|
Re: بشاشة دة ما عندو موضوع (Re: ghariba)
|
Quote: اهلنا ما دناقلة وعندهم سواقي في دنقلا و شبعانة و سالي
أها ديل تصنفوهم كيف ؟
|
غريبة
ناس المؤتمر الوطني ديل كمان عايزين تصنيف...
ياخي انتو الجنة دي عندكم فيها سواقي خليها قرى دنقلا..
| |
|
|
|
|
|
|
Re: بشاشة دة ما عندو موضوع (Re: DKEEN)
|
دكين
ثعبان البورد جاك بتجري ولا تقيف.
كتبته كلام بشبهك كثير ما حارد عليه.
بس جدودي الانت ما بتعرفهم ديل اخير لك ما تعرفهم.
وقلت سيادتك ما بتشتريني ببصله .
دكين اشكالك ديل بس مكان زي النت ده ممكن يجمعنا
لكن في الحقيقه لم يكن وارد ان تعامل.
واكتفي بذلك.
شكلك الجلابيه عجبتك , اعرف انها لاتساوي كثيرا.
زمان في حاجه اسمها( ابو مترا ريال )دي زيها.
تراجي.
| |
|
|
|
|
|
|
Re: بشاشة دة ما عندو موضوع (Re: Optimist)
|
ياصلاح غريبة .. دكين ده راجل نوبي صالح وكاشف حقيقة الجبهجية عندهم سواقي في الجنة !! ولكن الموضوع ياغريبة انو انتم ما نكرتم اهل الاصول واهل التاريخ النوبة ملوك الزمان واصل تاريخ السودان ... ولكن بشاشا راجل ناكر لاهله ولوطنة الصغير وطالع يسب في النوبة وما يسب اهله الا قليل الاصل .. هذه الارض النوبية ارضعتك وانت تعرضها للبيع نعم هي حضارة نوبية افريقية خاصة بالنوبة لانهم هم الجه المنسوب اليها الحضارة... شوف الاسرائليين بيعترفو بالنوبة الافارقه كيف ... اصلوا انا بقول بعض العرب امثالكم فيهم حاجة غلط ويحبوا يعاملوا الشعوب بعقلية الكفيل ... ـامل في الكتابة ادناه وتبصر واتركني استمتع بكتابات دكين وزول اصحاب الدماء الزرقاء والوفاء والعرفان الي ان نخرجك مزيفا موضوعا ومنشأ يابش .. اليهود احسن منك اقرأ وتألم .... لاننا نوبة افارقة سود ... بس انت فتش علي اصلك قبل ماتبيعنا لقرنق من اجل وزارة بتبني نظريه التأصل العروبي وارجاع الحق للافارقة احسنم نتسليمة للنوبة ... والله فلسفتك غبية جدا !! اقرا... ان شاء الله يخمك من السودان الالباني محمد علي ...
The Ethnicity of the Nubian Egyptians is the key to understanding the Blackness of the Hebrews and surrounding nations.
The genealogical chart in Genesis 10 lists Ham/Khem as the father of Africans and from Africans came Ku####es/Nubians Egypt, Babylon, Persia. The proper word Khem/Kam means Black. These intermarried with the Hebrews and so produce the Hebrew nation of Israel.
That is the Jewish line itself was that of Black/African/Nubian Canaanite woman named Tamar (Genesis 38:1-5),
The Canaanites were descendants of Ham/Khem (Gen. 10:6). Again, the word means Black.
Abraham beget the Arab line through an Egyptian/Nubian woman Hagar. She then picked a Egyptian wife for her son Ishmael who would father the original Black/African Arabs (Genesis 16; 21:21). The original arabs were Black/African. النوبة الافريقية هي ارض الانبياء من دون فرز The Egyptians are identified in the Bible as Hamites/Khemites (Psalm 106:21-22; 78:51; 105:27).
Scripture states, "Israel sojourned in Egypt the land of HAM/KHEM' Psalm 78:51. ارض النوبة The establishment of the Hebrew nation is told in the Pentateuch or first five books of the Bible also called the Torah. Throughout the first five books we see Hebrews intermarrying with Black/African Egyptians Nubian, Canaanites, Ku####es all listed under descendants of HAM/KHEM (Genesis 10:6).
The Israelites went down into Black/Egypt a total of 70 and came out a MIXED MULTITUDE OF OVER 600.000 (Ex. 1:5; 12:37-3. طبعا مافي حاجة اسمها مصر البيضاء ولا السودان الحلب (اتفق معك في هذه الجزئية) That mixed multitude consisted of marrying the Black/Egyptians and other Hamite/Khemite blacks that dwelt amidst them. Leviticus verifies that Black/Egyptians were they who the Hebrews married in that we have a black Hebrew woman married to a a black Egyptian man (Leviticus 24:10).
So verifying that the Hebrews were African/Ku####e-Nubian in stock, color, appearance. اذا كان اليهود عارفين شرف الانتساب للنوبي الكوشي ... بشاشا كما شنو؟؟!! The Hebrews were commanded 'not to abhor the Black/Nubians' and of course Moses was trained in the wisdom of the Egyptians (Deut. 23:7; Acts 7:22). Also, you have Joseph marrying the High an Egyptian woman by the name of Zaphenath-paneah. Her father was high priest of the Egyptian city On. His name was Poti-phera (Gen. 41:45).
These had 2 sons, Ephraim and Mannasah (Gen. 41:50-52). These became two tribes of Israel. So again showing Black/African Hamite/Khemite stock in color and appearance.
Okay, this leads to the crucial key to the identity of the BLACK HEBREWS. Joseph is the KEY FACTOR. Joseph, is sold out by his brothers and through a series of events becomes governer over Egypt (Genesis 41). His brothers come to by grain and they do not recognize their brother and describe him as a BLACK Nubian/AFRICAN EGYPTIAN by reason of their inability to recognize him as their brother. Now, if they were any other color but BLACK/AFRICAN Joseph would have stood out like a beacon light. Indeed, it is the Bible that tells us that his brothers had to examine him closely to see that he was not a BLACK/AFRICAN EGYPTAIN but a BLACK/Nubian HEBREW (Gensis 45:1-7).
As well, Moses was described by the intelligent daughters of Jethro as a 'BLACK/Nubian (Ex. 2:19). The Midianites were also Nubian (Numbers 12:1). Zipporah the BLACK/Nubian WOMAN had 2 sons by Moses Gershom and Eliezer (Ex. 2:21; 18:4). These were incorporated in the Levitical line and they were Black/AFrican Khemite/Semite which as shown one had to examine closely to know the difference (1 Chr. 23:15).
Now, the sons of Japheth of whom whites identify themselves as and the dictionary defines as rising up and establishing Greece, Rome, and part of Mede were scattered and besides that only 2 of the 7 sons had descendants, that totaled 7 (Gen. 10:2-5) History tells us these were separated from Ham and Shem and went to dwell in the Caucasas mountains. They were the original barbarian and savage, isolated and non-productive.
Whereas, as shown Ham and Shem were intermarrying and the Hamites were dominant above Shem and Japheth. The Hamites created and inhabited Egypt, Sumeria, Babylon, Persia, Nubia and a host of Canaanite lands (Genesis 10:5-20).
David married the Black/African Ku####e-Nubian woman Bath sheba. Bath Sheba means Daughter of Sheba. Sheba is listed under the Hamites/Khemites i(Genesis 10:7).
Oh, JOSHUA SON OF NUN was a descendant of EPHRAIM who was Joseph's son by his Black/African wife Asenath (2 Sam. 11:3-12:24). BATHSHEBA was the AFRICAN/KU####E MOTHER OF SOLOMON THE WISEST MAN TO EVER LIVE ( 2 Sam. 12:24). She also had a still born son of David.
Solomon married a Pharoah of his era's Black/AFrican Egyptian daughter and built her a grand palace (1 Ki. 3:1;7:.
In fact, the Bible tells us that the Black/Israelites continue to marry Black/AFrican Phillistines, Egyptians, Ethiopians, Ku####es, Nubians, all throughout their history (Neh. 13:23; Ezra 2:4-6,14).
So we see, there is Biblical proof of the Black origin of the Hebrews/Israelite/Jews of the Bible.
| |
|
|
|
|
|
|
Re: بشاشة دة ما عندو موضوع (Re: Optimist)
|
Quote: منتظرين عودة الخائن |
Salamat
He is back and online now. But I guess will ignore the post as usual. Shiekh Bishbish in sha Allah you had a good eid break. Now let us get back to business
| |
|
|
|
|
|
|
Re: بشاشة دة ما عندو موضوع (Re: Optimist)
|
Quote: زول بن زول ... بشبش ده ماعندة فكرة عن المؤتمر النوبي الجامع ... ولكن يظهر هو مكلف بخلق المشاكل بين قبائل السودان ... |
سلام
و الله يا الملك دة ذاتو ما انا الخايف منو - الزول دة قاعد حايم يخلق فى المشاكل بين البشر و الخلايق ليه بيعمل كدة انا ما عارف و المكلفو منو برضو انا ما عارف عاوز دة يكره دة و داك يشك فى داك و كلو زول ينفعل فى التانى و هاك يا نبز و يا انتو منو و نحنا منو و نحن انتو و ديل منو و هاك يا فتن انا زاتى مرات اِنفعلت معاهو حا أمشى أرجع أشوف كتبت شنو اِحتمال أكون نبزت لى ناس ساكت بى سبب الزول الوهم دة
قصة انو الناس قالو ليهم انك ما دنقلاوى دى بالحيل زعلتو و بلعا بى مغصة - حا يختفى يومين تلاتة و يجينا ناطى بى فكرة جديدة - هو بالمناسبة بيختفى بيمشى يلملم الدولارات الهم أوعدنا
لكن حا ننتظروا وقت ما يجىء حا نتمها معاهو - بالمناسبة اوع الزول دة يكون مدعو لى المؤتمر
سلام
| |
|
|
|
|
|
|
Re: بشاشة دة ما عندو موضوع (Re: zoul"ibn"zoul)
|
لا حكت لا بقت. انتو كلكو شغالين في بشاشة؟. أها طلع من الفلاليح ولاّ من بقايا المماليك الهربوا من مجزرة القلعة؟.
الأخ دكين .. بالمناسبة في واحد من الشيوخ قال إن المرحوم الزبير محمد صالح من الهواوير!!. أنا ما صدقت كلامو .. لكن انت خليتني أتراجع شوية.
بشاشة دنقلاوي .. ولو عاوزين تمتحنوه أردموا ليه شوية رطانة هنا يا دكين.
سلامات يا بشاشة .. وكل سنة وانت طيب. الناس ديل ورحهن طويلة وبيكمّلوا جريك.
فتناكم بعافية.
| |
|
|
|
|
|
|
Re: بشاشة دة ما عندو موضوع (Re: Shinteer)
|
كتب دكين:
Quote: انا لستُ كائناً مجرياً كما قال محسن خالد .. انا من هناك (واشار بفخر الى دنقلا) وروني انتو من وين؟؟ |
يا دكين، الكائن "المجَرِّي" بتاعي دا ما تغلطوا فيهو، بكرة بتحتاجو ليهو، إنت قايلها شنو، ما ياهو زي الكلام الطافح عنصرية من كلو زول دا بولعها نار، والقنا بدوِّر، إنت قايل في زول بنتصر؟ أبداً، وحاتك أبداً، زي حرب الجنوب وزي حرب الشيعة والسنة وزي حروب الأهل كلها وزي ما هي "الحرب" باختصار، الانتصر في حرب قبل كدا منو؟ لا أحد، -الموت... الموت.. الموت.. أها بعد الناس تشبع حرب تمام وموت وجوع وجروح واغتصاب، بتجي أجيال تكره الحرب مرة تانية، زي ما كرهنا كلنا حرب الجنوب، ويقولوا ياخي منعول أبوها حرب، بلا نوبي بلا جعلي بلا فور بلا نيليين بلا زفت وخرافات وتفاهات فارغة، نحن كائنات مجَرّية ذاتو، خليناها الـواطـة أم جذور دي، نحن مخلوقات أسمى منها ولا نستحق أن نُخَزَّن فيها كبترول،..
بس واصلوا الدرب بتاعكم دا كويس، شوفوه بودّي لوين، درب الكلام والفصاحة والبيان مش المنطق،..
تتشايلو وتتنابزوا،..
تقول لي أرطن نوريك عمر كم سنة في السودان، أقوليك ما بعرف،.. وألقى نفسي بدافع عن لساني الداير تقطعو لي، مش بدافع عن عرب الحجاز والشام، اللي أصلاً لا بجوا يرفعوا معاي فاتحة ولا ببشّروا في عرسي، شن خصّاني فيهم، إن فتّحنا عينا نحن أهل بعض، ويانا البنجي نرفع الفاتحة مع بعض ونعرض في عرس بعض، وإن غمّضناها يقع الموت العبث، لامن كان الموت في وش الإنجليز كان دا موت الأبطال والثوار، لكن لامن نكتل بعض دا اسمو موت العار،..
تقول لي ما بتعرف ترطن يا بجم، إنت ما من هنا،..
أقوليك اللغة دي علم براهو، وبقدروا الناس المتخصصين فيهو يدرسوهو، ويعرفوها كان أصيلة وقديمة، وألا كان جايباها مُرْكب زي إنجليزي جماياكا، وفرنسي مدغشقر، وعربي كيش،..
والكلام يحر شوية شوية،..
تقول لي ما أشتريك ببصلة، أقوليك ما أأجَّرك صدى لي فسوتي،..
تقولي منبت وجابتك "ناقة" ألف ليك حبلها في رقبتك وأرجعك بالصحراء الجابتك دي،....
أقوليك آي.ي.ي جابتني "ناقة"، حبابي أنا أب كَلَع، تَلَّبت حاقب سيفي ودقَّيت البرمندي في الـواطـة وقلت دي ساقيتي، رَكَّبتك إنت فوق الناقة الجابتني دي ذاتها، وأدَّيتها سوط، قلتلك "زوع" بلا ترهاقا بلا بجراوية بلا الله أداني ساقية، دُقْ اسم هنا يا زول دي اسمها عطبرة، دُق اسم هنا يا زول دي اسمها الدامر، دُق اسم هنا يا زول دي اسمها شندي، دُق اسم هنا يا زول دي اسمها الجيلي،..
تكَرِّر تاني إنتو من وين يا مقاطيع يا جيب الليل؟...
نعيدلك تاني نحن من ضراعنا، ومن اللحظة دي، تاريخ ولوراء وكدا، شنو يعني؟ حارسنّها من الأزل إنتو!؟ وألا كنتو الله؟ وبتحقحقو فيها لا قدام "أبد" وكدا، الخالدون إنتو وألا كلنا ياها رقدتنا للموت؟ وألا هسّع كان سفّرتنا لبلد تاني سِفّير الطاغية "نميري" للفلاتة، ماشي زول يقبلنا،...
شايف يا صاحبي دكين، "ساقية جحا"؟ الفصاحة تنشال من لسان وتنكب في أضان، يخرص هذا اللسان ويبادلو لسان سيد الأضان ديك الدور، ودوري يا دوارة، ونوع الكلام دا ساااهل، بس دا كلام ما بقدر يأسّس لهُويَّة بلد، ولا حوار ولا نقاش ولا جدال، بل "حَميّة" بكرة بتهدم قدر الشيء الاسمو بلدكم مع البلدان دا، وبتشوفو، والحرب يكسبها الموت فقط،..
وأكان علي أنا دا، أنا رجل عاااقل و"مَجَرِّي" من هسع دي، ويوم تبدو ضبحكم لبعض بمشي بشتري لي تلفزيون أتابع بيهو الأخبار من بعيييد، ولو وصلت الجثامين السماء، ما أجي أشيل فيكم فاتحة، خلوها المشاركة،.. أنا مَجَرِّي، ما من هنا، ومرتاح من كل أمور ناس هنا دي، أمشي أعرّس لي مره أجنبية حليييوة و"مَجَرّية" برضو، أجيب لي منها وليدات أقريهم وأفرح بيهم الدنيا بإنجازهم ككائنات تؤسّس للدنيا المجَرّية القادمة، وألا كمان يا صاحبي دكين إخير أجي أعزل معاكم في السواطير والفرارير، وأقول دا يا حلاة الموتة بيهو، ودا موتو استايل خالص،...
بعدين عجبتني "عنصرية النخل" دي كتعبير أدبي، بس النخلة ست أبوها يا دكين، بتحارس جدولها دا بوشّها وما بتحوم ببلاد الناس، بتمرق ببره وبتلقى الدنيا واسعة والناس أصناف وأشكال والله يا ما خلق نخل، وبتلقى نخل حتى بشبهها في رقبتها دي ذاتها، وبتلقى كمان الما نخل، سنديان وبلوط، وبقولولك أبزق تمر بلدنا يا صاحبي، الوكت داك أبقه حجّيهم عن النخلة بتاعتك الكانت للغاشي والماشي،..
الدنيا دي كلها ماشه تتصاغ للغاشي والماشي، لأنو طبيعتها كدا، موت-ميلاد، أوعوا كلكم،...
بعدين يا دكين صاحبي إنت زول كتابتك أفكارها ناصعة وواضحة، بالتالي عندك حساسية تجاه اللغة، فكلمة "ثعبان" دي، لو أموت يا دكين ما أوجّهها لي إمرأة،...
وأنا مداخلتي دي كلها أرجو منك أن تفهمهما كمحاولة لنص أدبي، أردتُ من خلاله توضيح لا جدوى اللغة والفصاحة ودوارنيتها، وغلاط ساقية جحا الما بتنتهي،..
..
| |
|
|
|
|
|
|
Re: بشاشة دة ما عندو موضوع (Re: محسن خالد)
|
العزيز محسن خالد
تحياتي لك وكنت والله اود ان اشيد بمداخلتك
قبل ان اصل لنهايتها ولحدما وصلته ل:
Quote: بعدين يا دكين صاحبي إنت زول كتابتك أفكارها ناصعة وواضحة، بالتالي عندك حساسية تجاه اللغة، فكلمة "ثعبان" دي، لو أموت يا دكين ما أوجّهها لي إمرأة،...
|
لمثل هؤلاء نقول كل اناء بما عليه ينضح.
ولا تنسى من اين هم قادمون من ثقافة الاسلام عروبيون
وبعد شويه يجيك واحد يقول لك (ان كيدهن لعظيم)
وبعده واحد يقول لك (خابوا قوما ولوا امرهم امرأه)
وهكذا دواليك, ونحن وسط الهيصه دي كلها نواصل نحت الصخر باظافرنا
ولكني كلي ثقه باننا منتصرون.
ودمت رائقا ودام بشاشا اميرا كوشيا متوج غصبا عن كل الرطانه, والما رطانه.
تراجي.
| |
|
|
|
|
|
|
Re: بشاشة دة ما عندو موضوع (Re: حسن الملك)
|
فلسفة الثعبان المقدس... لأبو القاسم الشابي:- مهداه لبشاشا ناكر جميل النوبة
كان الربيع الحي روحاً حالماً غض الشبابِ معطر الجلبابِ
يمشي على الدنيا بفكرة شاعرٍ ويطوفها في موكبٍ خلابِ
فرآه ثعبان الجبال فغمهُ ما فيه من مرحٍ وفيضِ شبابِ
فانقض مضطغناً عليه كأنه سوط القضاءِ وفرية الكذابِ
بُغت الشقيّ من هول الردى متلفتاً للصائل المنتابِ
وتدفق المسكين يضرخُ قائلاً ماذا جنيتُ أنا فحقَ عقابي
لا شيء إلا أنني متغزلٌ بالكائنات مغردٌ في غابي
ألقى من الدنيا حاناً طاهراً وأبثها نزو المحب الصابي
أيعّدُ هذا في الوجود جريمةً أين العدالة يا رفاق شبابي
لا "أين" .. فالشرع المقدس ههنا رأي القوي وفكرةُ الغلابِ
وسعادة الضعفاء جرمٌ ما له عند القوي سوى أشد عقابِ
ولتشهد الدنيا التي غنيتها حلم الشباب وروعة الإعجابِ
أن السلام حقيقة مكذوبةٌ والعدل فلسفة اللهيب الخابي
لا عدل إلا إن تعادلت القوى وتصادم الإرهابُ بالإرهابِ
فتبسم الثعبان بسمةَ هازئٍ وأجاب في سمتٍ وفرط إهاب
يا أيها الغر المثرثر إنني أُرثي لثورة جهلك الثلابِ
والغر يعذره الحكيم إذا طغى جهلُ والصِّبا في قلبه الوثابِ
فأكبح عواطفك الجوامح إنها شردت بلبك واستمع لخطابي
إني إلهٌ طالما عبد الورى ظلّي وخافوا لعنتي وعقابي
وتقربوا لي بالضحايا منهمُ فرحين شأن العابد الأوّابِ
أفلا يسرك أن تكون ضحيتي فتحل في لحمي وفي أعصابي
وتكون عزماً في دمي وتوهجاً في ناظري وحدةً في نابي
فكر لتدرك ما أريد وإنه أسمى من العيش القصير النابِ
فأجابه الشحرور في غصص الردى والموت يخنقه إليك جوابي
لا رأي للحق الضعيف ولا صدى والرأي رأي القاهر الغلابِ
فأصنع مشيئتك التي قد شئتها وارحم جلالك من سماع خطابي
وهكذا تتخذ الشعوب الظلم لخدمة الاراب
| |
|
|
|
|
|
|
Re: بشاشة دة ما عندو موضوع (Re: Optimist)
|
الاخ العزيز بشاشا، سرن ناقمى،
و كل سنة و انت و الاسرة بكل خير، واتمنى ان اقرأ لك بوست جديد حول الهوية قريبا كما وعدت، فلا يوجد منطق هنا على الاطلاق! ولا نقاش حول الافكار التى تطرحها انت!
optimist هسة الما عندو موضوع منو؟؟
| |
|
|
|
|
|
|
Re: بشاشة دة ما عندو موضوع (Re: Optimist)
|
سرني ان الروائي محسن مر من هنا .. والكلام مع الناس اللذيذين بيخلي الواحد يتجلى (او كما قال محسن ذات بوست ما)..
كلامك يامحسن جميل وسمح بيد أن جماله وسماحته دليل على ارهاصات الدواس القادم ورهينة في النفوس ..
يامحسن من يوم قفز هابيل وجاب اخر قابيل والناس في فزع دائم .. تلك حركة المصالح وبهذا يتحرك التاريخ.. شعوب تبيد شعوب وقبائل تكر على اخرى .. امم تتشكل وامم تباد.. منذ الازل جبلت الارض على ذلك .. الخلايق بتضارب منذ الازل من اجل أن يجد الانسان لنفسه موطء قدم .. حروب الفينيقيفن، الهكسوس ، ملاحم اليونان.. الزحف الاسلامي على جنوب اسيا والقوقاز .. الزحف الاوربي على المسلمين في اسبانيا.. حروب بني كنعان على الانبياء .. الزحف اليهودي على اراضي الكنعانيين مرة اخرى.. ابادة الهنود في امريكا.. ابادة البوشناق.. تاريخ طويل من التشكل الانساني الثقافي عبر الحروب ... ومن ِعبر تلك الحروب يتدبر الانسان ماساة وجودة ويتطور في منهجة ومستوى تفكيره إلى ماهو غير حربي .. والى ماهو انساني .. ويخرج الينا من خضم تلك المحن النظريات الانسانية الكبرى ..يجونا ناس سارتر وماركس وهيجل وهرتزل وجان روسو ودريدا وبن عربي والحلاج ومحمود محمد طه وتجي انتا بالنظرية المجرية ..كل ياتي بما ُيسر له.. النظريات الانسانية دي ما جات لانو العالم كان بعيش في روضة غناء تجري من تحتها الانهار .. دي جات لانو العالم عاش عصور مظلمة .. وستظل لانو العالم لم يخلق لان يكون مثاليا وتنتهي احداثه زي الافلام العربية والهندية.. العالم لن يخلو من هذه العصور المظلمة مادامت الخليقة.. ولن يخلو من اطماع الانسان مادام الانسان.. انا موجود عشان ابرر للتاريخ الحروب التي تنشا.. والعصور المظلمة .. انا ضرورة تاريخية ... وما نحن إلا مسببات لتصل البشرية الي غاية منتاها ويرث الله الارض في قيامة قائمة.. اقدار تقود إلى اقدار اخرى .. عشان يتخلصو من البشرية التي تحمل مثل افكاري لابد من دواس مرير يستمر دهورا وازمنة.. هذه النكبات دائمة الاستمرار هي امتحانات الخالق لمخلوقاته ..تبقى ما بقى الخلق.. انا لست من خلق العنصرية ولست اول من سعى لنصرة بني عمومته.. ما نشهدة اليوم ما هو إلا نتاج تطور لغريزة البقاء، ودي ما ختيتا انا في البشرية كما واني لست اول من حمى الحمى واتخذ حدودا للكلا والعشب والساقية .. كما واني لن اكون الاخير.. نحنا لسع في بلادنا وفي بلاد اخرى حنلقى مشاريع دواس طويل المدى .. لاتزال فينا نزاعات الانسان الاول ..شئنا ام ابينا لابد من دواس .. لابد لكي ينبلج صبح انسانك المجري من ليلٍ دامس يامحسن.. الاتحاد الاوربي لم ينشا هكذا عشية عيد كريسماس .. وانما هو إرث همجية ما عادية .. كانو اشد باسا في حروبهم ولازمان طويلة .. ركبو العالم كلو بي سفن شراعية قبل مئات السنين ودواسو خلق الله في مساكنهم وخيراتهم ونسائهم..وحلالهم.. وفي انفسم كان باسهم بينهم شديد ..وقبل سنين غير بعيدة ركبوا الامم تاني بي سفن تسير بالبخار وبمجنزرات برية وطائرات لها حيزوم من الصلب والفولاذ.. ولا يزالون. شفتا كيف.. . بالرغم من قربهم لمرحلة الانسان المجري وتطور احترامهم لي حقوق الغير .. إلا أنه لايزال بين ظهرانيهم امثالي .. لست لاني ومن على شاكلتي اكثر دموية من غيرنا.. ابدا بل لان تلك مشيئة الدنيا.. وجودنا مهم لوجود هذه الدنيا التي جبلت على الاختلاف.. بنا يستمد الملكان الموكلان شرط وجودهم.. انتوعايزين تبوروا وظائف الملايكة ومهام الالهة؟! ياصاحبي حلمك في تغيير العالم لى ما تراه هي مسالة مشروعة .. ومن حقك ترى ما تراه وتنادي لخلق ادميين كونيين .. نحنا بقى عشان نصل مرحلة انو الغالبية البينا مجرية والاستثناء فيهم دناقلة متعصبين ..لابد من ذلك الدواس ... عقولنا لن تطور إلا بمزيد من الدماء .. لن نتبصر المأساة إلا حين ترى أن نصف امتك قد ابيدت من اجل نخلة .. السلام الانساني واخوة البشر تنظير وكلام فاضي ساي ومافي زول قدرو ..لانو مافي زول حسى بيهو لسع .. كلو كلام اكاديمي لاقانا في وسط مكيف بارد وقاعة مريحة وجكس بالجوار.. عشان نعرف انو الحياة منحة لابد من مذاق الموت .. حين تشخب الدماء على حصباء مضاربنا لسنين سنعرف قيمة الحياة التي ننتهكها .. وغصب عننا حنفكر في الذين مضو لمجرد انو تطرفنا في تقيم القدرات الذاتية .. ما يحدث في السودان هو تطور بشري .. انحنا بنتطور يا حبيب .. قدرنا أن نكون نحنا ضحايا التطور .. والى أن نصل إلى الكائن المجري ..ستدور جثث المضحين وستصل عنان السماء .. حتي انتا في مجريتك دي لسع ما وصلت الانسان المجري الشفاف.. ولازلتا تتطور
Quote: لامن كان الموت في وش الإنجليز كان دا موت الأبطال والثوار، لكن لامن نكتل بعض دا اسمو موت العار،.. |
لامن يوجعك موت الانجليزي والجعلي بنفس المقدار بعد داك بتكون اقرب لي المجرية على حد فهمي بها من خلال حديثك عنها..
انتا قد تكون كائن متطور اكتر مني باعتبار ان التطور يذهب نحو عولمة كل شي وهو شي بخلي الزول اكثر قبولا للاخر..
انا بقى في مراحل متاخرة عنك ..كتير او قليل ليس ذلك مربط افراسنا .. المهم اني اتطور نحو المجرية التي تقصد.. احسن برضو من جدي (خيري) .. كان لايقبل اصلا التفاهم مع غير السادة، ويعتقد أن الحوار بين الصفوة وعامة الناس هو محض عبث.. كان بذرب الناس في زرايب زرايب.. على الاقل انا بتفاهم .. جدي ما كان برضى بالذي رضيت به ايامئذ .. لانو لم يكن ثمة اسطول سادس بطوش في البحر الاحمر حينها وما كان في صورايخ كروز وتوجيه عن بعد ولا حلف الاطلسي .. وما كان في زول بقدر يجي يقلعو من وسط ساقيتو ويدخلو في ابرول برتقالي ويختو في غوانتنامو .. جدي وبوش نفس التفكير بيد ان بوش اكثر دبلوماسية لانو جلس واستمع لاراء مفكرين واكاديميين في سمسترات طويلة بجامعات عريقة.. في حين ان جدي كان واضحا جدا وبدائياً.. وما جالس غير الخمر والسراريات.. بوش استطاع بتحصيله الاكاديمي ان يداري عنصريته .. جيوشة ترتكب مجازر في انحاء الدنيا وتنتهك اي حق متفق علي صيانته.. بيد أن جدي كان يفعل ذلك معتقدا بصحة ما يفعل.. وبوش يفعل ذلك مدفوعا بادب قيامي قلوبال .. يؤمن باخرة لاتقوم إلا على انقاض شرٍ مستطير وتلال من الجثث.. باسم الحرية في هذا الزمان سجن موسى العصر الخلق في زرايب وجنزرم فردا فردا واباح لجنوده ِتحت تحت التصرف في كراماتهم.. دي الدنيا يا محسن.. يركبونك لانك ترجلت.. ان تظل حيا عزيزا يعني ان تظل حياً راكبا الى الابد.. ما دامت الدنيا على حال لان تلك حركة التاريخ.. انا لست عنصرياً .. ولكني ادفع عن نفسي الاذى واحب ان اظل حياً اطول فترة ممكنة.. فما تقدوني اكثر مما يحتمل فتقي .. انما هذه حركة التاريخ وغريزة البقاء
وابشرك انو بعد ميتين تلتماية سنة حنجد قبيلة مجرية .. تتعنصر لكونها مجرية ولا تمت إلى ارض بعينها ولا إلى ثقافة بعينها.. ُتغير المجرية على غيرها غير المجرية لفرض ثقافتها اللامجرية .. سنجد اعوامئذ مجريين متطرفين في مجريتهم.. متعنصرين لمجريتهم.. لن يرث الله الارض والعباد متفقون يا عزيزي.. انا اؤمن بالقيامة .. انما نحن مستخلفون فيها .. منا من هو صالح يسعى لصلاح نفسة ودنياه .. ومنا من يفسد فيها ويسفك الدماء..
انتا قرايتك الكتيرة البتقولها، سفرك ، انفتاحك على عوالم غير، و تفكيرك الكتير .. دي كلها حاجات تصنع ادمي فليكسبل (مرن) قابل لي التعامل مع انماط حية وحياتية متنوعة و بي مرونة كبيرة .. انا بقى بقيت مابحب اقرا كتير ... اكتقيت بما قرات على ِقلته .. ما سافرت كتير.. بطلتا اصاحب رجال مؤخرا.. بقيت اكتر من معرفة النساء.. وانتا عارف الحريم لايضفن اليك سوى مزيدا من الشجون .. يعني بقيت منغلق وذو شجون.. غير راضي بيد انه الخيار المتاح في الوقت الحالي... مافي وكت للتفكير الاستراتيجي.. انما انا منغمس في محيط ذاتي ضيق..
Quote: أقوليك آي.ي.ي جابتني "ناقة"، حبابي أنا أب كَلَع، تَلَّبت حاقب سيفي ودقَّيت البرمندي في الـواطـة وقلت دي ساقيتي، رَكَّبتك إنت فوق الناقة الجابتني دي ذاتها، وأدَّيتها سوط، قلتلك "زوع" بلا ترهاقا بلا بجراوية بلا الله أداني ساقية، دُقْ اسم هنا يا زول دي اسمها عطبرة، دُق اسم هنا يا زول دي اسمها الدامر، دُق اسم هنا يا زول دي اسمها شندي، دُق اسم هنا يا زول دي اسمها الجيلي، |
انتا قايل كلامك ده ما حصل ؟! اهو دي حركة التاريخ الانا قاصدها ليك.. انا ما ممكن استكين لمجرد انو انتا بتكلم عن كائن مجري مسالم يعيش اينما يجد نفسة.. مافي ضمانات بتمنع استمرار الدواس علىحين غره.. من وين بتضمن لي انو مجريتك او مجرية خمسين الف مثقف ممكن تمنع مقابرجماعية واغتصابات ومجازر في شمال السودان المفترى عليه ..؟؟! ضمانات الامم المتحدة؟؟ الاتحادالافريقي؟؟ الايقاد؟ عايزني يا محسن أوخذ على حين غره .. اضيع المومنات الغافلات الفي الشمالية ديل بضمانات مرتزقة وميثاق غير مرعي من امم كافرة وتنظير انساني مستمد من خيال مثالي دائر منذ الاف السنين .. ُمنتج عوالم ما بتعرف إلا المصالح ويقودها مرتشون ؟! اسلم اهلي لي استراتيجيات السي أن أن واقعد اتباكى .. واقول وينك يا انساية ووينك يا غوث ؟! ابدا يا محسن الضمان الوحيد لاماني هو اني اتحزم واقيف بشدة ضد كل مايهدد بقائي وينسف وجودي كسيد على مكاني.. طالما ان هناك من يترصد اهلي في الجانب الاخر ذلك يعني انو انا لابد ان اكون على قدر ذلك الترصد الموجود.. ماممكن انا الليلة اشوف زول بلتق في صور عشان يألب العالم ضد وجودي واقعد اتغني ليهو بي مجرية الانسان.. وبعدين اجي اغني ظلموني.. انتا بي جدك يا محسن؟ انا يا صديقي لايكيفني وجود ادميين مثقفين موضوعيين غير محاربين زي صاحبي بوش اوابكر ادم اسماعيل او جوزيف قبريال (صديق جامعي) او نيوكلاس كازانتزاكيس او كافكااو اي خواجة اغلف من غرب اروبا او شرق امريكا لكي استكين.. وجود نفر واحد زي تراجي بسوء النية المسبق الذي يطفح منها اينما حلت - كاننا سبب البلاء علىالارض - كافي لاتحسس مسدسي.. ما بنتظر لحدي ما الدواس يجي خشم الباب.. الاثنين الدامي كان بيان بالعمل لحركة التاريخ الانساني في السودان.. ارهاصات ابادة امة .. قبل الاتنين كانت الناس ماشة تكون مجرية على مستوى السودان (سودانية يعني) (باعتبار ان مفردة مجري اكثر عالمية ولا ينطبق على وصف السودانيين حالئذ) اها ..اكتشف الناس فجاة ان هنالك كائانات غير مجرية بالجوار .. النتيجة كانت ضحايا من الطرف الكان في الطريق المجري .. بعديها تدارك الناس ما تبقى من غريزة البقاء..الكانت رايحة تروح شمار في مجرية .. محاولات السمو الانساني الى اعلى منيت بالفشل في ذلك اليوم.. نزلنا تاني الى الارض نفسد فيها ونسفك الدماء.. الارض مواردها محدودة ونحنا غير مجريين ، بمعنى انو لا نستطيع التننفس على زحل .. لذلك بأسنا بيننا عليها شديد يامحسن ..
| |
|
|
|
|
|
|
Re: بشاشة دة ما عندو موضوع (Re: Optimist)
|
بالنسبة لي مسالة اختيار الثعبان فانا لم اقصد كلام د.حسن الملك بالرغم من روعته ..
إذ كيف اجعل من تراجي كائنا جميلا رقيق الحاشية ؟!
انا زول اؤمن بقصص السماء وبالقيامة ... والثعبان يسيطر على حالات الشر والقطيعة عندي ..
| |
|
|
|
|
|
|
Re: بشاشة دة ما عندو موضوع (Re: Optimist)
|
بالنسبة لي مسالة اختيار الثعبان فانا لم اقصد كلام د.حسن الملك بالرغم من روعته ..
إذ كيف اجعل من تراجي كائنا جميلا رقيق الحاشية ؟!
انا زول اؤمن بقصص السماء وبالقيامة ... والثعبان يسيطر على حالات الشر والقطيعة عندي ..
| |
|
|
|
|
|
|
Re: بشاشة دة ما عندو موضوع (Re: DKEEN)
|
بغض النظر عن اختلافي او اتفاقي مع ما كتبه محسن خالد ودكين
لكن كل نص مشبَّع تماما بالصدق الشديد . والاراء التي تعبر عن فكرة تستحق الوقوف عندها وقراءتها بمقاربتها بالواقع والتاريخ وحركة الحياة وطبيعة البشر. كلام عجيب! اللغة كانت ممتعة ثرة دسمة متحركة لها صوت ورائحة. شكراً لكما.
| |
|
|
|
|
|
|
Re: بشاشة دة ما عندو موضوع (Re: DKEEN)
|
ما تتخيلي يا ندى كونك اوردتي عبارة نوبية خلاص معناتا انتي او هو نوبيين.. لا اللغة ولا المقابر دليل هوية للادمي ..
عموما .. جيتك غير مستغربة لكي تكتمل الدراما ..ودي المحرية في عقولكم انو يجي زيك ويجي زي بشاشا ويجي زيي.. نختلف وتتابين الاراء .. نتسلح ويحصل دواس في زمان اخر .. القوي ياكل الضعيف .. وبعدها بزمان تنتصر ثقافة القوي وتنتشر .. الفضل مننا نحنا النوبيين شنو هسع ؟ اتت اكسوم علينا زي الترتيب واكل قويهم ضعيفنا.. فتنا وما قامت لنا قائمة.. وخلدوا نصرهم على الواح .. كما خلد النوبيين قبلهم انتصاراتهم على الواح ومسلاتٍ في زمان اقدم.. البشرية حتظل في حراك دائم شئتم ام ابيتم .. نظرتم ام توفقتم عن التنظير.. لو ما نظرتو غيركم حيجي ينظر .. نحنا ما بنسوي شي غير انو انحنا بناخد وضعنا في نظاك الاشياء.. دورناالطليعي في التنظير.. لو كان مكتوب لي محسن يكون شغال موظف ارشيف في بريد خشم القربة كان في واحد تاني غيرو اُنتخب لمهة التنظير للمجري ده .. ولو كنتي انتي هسع مجرد صانعة بروش في مسجد السيد على كان اكيد حيكون في واحدة مهمومة بي كتابات بشاشا دي .. دي مسائل منتهية .. حين نقوم بها نقوم بها ليس لاننا الاجدر بها .. بل لاننا انتُخبنا لها.. لانها حركة تاريخ ومسطرات لوح ازلي لاتنتهي إلا بالقيامة .. حينها ينتهي التاريخ المتاح بما فيه من محن وتصالح... ويجي زمن تاني .. او ربما لازمن ..تكون الاشياء خارج مستوى الادراك المعلوم..
| |
|
|
|
|
|
|
Re: بشاشة دة ما عندو موضوع (Re: esam gabralla)
|
...
Tragie Mustafa،... تحياتي يا أختي الكبيرة، وفاكر جداً كلامك القديم معاي، فكوني بخير أبداً، ولك ودي واحترامي،.. طيّب أكاويك شوية،..
ودمت رائقا ودام بشاشا اميرا كوشيا متوج غصبا عن كل الرطانه, والما رطانه.
أعجبني هذا النقد اللطيف، فالجملة هي كالآتي: "دُم رائقاً –مجريّاً- ولا تقاتل، وليدم بشاشا التعبان بالنضال- بالتالي -غير رائق،... أنا فهمت كدا، وممكن أكون غلطان جداً جداً، لو أنا غلطان في فهمي دا لك اعتذاري مقدّماً،... ولو فهمي طلع صاح بقوليك أنا ذاتي مناضل لذيذ، بس من حلّة تانية وفي الوصف قِدّام حلّتكم طوالي، نحن بنرقّد ليكم ونرش ليكم في بيت السودان الجديد، لأنو دا برضو مهم، الشغل علي العقلية نفسها بالإصلاح، كي لا نصبح جميعاً مضطرّين للتخلّص من رؤوس بعض، الصلّيح بكون أفيد، وكمان المناطحة بتاعتكم إنت وبشاشا دا برضو ممتازة، لأنو بالفعل العنصرية في المكان دا بقت لا تحتمل وتجاوزت كل حد، وأصبحت بحاجة للمدفعية المباشرة والثقيلة، لكن بالذمة كدي إنت وبشاشا الاتنين، ركّزوا وأضبطوا مصطلحاتكم وأهدافكم، عشان ما تجروا بعض الناس للعنصرية أو حتى للدفاع عن مجرّد وجودم، وهم بالأصل ما كان ليهم بالموضوع أي شغلة، وما تزعلي من كلامي دا، بحق قلتو من مقام "يس" عليهو الرحمة،..
كوني بخير ولك التقدير الوافر، لأوضح صوت نسوي هنا ضد العنصرية،....
حسن الملك،.. إزيك يا رجل وماك طيّب،.. أها كلامك البلّفة دا وصلني تب، ومكاواة والله مجرّد مكاواة، ما شماتة يعني، بقوليك أهو "دكين" قال ليك قاصد شنو بخشمو، بعدين آود أعمي النوبة أنا ذاتن أهلي وما أهلك براك، وجوطة بشاشا في التاريخ دي أنا ذاتي مي عاجباني، يعني بعرف تاريخ أنا فما تتلوّم فيني ساي، أنا ما اتلوّمت في النوبة، وعارف حقّهم تمام، ودي مسألة وااضحة زي الشمس وما فيها غلاط، أنا تحدثت عن العنصرية فحسب، وبقول ليك زماان في المغرب عملت بحّث مكرّب اسمو: (النوبة والبجة في المصادر العربية لدى كراتشكوكفسي)، بعدين أنا شغّال في مركز بحوث جغرافية وأدب رحلات، وكل كتاب رحلة من قبل ميّات السنين بهبشو يلاقوني أهلك النوبة ديل قاعديين وبينيين، يعني هسّع أنا والله عارفلهم جنس كرامات، هم ذاتم ما يكونوا عارفنّها،.. فدم بخير وطيّباً، ولك أجمل السلام والحب
القلب النابض،.. كيفك يا زولة وأريتك بخير، ولك الحب،.. أها تعليقي علي كلامك دا ضمنتو جوّه الرد علي دكين،.. ولك السلام أبداً، وكوني بخير وجميلة على الدوام،...
esam gabralla،... يا رجل اتوحشّناك بزّاف،... كيفك إنت وعليك السلام،...
شكراً، فما لمسته من جمال، هو فيك بالأصل، وبداخل فطرتك السليمة،.. تحياتي وكن بخير أبداً،..
..
| |
|
|
|
|
|
|
Re: بشاشة دة ما عندو موضوع (Re: محسن خالد)
|
معليش يا دكين، أنا أخطأت بخصوص إيرادك لنيكوس كازانتزاكيس، وخلطت الموضوع مع (إيفو أندريتش) فعذراً على الحمولات والاستنتاجات غير الصحيحة في هذا الاتجاه، ودي كيف سويتها أنا ما عارف، فعفواً على هذه النقطة، الكبر دخل،ـ...
| |
|
|
|
|
|
|
Re: بشاشة دة ما عندو موضوع (Re: Optimist)
|
الاستاذ محسن خالد
شكرا لمداخلاتك هنا، و لك التحية.
دكين،
Quote: ما تتخيلي يا ندى كونك اوردتي عبارة نوبية خلاص معناتا انتي او هو نوبيين.. |
لا احتاج ان اثبت لك او لغيرك اى شىء، و لا اعتقد ان الاخ بشاشا يحتاج لذلك!! كما انه لا يهمنى اطلاقا ان ظننت انت او غيرك اننى من دنقلا او من جزر واق الواق!!
لم يدر بخلدى و انا اكتب مداخلتى فى هذا البوست ان اقول اننى او بشاشا "نوبيين/ات! انما تعودت ان اخاطب الاخ العزيز بشاشا هكذا، و لهذا فان عباراتك و البعض فى هذا البوست جعلتنى اتساءل عما جعلكم موزعى صكوك الانتماء و الهوية فى السودان!! شىء غريب جدا!!
كلمة اخرى فى لغتى الام (و ليست لغتى الاولى) قد تكون مناسبة فى هذا السياق:
هوووووووووووووووووووووون تشوب!
| |
|
|
|
|
|
|
Re: بشاشة دة ما عندو موضوع (Re: Optimist)
|
لاحولا بالله موضوع هايف او فارغ ذي ده، يجر الجرة دي؟
امنت بالله!
محسن خالد بالغت عديل كده!
ده ياهو ذاتو شغل تشريح البعوض او سلخ النملة!
ياخي دكين ده فارغ او مهترش ساكد!
لوماكده ماكان جرا النقاش لي "بالوعة" الاصل والفصل، الاطيان والسواقي كمعايير اي كانت!
دكتورة ندي هي سرن اقمن؟
فعلا مضحك اصرار البعض وبطريقة غبية ومتخلفة علي توزيع صكوك الانتماء!
هو دكين ده ذاتو شنو ولامنو عشان مايدقق بالقبول والرفض انتماءات الاخرين؟
صراحة في الاول انا كنت ماخد الموضوع كمزحة او هظار اوعشان كده تماديت فيهو!
الطريف بعد ده كلو، دكين لايفقه شئ يذكر عن دنقلا العجوز، كما انكشف من كلامو عن بنطون القدار!
مافي بنطون في القدار خالص، والمسافة مابين السليم والقدار مشوار يوم كامل بحالو "ليل علي نهار" عن طريق الدواب. في الستينات والسبعينات البواخر البتجي من كريمة كانت هي الوسيلة الاساسية للتنقل مابين دنقلا العجوز او دنقلا الجديدة "العرضي" او الاوردي بالتركية!
اماكلامو عن انتشار اللغة النوبية في منطقتنا، ولايحتاج لرد زاتو!
لحدي اوائل السبعينات، في منطقة المقاودة مثلا لوحدها، كان هناك مترجم واحد احد للمنطقة كلها، لي درجة انو الزائر ماعندو طريقة يتفاهم مع اي مخلوق بالعربي، الي ان يصل منزل هذا المترجم او ده قد ياخد قرابة ال4 ساعات علي ظهور الحمير!
في حلتنا، قبل كده حكيت للصديق عثمان محمد صالح، قصة الكدايس الشردت من بيت جدي، لاحساسها بالغربة، من الكلام البلعربي المتداول في بيت ناس جدي!!!!!!!!!! طبعا العربي بكتر في الاجازات الصيفية لي طلاب المدارس، بالذات البجو من الخرطوم!
عندي خالة الي اليوم مصرة، الكلام بالعربي، ماهو الا فهلوة واستعراض عضلات والسلام! هي بتستغرب ليه العالم دي "بتحكي" عربي علي قول الشوام!!
| |
|
|
|
|
|
|
Re: بشاشة دة ما عندو موضوع (Re: Optimist)
|
Quote: فاغفر لنا هذا الزلل يا صديقي، |
ما بيناتنا يامحسن بديت من اخر كلامك يامحسن لاني ماعرفتا اجيك من وين .. ومع انو البداية بي كوت للرد لمن هم على مثل شاكلتك ،امر لايستقيم .. فالكوت ده بدايات جيدة لمن هم دونك في درجات البلاغة وايفاء الحديث حقه .. واصلا المداخلة بي كوت دي تنم عن ضعف في الطرح والفكرة .. ولكن بما انو كلامك يحتاج وقفة ومن ناحية تانية انا ما اصلا ضعيف الطرح والفكرة وفاقد منطق واسكلتون .. فلا غضاضة.. يامحسن من الواضح انك ما احسنت فهم كلامي .. او ما عجبك ان يرد عليك واحد فنطوط زي دكين فجيتي مدرع بعصارة تجربتك السمينة كما عجل ابراهيم الحنيز على حد تعبيرك الفكِـه. ياخي الخواجات الاستشهدتا بيهم في مقالك ديل والله من كترتم وجهلي بهم لو كنتا قتا لي انو رؤية ادريان ساليلا للانسان في القرن المنصرم هي رؤية بتقمع فكره جدلية الوجود المتقمص ،وكان ادريان المشار اليه ده في الحقيقة مجرد مكوجي فلبيني تحت شقتك في دبي ...ما كان فرقت معاي وكان صدقتك .. كان صدقتك لانو الثابت عندي انك زول مدرع بي معرفة حنيزة، وما كان فرقت معاي لاني الناس القتهم ديل سواء ان صحت نظرياتهم للحياة او لم تصح هم عندي ادميين غير معروفين وانا جاهل بهم وتبقى رؤيتهم مرهونة بامزجة وظروف ومعطيات اخرى لست ملزما بها بالضرورة . وانا اسعى لاختيار طريقي وفق الفطرة - التي نفيتها عني- ووفق ما هو متوفر لي في ظروفي وليس وفق لما قد توفر للغير في ظروف غير.. هم رجال ونحن رجال كما قال احدهم في مقتطف من حديثه عن قفل باب الاجتهاد .. وانا دكين شخصيا احساسي بي نفسي عالي جدا وفي معظم ايام السنة باستثناء الخريف يغمرني حسس عالي باني لست اقل شانا من ناس جالليو ،اوغيرهم من بقية العصبة الكريمة رواد الفكر والتنظير الانساني. انا نظريتي بتقول انو الجاذبية هي معضلة الخلق ..وانها أُس حركة التاريخ..وده مشروع كتاب ما مستعد افاتحك فيهو او العب بي اوراقو هنا . ده طبعا ما موضوعنا عشان ما تقول دكين ده ميل لي وادي الرتيلة ،انما اتيت على ذكر ما قد سبق للتدليل على أن من ذكرتهم عندي تماما زي تراجي اختك الكبيرة وبشاشا المنبت..لا يعنوني في كثير او قليل..سوى أن الاخيرين يهيمون في لججِ الحقدِ وعماء البصيرة، خطائيين يكررون حديثا ممجوجا غير مستساغ . احب اوضح ليك أنو الشخصيات الذكرتهم في نصك اب عشرين صفحة ده، انا لو قعدتا تاني 30 سنة في حياة اخرى ما اقدر اسمع بيهم مجرد سماع خليك من اقرا ليهم . كما واشكرك على الزمن الاستقطعتو من زمنك لاجلنا . وعودا لبدء ..قتا ليك ما احسنت فهم كلامي لاني ماطالب ثار وما عنصري بي الفهم الانتا قاصدو ،انا فقط اسعى لحفظ كياني ..هويتي ضد المدعين وضد من يرون أن وجودي مزعج .. كنتا اعتقد انو كلامي ده واضح جدا بيد انو كلامك كان بكرس ولمدة عشرين صفحة بي زمن كتابتك اني عنصري ،دموي وبغيض . بالعشرين صفحة الضافية حقتك دي لامن انا ذاتي فقدتا ملامح الموضوع ابتداءاً.. يعني اسكلتون لي قراية نص طويل ساي ما عندي ناهيك عن اسكلتون لكتابة نص طويل متماسك . ما كتبته اليك لم يكن سوى عرض حال مختصر وغير منمق لما آل وسيؤل المصير البشري بالمعطيات الحالية.. قس على ذلك الوضع المحلي في السودان. ان يصير التفكير البشري الى تساميك الذي تدعي به لابد من تجارب يمر بها .. الانسان الاول لامن مرق من الكهف لاول مرة ما مسك حجر مسنون ورسم في الجدران شروط العقد الاجتماعي وشروط للصيد والالتقاط وحفظ حقوق الجوار . ما قام كده طوالي طاخ عمل محلية كهوف شرق النيل .. وما عشان انو هنالك مجتمعات توصلت بي فكرها الى افاق راقية ورحبة اكثر انسانية يعني ذلك ان تبت قبائل جنوب النيل الازرق حين تحكم في امر ابنائها بما توصل اليه المعهد السويسري للقانون المقارن ...طبعا جنوب النيل الازرق ده مجرد مثال وقس على ذلك جميع المجموعات الموجودة في السودان بما فيهم النوبيين عشان ما تقول متعنصر ضد النيل الازرق . الفارق الفكري بين ديل وديل هو خلاصة تجربة كبيرة دارت فيها معارك حربية وفكرية ، طمرت فيها افكار وقامت اخرى ..ابيدت مجموعات وجاءت اخرى . ماالسويسريين ديلاك ذي ما توصلو لي عدم جدوي التخلف ديل برضو حيتوصلو لي ذلك ..بس لانو العالم الانتا شايفو متطور ما حريص على انو يصلوهو باخوي واخوك ..ومشغول بي اطماعو وعايش في جحيمو الخاص لذلك حيقومو ناس جنوب النيل الازرق يصلوهو بنفس المنهج الديلاك وصلو بيهو ( ِشبك ،معارك ،دماء ، نظرة لتلك الدماء ،تحسر ، ثم بعد ذلك صياغة عقد اجتماعي وقانون مرعي ومحمي ليس بالـ common law و ليس بقانون شمال نيجيريا او الشريعة الإسلامية او قانون ناس كرشنا فاسديف وفقهاء القانون الهندي وانما بمؤسسات مدنية وحقوق يكون الضامن الراعي لها هي قناعة لاجدوى الدماء التامة) It is just matter of time ونحنا بالضبط في الماتر اوف تايم ده قاعدين نرعوي بكل ابتلاءٍ ومِحنة تاتي علينا . اهو مثلا انتا اكتشفت لا جدوي الدماء كنتاج للبلاغة السياسية- الافتريت عليها دي -التي اودت بالبرامكة . موتة البرامكة القبل مئات السنين كانت جزء من تفاصيل ركزت في محمولك الثقافي هذبتك وخلتك تعرف لاجدوى اسنة الرماح والدماء ..بالرغم من بشاعتها إلا انو انتجت من اصلاب خليفة المجزرة من هم اكثر تقييما للحياة . دي الانا قاصدها ليك في معرض ما ذكرت في ردي اليك ، وما عشان انا بتكلم عن شي بتوقع انو يحصل معانتا انا بحب ما اتوقع .. ما عشان انا قتا انو حتحصل مجازر وفق قراية منطق التطور البشري الطبيعي – الممكن تقراهو من مجلة ميكي ذاتو- معناتا انا راعي حضارة دراكولا. للاسف يا محسن قد تقولت علينا كثيرا في نصك اب عشرين صفحة ده .. بل واكثر من ذلك حملت حديثي ما لايحتمل وانتا زول روائي وحياتك كتابة وتدري مغبة التحوير والاثر البالغ في تحميل الحديث ما لايحتمل. لكي اكون اكثر ايضاحا لك ،هنالك فرق مرونة انساني كبير جدا بينك وبين شاب مسيري او تعايشي او رزيقاتي في كردفان ودارفور وبحر العرب او أي رجل اخر دارع حجباتو وشايل كلاش وقاصد الدواس لانو يعتقد بالله واحد انو ارضه وعيالو مهددين بي دولة الزغاوة الكبرى او غيره،اها الفرق ده هو نفس الفرق البين الخليفة العباسي في بغداد الخلافة الذي اعتقد بسوء نية البرامكة وبين بلند الحيدري رحمه الله او أي عراقي اخر مؤدب انسانياً ويؤمن بالسلام الانساني في بغداد صدام او في أي صقع اخر من العالم . اها انا بقرا الفرق بين المسيري القبلي الجامح - بما زُيـن له من اعتقاد - وبينك انتا زي الفرق بين الخليفة بتاع البوسة بما زين له وبين بلند الحيدري. وبقرا توجه الدولة القائم على مواجهة ما لا تستطيع مواجهتة حقيقة ، والجعجعة الفارغة واناشيد امريكا روسيا قد دنا عذابها الاستشهدتا بيها انتا ضدي .. بقراها كلها على انها هي في الحقيقة بينات ظرفية تدعم كلامي وانها ثقافات لا تفرخ إلامآتم ..وثقافات ُتفرخ مثل ما ذكر هي ثقافة لن يتم ادب سلام حامليها إلا عبر محارق. يا محسن ياخوي انا بقرا ليك في واقع حاصل وحيحصل موش حاجات انا بتمنى انها تحصل .. البتتمناهو انتا وغيرك من المثاليين شي والحاصل والحيصل شي تاني .. الدنيا دي ما ماشة بي التنظير المثالي بتاعك انتا وصحبك الميامين الذكرتهم في مذكرتك الضافية . عقب ضربة الشفا الماعرفوها بي كروز ولا بي طيارات ولا بي منجنيق خرجت مسيرة غاضبة شفتها في التلفزيون فيها لافتة كبيرة مكتوب عليها ( محلية ام شديدة او قرية كده لا اذكر اسمها - تهدد وتتوعد امريكا ) ، امريكا هنا ما ذكرتها عشان انا زي الكيزان بحشرهم في أي مناسبة ولا مناسبة ،هي مذكورة لانها جزء من الموضوع.. اها شفتا كيف ناس ام شديدة رافعين لافتة يتوعدوا فيها امريكا.. امريكا الممكن تصور بي قمر صناعي مواقعة تيس لي بهم العمدة في حوش المحلية. ام شديدة الكلها عن بكره ابيها وبي كل زوج من بهايمهم ونباتات المنطقة ممكن يخشو في فرطاقة اسمها فيلادلفيا ويظل هناك متسع بها..طبعا رجالة امريكا انتا ما محتاج من يعرفك عليها .. اها حركات ناس ام شديدة الماكويسة دي بتاعة رفع اللافتة انا ما بسميها رجالة وطيش زي ما انتا بتقول انو انا سميتها في سلسلة ما افتريته على وقولتني اياه، وانو انا عايز اواجه مجنزرات المارينز ومظلات القوات المجوقلة واليقرز بي سيف عشر من ساقية خيري الدنقلاوي .. دي انا بسميها ذهنية محتاجة تعرف معنى المداوسة عشان تتطور بحق موش محتاجة منظرين واستاذة مستنيرين .. دي اسمها ارهاصات المجزرة الجاية .. بقراها كده لانو دي القراية المنطقية ليها وإن كان لها قراءات اخرى . الترابي غفر الله له.. قاد حركة ثورية كبرى في السودان في المية سنة الاخيرة علي مستوى الشباب بي صيف العبور والمتحركات..المغيرات صبحا والعاديات ضبحا والقعقاع ومافتح به الله عليه من اسماء يبرر بها الدواس ويلهب بها الحماسة افضى ذلك إلى التحاق شبيبة بحروب اودت بحياتهم .. ولا تزال آثار فاسه باينة في المجتمع السوداني . لامن القى في حركة زي دي من ناس يبيعتبروا- بغض النظر عن رايك انتا فيهم او راي غيرك- مستنيرين ونخبة .. معناتا نحنا لسع راجيانا محارق .. اها انا كيف في مجتمع زي ده اقتنع بي انو ممكن اخلق منهم مجتمع متنور يؤمن بالاخوة المبنية على محبة . لامن القى مسيري بسيط ما بفهم إلا انو بحر العرب ده جزء من ميراثهم والقى مثقف متنور محامي وضليع في القانون مابفهم إلا الغاية لتبرير وسائله .. لامن القى ديل في مجتمع واحد دايرني اتوقع شنو غير مزيد من البشتنة ولي سنين جاية .. ياصديق انا صالح تماما لاني اعيش في وسط السيادة فيهو للقانون لكن ما بصلح لي وسط فيه سيادة القانون لسع بين بين وحتظل كذلك لازمان قادمات.. فما تسكني بي افكاري التي لم تحسن قراتها .
Quote: ياما صرفتو رواتب وذخيرة وأخدتو بدلات كتل، ناس الجنوب والغرب والشرق ديل هَسّع دايرين مجرّد يعيشوا، وإنتو دايرين صولجان ومباريات زمنها يقارب العشرين سنة، حقيقي الفاضي يعمل فيها ملك حردان،
|
هسع فرقك شنو من بشاشا لامن انتا عبتا عليهو انو بستخدم صيغة الجمع لتجريم شماليين جزء كبير منهم مظلوم.. الشماليين ديل والله مافايتنهم إلا باعانات المغتربين البرسلوها ليهم دي.. المتوفر للشماليين في شمال السودان لايزيد اعانات اخوانهم واولادهم المغتربين ..يعني مافي حكومة هناك بتبني مدرسة او حكومة بتبني مستشفى كلو عون ذاتي من جمعيات القرى والمشايخ في الخليج ودول المهجر الاخرى.. مشكلتهم من زمان قطعو الامل في دعم المركز ليهم .. ما عندهم احساس بي انو دعم الدولة ليهم حق يجب المطالبة به زي الجنوبيين وناس الغرب وناس الشرق مؤخرا.. احساسنا بالدولة من شدة ما فقدناهو بقينا ما حاسين بيهو إلا في الشدة المتجلية في جباية المطارات والسفارات .. ...والله قرى الولاية الشمالية دي ممكن تعيش كدول مستقلة براها زي الترتيب ويعملو ليها وزير مالية مقيم بين جدة والرياض .. وتعتبر السعودية ودول الخليج مورد طبيعي لمصدر تمويل الدولة الاساسي ونضمنها في دستور الدولة ... ديل ناس بسطاء تكاتفهم فيمنا بينهم بغطي فروقات الفقر بين العوائل والاسر .. لذلك ما ظهر فيهم متمرد ..والظهرو مؤخرا ما ظهرو لانهم تعبو من المكاتفة والمعروف ..ظهرو لانو شافوا غيرم بشيل حقو عنوة واقتدارا. وصحي نحنا زي ما انتا قتا ما ناس دواس ولا بنحصل الناس البنيشو الخيط نص الليل (ناس الثقافات الحربية )ولا ركابين سروج..بس ذلك أن دل لا يدل إلا على السلام النفسي العايشو النوبي .. نحنا الدواس كمانهو ايام رماة الحدق.. الرجال الفتحو لحدي القوقاز وجنوب فرنسا غلبهم يمشو في دنقلا دي إلا بعقد مرعي ومتفق عليه .. لذلك طيبتنا وسلامنا النفسي ده نتاج حقب حضارية توالت .. انتجت نوبي اليوم الانتا شايفو زول مسيكين وبتاع هجرة وساعي في الارض بالسلام والمحاربين عندهم ما بتمو بص سيرة ..انتا قايل دي مثلبة جاي تعايرني بيها؟ ولانو نوبي اليوم بدا ينسي كنتاج لطمث ثقافتة الحضارية الانسانية المنتجة من ادبيات حروب امتدت حتى الدلتا والمفترض انها كانت بتنمي فيهو ثقافة لا جدوى الحرب .. ولانو بدت تخش فيهو الثقافة الوافدة الرعوية هو ذاتو في رقبتو بقى محتاج لي ترتيبات عشان يفهم معنى انو يتعايش في سلام بيد انه اقل من غيره في الاحتياج على مستوى القبائل السودانية..لذلك النسيان غير المتعمد تراني بما رايتني . رجعونا تاني لي عصور النوبة الاولي ماقبل الاستنارة .. ولذلك ابشرك يامحسن إن حرن الدواس وحمي هم ذاتم بقيفوا ليك الف احمر ضد البهدد وجودهم ..كان كروز ولا كان سيف ولا كان شوتال .. ما هبالة مني لكن لانو الكائن الحي بعمل كده لامن يحس بانو معرض للفناء. ماتصور لانو واحد بنيش الخيط نص الليل وفرحان بالخيط والليل أن جاني قال لي قوم فز بقول ليهو .. اتفدلي يا زولة ..حرم يانجضتو يانجضني..وللعلم لامن يحصل الشي ده ما بكون فرحان..وانما ذلك خيار المسالم المضطر البفتش لي مخارجة النفس.ان تخارجت نفسي فبها وان لم فتلك مسيرة التاريخ ومشيئة الخالق وقد اراد ان يفسح مجالا لغيري . نحنا مسالمين بطبعنا ومناطقنا ما شهدت نزاعات مسلحة منذ مئات السنين ..وفينا العرس من الغرب وفينا العرس من العرب وفينا العرس من جنوب النيل الازرق ..عرسوا لانو دي قناعتهم واتجاهات الريدة حددت مصايرم . الفتوحات القامو بيها الانجلو سكسون في المكسيك والكاريبي وفتنام وافغانسان والعراق دي قامو بيها النوبيين قبل سنين مؤلفة .. ان تكون محاربا دشنا نياشا للخيط انصاص الليالي او ركابا لسرجٍ لا يزل ،ليست معضلة ،ولاتاخذ منك إلا مسافة أن ُيقتل لك عزيز او ُيمثل بجثتة او تخش فرع التدريب الموحد باللواء 11 مظلي جبل اولياء .. بس مسافة انك تبقى ادمي متسالم مع نفسك وقنوع دي دايرة ليها سنين من حضارة باهية ومسافة قدر مسافة الريدة زي ما قال القدال ..ولحدي مسافة الريدة والسنين الباهية بتاعك دي ما تجي خلينا نتحزم للجايانا عشان التحزم للجاي قد يمنع الجاي .. مشكلتنا في هذا الزمان العفن انو انحنا مسالمين.. قد نزول منها لانو ده ما زمن ناس مسالمة والله السلام النفسي لي حبوبة اولاد ود خالتك المفترس القتو داك لو فتشتو في اكثر متسامح في انحاء الدنيا ما تلقاهو .. اقصى ما فعلته حفيدة الشمس انذاك احتجاج تحت نيمة .. مسيرة منفردة تندد وتجشب بماتحت صرة الجعليين وبي الزمن العفن (على حد قولها) الخلاهم يناسبو ناس جايين مبارين المطرة ..دي حبوبة مستنيرة وتؤمن بالاحتجاج السلمي كوسيلة للتعبير. دي لو كانت من المتمة كانت دست لي نسيبها المسدس في شاي الصباح .. لذلك ما تجني علينا بتعميمكم المخل انتا وبشاشة..تركبونا سرج واحد مع غيرنا لمجرد انو الغير ديل من الشمال وانتا عارف وبشاشا متغابي العرفة في انو الامر ليس كما تزعمون .. هسع العنصري فينا منو ؟؟ كان في اطيب من البوشناق ..والله نسوانهم كانو احلى من النوبيات البتتغزل فيهم ديل وزي فلق الصباح وبلادهم زي الرسموها براهم بي مزاج وردي وزيزفوني.. شوف ياخوي والله انا اكتر واحد هنا مسالم واحب الحب والمقالدة وتوزيع البسمات من القلب ،لكن انا ما مستعد اقعد اتفرج وهناك من ينظر الينا وكاننا سبب بلايا الارض ، ما مستعد اتكلم هيروغليفي في وسط مجموعات بتتكلم امهري.. كلامك السمح والمنطقي ده هو ما يجب ان يكون عليه حال العباد بعد كم تاشر مية سنة او في الفردوس .. المنطق ليس من سمات غالبية قاطني الارضيين في الوقت الحالي .. ولامن يبقو منطقيين وفردوسيين اعلم انها لن تدوم وقد آن اوان رحيل المستخلفين عليها . ماكان في ارقى من المجتمع اليوناني والروماني ومنهم جاتنا نص علوم المنطق الانساني.. الان لم يبق منهم إلا إستاد نصو مهدم والباقي تاريخ مسطر في مدونات.. لانهم هم ذاتم كانو يبنون مسرحا واستاد بجهة وكتيبة من حرس الامبراطور للهمج والرعاع من جهة اخرى.. ذي ما يوناني العصر الحالي ببنو في مخازن السلاح الما خمج القتا خاتنها لي دولة مستنيرة .. المستنيرة دي افراد امتها مخلوقين من لبخ ؟! ما بشر برضو.. يعني خاتنها يطحنو بيها بشرية ..متخلفة, مستنيرة ,ام جاية من ريفي اللعوتة .. المهم بشرية .. اهو ده الجزر والسلخ القاصدو ليك.. ما بتمناهو يحصل ..لكن بالمنطق الانتا شايفني بعيد منو ..هو جاي جاي .. مسالة حشر امريكا دي استغرب ما فهمتها كيف.. يامحسن لو تعنصر هنود الاباتشي حين جزر كلمبس اول هندي شقى على الايست كوست ما كانو هسع بسووا في متاحف لي تراثهم في نيويورك وغيرها من مدن اميركا زيهم زي الفراعنة .. لو كان كلمبس لقى في وشو سواطير وفؤوس اتحاد عام الهنود الحمر بشرق امريكا وبراري متشغان كان غصب عن امو خت الكورة في الواضة وعمل معاهدة وكنيسة في باحة مدينة (نيو لندن) وتبادل معهم شوالات البطاطس مقابل تلاتين عبدا هنديا من متوسطي الاعمار وان يدخلو المدينة عابرين غير محاربين وان شرد منهم بريطاني اعادوه اليهم ،وان شرد هندي من الهنود لم يعيدوه (ده طبعا هظار لاني زهجتا من الكتابة). انا ما جبتا سيرة امريكا لانها تقف ضد الاسلام عشان تقول لي عقلية كيزان. انا اتكلمتا عن امريكا لانها تسير وفق منهج قيامي .. تؤمن بسحل كل ماهو غير انجلو سكسوني لانهم يعتقدون انهم شعب الله المختار ..
Quote: شيء دي" هل أبناء غرب وجنوب السودان هم أمريكا؟ أم هم عملاء ووكلاء |
امريكا مجرد مثال لبشرية تكنس البشرية الاضعف .. تمكنت فكنست من هم ادنى منها .. انا بقى ما اركن لي كلام نظري وفلسفة مثالية لن توجد في القريب المنظور وان وجدت فان الله حينها لا شك سيرثها وسيرث من عليها ..لانو الجنوب والغرب ممكن براحة يكونوا جزء من مكائد غربية او مسرح لاطماع او أي مخطط اخر لو استمر التحريض وتلفيق التهم جزافا زي ما بتعمل صاحبتك تراجي دي. لن اركن لما قلت عشان اتكنس لي مزبلة الاباتشي او القى نفسي مشرد زي يهود الثلاثيات من بعد عزتهم ..او عرب 47 بعد منعتهم . انتا قايل لو تمكن الجنوبيين من القيادة العامة فجر ذلك الاثنين - بعقليه المحاربين الداسو بيها الخرطوم ديك برغم وجودك ووجود سبعين زيك بنفس المنهج الجميل المثالي- كنتا هسع حاكون قاعد هنا في بطحاء نجد... ولا انتا كنتا حتلقى زول تحول ليهو دراهمك في المتمة .. قريشاتك البتلمها دي والله إلا كان تعمل بيها سبيل تكتب فيهو (ربي ارحم شهداء المتمة الذين اقامو دهرا في الخرطوم ثم اخذو على حين غرة غُـرة يوم الاتنين ) والسبيل ذاتو ماتقدر تعملو إلا شمال عطبرة او شرق ابو ظبي . جميعكم هسع كان نكون عند منحى النيل ..ده على ابهى افتراض ..بل واكثر من ذلك مطالبون بالعودة الى الجزيرة العربية. العرب ديل قعدوا في اسبانيا 400 سنة ومرقو منها ما يمرقو من السودان وعمرهم فيه حوالي 200 سنة ؟؟ده ما كلامي بالمناسبة وانما كلام روي عن محاربين من اعالي النيل . انا ما عربي لكن بريد لي واحدة ابوها بديري دهمشي وامها جعفرية ويهمني وجودهم بالجوار لانو هي بتخدم صالح وجودي بشكل من الاشكال ولانو جابتهم حركة تاريخ سمحة ومجيدة .وانا متاكد انو القافلة الجابت مريودتي دي ما هي نفسها الجابت اسلاف بشبش ولاسرت حين سرت ليلا بقمرٍ واحد واكيد ديك جو في يوم ممطر وخريفي وغائم بينما اسلاف الاخير ديل جو في يوم مسغبة ونكران جميل. هو قبيييل يا دكين، الجنوبيين ديل ذاتم، الكان تارسم منّكم ومن خرطوم الاستكرات دي شنو، ما ياهم أولاد الغرب الشينين ديل نفسهم،
Quote: هو قبيييل يا دكين، الجنوبيين ديل ذاتم، الكان تارسم منّكم ومن خرطوم الاستكرات دي شنو، ما ياهم أولاد الغرب الشينين ديل نفسهم، |
يامحسن انتا زول بتزعل لامن يقولوك كلام ما قتو ولو ضمنياً ..انا ما عندي مكنزمات رفض لي ناس الغرب فما ترمي بمقاصد تدلل على ذلك . انتا ما نبي ولم يوحى اليك حتى الان ولا تتسم بشي يجعلك ترفض شيئا وتراني اهلٌ له .. عشان كده يا صحبي كف عن الصاق النعوت جزافاً. انا صداقاتي اغلبها من هناك وما مضطر افرز وافصل ليك محبتي عشان تقتنع.. وما عندي كذلك تعنصر ضد الجنوبي البتقولوا ده ..والمابترضاه لي نفسك ما تفكو فيني . كل من ُظلم فرفع السلاح فهو على حق وقد ظلم اهل الغرب فرفعوا السلاح فهم على حق لان بقائهم احياء اصبح مهددا .ولا اعيب على احدا الدفاع عن وجوده فلا ُيعيبن علىَّ احدكم حفظي حياتي وحياة من بهم يتشكل معنى وجودي. واهو دي قتها انتا بي نفسك ناس متورسين مننا بي ناس تانين يعني ما متروسين مننا بي منطق مجريتك ومنطق تسالمو تعايشو تصحو. اها عايزني انا ارجا الراجايني ورا الترس ... ارجا انتا ياخوي ..بعدين خم وصر . يا عزيزي انا ما بهمني اني اكون منطقي او مثالي او ذو ثقافة حربية او دموي اوغير ذلك من اباطيل بقدر ما بهمني اني اضمن سلامة وجودي ضد كل ما يتهدد وجودي .. سوت شنو الدبلوماسية للبوسنيين والبلقان في عصر النظريات الانسانية المثالية .. لي يوم الليلة بمرقوهم زمرا زمرا من حفر غميسة .. وما قاعد انادي لي دولة النوبة التي اتى عليها الزمان .. التي اتىعليها الزمان لان الزمان ياتي علىكل شي لا يصمد امام غوائله .. لكن بحب احفظ ما تبقى منها امام غوائل زماني.. طبعا ده كلو كلام علاقتو بي مسالة بشاشة وانو غير دنقلاوي غير قوية وان كانت له علاقة ،وانما اتى به كلامك عن العنصرية في ردك الاول وكلام الست هانم تراجي القالت غصب عن الرطانة .. وكلامك في مسالة اني احاجج بشاشا بي منطق الفصاحة والتهاتر وليس بي منطق المنطق هو كلام صحيح بس ده لانو بشاشا نفسو لا يقود منطقا وانما مفردات ممجوجة مكررة يعتقد انها سبه .. ينعت بها الشماليين دون فرز بشاشا عندو كديسة في راسو اسمها جلابة وعرب ..عقدة ادمي موش فكره بتاعة مناهضة عنصرية وطرح خلاق لتماذج انساني.
ودمتا طيب.
| |
|
|
|
|
|
|
Re: بشاشة دة ما عندو موضوع (Re: DKEEN)
|
بشاشا ايها العزيز رد الله غربتك ..
طالما انتا محسن خالد ده ايمانك بيهو عالي كده انا لانقل اليك شاكرا لطائف ماثوراتو عنك عشان يزداد ايمانك وتركض بعيدا بجنازتك التي تنضم منذ سنين :
Quote: ما عندنا مانع، تعال أسألن، وجه ليهم أسئلة بشكل موضوعي، لكن إنت ما ح تعمل كدا، لأنو ما عندك قضية ولا طرح ولا تساؤلات، وإنما ونسة وقرقرابة فارغة، |
Quote: لأنو يا بشاشا أنا ما عارفك إنت داير شنو، ولا يجاوبوك علي شنو، ولا حكايتك بالطريقة البتطرحها بيها دي قصدها شنو،.. |
Quote: ومافي حل –لكل الجلابة- في الأيام الباقيات ديل من العمر عشان يتعلموا الكوشية -الهوية و-اللغة، اللهي إنت نفسك الدنقولاوي ماك عارفة،.. |
Quote: أنا بقول ليك الكلام دا لأني عارفك مجرد جنازة بتنضم من سنين طويلة، |
من بوست الكائن المجري
طبعا انا كمخلوق ذو منطق ما بقدر افهم كيف محسن يقيم بشاشا كما في الاعلى كزول بلا قضية وراعي قرقرابات وكيف تراجي وندى يجو يقيمو بشاشا كأمير نوبي وكائن ذو منطق وقضية وكيف محسن يجي يقيم تراجي ويقول انها مفيدة . يعني تقيم زول هو سلفا مقيم الزول الانتو قيمتو بصورة غير ذات قيمة بصورة ذات قيمة .. ده عن تقييم محسن لي تراجي. وتقييم زول ُمقيم بانو زول غير ذو قيمة من ِقبل زول انتا قيمتو كزول ذو قيمة . ده عن تقييم تراجي وندى لي بشاشا. تقاييم مسحوب سلفا بساط المنطق من تحت ارجلها.
موش قتا ليكم ده ادب قيامي.
اكتفي بهذا القدر من شهادة الكوت وليست لدي اي اقوال اخرى .
اديتونا السهر غفر الله لكم.
| |
|
|
|
|
|
|
Re: بشاشة دة ما عندو موضوع (Re: Optimist)
|
Quote: التزاوج ياهو الحل، والمره ياها المشكلة، وأذكّرك بالعبارة الحلوة القالها صاحبك نابليون كما أعتقد، وانطلقت مثلاً، (في أي مشكلة ابحث عن المرأة) –شيرش لا فام.... cherche la femme |
Salamat In reference to Cherchez la femme Perhaps you meant to say Alexandre Dumas if I am correct in Les Mohicans de Paris or something close Thank you
| |
|
|
|
|
|
|
Re: بشاشة دة ما عندو موضوع (Re: zoul"ibn"zoul)
|
الصفحه التانيه من البوست تستحق أن تكون منفستوإجبارى لكل سياسى ولكل كاتب و لكل طالب معرفه ولكل من يود الإنضمام لهذا المنبر كحد أدنى فكان هيجل ومقلوب جدله فى الماركسيه والبراجماتيه والوجوديه والمنفعه وكان إبن خلدون ورؤاه وكانت العولمه...فبعهد ووعد سيد الخلق مجرية محسن آتيه وما العولمه إلا شريان أول فى تحقيف ((زويت لى الأرض حتى رأيت أركانها وسيبلغ مجد أمتى ما رأيت مما زوى لى منها)) أو ما معناه وسوف لا ولن تكون سياده كسيادة أميركا ولكنها سيادة وحدة الضمير وصحوه بالإقرار بإنسانية الإنسان بغض النظر عن أصله ودينه وعرقه ولونه ولكنه إنسان ضمن سيفونية الإنسانيه السائده بالقبول والتراضى والعداله...........................
والشكر لمحسن ودكين ولكل من ساهم
منصور
| |
|
|
|
|
|
|
|