|
داير لي عروس بالمواصفات الاتيه...........
|
طويله, بيضاء , شعرها ناعم ,تشبه الممثلات الهنديه ونجمات السينما الامريكيه
هذا هو الشكل العام الذي يحلم به اغلب الشباب واذا تم له ذلك يتصدم بانها عباره عن لوحه
جميله جدا لاتنفع الا ان تعلق علي الجدار ,لان جل اهتمامها ينصب في المحافظه علي جمالها وتلعن
اليوم الذى ارتبطت فيه بك لانك لست مستوى طموحاتها مهما فعلت لها(لو جبت ليها القمر) وعلي
الجانب الاخر ممكن تكون عاديه جدا لكن تقلب حياتك جنه تخلي للحياة طعم ولون ورائحة
رايكم شنو ياشباب لو نكتب عن فارسه احلامنا يمكن تكون معاك في البورد وانت ما شايقه
يلا نسمع رايكم؟
|
|
|
|
|
|
|
|
Re: داير لي عروس بالمواصفات الاتيه........... (Re: انعام عبد الحفيظ)
|
مشتاق تحياتي ..
اهم حاجة ما تكون (قصبه) زي بتاعات القنوات اللبنانية
وما تكون كمان مشيته لبيت جارته مر السحائب لا ريث ولا عجل (لان علاج السمنة غالي في الزمن الصعب دا )(ملاحظة: انا عارف انو المشي بقى ساهل مع السيارات المقسطة دي )
ثالث شيء (نضميها يكون قليل) تعرف المره الثرثاره بتخلي يومك بمبي ..واصلا النضمي الكتير وراه الفلقصه والفلقصه بتجيب المشاكل في البيت مع الضرائب البقت حتى على الراتب ..
رابعا تكون متعلمه كويس - مع قناعتي انو القلم ما بزيل بلم ..
وبعدين يا ريت لو اسمها (مودة او سكينه ) عشان الموده والسكينه
| |
|
|
|
|
|
|
Re: داير لي عروس بالمواصفات الاتيه........... (Re: luai)
|
ابو اللول
كل ما اشوف القنوات اللبنانيه ااجل موضوع العرس بتاعي كم شهر لحدي ما اقول ياخي استهدي بالله واذكر كلام اخونا ودسليمان فاظفر
بالنسبه للمشى ده مشينا لمن فترنا واخيرنا حنخش في برنامج الاقاط عشان اهم شروط النسيبه العربيه ولا شنو يا ابو اللول
ولي عوده معاك
| |
|
|
|
|
|
|
Re: داير لي عروس بالمواصفات الاتيه........... (Re: luai)
|
ابو اللول
رجعت ليك
بالنسبه للنقه انا ناوي اشتري سماعات خفيه بس لمن ارجع البيت اركبها وما تشوفها المره
اما بالنسبه لي موضوع السمن ده انا غايتو من شروطي انا تكون ما معصعصه
بمعني انها ماليه مركزها
تعرف احيانا بتلقى في الفضائيه السودانيه حاجه بتشدك
| |
|
|
|
|
|
|
Re: داير لي عروس بالمواصفات الاتيه........... (Re: aosman)
|
الغريبه يا aosman
انا لمن كتبت البوست ده ماكنت عارف انه بت الاحفاد كاتبه زيو
يمكن ان تصدقنى او لا؟
لكن دي الحقيقه
بعدين بت الاحفاد والله الف من يتمناها لكن طلبها صعب شديد كده دايره واحد صحابي عديل كده
انا واحد سودانى مسلم عادي جدا اودي فروضي الاسلاميه واقرا الشعر واستمع للموسيقي
ربنا يهدينا
لك الود الشفيف
| |
|
|
|
|
|
|
Re: داير لي عروس بالمواصفات الاتيه........... (Re: مشتاق)
|
Mosh keda ya Aosman loooool Salam A lot of men if not all state that looks are superficial when it comes to choosing their future wife , not suggesting that they don't mean it , but reality only shows that most of them go round and round and end up with that pretty one , yes of course she wouldn't be pretty and dumb ( in few cases she is) , but according to them she must know as people like to say " her rights and obligations' as long as she knows that much it's fine they are not going to wait to find a smarter one , but settle down even if that means sacrificing the intellectual communication between the couple , and her level of ambitions esp. education wise. Not that am a men basher , but I believe men like beauty and can't substitute it with intelligence all the way through the process , but the other way around is possible and exists . Examples can be Sudanese men marrying non Muslim women . Which is not wrong , it just proves that although the prophet PBUH advised to marry the most religious ,however, some take other priorities.
Now it looks like we all know who ur crush is looool , need any connections let me know. respectfully, Rawan P.S I write in English because I don't have an Arabic keyboard
(عدل بواسطة Rawan Hamid on 03-22-2006, 05:24 AM) (عدل بواسطة Rawan Hamid on 03-22-2006, 05:26 AM)
| |
|
|
|
|
|
|
Re: داير لي عروس بالمواصفات الاتيه........... (Re: Rawan Hamid)
|
روان
ازيك
طبعا يا روان او ل حاجه بتجذبنا نحن الرجال هو الجمال
والجمال حاجه اساسيه عندى لكم لازم تكون مثقفه وواعيه وعلي خلق حتى ولو كانت اجنبيه
اثناء دراستى بالخارج فكرت كثيرا ان ارتبط باجنبيه لكن برجع وبقول لالالوب بلدنا ولا تمر الغريب
ولك الود الشفيف
| |
|
|
|
|
|
|
Re: داير لي عروس بالمواصفات الاتيه........... (Re: مشتاق)
|
اما انا بتمناها بيضاء شعرها اسود طويل ناعم لا نحييييييييفة ولا سمينة (رشيقة) حلوووووووووووووووووووووووووووووة جامعية تشبه الممثلات رقة حلا شيحة وجمال نورمان اسعد جسم هيفا وهبي روح منه شلبي مشية داليا البحيري ضحكة حنان ترك دموع مني زكي (خاصة في فلم سهر الليالي لما زنقت راجلها) لما تتخلع تكون زي دينا حايك و و و و و و
ومتدينة ومحترمة وبت ناس و و و و داقاها الرطبة (مرطبة لي حنانا) متواضعة ما بتشخر ما بتلعلع ما برايا و و و و تحب اهلي ويحبوها تعوس قراصة وتتعشي فول بي بصل لو جا مزاج نركب امجاد، رقشة، تكسي (او بي العدم عربيتها) و و و و و تنتظرني تلاتة سنين بس
| |
|
|
|
|
|
|
|