|
Re: هزليـــــات فرنكش – ود الحلــه (Re: Elkhawad)
|
الأخ
الخواض
رمضان كريم ، وشكرا للزيارة المفاجئه طبعا شخصية فرنكش .. موجوده في اي حله وكل بيت وان اختلفت المسميات .. يا احيانا الواحد بيكون فرنكش لي مده معينه وبعدين برجع طبيعي
ارجو التواصل
لك حبي
تمبس
| |
|
|
|
|
|
|
Re: هزليـــــات فرنكش – ود الحلــه (Re: tmbis)
|
رغم أنه واقع يتكرر كثيراً، إلا أن المعالجة كانت رائعة جداً، وكانت لوحة مرسومة بفن راقي، وليس كل شخص يستطيع وصف ما يراه ليصبح مسرحية مقبولة أو فيلم ظريف زي قصة اخونا فرنكش، أنت بالفعل قاص متمكن
| |
|
|
|
|
|
|
Re: هزليـــــات فرنكش – ود الحلــه (Re: Dafi)
|
تمبس يا سيد الصورة
ما كان تديها واحدة من هااااى يكة عشان نقول فرنكش ده قاعد فى عمود ود الجيلى..
تعرف كلنا كنا فى يوم ما فرنكش بتاعك ده بس فى اماكن مختلفة
بصراحة يا ود انت فلته
يلا انكش دقنوسك وهات حاجة ثانى ولا اعمل لي فرنكس اجزاء زى المسلسلات المصرية اول ما تنجح يعملوا ليها جزء ثانى و... عاشر كمان
مع تحياتى
| |
|
|
|
|
|
|
Re: هزليـــــات فرنكش – ود الحلــه (Re: قرشـــو)
|
اهليـــــــــــــــن يا عمدة
كيفك يا خال ؟؟؟
قلته لي بت الصورة ماله
والله يا عمده داير ارجع تاني فرنكش لكن ما قادر
زي عباس ده ..ما بتلقي ... لي بسهولة ههههههههه يكه لكن .. في واحد كده خليهو في سرك .. بطلع منو مية عباس
نشوفك يا عمدة
تمبس
| |
|
|
|
|
|
|
Re: هزليـــــات فرنكش – ود الحلــه (Re: tmbis)
|
لوحة جميلة يا تمبس
وشخصية فرنكش موجود في كل احياءنا
فلقد رسمت لنا ملامحه بوضوح
فهو موجود في حالة زول مرض ودايرين يودوهو الاسبتاليا
وهو قدام الناس في المقابر
وهو البيدق الصيوان في كل المناسبات
| |
|
|
|
|
|
|
Re: هزليـــــات فرنكش – ود الحلــه (Re: tmbis)
|
انت عارف يا تمبس
عندنا واحد في حلتنا زي فرنكش
في العيد مشى حدائق مايو والا هو ابريل يتفسح
لقى بنات الحلة عاملات رحلة ومبتهجات
تنقر ما قطع ليهو سوط من نيمة كبيرة وجلدن
وخلاهن يمشن قدامو لغاية ابجنزير وركبن المواصلات
وجابن الحلة
وهو رجع تاني
| |
|
|
|
|
|
|
Re: هزليـــــات فرنكش – ود الحلــه (Re: tmbis)
|
أخطر ما في هذا النص،أنه يجبرالمتلقي (قارئه) على التمرد على سلطة المعايير المسبقة للتعامل مع النص المكتوب..وبالتالي يؤسس شكل تلقي مغاير تسنده حميمية السرد والتفاصيل الغنية بالعفوية الجمالية وهذه العفويةالجمالية تكمن في التحدي الصارخ في تناول العادي والتلقائي برؤية تعيده وتزوقه وتجعل منه كيان ينضح بالجمال.. ثـمة مفاصل أساسية في هذا النص تجبرك على تأملها بحذر..يعني المسألة قد تبدو ظاهرا مجرد هذيان وحكي عادي..ولكن ولأنه عادي ومهموم بالتلقائي ،فانك ستجد نفسك كمتلقي تنتهي من قراءته لتعاودها مرة أخرى..معليش انا فهمي متأخر شوية ،لكني قد قرأت هذاالنص اربع مرات وفي كل مرة اخرج بكشف جديد المفصل الأول يكمن في تصنيفه..يعني مسألة اليوميات (هزليات) ..ولم يكن قصة أو حكي..وانما يوميات.. وبهذه الصفة فهو ينحاز للدينامكية ..ويؤسس حركيته في تـماهيه مع الواقع ..يعني في النهاية هي سيرة حياة في الحلة أو الحارة المفصل الثاني موضع الأحداث (setting) فهو مبني على ظاهرة موجودة في كل حلة او حارة او فريق..فمسألة اللستك المنصوب في أول الحارة او وسطها أو العمود..هي مؤسسات اجتماعية تنضح بالحكي والتفاصيل المدهشة اضف الي ذلك كونها تشكل منفى (يا ولد امشي العب في الشارع)..ومن هنا بدأت قصتنا مع المنافي المفصل الثالث التسمية (السماية)..وهذا المفصل نبهني لثقافة الاسم في مجتمعنا..يعني تلقى الواحد لديه أكثر من اسم ..اسم في البيت في الشارع في المدرسة واسم الدلع سواءا من الحبيبة او الأم..وأجمل ما فيها انها احيانا تكون أكثر حيوية من الاسم الرسمي (official naming) وتلتصق بالمسمي بصورة قوية المفصل الثالث..دور فرنكش كشاهد على وقائع الحلة..الداخل والخارج..والتحامه مع كافة فصائل الحلة بذهنية متجاوزة للواقع..يعني شوف قدرته الفائقة على التعامل مع كافة الفصائل ..أطفال..شباب..نساء..فتيات ثـم دوره الدفاعي في تشكيله لبعبع مخيف تهابه القوة الانتهازية (رمزها عباس) التي تحتاج لظلام كوني لممارسة أشيائها القبيحة المفصل الرابع..هو في شكل سؤال:هل تشكل حالة فرنكش بهذه الهيئة ادانة للواقع؟ للاجابة على هذا السؤال دعنا نستكشف بعض من ملامح شخصيته..فهو شاب في عمر الانتاج وله طموحه المشروعة في هذه الحياة، من معيشة كريمة وحب واستقرار..الخ..لكن الشاهد ان هذا الشاب هو بلا عمل ومسئولية توفير العمل هي مسئولية الدولة وبالتالي وبالتالي تكمن الادانة في السخرية من عملية خلق وتفريخ شباب ينتهي كمتفرج على وقائع الحارة بالجلوس على لستك أو تحت عمود.. المفصل الخامس.. النبل البهــي في شخصية فرنكش..ويتجلى ذلك في عدم قدرته على الافصاح عن مكنون ذاته في منعطف الحب...وأكيد هنالك مليون عامل أقعده عن هذا الافصاح، أبسطها وأولها العامل الاقتصادي..يعني عاطل ،وبالتالي تتبدى حرقة السؤال المالحة:هل يجوز له أن يحب ويعشق ويمارس مثل هذه الادوار الانسانية؟ المفصل السادس..في شكل النص..فالحوار (dialogue) الذي اعتمد لغة المعيشي اليومية قد أضفى حيوية على النص أكسبته نوع من الحركية، وبالتالي سهلت انسيابية التلقائية فيه وازالت الحدود فأصبح النص هو الواقع،والواقع هو النص.. أعتقد أن النص بهذه المفاصل قد أسس لثقافة التسكع الساكن بامتياز..سميناه الساكن هروبا من تعقيدات اللغة وتقيدها الصارم في ضرورة ضبط المفردة وبالتالي ضبط المعنى..والـ (setting) أكسب هذا التسكع صورة الثبات ظاهريا ، لكنه في الحقيقة هو تسكع رؤية ومشاهدة وتواصل جمالي.. وطبعا ده غير اسقاطات الراوي والتي تتبدى في أكثر من منعطف..وتلك حكاية تحتاج لقراءة أخرى لاجلائها.. شكرا يا تمبس على هذه البهجة الحميمة ودمت محمد النور كبر
| |
|
|
|
|
|
|
Re: هزليـــــات فرنكش – ود الحلــه (Re: Kabar)
|
شكرا استاذ / محمد كبر
علي المداخله والرد علي النص بصورة نقدية - مدروسة
اشكرك .. لانتباهي علي بعض النقاط المهمة في شكل تكوين القصة .. والجوانب التي اشرت إليها .. من خلال قرأتك للنص
قرأتك ..ومداخلتك تعني لي مذيدا من التحفيز ..
محبتي
تمبس
| |
|
|
|
|
|
|
Re: هزليـــــات فرنكش – ود الحلــه (Re: Abd-Elrhman sorkati)
|
قرنفل ... تعرف الأيام دي كان سرقتني أنا ذاتووو ما بجيب ليك خبر ..عارف ليه ؟ خليها في سرك
سوركتي سلامات من ما كتبت الحاجه دي ...زمن الدنيا كانت بخير أول مرة الليلة أحس بي أنها حركت فيني حاجه ..أو ساقتني هناك يكون فهمي متأخر ؟؟والا أنا مالي ؟؟؟ علي العموم أنا أعمدته علي لذيذه بتاعتك دي شديد وماسك فيها قوي
اقتراح يا بت قضيم ممكن تسمي نفسك شنا جميل ؟؟؟ علي أن يكون البيبسي مني ... الكراسي مني ... وحلاوة نعناع مني ..قصرته معاك في الايام الصعبه دي ؟؟؟ والبوست ده لما كتبتوا وعلي حسب ذاكرت الخرف بتاعتي ..أنتي كنتي في باريس الظاهر لي كده ...
| |
|
|
|
|
|
|
Re: هزليـــــات فرنكش – ود الحلــه (Re: حنين)
|
رحمك الله يا بت قضيم عندك نزله ولا شنو بتعتشي كده ؟؟
حنين اللمبه ويييييييينك يا منقه الشوق مطر والله
الامتحانات وخلصت ..اها عامله زغبير مالك تعالي وجيبي معاك ترافولتا
بكور شنو يا لزيز فرنكش ده قسم معاك والا شنو ؟؟ضحكتك دي وصلتني هنا عديل كده معليش يا بكري قبيل انااخدته لي مشوار ضغير ولقيت الشخبطه في الباب،،باب الماسينجر شان ما تشطح بعيد لاقيني بلاهي عليك الله
| |
|
|
|
|
|
|
|