سمعنا قالوا كاليفورنيا مزروع فيها تمر كتير.. باقيلك ماب يكونو دايرين قفازين ؟؟.. شايف الايام دي هنا عندنا في الرياض التمر بدا يجبد.. بالله اسأل لنا عشان نجي نلحق الموسم دا..وطبعا سبيطة القفاز بالشى الفلاني وبالدولار .. أما الكشان فأظن مافي طريقة فيهو عشان تمرهم قالوا ما فيهو كرنوف.. بس اتأكد لنا هل عندهم دباس ولا لا.. لإنوا التمر إذا دباسو ما قوقا نص النهار ما ينفع معانا.. الشى المهم الطين التحت التمر فيهو صارقيل ولا لا؟؟.. بعدين برضو الآشميق أب طرقا عراض عشان الحبال.. وكما تعلم فإن السلب من الاشميق لا يضر بالبيئة مثل حبال البلاستيك ويتميز بالمتانة تشهد بذلك قواديس السواقي ويوصي به مساعدو اللواري..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة