الأمين عثمان صديق سلاااام ونوااااصل

Quote: شايف نسوكم في الشهرة و كدة.. قلنا حرررم ما بنخليهم...افففففو! ابو السعود يا حبيب كل مرة اشوفك ادور اسلم عليك ولمن الفت عليك ما القاك وينك يا انت يا راجل يا زول انحنا ناس ادب وكلمة سمحة ولحظات حلوات نخطفها خطف من زمن المحن دا ونصلي ونصوم زي بقية خلق الله والسياسة عندنا في عربية الفرملة هنووووووك والفرملة فرملة قطر بضاعة امرق وتعالي لي انا مشتاق بالجد يا زول انا مرة بالغلط كدي كراعي دي انزلقلت ودخلت لي عركة زي دي تصدق يا مؤمن زرايري اتقطعو وكم القيص اتلحس بقى زي علامة كابتن فريق الكورة وكنت داير افقد لي زول عزيز في العركة ديك تعال لي برا يا اخوي المكان دا ما مكانك الا تكون بقيت ناكر للهواء تعال انت عايز يقولوا علينا شكالين وانحنا ناس سمحين بالحيل وانت عارف انا ما بقبل فيك لانو لو شفت جاتك حاجة بنزل بي تقلي بعدين البوست دا الخور ما يحلو مني ولا لاهاي تجيبوا ولا الكونجرس يلم فيهو