|
|
 امين الصديق ............. امين الصديق
|
++++++++
الحب ورائحـة الفلنكة
اكتب يا قلم الجن
داخر حبرك لى شن
ما دام الفرح الزايف
زى صفق الشجر اتحت
اتمد الحزن الصايف
فى الليل الطول وشت
باقى العم الخايف
فتش عن قلب يحن
عن سكة توثل نبضك
فى الليل الجنو يجن
لى اكتر لحظات عمرك
حنية.. وفرحة.. وامن
بتفكر ليه .. بتفكر
من غير تفكير انجدد
من خوفك وابقى صريح
شايقك النخلة المدت
قامة ديوانا البهتنا
ابوابة من التجديد
لا خوفك اكبر منك
لا النبض الفيك جريح
لكنك عايز تبكى
من خوفك لما اتجدد
جواك واتسلم رايتك
وداك لى حلم بعيد
داير .. وما داير تبكى
قادر وما قادر تضحك
واقف بين الدهشة ولهفك
فى صمتك صوت بتخفى
وفى صوتك شبه عنيد
يا قلبى الجن بداوى
لو ضاع ما بيرجع تانى
خايك مستنى لوحدك
وحدك خايف من وحدك
ومداين الحب راجيانى
امونة
لا وردة في المطر الكثيف
لا عشبة نادها البحر
أمونة الفة وإشتعال
بت من شرار نار الله
في الزمن الجليد
مسكونة بي طيبة نبي
وذرة عناد
في إيدها الوان مدهشة
رسمت فراشة على الشفق
وصبية نازلة مع الرحيق
من وردة شكلتها السُحب
والضوء وعصافير في الافق
مُرتحلة لي وطن بعيد
وامونة بتحب السفر
والليل وأطراف المدن
ومهوسة باللون والظلال
في كل كراريس الرسم كتبت
انا وانت احتمال وارد
بذاكرة العشق لكن
وغيبت العُمر في الظن
وبقيت في غربة امونة
ورحيلها مع النفس جواي
فترت من الشعر غنيت
ملامحها في الشجر ضحكت
وقالت لي
حبيبي بسلم إيديك
نراقص نجمة نص الليل
تدور بي مع الريح في مطر غائب
وأحبك لو قدرت تكون
وأحبك لو قدرت تكون
وأحبك لو قدرت تكون
وأحبك لو قدرت تكون
+++++++++
السور
ياقلبي
انسها السيرة
والبت الخلف السور
محبوبتك ديك ما غيرة
مستني ياقوله خير
في عيونه محطه صغيرة
صحها وصول بابور
دقت باب حزن ضفيرة
زي يد رمت الصنفور
في شوقه حكاوي كتير
وصباح
ورغيف
ودميره
______________
وماشين في السكة نمد
|
|
 
|
|
|
|
خدر
فيس بوك
تويتر
انستقرام
يوتيوب
بنتيريست