|
|
 الحريــــــــق
|
مشنوق فى عود الزيف وحبلك طويل
معطون فى طين الحسرة و الخوف يا وطنى الجميل
الدنيا ماشة بدون عوج
وليلك يجن فى الشارع السبيل
فى نملة التيه التعاين سارت قوافلك
طشّت فى درب الارخبيل ...
القافلة ماتت فى الارتهان
والغابة حنظل وجنزبيل ...
كيف التخلّص من نمل الزقاق
وكيف مقاومة الحزن العديل ؟
فتحت ليك حساب فى بنك الندم
ورصيدك المتفشى اطنان من الورق
دفتر الشيكات الاول مضى
والثانى نقطة من الارق
كل المحاسبين من نوع الزكام
من املاحنا من منفذ الكره والعرق
غاياتهم تكبيل صفحة حلمك
من صافرة العناد قاطرهم انطلق
شقّ ليل الذل الهوان
ومرطق عويل النباح وانشرق
مدخنة السكك المعرجة فى حلوقنا
ترسم سحابات النهايات الغرق
من شهقة الكره البيعاند فى التقدم
من احاسيسنا جانا ومرق
ما وصل الا الصراع
وجرحنا المضمّد بالمخاوف انفتق
قطعت بحر ابيض كدارى
فتشت الراح فى الفجرية
لقيت الناس اتراح اتراح
من طرف القيف مرقت حورية
بتأشر لمركب شايل غبن
ماشة فى ناراً محرية
الناس الفيها عيونهم جاحظة
غابت شمس الدنيا الفيهم فى العصرية
شافو مدن عالم اول وتالت وتانى واخر
نيفاشا , ابوجا , ومصرية
تقريرهم فى درج النازل بوت
طموح الهيبة وتقريرات مصيرية
كيف يا وطن لمتين تعود ؟
كيف تفتش عن مداخلك
والارض مليانة بوت
العلل مليانة فيك
نشفت ليونة وتبقى عود
يا وطن ما ممكن تكون مربوط بخيط عنكبوت
|
|
 
|
|
|
|
|
| |
alfatih
فيس بوك
تويتر
انستقرام
يوتيوب
بنتيريست