|
Re: World press photo of the year للمصوراتية و الرساماتية و طلال,فاضلابى,ابوجهينة,عمك تنقو و اي (Re: esam gabralla)
|
عصــام..
قرأت عنوان البوست فتوقفت عند كلمة لم أتمالك نفسي من الضحك –وشر البلية ما يضحك- فقد تذكرت حيرة مذيعة التلفزيون اللبنانية في لقاءها مع "المخلوع" نمـيري، حينما كان يحاول أن يشرح لها كيف أن "المصوراتية" كانوا يلوحون له باي باي -أيام انتفاضة مارس/ أبريل 1985- وهو يصعد سلم الطائرة التي ستقله من واشنطون إلي الخرطوم...
المذيعة فهمت بعد جهد، أن المخلوع، يقصد المصورين الصحافيين!
شكراً على اللينك اللطيف، وزي ما قلتّ.. (القصة ما كاميرا متقدمة و بس) لكن وزي ما قالت تمادر بت شيخ الدين (كاميرا عالمة) في معرض تغزلها في كاميرا صاحبنا "الكان الزمان" عبدالمنعم الجزولي.. تحياتي،
عدلان.
| |
|
|
|
|
|
|
Re: World press photo of the year للمصوراتية و الرساماتية و طلال,فاضلابى,ابوجهينة,عمك تنقو و اي (Re: ابو جهينة)
|
العزيز عصام و الله أنا ما كنت قايلك فنان قدر ده .. فعلاً صور مدهشة و أحياناً الصورة تكون أكثر بلاغة و تعبيراً عن الكتب الفارغة و الخطب الجوفاء.
اعجبتني كثيراً هذه الصورة للهولندي سفن تورفن التي جسد فيها الحزن و المأساة و الصبر فلا نحيب ولا دموع فقط هو الحزن مجرداً في إطار، و ارجعتني الصورة الى مأساة الطفلة إنعام و مآسي أهلنا بدارفور و كل الذين يحصد الجهل و المرض و الحرب أرواحهم يومياً. يا عدلان ياخ نحن في حضرة الجمال مالك جايب لينا سيرة السفاح؟ تسلم يا عصام يا جميل، و الذي نفسه بغير جمال لا يرى في الوجود شيئاً جميلا. تحياتي للصغير خالد و لأمه.
الصاوي
| |
|
|
|
|
|
|
Re: World press photo of the year للمصوراتية و الرساماتية و طلال,فاضلابى,ابوجهينة,عمك تنقو و اي (Re: elsawi)
|
Quote: ارجعتني الصورة الى مأساة الطفلة إنعام |
يا الصاوي ياخ ما ممكن... دا ولا توارد خواطر ولا حاجة
أنا تعبت، وحفظت نسخة من الصورة وكتبت الكلام المصاحب في ال وورد (بمجرد أن رأيت الصورة قفز إلى ذهني منظر الطفة إنعام)، رجعت لبوست عصام عشان انزل المداخلة، وأتفاجأ باني القاك خاتي نفس الصورة ونفس الكلام أو قريب منو، الحكاية شنو... لاحظ إنو الحكاية دي اتكررت مع موضوع يخص عصام جبر الله قبل كدا ايام عرسو... يبدو يا صديقي أن بعد المسافات بيننا لم يباعد بين وجدانينا، فها نحن ذا تجمعنا في هم ومحنة ومصيبة الخفاض ومن قبلها في فرح شقيقنا عصام،،، عبر الأثير...
سيف بشير
وما في داعي لأي بشاكير يا عصام
| |
|
|
|
|
|
|
|