|
|
 عيدت على أمي ، و قالت لي كانت في غيبوبه قبل أسبوع
|
إحساس غريب ممزوج بالحزن ، مدر للدموع السخيه ، و أنت تهاتف أروع مخلوق في الدنيا (أمك) و المسافة بيننا آلاف الأميال ، و لكن الدعوات و الكلام الذي يشرح الصدر و يماسك الإنسان هو اللهجة الدائمة عندها
عافيه منك عفوا مطلق
انحدرت الدموع تغسل الهموم و أحزان الطفش المفروض
و لكنها أخبرتني بأنها كانت في (غيبوبه) لساعات و كانت تهذي ، بالجرتق : العريس جرتقو .. البنيات غنن و رقصن ، عديله تقدمو وتبرا .. هكذا أخبرها الحاضرون بما كانت تهذي به
و الحمد لله طلعت ملاريا
منوت في دوامة تفسير هذا الذي استقر في وجدان الأم
فهل من مفسر ؟
|
|
 
|
|
|
|
|
|
|
|
Re: عيدت على أمي ، و قالت لي كانت في غيبوبه قبل أسبوع (Re: منوت)
|
أم ساريه يا حبيبه
المشي للسودان هين ، لكن البعرسني منو ؟
الحبيب عادل أمين
كل سنه و إنت طيب ، حقيقة علاقة الأم بإبنها خاصة إذا كان الكبير ، هي علاقة يشوبها أحيانا اللامعقول و الميتافيزيقي ، فقط أقول بأنني كنت منذ سنة فائته مصاب بالحمى الشديده و العرق يتصبب مني ، و فجأة و في جنح الليل رن التلفون ، فكان على الجانب الآخر (أمي) و أختي يسألان عن صحتي ... و هذه هي المرة الأولى التي تتصل بي و أنا في المنافي .. فقد حدثها قلبها بأنني مريض .. تصدق ؟ و لكن أخوك عمل فيها متماسك و نهر التلفون ليثبت لها الصحة و العافيه ..
تسلم كل الأمهات الحبيبات
| |
|
|
|
|
|
|
|
|
 Re: عيدت على أمي ، و قالت لي كانت في غيبوبه قبل أسبوع (Re: منوت)
|
الاحباب منوت وعادل امين .... اولا كل سنه وانتم طيبين والقابله انشاء الله وسط امهاتكم واحبابكم... ما عارف انته ليك كم سنه اخوي منوت من الوالده العزيزه...... عرفنا انو اخونا عادل بيهو 12 سنه والله حكايه صعبه فعلا .... اكيد كل واحد فينا بيكون عنده ظروف بس وصيتي ليك اخوي عادل حاول شوف الوالده وما حازيد وربنا ييسر ليكم اموركم وتشوفوا امهاتكم لانو والله الجنه تحت اقدام الامهات ودمتم احبتي
| |
|
|
|
|
|
|
|
|
|
Re: عيدت على أمي ، و قالت لي كانت في غيبوبه قبل أسبوع (Re: dreams)
|
الليمونى العسل منوت الحلو
كل سنة وانت وامنا بالف خير وربنا يخليها لينا وتجرتقك وتسيرك قادر ياكريم
الف سلامة للوالدة وانا مع كلام اختنا الحبيبة ام سارية وكل البنات تتمنى من هو فى شموخك وأدبك وأحساسك الفنان بالفطرة يكفى أنك تسمعها صوتك هامسا بالحب
ولك الحب
| |
|
|
|
|
|
|
|
|
|
Re: عيدت على أمي ، و قالت لي كانت في غيبوبه قبل أسبوع (Re: doma)
|
منوت
كل سنة وأمنا بخير
أما موضوع زواجك يا عزيزي فقد وضعت له خطة محكمة مع أخو الأخوان عثمان أسد ووالله لو رجعت السودان بعد أسبوع واحد ما حاترجع براك
اها شنو ليك ؟؟؟؟؟؟؟
يا أخي الزواج بقى أسهل من شراب الموية إلا إذا كنت حالف تجيب أصالة نصري وستونة وتعمل فيها كمبيوتر شاب
لووووووووووووول للزول العريس
| |
|
|
|
|
|
|
|
|
|
Re: عيدت على أمي ، و قالت لي كانت في غيبوبه قبل أسبوع (Re: منوت)
|
تشكرات يا جندرية يا بت يا تراثيه
نحن فرشنا أرضنا في انتظار الغمام الليموني
الطريق إلى المدن المستحيله ، حايكون عندك نهاية الأسبوع القادم
أخونا الأكبر وليم أندريا
لي من الوالده ثلاث سنوات .. و كلامك على العين و الراس
يا دريمز البورد الليموني ، تشكرات بلا حدود
عارفين عودك الأصيل ، و ما بتقصري .. لكن كترو لينا من الليمون
عزيز يا عزيز ، أنا مصر أن تكون حفلة عرسي ب ( عزيز و موصلي و أنور و حمزه و عركي و أحمد شاويش و الهادي ود الجبل و مامان
يطمبر ) فهل سيتأخر العرس كثيرا ؟
دومه .. سعيد بكلامك .. بس أنا ما عارف خدمتك مرتين كيف ؟
ديامي .ز يا بن أمنا كلتوم و فاطمه و نفيسه ... عثمان أسد رجل بقامة الإنسان في تجلياته الراقيه .. و الفنان حايكون المر .. رأيك شنو ؟
منوت الكثير بأصدقائه
مامان .. يا أيها الإنسان الفنان
أم العيال لازم تحنني بيدها ، و إنت تطمبر
سعدت و أسعد دائما بأصالتك الفريده و كريم خلقك .. و العرس ما بيقوم إلا ب مامان
| |
|
|
|
|
|
|
|
|
|
Re: عيدت على أمي ، و قالت لي كانت في غيبوبه قبل أسبوع (Re: منوت)
|
يا وجن .. يا أيها الشجن الليموني المحلق في فضاءات الوطن
كل التشكرات على كلماتك المحببه
و ربنا يجمع أخوك منوت بي مراده
الحبيب ديامي
منوت بعد ده ما بيهمو ، الجريف أو أهلين أو حتى المكرون بالبشملي ... المهم (أسد) أخرج من جيوبو ما نحب و نشتهي
و أجاب عن السؤال (المطفش) لكل النصوص غير المرغوب فيها
لووووووووووووووووووووووووول
| |
|
|
|
|
|
|
| |
منوت
Tumadir
adil amin
الجندرية
willeim andrea
عزيز
وجن
maman
doma
Soumeta
noha_g
garjah
فيس بوك
تويتر
انستقرام
يوتيوب
بنتيريست