي زول وادخل عشان اكمل 45 ربيعاً,
يعني في تذكرة واحدة,
Quote: البعيو
ناس الخمستاشر ما معاكم |
ديل ما نحن ذاااااااااااتنا
تحياتي يا
باشمهندس,
| |
|
|
|
|
|
|
|