|
تحياتي سيدي الرئيس .. من ينقذنا من انفلونزا الطيور؟
|
كلما يأتي الحديث عن هذا البلد الامين .. لا ادري لماذا اتذكر على الفور معلمة الجغرافيا في كل المراحل .. وهي تغرس في اذهاننا تلك القيم بدءا من نهر النيل ذي التعرجات المتعددة المبتدئة من بحيرة فكتوريا وانتهاء بالدلتا في مصر .. وانتهاء بالسودان سلة غذاء العالم .. وكلو في الباي باي بلغة هذا العصر الغير امين .. قمة افريقية بحجم نهر النيل المتدفق .. وملايين ما انزل الله بها من سلطان .. ومواكب ما بتتراجع تاني .. وقيامة رابطة اسمها وفود جاية ووفود ماشة .. وكلو فوق شنو ؟؟ في شان عمل شنو ؟؟ لا نرى سوى بيان الافتتاح .. ثم جلسات مفتوحة تتبعها جلسات مغلقة (لزوم حركات بتع مؤتمرات) .. وكم اختلاف كده ايضا لزوم برنامج المؤتمرات المحفوظ ثم البيان الختامي .. ثم توديع الوفود في المطار .. وتوتة خلصت الحدوتة ... وفي كل مرة يتكررنفس الشيء .. تتعدد الاسباب والجوهر واحد ..
نجي لقمة العرب في الخرطوم .. والله لا افهم لزوم التعب شنو .. فالسيناريو واحد ولا يختلف شيئا في كل تفاصيله .. يعني يمكننا منذ الان صياغة بيان الختام ووضع تصور كامل لما سيحدث .. فالامر لا يحتاج الى درس عصر او درس تقوية .. فهي امور علمت مسبقا .. وتنفذ ... فلنترك جانبا فهم نحنا عرب ولا ما عرب جانبا فهذه قصة اخرها لسه .. ولنترك ايضا الكلام الكتير الذي (سيصرف ) .. بقروش .. ولنترك ايضا كمية الملايين التي تبعزق وستبعزق شمال يمين بلا حساب على مثل هذه القمم البركانية .. ده كلو ما مشكلة المشكلة في انفلونزا الطيور اللي تقريبا وصلت السودان ... تقريبا شنو .. لا هي وصلت فعلا .. ولا حد من السادة المسؤلين جايب خبر او بالاصح مطنشين الموضوع .. ولا حتى عشرة الف جنيه ميزانية موضوعة للدواء المعالج للمرض ..!!! ولا معقولة بس هم يخلوا المهم ويلتفتوا لشيء ما مهم زي ده ..!!! اخشى بس انه انفلونزا الطيور تكون ضمن البيان الختامي للقمة .. والتي حتما ستعني انه الشعب السوداني حيروح شمار في شوربة ولينا الله واكل السوق
|
|
|
|
|
|
|
|
Re: تحياتي سيدي الرئيس .. من ينقذنا من انفلونزا الطيور؟ (Re: maia)
|
Quote: فلنترك جانبا فهم نحنا عرب ولا ما عرب جانبا فهذه قصة اخرها لسه .. ولنترك ايضا الكلام الكتير الذي (سيصرف ) .. بقروش .. ولنترك ايضا كمية الملايين التي تبعزق وستبعزق شمال يمين بلا حساب على مثل هذه القمم البركانية |
مايا سلام البيان الختامي قد صدر فعلا قبل انعقاد القمه وتم الاتفاق علي كل شئ فقط تبقي الاخراج السيئ لقمه كما قال البعض ضحكت من جهلهاالقمم تخيلي لو صرفت هذه الملايين التي انفقت في القمه الافريقيه وهذه القمه مئات الملايين لن تساهم في مكافحة انفلونزا الطيور وحسب انما في تنميه متكامله في اقليم دارفور وتحقن الدماء ووو لكن لا حياة لمن تنادي سعدت بقارءة مقالك لك الود
| |
|
|
|
|
|
|
Re: تحياتي سيدي الرئيس .. من ينقذنا من انفلونزا الطيور؟ (Re: الصادق عثمان)
|
العزيزة مايا صباحاتك خير
Quote: البيان الختامي قد صدر فعلا قبل انعقاد القمه وتم الاتفاق علي كل شئ فقط تبقي الاخراج السيئ لقمه كما قال البعض ضحكت من جهلهاالقمم
|
الكلام الفوق ده هو الملخص لكل مؤتمرات القمة ، بس المرة دى قالوا فى ناس ما حيجوا لأسباب امنية وفى ناس تانيين قالوا ما دايرين يشوفوا وش القذافى
والمرة دى حيكون فى تنديد خجول لتدخل القوات الاممية ،مع إتفاقهم فى النهاية على ان لا يتفقوا
ولك ودى
| |
|
|
|
|
|
|
Re: تحياتي سيدي الرئيس .. من ينقذنا من انفلونزا الطيور؟ (Re: maia)
|
الاخ الكريم الصادق عثمان
قالت الجامعة العربية انه ليس لديها علم بانسحاب القادة الاربعة !! ما مشكلة لكن نحنا محتاجين لقمة جوه بلدنا قبل ما يتشدق البشير واعوانه بمكانة السودان في الخارطة العربية الفاشلة
وميزانية القمم دي بتجيب دواء لقارة بحالها لكن مين يسمع
شكرا لمرورك
| |
|
|
|
|
|
|
Re: تحياتي سيدي الرئيس .. من ينقذنا من انفلونزا الطيور؟ (Re: maia)
|
العزيز ترهاقا
صباحك جميل
Quote: الكلام الفوق ده هو الملخص لكل مؤتمرات القمة ، بس المرة دى قالوا فى ناس ما حيجوا لأسباب امنية وفى ناس تانيين قالوا ما دايرين يشوفوا وش القذافى
|
عارف القذافي ده اللي حيجينا بعدته وعتاده وغزلانه وخيمه هو ذاتو ميزانية وزي ما قلت الناس ديل متفقين من الاول انهم ما يتفقوا ، وناسنا لو تشوفهم عملوا الخرطوم كيف ..!!وكلو عشان شنو في الاخر حتة بيان طالع من الاول والمهم عندهم تأييد فكرة بقاء قوات الاتحاد الافريقي ، ده بيكون تاييد هامس لزوم الضيافة لكن سؤال انفلونزا الطيور دي ياربي بتجي للرؤساء برضو ولا حكر على الشعوب بس
لك ودي
| |
|
|
|
|
|
|
|