|
غادة مُمتحنة الشهادة
|
يوم ولدوها ونحن راجعين من المستشفى غنيت ليها قلت غادة دخلت الجامعة وجابت الشهادة ... وفتحت العيادة ... وبعدها النسوان وقَّفن الولادة أها ياربي ليك الحَمُدْ والشُكُرْ غادة كبرت وبقت يا حلاتا ويوم الإتنين الماش علينا دا ممتحنة للجامعة وبي كدا تكون حققت الجزء الأول من الأغنية ويفضل لينا فتح العيادة و النسوان يوقفن الولادة دحين يا نسوان الدايرة تلد أخير ليها تلد بسراع بسراع
أحبتي قصدت بهذا البوست أن تقفوا معي لمناصرة غادة بالدعاء ورفع الأكف للمولى عز وجل أن يوفقها ويلهمها التركيز والثبات وقوة التحصيل حتى تحقق حلمي وحلمها فهي باكورة عيالي وهي أملي ونور عيني
اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله ووفقها ووفق زملاءها وزميلاتها في الإمتحان
شكري وتقديري لكل طلب العلا لغادة
|
|
|
|
|
|
|
|
Re: غادة مُمتحنة الشهادة (Re: بدرالدين شنا)
|
غــادة يا الممتحنة الشهادة ربنا يديك النجاح وزيادة ذاكري الدروس وخلي عندك إرادة صلى وادعي , واصلي دايما في العبادة ربنا يديك والنجاح يبقى ليك عادة تجيبي نسبة الطب بي زيادة تفرحي أبوك وتفتحي العيادة وتوصلي أمك بي عربية لادا بعد داك النسوان يخلن الولادة ولا حتى ما يخلن الولادة نحن عندنا غادة سمعتوني يا سادة ؟
| |
|
|
|
|
|
|
Re: غادة مُمتحنة الشهادة (Re: تيسير عووضة)
|
بندعوا وماتنسونا من كرامةالنجاح ياجماعة شوفتوا الزول ده كابي الجرسة كيف الممتحن غادة ولا انتا ؟؟ من زمان جرسة وقت الامنحان قاعد تجيه حمى وابرد واطرافوا اتلجن ولمن ادخل القاعة ادنقر واملص قميصو واتلفت زي مروحة الطربيزة باحثا عن النجدة او من يقل له الامتحان لغوه وبعد اول مااكتب بنجح حسي ما تهد في لبت الدكتورة الكبرتنا وقريب بتفتح ليها العيادة يازول اتشدع اتشدع وكان كمان غاشيها وقايل ليها انك كنت سبع البرمه متخليها تقرا البوست ده
| |
|
|
|
|
|
|
Re: غادة مُمتحنة الشهادة (Re: waleed500)
|
اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله ووفقها ووفق زملاءها وزميلاتها في الإمتحان
قـادر ياكـريـم...
غـادة تمتحـن بثقة وتنجـح....تجـيب مجمـوع كـبير يمكنها تـدخـل أي كلية في أي جـامعة تحـبها هي.... وانت تفرح وام غـادة تطير مـن الفرح...
ولكـن هي تكـون الفـرح ذاته...
آمـين...
مـني
| |
|
|
|
|
|
|
Re: غادة مُمتحنة الشهادة (Re: ali elhassan)
|
البدرى الحنين الشوق جبنه وفنجانين وزير وبنبرين نقعد كده تحت ضل الشديره ديك الكبيره الفى طرف الحوش الزير ينقط والطير فوق يزغزغ اها البجينا حايم كلو نقول ليه جر معاك عنقريب ولا بنبر واغشا الراكوبه ديك جيب ليك فنجان ..بعد شويه يتلمو الحبان والنيمه ما تشيلنا ونجر لينا برشين تلاته من الديوان والبقعد فى الطرف كلو يخت ايدو فى جبهتو ومصرصر وشيشو من الشمس الراصعاه من فوق وما تنسا عندنا حلة بليله .. عارف اللمه دى شنو ؟ ده نجاح غاده وهى فرحانه تنطط بى غادى مع صاحباتها وبعد داك نجر الدلوكه وهاك يا ربة دكاكينيه .. وتجى تغلبك بالرقيص كالعاده ..زى اليوم داك .. قايل روحك رقاص زى زمان زى ما قال ليك اخونا السنى .. تخريمه .. طبعا محمد السنى ضحكتنى ضحك مبااااااالغه لمن خفت الجيران يسمعونى .. الله يفرحك ديمه يابا .. قلت لى بجدع هديماتو ويقعد يتلفت ؟ لووووووووووووووول تبرا يا يابا غاده من ابوها .. ولا يهد فيها ولا يجى حداها وحات الله ما شاء الله وعينى بارده فاااالحه وناجحه الا ابوها من يومو كابى الجرسه لكن بينى وبينك يا السنى ياخوى البدرى ده حنين سااااااااى الله يدى العافيه البدرى الحنين شاحده الله وبركة الجمعه الجامعه والدعوه العند الله سامعه تنجح غدويه وتفرحنا كلنا ونركب داك يا البوكسى .. حق الجنيد الحلة داك شفتو ونمشى مناقزا ننقز مع اهلنا فرحانين فتك بى عافيه وتحياتى للعقاب
| |
|
|
|
|
|
|
Re: غادة مُمتحنة الشهادة (Re: soma)
|
الراسية ورزينة سوما سلام ليك وللأسرة إنت عارفة أنا بعد قريت كلامك سرحت فعلاً وصدقت أن غادة فعلاً نجحت النجاج العايزنو ليها ودا لأنو فعلاً خيالك خصب وافلح في تصوير الموقف ربنا يقبل الدعوات وعقبال آية السكرة
| |
|
|
|
|
|
|
Re: غادة مُمتحنة الشهادة (Re: محمد سنى دفع الله)
|
Quote: حسي ما تهد في لبت الدكتورة الكبرتنا وقريب بتفتح ليها العيادة يازول اتشدع |
يازول مادام الله فكاها من شناتي وما هديت فيهاالخوف هين صدقني فرحت بي بزيارتك شديد ربنا يديك الفي مرادك يا صديق
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
Quote: اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله ووفقها ووفق زملاءها وزميلاتها في الإمتحان
|
مع صادق الأمنيات لغادة بمستقبل مشرق
| |
|
|
|
|
|
|
Re: غادة مُمتحنة الشهادة (Re: ALGARADABI)
|
شقيقي الحبيب أبو البدور و أبو غادة الغادة
سلام و مودة
دعواتي الصادقة للإبنة غادة .. بأن يحقق أمنياتها بالنجاح التام في هذا الإمتحان و تدخل الجامعة بحول الله و في الكلية ال عاوزاها .. تخريمة :
إبنتي ( نعيمة ) ممتحنة أيضاً يوم الإتنين من المساق العلمي و مصرة تخش كلية الطب .. دعواتكم .. لهما و لكل بنات و أولاد السودان بالنجاح ..
تحياتي للأسرة يا بدر أرقد عافية
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
Quote: اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله ووفقها ووفق زملاءها وزميلاتها في الإمتحان |
اللهم وفقها وفرحها وفرح والديها
ووفق زميلتها تسابيح عباس محمد أحمد أول من أسمعتني كلمة ( خالي عاطف )
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
بدرالدين الما شين
ادبية دي ذكرتني قصة واحدة قالوا ولدها كان علمي وطالعة بيهو الجو قدام اولاد الحلة الادبيين وانه حيدخل كلية الطب وانه كفاية انه علمي وهم ما حيدخلوا المهم ولدها للاسف ما نجح والادبيين اولاد الحلة نجحوا كلهم ودخلوا الجامعة ، فقامت قالت : يعني شنو علمي ساقط خير من ادبي ناجح ..لووول.. فناس الحلة طلعوا حديث عنها: عن فاطمة بت كلتوم رضي الله عنها قالت: علمي ساقط خير من ادبي ناجح
والدكترة دي ما الا في الطب ... تطلع غادة دكتورة قدر الدنيا في اي مجال دعواتي لها ولكم بكل التوفيق
| |
|
|
|
|
|
|
Re: غادة مُمتحنة الشهادة (Re: maia)
|
Quote: عن فاطمة بت كلتوم رضي الله عنها قالت: علمي ساقط خير من ادبي ناجح |
علي اليمين لووووووووول خالص تحياتي ليك يا صديقتي ميَّا وربنا يحقق ليك مرادك آمييييييييييييييييييييين
| |
|
|
|
|
|
|
Re: غادة مُمتحنة الشهادة (Re: Soumeta)
|
سوميتا العسل إنت زولة رائعة وقلبك طييييييييييييييييييييب وتستاهلي كل خير وأنا فرحت بي طلتك ودعائك الجاي من جوووووووووا عشان كدا عمك بدرالدين بدعو ليك بالنجاح والتوفيق في كل خطوة تخطيها
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
لا حولاااااااااااااااااا والله يابدر كان في بالي الليلة دي أكورك ببوست ماكن و أسأل الناس كلها الدعا ( تسنيم عماد ) برضو جاكه يو الأتنين .. و أنا متجرس شديد يا بدري .. ومرعوب أكتر منها ..
يارب .. يا رب ..
Quote: اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله ووفقها ووفق زملاءها وزميلاتها في الإمتحان |
غايتو يا صاحبي
Quote: دحين يا نسوان الدايرة تلد أخير ليها تلد بسراع بسراع |
الظاهر حنولد نحنا .
| |
|
|
|
|
|
|
Re: غادة مُمتحنة الشهادة (Re: الخير محمد عوض)
|
Quote: والدعــوات ايضــا موصــولة لـ :
نعيـمـة ابوجهيـنـة و تسـنيـم عمـاد
امنياتي الخالصـة لهـن بالتـوفيق والســداد |
صدقني مافي أحسن من كدا وإنت فعلاً أصيل لك تقديري وتقدير شقيقي أبوجهينة وتقديري صديقي عماد عبدالله
| |
|
|
|
|
|
|
Re: غادة مُمتحنة الشهادة (Re: Emad Abdulla)
|
Quote: الظاهر حنولد نحنا . |
أنا غايتو وجعي حاااااااااار الغالي الحبيب عماد (صاحب الغصن الرطيب) أسال المولى أن تنجح تسنيم ونعيمة وغادة وجميع أبناء وبنات و(حفيدات) البورداب ثمين الحب
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
أسأل الله لغادة التوفيق والسداد والنجاح. بس يا البدري يا أخوي كان فتحت العيادة ولا فتحت سوبرماركت النسوان ما حايوقفن الولادة ، لأنه لو وقفن الولادة حا يحصل كساد في عيادتكم ومن ثم ربما لا ينفع تخصصكم بالتوجه إلى الطب الببيطري لأنو المعزه والضان والبقر عندنا بلدن ساكت في السهلة دي عشان كده العتوت لمن يجيك جاري يكون متعوج كده زي الداير يشوت بلنتي. ولا غادة ما عاوزة تكون إختصاصية نساء وولادة.
أسأل الله لغادة التوفيق والنجاح
| |
|
|
|
|
|
|
Re: غادة مُمتحنة الشهادة (Re: almulaomar)
|
Quote: بالتوجه إلى الطب الببيطري لأنو المعزه والضان والبقر عندنا بلدن ساكت في السهلة دي عشان كده العتوت لمن يجيك جاري يكون متعوج كده زي الداير يشوت بلنتي. |
أنا قررت من الليلة دي تغيير إسمك من الملا عمر إلى المتعة عمر فرحتي زادت بي ظهورك بعد غيبة يا حبيبي عمر متعة أسال المولى أن يتقبل دعاءك ويوفق غادة وجميع المُمْتَحَنِينْ
يا شباب وزوار هذا البوست المستعجل وما بقدر يتداخل برضو يدعو معانا وأكيد فيكم الصالحين وأصحاب الدعوات المستجابة
وأنا خائف شدييييييييييييييد
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
البدري
حلاتو
بي بنياتو
اللهم يا من اذا اراد امرا ان يقول له كن فيكون
اللهم انصر غادة بت اخوي البدري ودخلها كلية الطب تقرا الدايرو ليها ابوها
وبعد تتخرج اللهم اجعل في يدها الشفاء بقدرتك يا الله
: اللهم إنك آمن من كل شئ
وكل شئ خائف منك
فبأمنك من كل شئ
وخوف كل شئ منك
أمن غادة مما تخاف
يا الله يا الله
| |
|
|
|
|
|
|
Re: غادة مُمتحنة الشهادة (Re: garjah)
|
يا حبيبي أحمد قرجة يااااااااه على تلك الأيام الجميلة كلامك ممتع (أمتع من رونالدينو ذاتو) ودعواتك صادقة وفيها ريحة أخوة رفيعة ربنا يتقلبها رغم أن غادة تمنيت لها فتح العيادة ولكنها فضلت المسار الأدبي فربنا يحقق مقصودها وتبقى دكتورة في مجالها لك حبي الخالص
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
البدرى سلام والله خلعتنى بالشهادة دى. انا قايلها خاشة الثانوى يا دوب. بالله غادة الصغيرونة الكانت بتحت حت النبق معاك فى عرس صبرى اول امس دى بقت على الجامعة؟ نسال الله يهدى سرها ويثبت قلبها ويكشف ليها المستور وتدخل الجامعة. قول ليها تودى قلمها واستيكتها لى شيخ محمد يعزم فيهن تحية ليك ولام غادة والامنيات لغادة بالنجاح
| |
|
|
|
|
|
|
Re: غادة مُمتحنة الشهادة (Re: المعتمد)
|
طبعاً الواحد ما بقول ليك المعتمد شخصياً؟؟؟ بقول ليك المعتمد رسمياً؟؟؟
Quote: نسال الله يهدى سرها ويثبت قلبها ويكشف ليها المستور وتدخل الجامعة. قول ليها تودى قلمها واستيكتها لى شيخ محمد يعزم فيهن |
ياخي هيجت فيني ذكريات جميلة وإن شاء الله أبو الثري (السري) يلحقنا كلنا ويفزعنا وإنت ذاتك ماك هين مش لعبت في ساحة حاجة؟؟؟ أما غادة الحتت النبق فيهي نفسها غادة الممتحنة طبعاً دخلت المدرسة وعمرها خمسة سنوات
ما دام غادة صغيرة و مادام هي باكورتي معناها أنا صغير مش؟؟؟
تحياتي لي بت الحوري وربنا يحقق المقصود والله مشتاق ليك يا معتمد
| |
|
|
|
|
|
|
Re: غادة مُمتحنة الشهادة (Re: ودقاسم)
|
Quote: دعواتي لغادة بالتوفيق ، وأن تحقق كامل دعوات أبيها في الأغنية ... لك التحية أخي بدر الدين ، وإن شاء الله غادة تلاقي السعادة .. |
كون الخال ود قاسم في بوستنا دي براها بشرى سارة وتعطي أمل كبير في نجاح غادة تحياتي لك وللمدام والعيال مع شكري وتقديري
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
بدر قدر ما ركزت في البوست عشان اعرف غاده دي بتكـ ولا بت اختكـ ولا بت صاحبكـ .. غلبني حَريفن زايغ من الكُبر
بعدين يا بدر انت بتشبة كدي .. تودي بنات اخواتكـ او اصحابكـ المدرسه اول يوم انت ما حنين كمان
دعاء اللهم انصر غاده و البنات الممتحنات جنب غاده وشتت شمل جميع مُراقبي الامتحانات لتخرج غاده منصورة و تكبر و تبقي دكتورة
| |
|
|
|
|
|
|
Re: غادة مُمتحنة الشهادة (Re: خدر)
|
Quote: قدر ما ركزت في البوست عشان اعرف غاده دي بتكـ ولا بت اختكـ ولا بت صاحبكـ .. غلبني حَريفن زايغ من الكُبر |
طيب وأنا لمن قلت باكورة عيالي قاصد عصايتي؟؟؟
Quote: وشتت شمل جميع مُراقبي الامتحانات لتخرج غاده منصورة و تكبر و تبقي دكتورة |
حلوة شتت دي إنت قاعد تصلي في الجامع مش؟؟؟ والله إنت زول ما عادي أما قصة اودي الشفع المدرسة دي أنا كنت بودي ليهم الفطور عشان أشوف بنات تامنة ههههههههههه خالص المودة
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
بدر الدين حلا بركة الصباح وباب الله الفتاح وجبريل الفي المدينة صاح وبركة كل الصلاح بركة العيش في الرحل والموية في البحر غادة تنجح نجاح يسرك ويسر أمها ويشرح قلبكم (نعم الإله على العباد كثيرة وأجلهن نجابة الأبناء) إن شاء الله نسمع اسم غادة وتسنيم عماد ونعيمة بت أبو جهينة في المؤتمر
| |
|
|
|
|
|
|
Re: غادة مُمتحنة الشهادة (Re: Ishraga Haimoura)
|
الرائعة إشراقة سلام كبير أيوا ايوا أيوا دا بالظبط الدعاء الكايس ليهو أنا فيهو ريحة البلد والحبوبات الطيبات زمن البلد كانت بلد وزمن الحبوبات كان إسمهن نخل المدينة وأم سلمة اللهم ربي أجب دعاء إشراقة بنت الأصول خالص ودي يا غالية
| |
|
|
|
|
|
|
Re: غادة مُمتحنة الشهادة (Re: لؤى)
|
محبوبي الفنان لؤي سلامي وحبي
Quote: قبل كم يوم كنت بتفرّج في تلفزيون السّودان في برنامج "من الإرشيف" ، وشفتك في عمل من أيّام محطّة التلفزيون الأهليّة ديك ، سنة 80 أعتقد ، فقلت ماشاء الله يعني بدر الدّين دا رغم إنّه "طعن في السّن" إلاّ إنّه أهو راجل شباب ومالي المكان صولات وجولات .. وماشاء الله تاني .. أنا الوقت داك عمري بيكون كان سنتين كدا جنس كضب غايتو .. |
مش بتذكر يوم قبضتني أنت واصحابك في عبدالله خليل وقلتوا لي غني لينا أغنية أحرموني قال سنتين قال بالله قبل كم يوم جابوني؟؟؟ ياخ أنا كنت داير اشوفني
اشكرك ياخي وأنت تجمل هذا البوست وتزينة وكان نجحت نجاح كويس تاني بنزل بوست عشان تنزل لي فيهو واحدة من الروائع يا مبدع
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
الحبيب بدر الدين
لعلنى والاخ ابوجهينة أكثر ما نحس ما يعتريك من قلق فأنا مثلك ابنى عبدالله سيمتحن هذا العام - إن شاء الله - للشهاده وانا ووالدته نعيش فى قلق لا حدود له وبيننا خط ساخن لا يبرد ولذا تجدنى معك ادعو الله لغادة ولكل ابناء وبنات هذه الدفعة بالتوفيق وان يجعل الله الامتحان معقولا ومقبولا ومقدورا عليه وان يبعد عنهم الخوف والرهبة ويزودهم بالطمأنئنة ورباطة الجأش والثقة فى النفس ويزودنا نحن بالصبر الجميل ويسلمنا من "ام هلله هلله"
لك حبى وتحياتى
| |
|
|
|
|
|
|
Re: غادة مُمتحنة الشهادة (Re: humida)
|
العريس حميدة سلام
Quote: والله انا ( دعواتي ) ما بتمشي ( متر ) لفوق .. بس كان ( قدت ) .. انا بفتش في ( عروس ) .. |
يعني إنت كايس ليك لي عروس قادَّة؟؟؟ بري أتحوينا النبي منك قول غادة (قدت) بتعرسها أها عبدالله ود قرشو دا بسوي ليهو شنو؟؟؟ إن شاء الله غادة تنجح وتفرحنا وإنت تفرح معانا وكان صبرت بنعرسها ليك (ناجحة)
| |
|
|
|
|
|
|
Re: غادة مُمتحنة الشهادة (Re: قرشـــو)
|
Quote: ولذا تجدنى معك ادعو الله لغادة ولكل ابناء وبنات هذه الدفعة بالتوفيق وان يجعل الله الامتحان معقولا ومقبولا ومقدورا عليه وان يبعد عنهم الخوف والرهبة ويزودهم بالطمأنئنة ورباطة الجأش والثقة فى النفس ويزودنا نحن بالصبر الجميل ويسلمنا من "ام هلله هلله" |
قرشو يا خوي إنت أحسن مني عشان عبدالله جنبك وفي وشك لكن غادة في السودان وأنا في عُمان يا ربي يا ربي يا ربي تنجح عبدالله ونعيمة وتسنيم وغادة وكل الممتحنين وتفرحنا بيهم وتحقق ليهم طموحاتهم وتخلف تعبهم قرشو ياخوي أنا خائف يا رب يا رب يا رب شكري وتقديري لك أخي قرشو
| |
|
|
|
|
|
|
Re: غادة مُمتحنة الشهادة (Re: AlRa7mabi)
|
الرحمابي ود أختي كيف حالك وحال عيالك
Quote: هسة انتا في غادة ولا في نسيبك قالوا يحسب في الناس حساب النشوف لينا ( حياك ) ساكت |
إنت عارف المصائب دي كلها سببها صاحبك فيصل حلوة قصة (يكون موية) دي بس ما يكون زي موية هويدة إن شاء الله ربنا يقبل دعاك يا عبدو
| |
|
|
|
|
|
|
Re: غادة مُمتحنة الشهادة (Re: AlRa7mabi)
|
Quote: شاء الله غادة تنجح وتفرحنا وإنت تفرح معانا وكان صبرت بنعرسها ليك (ناجحة) |
ربنا يجبر بخاطرك يا بدر الدين .. وتكون ليك في العشرة الاوائل ..
أما بخصوص ود عمنا قرشو .. كان قدا .. والله الا نوديهو ( الطاحونة ) ..
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
الحبيب بدر الدين
Quote: قرشو يا خوي إنت أحسن مني عشان عبدالله جنبك وفي وشك لكن غادة في السودان وأنا في عُمان
|
أخخخخخخخخخخخخخخخخخ ياخى
كلنا فى الهم شرق يا سيدي
عبدالله فى السودان كذلك وانا هنا فى جدة وبيننا الخط الساخن وحريقة فى الفاتورة ...
أدمعت قلبى يا هذا ...
| |
|
|
|
|
|
|
Re: غادة مُمتحنة الشهادة (Re: قرشـــو)
|
ياخوانا شوفو المحنة غادة كبرت وبقت ممتحنة امس ولدها ونحن فرحنا لونها اسمر مبيضة السحنة تضحك.. وسط لمة عودا ولحنا تحبو تاتتى وتتهبع وسطنا ماما وبابا كلمات ك عطر فحنا روضة وابتدائى والزمن ربحنا مراحل اساس.. بسرعة كملنا والليلة كبرت وقالو ممتحنة وبكرة تدخل الجامعة وتعالج جرحنا اقيقن يانسوان صفوف عشان نفحص الاجنه العندو يدفع والماعندو ما بنغفل عادتنا ليه قرينا وتعبنا وتعلمنا هو اهلنا واصلنا وفصلنا غادة كبرت وبقت ممتحنة
البدرى انا مضغوط فى الدوام كان ممكن ارص ليها كلمات اجمل من كدا اسى تقبل مننا دى
| |
|
|
|
|
|
|
Re: غادة مُمتحنة الشهادة (Re: abuguta)
|
صديقي القرييييييييييب مني أحمد صديق سلام وطيب كلام
Quote: البدرى انا مضغوط فى الدوام كان ممكن ارص ليها كلمات اجمل من كدا اسى تقبل مننا دى |
اقبل بس؟؟؟ دا أنا أقبل وأشكرك شكر عاتي فأنت قلت ما عجزت عنه أنا ياخي إنت ربيتها عديل من ولادتها لغيابة ما إتخرجت بي مداد أخضر فيه شارة المرور والنجاح لك خالص معزتي وأنت تعزني بهذا الدعوات
| |
|
|
|
|
|
|
Re: غادة مُمتحنة الشهادة (Re: قرشـــو)
|
حبيب عمري قرشو سلام بحجم فرحتك بنجاح عبدالله إششششششش حي حي حي تشيتك؟؟؟ كُر علي والله أنا قيالن معاك
Quote: أدمعت قلبى يا هذا ... |
إن شاء الله تكون دموع الفرح بس علينا بالدعاء وربنا بيحب العبد الملحاح في الدعاء
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
البدرى نسيت اقولك الاسبوع الفات عرضت سيارتى للبيع لزوم التغير وجذب الحسان واحد تمن فيها قلت ليه افتح الله لكن لما قال لى من مناقزا قلت ليه والله العظيم الا تشيلها بالسعر القلتو نحن اهل يازول... بس عندى ليك سعال..بتعرف بدر الدين السمح قال لى بلحيل..اسم الشاب عثمان محمد عثمان مقيم فى ابها البهية واشترى منى العربية وشحنها بالعصرية.. وبكيتها فى تلك الليلية ولقدام
| |
|
|
|
|
|
|
Re: غادة مُمتحنة الشهادة (Re: Dr. Moiz Bakhiet)
|
الصديق المعتَّق والشاعر الشفيف د. معز سلام لؤلي الألباب والأنامل الشافية حرفاً ودواء
Quote: أها نحن تاني اتفقنا:
هي تنجح وأنا أفرح.. |
ولسسسسسسسسسسسسسسسَّع إنت شفت حاجة فرحت بي عودتك وبسأل عن صديقي سجيمان
| |
|
|
|
|
|
|
Re: غادة مُمتحنة الشهادة (Re: abuguta)
|
أحمد صديق أبوقوتة سلام ومبروك البيعة التمت
Quote: نحن اهل يازول... بس عندى ليك سعال..بتعرف بدر الدين السمح قال لى بلحيل..اسم الشاب عثمان محمد عثمان مقيم فى ابها البهية واشترى منى العربية |
والله فعلاً نحن أهل بالحيل ومكانتك عندي كبيرة وفعلاً عزيتني قدام أهلي ودي المحرية فيك وإن شاء الله ربنا يلمنا في ساعة وخير ويعوضك في عربيتك خير منها فلا تحزن يا صديقي أحمد لك التحية والنية السليمة وبلغ تحياتي لي عثمان
| |
|
|
|
|
|
|
Re: غادة مُمتحنة الشهادة (Re: حسين يوسف احمد)
|
العزيز حسين يوسف أحمد سلام بحجم كلماتك الرائعات
Quote: ولن تنتهـي القصـيدة ولا تفـاصيها ، فهـي طويـلة ... أتمنى أن تنـال اعجـابك ... |
نالتو عديل وما خلت فيهو التكتح وكرَّدتو كُرَّاد الزير ياخي دي كلمات جميلة ورائعة أشكرك شكر عالي المستوى وتقبل تحيات غادة الممتحنة الشهادة
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
البدر الجميل لك التحية ولغادة خالص الدعاء بالنجاح.. بعدين تعال مش غادة البنعرفا.. الجرسة الليك شنو.. البنية شاطرة وبتنجح ان شا الله نجاحاً يفرحك ويفرح تلك -البعيدة القريبة في آن والتي يخفق قلبها-دعاء وأملا- مع كل صفحة تقلبها غادة..
لك ودي يا صديقي وأرقد قفا..
الزاكي
| |
|
|
|
|
|
|
Re: غادة مُمتحنة الشهادة (Re: الزاكى عبد الحميد)
|
Quote: أدمعت قلبى يا هذا ... |
ياخي نحنا القاعدين في السودان دمعنا ..
Quote: فهي باكورة عيالي وهي أملي ونور عيني |
و هذه ابكتنا عديل ..
بالتوفيق يا غادة؛ و ان شاء الله ابوكي يفاخر بيكي النجوم .. و كدا.
| |
|
|
|
|
|
|
Re: غادة مُمتحنة الشهادة (Re: Hussein Mallasi)
|
صديقي حسين ملاسي هنا؟؟؟ تحية واااااااااااااسعة
Quote: بالتوفيق يا غادة؛ و ان شاء الله ابوكي يفاخر بيكي النجوم .. و كدا. |
معناها بقو عندي 2 أفاخر بيهم النجوم زمان كنت إنت وهسع معاك غادة لك أخلص المشاعر
| |
|
|
|
|
|
|
Re: غادة مُمتحنة الشهادة (Re: الزاكى عبد الحميد)
|
الأديب الأريب الزاكي عبدالحميد أنا لسة متمسك بي صداقتنا عندك فكرة؟؟؟
Quote: البنية شاطرة وبتنجح ان شا الله نجاحاً يفرحك ويفرح تلك -البعيدة القريبة في آن والتي يخفق قلبها-دعاء وأملا- مع كل صفحة تقلبها غادة.. |
غادة حا تفرح بي شهادتك دي وتضعها جنباً إلى جنب مع الشهادة السودانية كل الود ليك وللأسرة
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
بدرالدين الما شين
غايتو ما كذاب الشاف كروت التلفون بكل لون في ازمة منذ صباح الاتنين ونشوف الهنود كلو نفرات ما في معلوم وين هذا كروت مال موبايل يروح
يا زول انا بدي ليك غادة دي دعوة كااااااااااربة منها والسما ( ثقة قال ليك) لووووووووول اها قصرنا معاك خت في بطنك اجدعها بطيخة صيفي
| |
|
|
|
|
|
|
Re: غادة مُمتحنة الشهادة (Re: الجندرية)
|
يا البدرى نسأله بسر الأسرار وبصدق الأخيار وبلطفه الخفى أن يعينها على النجاح ويعينك على أن تعلفهم كامل الصحه وافر الضراع أخضره ويجرى عليك نعمائه...........................
منصور
| |
|
|
|
|
|
|
Re: غادة مُمتحنة الشهادة (Re: الجندرية)
|
أماني بت عبدالجليل كيف حالك
Quote: انا وقفت الولادة من هسع دي ( ولأجل عيون غادة ) |
خلاس أنا صرحت ليك بي بُطنة واحدة بس على شرط ما يكونو تيمان ههههههههه أشكرك يا جندرية على مشركتك المهمة جداً
| |
|
|
|
|
|
|
Re: غادة مُمتحنة الشهادة (Re: maia)
|
ميَّا الظريفة والله إفتقدناك كتير
Quote: يا زول انا بدي ليك غادة دي دعوة كااااااااااربة منها والسما ( ثقة قال ليك) لووووووووول اها قصرنا معاك |
ابداً ما قصرتي قلتي منها والسما أها كان نجحتي في دي عندي حاجات تانية حا أجيك تدعي لي وبقروش المرة الجاية وربنا يحقق ليك رغباتك يا رائعة
| |
|
|
|
|
|
|
Re: غادة مُمتحنة الشهادة (Re: نادية عثمان)
|
العزيز بدري .. والله مقدر شعورك .. مع اني لسه ( سنغل ) + غربة برضو .. ومرت علي لحظات زي دي مع أخواني لكن الحمد لله كلها انتهت على خير .. ربنا يوفق البنيه غــادهـ ويجيب ليها الامتحان موية بس .. ونسمع بيها دكتورة قدر الضربة والدعوة برضو لي قرشو ولي عماد عبد الله .. ولي كل الشباب الممتحنين وإن شاء الله يارب نلقاكم في بوستات ـ النجاح ما في بوستات الجرسة الحلوة دي .. ــــــــــــ الصورة دي سرقتها من التلفزيون قبل كم يوم .. عجبتني
| |
|
|
|
|
|
|
Re: غادة مُمتحنة الشهادة (Re: نادية عثمان)
|
أختي نادية عمة بتي غادة شكري وتقديري على الفووووووووق
Quote: وقبلة على الخد الاسيل للغالية غادة من عمتها نادية ! |
والله في اللحظة دي بالضبط تمنيت لو غادة قاعدة جنبي عشان تقرا البوست وتشفط القبلة دي شفط من الكمبيوتر والله ما شايلني شك في معزتك لغادة وابو غادة وأم غادة لأنك أصيلة وبت ناس تحياتي لزوجك الكريم ولأسرتك
| |
|
|
|
|
|
|
Re: غادة مُمتحنة الشهادة (Re: tmbis)
|
تمبس المبدع السنغل سلام بلا حدود
ياااااااااااه يا تمبس الله يديك العافية بس ياريت لو تعمل شغل في الصورة دي تصغرها عشان اقدر أستخدمها وتكون ملازمة لإسمي في البورد واشكرك على الدعوات الطيبات يا عسل
| |
|
|
|
|
|
|
Re: غادة مُمتحنة الشهادة (Re: نادية عثمان)
|
نادية عصمان إزيك يااااااااااخ
Quote: يارب تنجح عشان حلفتا انا ياخ !! |
يا رب يا رب يا رب بالنسبة للبيت الأول والثاني والرابع أما
Quote: نوم واحلم وضم ريش الوسادة |
فإلى حين عشان أنا داير أضم غادة وأخوان غادة وأم غادة قالت ريش الوسادة قالت والله كويس
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
والله يا عمي السمح ضحكتني جنس ضحك! لاااامن جاتني عشراقة تبرا من الوجع الحار و ربنا يديكم الفي مرادكم انت و غادة و كل الزملاء و ابنائهم و بناتهم.
Quote: اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله |
اللهم آاامين
| |
|
|
|
|
|
|
Re: غادة مُمتحنة الشهادة (Re: saadeldin abdelrahman)
|
صاحبي سعدالدين عبدالرحمن والله فاقدك وطولت منك عديل كدا
Quote: تبرا من الوجع الحار و ربنا يديكم الفي مرادكم انت و غادة |
وإنت إن شاء الله تبرا من العشراقة يا أنبل إن إنسان والله صدقني أرتاح جداً لمداخلاتك يا سعد
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
حبيبنا تمبس الفنان
شكرا للدعوات
لكن قول لى حبيبنا بدر الدين ياتو فى الاثنين الشايلين ؟؟؟
ديل كلهم خنافس ياخى ...
اتاريه كان خنفس بالله
ولابس شارلستون ؟؟؟؟
ياخى نحن جاهلين الراجل ساكت وهو كان قامة فى الدراما
يديك العافية ونشوف شغل الكُبر بقى ...
| |
|
|
|
|
|
|
Re: غادة مُمتحنة الشهادة (Re: قرشـــو)
|
الحبيب قرشو
Quote: لكن قول لى حبيبنا بدر الدين ياتو فى الاثنين الشايلين ؟؟؟ |
لمن تعاين للصورة ... الفي اليمين اللابس (كاب) دا جعفر سعيد الريح والفي النص محمد المهدي (الفادني) والظهير الأيسر أبو شيبة دا بدرالدين شنا لك الحب والتقدير
| |
|
|
|
|
|
|
Re: غادة مُمتحنة الشهادة (Re: قرشـــو)
|
قرشو الحبيب سلام من أخوك الأصغر
أنا شيبي خوف ما كُبر لكن ما تكلم زول سمح؟؟؟
Quote: يا ربى مستمر فى الابداع ولا اكل العيش قتله ؟؟؟ |
والله تاني الإبداع إلاَّ الواحد يصيح للطير الأبيض أم الإبداع أديني إبداع بديك قرشين ياخي الغربة دي وأكل العيش والصحراء عملو فيني عمايل
| |
|
|
|
|
|
|
Re: غادة مُمتحنة الشهادة (Re: مريم الطيب)
|
الغالية حد الوصف مريم الطيب النبي فوقك كان ما سلمتي لي على عبدالعظيم أخوك أنا مشتهيهو عديل كدا أشكرك على الباقة الورد والكلمات الطيبات والدعوات النزيهة وربنا يحقق طموحات الجميع ويخلي ليك عيالك وخوتنا الزمان بقت كبيييييييييرة وأنا كل يوم بسقيها وأديها سماد الحب لك الود
| |
|
|
|
|
|
|
Re: غادة مُمتحنة الشهادة (Re: محمد سنى دفع الله)
|
شيخي السني سلام معتبر
Quote: ياحواري ماتعبرنا مابتشوف البوست الفوق ولااسحب دعواتي مبروك مقدما ل غادة سكر زياده |
هي دعواتك خلاص وصلت وربما بُتَّ فيها يعني هسع بقت زي كرت التلفون مما تفضيهو في الموبايل بعد داك إلاَّ تسويهو قرقريبا قال اسحب دعواتي قال والله يا استاذ إنت محل تقدير خاص عندي غير أنك مبدع وأنك صديقي فأنت استاذي في المعهد وأنا فخور بك
| |
|
|
|
|
|
|
Re: غادة مُمتحنة الشهادة (Re: محمد سنى دفع الله)
|
الأستاذ محمد بن السني بن دفع الله سلام بحجم الإبتسامة العندك وبحجم جمهورك في الداخل والخارج
Quote: ماتعبرنا مابتشوف البوست الفوق |
ياخي إنت معبَّر القذافي ذاتو وأنا رديت ليك فوق لكن العتب على النظر ودا رد البوست الفوق يا حبيبي
Quote: حسي ما تهد في لبت الدكتورة الكبرتنا وقريب بتفتح ليها العيادة يازول اتشدع |
يازول مادام الله فكاها من شناتي وما هديت فيهاالخوف هين صدقني فرحت بي بزيارتك شديد ربنا يديك الفي مرادك يا صديق أها رايك شنو
| |
|
|
|
|
|
|
Re: غادة مُمتحنة الشهادة (Re: بدرالدين شنا)
|
Quote: حلوة شتت دي إنت قاعد تصلي في الجامع مش؟؟؟ والله إنت زول ما عادي أما قصة اودي الشفع المدرسة دي أنا كنت بودي ليهم الفطور عشان أشوف بنات تامنة ههههههههههه خالص المودة |
اعرب ماتحته خط.
هههههههههههه
دعواتنا لها بالتوفيق ولكل الممتحنين.
| |
|
|
|
|
|
|
|