|
|
 يا خال فاطمة ما تدقس ياخ ..... مكاتب الحركة ياخ ....
|
--------------------------------------------------------------------------------
مشيت لمكتب الخطوط الجوية السودانية ... لتأكيد الحجز .. قبل السفر بيوم .. الواقع في شارع المك نمر ... في عمارة ( سيتي بنك سابقاً ... يا حليل سابقاً ) ..
المهم قبل ما ادخل .. قابلتني أخت من بنات الجنوب ... وتحمل شنطة ملابس في يدها .. وسألتني ... وين مكاتب الحركة ... قلت ليها مكاتب حركة المرور ... قالت لي لا مكاتب الحركة ... وانا مندهش .. وكنت داير اوصف ليها مكتب حركة المرور الواقع في شارع علي عبد اللطيف ... قامت قالت لي .. مكاتب ال SPLAM .. فهمت قصدها بعد جملتها الأخيرة ... وقلت ليها أسألي ... بتاع الأمن الفي باب سودانير ... بوصف ليك ... لم تاخد بكلامي وتحركت ... وفي نفسي قلت تكون ما مصدقه انا ما بعرف مكاتب الحركة .. وبالجد يا اخوان ما كنت مفتكرها بتقصدها ...
وضحكت على نفسي ... الداقس في الخرطوم
========
وما يجني واحد ناطي ... ويقول لي أنت عنصري ... ولا شابه ذلك ... لاني طولت من السودان 8 سنوات ... فاهمين ...
|
|
 
|
|
|
|
خال فاطمة
محمد مختار جعفر
فيس بوك
تويتر
انستقرام
يوتيوب
بنتيريست