|
|
 Re: الأستاذ ابكر آدم اسماعيل (Re: بت قضيم)
|
بت قضـيم..حبابك
كان عندي احساسي انو القصة ما واقعة ليك..ولا اكون ياربي انا نجرت المثل ده براي؟..المهم ليك المفردات ومعانيها..
الزرة انتي عارفاها
الكيكو..كائن جبلي اشبه بالسخل..العنبلوق ..ال
(kid)
..وبالمناسبة
Kids..
يعني سخلان..صغار الماعز
ويستغل لحمه في علاج كتير من الامراض خصوصا اليرقان الاسود..واول ماتدخل قرضة (لقمة)من لحم الكيكو في فم المريض..يمرق اليرقان رافع بيرك..واخاف ان يدخل هذا الكائن المدهش في قائمة الحيوانات القابلة للانقراض..والله يجيبك يا بريجيت باردو بحلتنا
الجغب..مفردة كردفانية خالص..وتعني الشعبة الجبلية..ودي طبعاشغل جغرافية وكده يعني..
حجر..وتعني الجبل..وغالبية اهالي كردفان لا تقول الجبال بل الحجار..
الصــبي..اخر جبل من جبال النوبة ناحية الشمال..وهو قريب جدا من قرية لابدة مسقط رأس الدكتور..ومن مشاهير جبل الصبي مكي علي بلايل..
انشاء اللـه تكون القصة وقعة ليك..
اما قولك زرة كلب في طابونة ..الطابونة عندنا هي الفرن..لكن الصورة الشايعة للمثل تقول زرة كلب في سير طاحونة..وهناك نوع من الطواحين..موديل قديم خالص..يعمل بسير طوله خمس امتار وعلى هيئة جنزير العجلة..والظاهر الكلب اول مرة دخل هناك كان خرمان وكايس لسفة دقيق..ما هو كل الكائنات بتسف لكن يوم وحيد ماشفنا لينا واحد اتزر واصبح مضرب مثل..
اما رواية اخونا ايهاب..زرة كلب في حلة فلاتة..فهي تعود لعادة شايعة وسط اهلنا الفلاتة في كونهم بتاتا لا يربون الكلاب والكدايس..وليك ان تتخيلي حال هذا الكلب حينما يمر بواحد من تلك الحلال..
وافتكر كده تكون القصة وقعت ليك..وبسهولة ممكن تكتشفي كيف انو مثلي مضروب ساكت ..لانو بكل بساطة الجغب هو وطن الكيكو..وبالتالي مافي منطق يخليهو اتزر..وغايتو اتحملي مسئوليتك لو حبيتي تسخدمي هذا المثل..وحاولي ما تقوليهو قدام ناس جنوب كردفان..لو لمتك بيهم ظروف مثلا..لأنهم ح يضحكوا عليك ويبرلموك برلمة السنين..وعاد باقي ليك انا ح ارضي بانو بت قضيم تتبرلم بسبب مثلي المنجور..افو فوق جتتي واللـه..
ودمت
كبر
|
|
 
|
|
|
|
|
| العنوان |
الكاتب |
Date |
| الأستاذ ابكر آدم اسماعيل | بت قضيم | 04-05-03, 11:21 AM |
 Re: الأستاذ ابكر آدم اسماعيل | almulaomar | 04-05-03, 11:42 AM |
| Re: الأستاذ ابكر آدم اسماعيل | Ahlalawad | 04-05-03, 11:48 AM |
| Re: الأستاذ ابكر آدم اسماعيل | doma | 04-05-03, 12:32 PM |
| Re: الأستاذ ابكر آدم اسماعيل | بت قضيم | 04-05-03, 01:12 PM |
| Re: الأستاذ ابكر آدم اسماعيل | doma | 04-05-03, 01:41 PM |
| Re: الأستاذ ابكر آدم اسماعيل | أبكر آدم إسماعيل | 04-06-03, 05:49 AM |
| Re: الأستاذ ابكر آدم اسماعيل | almulaomar | 04-06-03, 10:04 AM |
| Re: الأستاذ ابكر آدم اسماعيل | Kabar | 04-06-03, 06:35 AM |
| Re: الأستاذ ابكر آدم اسماعيل | بت قضيم | 04-07-03, 12:43 PM |
| Re: الأستاذ ابكر آدم اسماعيل | Kabar | 04-08-03, 05:14 AM |
| Re: الأستاذ ابكر آدم اسماعيل | بت قضيم | 04-09-03, 11:09 AM |
| Re: الأستاذ ابكر آدم اسماعيل | ايهاب | 04-09-03, 11:24 AM |
| Re: الأستاذ ابكر آدم اسماعيل | بت قضيم | 04-09-03, 11:52 AM |
| Re: الأستاذ ابكر آدم اسماعيل | Kabar | 04-09-03, 06:59 PM |
| Re: الأستاذ ابكر آدم اسماعيل | بت قضيم | 04-10-03, 05:22 PM |
|
| |
Kabar
فيس بوك
تويتر
انستقرام
يوتيوب
بنتيريست