|
الباسبورت السوداني ( جواز السفر السوداني )
|
الباسبورت السوداني ( جواز السفر السوداني )
الباسبورت السوداني .... الله يرحمه زمان كان الواحد يفتخر انو يكون بحمل جواز سفر سوداني .. ليه لانو كان لمن تقيف في أي سفاره كانت وانته واقف با ابتسامه يقول ليك الاخ سوداني طوالي بدون أي تردد يختموا ليك التاشيره اكبر ممده ممكنه زمان كان لمن تقول انا سوداني في أي بلد الموضوع انتهى زمان اغلب دول العالم مفتوحه للسودانيني كانه ماشي لى اهله في مدني ولا الجزيره ولا وين ولا وين .. الحصل شنو هسي سبحان الله تمشي أي سفاره تقدم جوازك السوداني كانك شايل قنبله ممكن تتنفجر في أي لحظه الحصل شنو يا جواز سفرنا وريني الحصل شنو ..... البلدان الكانت مفتوحه لى أي سوداني هسي بقت مقفوله با طبله .... يا جماعه لى درجه انو السفاره اليمنيه لمن تقدم جوازك السوداني بيقول ليك تعال بعد 4 اسابيع على اساس يتاكدوا من الباسبورت بتاعك ... حتى مصر بقت صعبه با سبب الباسبورت السوداني ... الحل شنو يا جماعه ليه جواز السفر السوداني سبب في انو يقفل الباب على عدد كبيرمن الشباب المحتاجين للخروج والبحث عن علم او لقمة عيش في أي مكان هل السبب جواز سفرنا فقط ام السبب نحو ( اصحاب هذا الجواز ) ؟؟؟ لماذا يسعى اغلب الشباب لى تغير جوزات الى تشادي ولا حبشي ولا نيجيري ولا أي جنس تاني ،،، في الختام الله يرحمك يا باسبورتي السوداني الله يرحمك !!!!!!
|
|
|
|
|
|