|
|
 خالص التحايا السيد الباشمهندس بكرى ابوبكر
|
خالص التحايا السيد الباشمهندس بكرى ابوبكر
نعلم جيدا بالجهد المقدر الذى تبذله ولانملك الا ان نقول لك شكر كاقل شى وواجب..
وايضا يحتم علينا ان نساعدك بان نجعل هذا المكان كما يجب لكل جمال حتى فى الاختلاف..
تشكر كتير ..وكل سنه وانت طيب وعام سعيد وعمر مديد
كذلك لدى ما اطلبه منك لو تكرمت وتذكير ايضا..
1- كنت ولا زلت لااعول على شى اسمه القانون لكى يحصل منه تغير كامل ..
ولا زلت اردد ذلك ..وبعد مسيره لاباس بها هنا اتضح الاتى :
بان القانون كما اعتقد لن يغير معتقداتنا ولا شى من هذا القبيل لكن اقلاها يكون رادع فى منع الجريمه
خلاصة ذلك بان تقوم يابكرى بالتشدد فى القانون مادام فقد بعض حياءه وجه وصار يعبث بتساهلك فى هذا الموضع..
فاذا لم نستطيع ان نستمر لو بالتجمل بالكلمات الجميله ارجو ن يتم استغلال القانون باقصى مايكون ولو على بكرى ذاتو..بحاله اشبه بحالة طوارئ..
لا اريد ان اثقل عليك فقط احبت ان اقول لك ولاننى كثيرا ادخل معاك فى مشادات لكن اعلم باننى لم احمل لك شى فى قلبى الا من مصلحة مانراه من ظلم وسكوكتك عليه او محاولات الترضيات ايها..
لاننى مسلم بان كل مايحصل هنا انت الاول والاخير لك فيه يدك لانك تدير الدفه لوحدك وهذا شان اخر لكن مادام رضينا معك بهذا فارجو فقط ان تحفظ لنا حقوقنا وستجدنا ساعتها نحمى عنك هذا العرين..
وتشكر كتير وكل سنه وانت طيب وعام جديد وعمر مديك
وخالص الامانى القلبية لك ولاسرتك بعام جميل
التحايا النواضر..
ايضا شى صغير لو قمت بتعديل هذا العنوان لهذا البوست(الابيض ** كرفان ** السودان 00)
الى (كردفــــانيات / الابيض) لاننى بصدد اعادة تلقيحه من جديد كما لدى سلسلة كردفانيات
فلو تكرمت واكون شاكرا لك اضافيا..
|
|
 
|
|
|
|
|
|
|
|
Re: خالص التحايا السيد الباشمهندس بكرى ابوبكر (Re: محمدين محمد اسحق)
|
الحبيب معتز بشير
شكرا ليك يا غالى
وثق تماما من الان سوف يمسح اى عضو/ة يخل بقوانين البورد بدون تردد.........
يا اخوى موضوع تغير العنوان ده ما تعفينى منو لمصلحة الموضوع لانو فىها دخول للسيرفا يعنى الموضوع ما عبر المتصفح ..اخاف على الموضوع من ان اغلط فيه كوديا يقوم يتعوق
| |
|
|
|
|
|
|
|
|
|
Re: خالص التحايا السيد الباشمهندس بكرى ابوبكر (Re: nahid elbadawi)
|
خالص التحايا الجميع وكل عام وانتم بخير وعافية..
ADIL FAIT
صديقي الذي لاينضب من الجمال. .
نستقى منك الروح..
كان بامكان المناسبة ان تستحى ؛لككنا لا زلنا نجلس على حافة الحقائق وننظر الى الكلام العام القادم والكلام القادم منك يافايت..
نذير الفرقه لوعنا.. وسفر ماكنا دايرنو..
abdelfattah mohammed
تسلم صديقى الصغير كتير وياريت لو يكون عام جديد فى كل شى وترتيب وجداننا تجاة السمو الروحى الذى ينفلت من زخم التقليد كل جيل..
كما تحب وتشتهى دائما ..
بس تمبس دايرك امش ليهو عيد عليهو. .
محمدين محمد اسحق
ياخ انت وفايت الاتين هنا ده كتير على مره واحده...
يااااااه ؛ لاننا لم نفرح كما يجب ولم ندهش على مايرام..فثمة اشياء معلقة فى غموض التكوين واصرار الجسارة ؛ وثمة اشياء اخرى معفية من التطوع تدعونا لتناولها باسنان من حرير داخل مستودع الرهافة والجمال يا ابوحميد..
بكرى ابوبكر
على شنو ياسيدى ..انه الاحساس الاستثنائى تجاة المؤاثرات الاستثنائيه التى تستمد صلاحيتها من الازل دون الاعتبار بالمضاعفات الموضوعية التى تكرسها النصوص وفى معظم الاحيان لاتشتغل بها
و طول عمرك مع العافية. .
سفيان بشير نابرى
نابرى المسسوخ هاهاهاهاهاها..
يعنى انا كان انتهيت بجى افتو ليكم يازول بعمل نايم بس لشنو وعشان شنو او يمكن اكون انتهيت وشغال بزنس نظام مشروع برجوازى وكده ...
دي سامعها كويس . .
الشى التانى فعلا جيتنى فى محلى ياخ انا لى فتره عندى اسئلة طايره لى فى راسى قلت النقوم نعمل بوست لدكتور معز عشان يشوفها لينا بس خفت على الباندويث..
داير اسئلو والسؤال ده بهمك كان ربنا حياك اصلو عندى تنظيرات كده انت بتعرفها لكن مرات بتلفق. ..
سؤالى عند تحدي الفتره الزمنية او العلم بموعد قدوم الجنين باللحظه والثانيه منذ لحظة الاخصاب الاولى ووكمية نقة كده فى الموضوع ده..
لانه تسسلل الرغبة من الثقب الذى تحدثة فى المناسبة فى عواطفنا ؛ فثمة موقف للتمكن وثمة خطة للازدهار مثلما هنالك فكرة للاستعراض ويكون بعدها التواتر او الانزلاق عندما يتعلق الامر بنُطفة..
Muna Khugali
يديك العافية كمان وكمان ويخليك لاسرتك الصغيره والكبيره
وصدقينى كم هو جميل ان اراك هنا مع عاصفة رقيقة هى الموسيقى لكننا ظلننا نجرى تعديلا دوريا على اجهزتنا العصبية لتتناسب مع الجرعات الروحية المقرره علينا بطريقة (حبة عن اللزوم)..
nahid elbadawi
السيد المدير
جديل الريل مالك كل يوم تبق نارك.. .
شويه كده بس لانى بقيت ماقاعد فى البيت كتير وجرى شويه..
فنحن نركض معكم ولكن الزمن هو الذى يسبق الجميع حتى تعذرت رؤيتة بغير الفكرة المخصصه بتلقائية هى اقل مايمكن ان يُقال عنها وعنك انك ..تــــلقائية بت العم...
روقى شويه القرش طاير.. .
جميعكم احيكم ولك اعذب الامانى القلبيه بعام حلو..
فقد قد كنت اقول لكم ان النيل لم يعد الماء الازرق فقط ؛ ولا الليل الازرق فقط ؛ انه يحمل الينا اقنعة الحياة والجمال بكامل قواها الوجدانية..
والتحايا النواضر..
| |
|
|
|
|
|
|
| |
معتز تروتسكى
ADIL FAIT
abdelfattah mohammed
محمدين محمد اسحق
بكرى ابوبكر
سفيان بشير نابرى
Muna Khugali
محمد ميرغني عبد الحميد
فيصل نوبي
القلب النابض
فيس بوك
تويتر
انستقرام
يوتيوب
بنتيريست