إلى بـت قضيـم والمهتـمين بشأن الماـئدة السودانية

نعم يا أهل العوض، وفقا لتجربتي الشخصية فالطعام السوداني لذيذ جدا في نظر الخواجات، وهو قد يكون ما صحي مائة بالمائة لكن يا خي ليس بالصحة وحدها يحيا الإنسان !! الخواجات يجدون ان طعامنا له طعم مميز، بعضهم لم تعجبهم الويكة لأن حكاية الأكل يكون لزج دي شوية غريبة عليهم لكن لما ذاقوها آمنوا وحبوها بس برضو صعبة عليهم لأنهم بياكلوا بالشوكة والسكين ودي ما جاية مع الكسرة بالبامية او التقلية !!
اكتشفنا السبب في لذة الطعام السوداني مقارن بالأوروبي، وهو اننا نستعمل خلطة من البهارات وبنسبك الأكل في النار، بينما هم بعملوا بهارات نادرا وعادة بتكون صنف واحد معين ماشي مع الطبق المعني فقط، وطبعا الحاجات بطبخوها في النار شوية عشان ما تفقد قيمتها الغذائية، أها نحن ما وريناهم السر بس بياكلوا ساكت ويشكروا في اكلنا ال ديليشص حسب رايهم، وراينا كمان