معذرة - شتات وريم

Quote: الرايق Sudanese Sunday Oct 21, 2001 09:55:13 GMT Subject: رحلة رواد البورد العامر إلى البان جديد Posted From IP Address: ***.**.***.** Message: حدائق البان جديد تقع جنوب مدينة الأبيض (عروس الرمال) أو أب قبة فحل الديوم كما يحلو لأهلها أن يطلقوا عليها ، وبناء على دعوة كريمة مننا نحن أهل الأبيض بالبورد قررنا إستضافت رواد البورد العامر في حدائقنا الغناء بالبان جديد جمع الإشتراكات : محمد الحافظ / يا زول/ أب أمنة البص : بص ناس السارة الهكر المكتوب عليهو (زينة وعاجباني) منو ال ح يسوق البص: أكيد عمو أب ريشة سيتبرع بقيادة البص حجز الجنينة: مام / تبلدينا الخرفان: أب ريشة / الحليلة شراء مستلزمات الرحلة: قرشو/ ود شداد / عبدو أر تجهيز مستلزمات الأكل: أم التومات/ مسارات/ رحيل تجهيز التحلية: السارة /تغريد/ أم الأولاد/ جرادة تجهيز الشاي: الأنسة الصغيرة (ليدي إس)/ ريم/ الحنكوشة إعداد القهوة: أنا / أماسي الحزينة/رمانة إحضار الرغيف: محب/ كول داون/ ود مدني إعداد برنامج للرحلة: حبيبة سودانية/ بناديها/ود الدامر وفي صباح اليوم التالي تجمعنا في خور حي القبة للإنطلاق، جاء البص قبل موعده، أب ريشة يرتدي عراقي وسروال وطاقية حمراء، قرشو والشفت ومنتصر، يجلسون على التندهـ، يصيح محمد الحافظ يلى يا جماعة أركبوا البص دا ح يتحرك، وأم الأولاد تتسائل وين الشايقي يا جماعة؟ ويرد كوستا60 يا جماعة ناس الشايقي وكول ح نلاقيهم في أب شراء، وأب شراء هو سوق شعبي مشهور في الأبيض وتباع فيه المنتجات الشعبية والمحلية جداً فضلاً عن بوتيكات حديثة وزنك اللحمة وزنك الخضار وهو السوق الأساسي لسكان الجزء الجنوبي من المدينة، وقد أقيم هذا السوق بجانب بيان لضريح الشيخ أب شراء ( بتاع راجيييياك يا أب شراء) . يا زول :يا جماعة لازم نتحرك في المواعيد، داخل البص كان يجلس عدداً من ناس البورد ففي مقاعد الصف الأول جلس أبوك يا السارة بجانبه كوستا 60 ثم مسارات، أم التومات د.الصادق، مكسب، الفاضل حاضن الشيشة بتاعتو قدامو، الأخ الكبير (بيج برازار) بناديها، سلطان وحلفاوي، الشفت، أب أمنة، عبدو أر، الحليلة،حبيبة سودانية، زول، متشائل، شاكوش قاعد براهو جنب الشباك، ود الدامر، قرشو، مدني، جرادة، نادوس 2000، محب، كول داون، أنا، الضوء الأسود (بلاك لايت) تغريد، رضا، كجنكي مسمار الزنكي، ريم، أم الأولاد، الككخ، رحيل، كلتش، الرحيل، الأخ الكبير (بيج برازر)، السارة، شتات، جمال، كلتش، سنجاوي، رمانة، فلاتي، الأنسة الصغيرة، هشام، ميرفي، أماسي الحزينة، راشد4321، أوشي، سمول تود، موزاوي، شرير شرس، وفي الصف الورا ناس ود الحافظ ويا زول مدورين الربة والغناء قرعاً على جردل وباقة فاضية. تحرك البص بالخور جنوباً حتى كلية المعلمات وعندما هم بعبور الخور، توالت الصيحاتدقوووا، أديهووو، غير ليها، أيييوههه وإذا بأب ريشة يعمل سايرين في لحظة عبور البص للجزء العميق في الخور، وسط صيحات إعجاب ثلة من المساعدية كانوا وقوفاً حينها، وكواريك محب والحليلة ، ثم مروراً بنادي الموردة حتى شارع أب شرا، وعندما وصلنا منطقة السوق، توقف الباص لنأخذ أغراضنا، إنتشر رواد البورد في السوق، الفاضل يسئل عن الفحم، أم الأولاد ورحيل ماشين يشتروا لبان من الراجل بتاع الطبلية داك، زيكو يتبرع للذهاب معهم، أب أمنة وقرشو واقفين تحت شجرة يتونسان بجانب حجة تبيع الطعمية، الحليلة يسئل بإلحاح عن الجزر لأخذ ساطور سنين لأنو الساطور الجابو تبلدينا دا ما بيكسر لحم خروفين وعجل، كول داون يغني وحده تظهر سماعات الهيدفون في أذنيه، أنا تمارس عادتها المفضلة في الثرثرة بجانب متشائل الذي يتظاهر بالإستماع إليها لكنه يختلس النظر لرواية كانت بين إيديه، يا أبونسب يا خي ما تطلع، يصيح تبلدينا مخاطباً أب ريشة فيرد عليه أب ريشة: الجماعة ديل لسه ما جمعوا كلهم، يضرب أب ريشة بورياً طويلاً مميزاً ذا نغم حنين ويتوافد رواد البورد من مختلف أرجاء السوق، جاءت ريم والأنسة الصغيرة يحملن السكر والشاي، ومن الجانب الأخر ظهر د. الصادق وسلطان وحلفاوي، وهم يحملون حزمة عنكوليب، موزاوي وسمل تود جاءا وفي أيديهما كمية من التبش، أم التومات ومسارات جئن من مكان الخضار يحملن قفتين كبيرتين مملوءات بالبازنجان والطماطم والبامية والعجور، عليكم الله كتروا لينا من سلطة الأسود دي، يطالبهن ود الدامر، إستدركت أماسي الحزينة أننا لم نحضر عدة القهوة، عفارم عليك يا أماسي الفرح القهوة دي أهم حاجة، يعلق ابوك يا السارة ثم يسأل بالله نلقى العدة دي وين؟ يتحرك تبلدينا قائلاً: لا دي بسيطة، ويأتي بعد لحظات من الجانب المقابل للبص حاملاً عدة القهوة جبنة وشرقرق وليفة وصناديق فناجين، ذهبت أماسي الحزينة ورمانة لشراء البن ودواء القهوة، بناديها وشتات متكئان على ظهر البص يدندنان مع درويش يمدح بصوت شجي، عبدو أر وزول إشتريا شيئاً من القدوقدو كانا يحملانه في قرعة، ود مدني والأخ الكبير (بيج برازر)،اتيا بالرغيف من الفرن (ونحن نقول الفرن وليس الطابونة كما يطلق عليه أهل أم درمان) الشايقي وكول، جاء من الجانب الغربي للسوق، وهم يحملون باقة كبييييرة، وعندما سألت أنا بكل براءة : برضو جايبببن موية تاني؟ يجيب الشايقي: لا دي موية نار عشان البص بطاريتو نازلة, يا جماعة النقدا ما تغنوا معانا، ود الحافظ يطلب مشاركة الأخوات في الغناء، يا زول يدوزن العود، يعلو صوت ود شداد دور بينا البلد دا أحرق الجازولين البابور جاز، ويشيل الأخرون من خلفه، وأبشر ثم أيييييييوييا زغرودة، ويتحرك البص في إتجاه الجنوب في الطريق إلى البان جديد وعلى شمالنا كانت تمتد مقابر دليل، التي تحاذيها من الجانب الشرقي قبة الشيخ ود أب صفية، وبعد قليل مررنا بالتومات وهم شجرتي تبلدي ضخمات يقفن منتصبات في منحني الطريق الرئيسي الذي يدخل الأبيض من الجنوب، ويقال أن الإمام المهدي رابط تحتهما عندما كان يحاصر مدينة الأبيض في ثمانينات القرن قبل المنصرم. وبعد ذلك إمتدت مساحات خضراء على مد البصر،،، ونواصل في بوست قادم إيه الدنيا غير لمة ناس في خير أو ساعة حزن