|
|
 بشرى لجميع أنواع الجــِداد ..فراريج وديوك
|
Latest Developments
AP Photo
PETA Launching Boycott of KFC (AP) - People for the Ethical Treatment of Animals said Monday it is launching a boycott against KFC because of alleged animal-rights abuses by the chain of fried-chicken restaurants. The Norfolk-based animal rights group said it has tried for nearly two years to persuade KFC's parent company, Yum Brands Inc. of Louisville, Ky., to change the way it raises and slaughters chickens. PETA said that because those negotiations failed, it will launch a campaign to put public pressure on the company. More
\
http://news.yahoo.com/fc?tmpl=fc&cid=34&in=world&cat=animal_rights
|
|
 
|
|
|
|
|
|
|
|
Re: بشرى لجميع أنواع الجــِداد ..فراريج وديوك (Re: maman)
|
اخي مامان
سلام لم اشر للموضوع عبثا انما رميت لما شرحته انت وتركت الحبل على المركب لكل صاحب انسانيه ليدلي بدلوه والشكر لك في ذكر الدليل
| Quote: مقاطعة شركة كنتاكي من قبل هذه اللجنة بسبب معاملتهم غير الكريمة للدجاج خصوصا وحقوق الحيوان في الغرب عموما طبعا يثير استغرابنا لأن حقوقنا نحن بني البشر في حيص بيص.. لا أدري لماذا تذكرت قصيدة (الكلبة) الفكاهية التي كان يرددها عثمان اليمني.. وشاعرها شاعر مغمور اسمه (عطا) من أبناء جزيرة تنقسي وكان يسكن العزوزاب عندما ألف القصيدة عام 68م وعرفت أنه الآن يسكن الحاج يوسف.. بالطبع كل الناس يعتبروا أن القصيدة قصيدة فكاهية ولكن الدوافع التي جعلت عطا يؤلفها تجعله من أوائل المدافعين عن حقوق الحيوان.. ولكن كيف ذلك؟؟ |
فهلا اكملت هذه القصيدة؟
| |
|
|
|
|
|
|
|
|
|
Re: بشرى لجميع أنواع الجــِداد ..فراريج وديوك (Re: yasiko)
|
/
الأخوة / ياسيكو ومامان
موضوع كلبة عطا هذا كنت بجهز فيه لينزل كموضوع منفصل لما فيه من حكم ودروس ولجمال القصيدة وبلاغة الوصف فيها.
ولكن طالما أن مامان كعادته دائماً يسبقنا إلى فهاهي القصيدة:
الكلبة
أصغوا لي وأسمعوا يا زماله
حقيقة وحاصلة مو ساكت قوالة
كلبة والدة فوق كوم الزبالة
محجوب كلموه فات مشاله
مستعجل قبل ياخد سؤاله
بي فد طلقة يتم بي عياله
كلبة في بيوت عجبين سكونا
تتحدوها تدخلوا في شؤونا
قدر ما كشرت ومرقت سنونا
بي فد طلقة أتم بي عوينا
بعد سلخوها واجتمعوا الرجاله
وكل الشاف له قوطة سمينة شاله
أخوياً لينا شغال في أم جلالة
قال ناولوني ماعون حتى لو كان شواله
بعد شحدوا البرش طوالي فروه
وفرحان بابكر مما يسره
وصفق إيديه وقال يا أخوانا تروه
وكل الما هو قادر لا نضره
أكلوا وخلوه ما باقي شروه
بعزل حقي في منديل واصرُه
البيعضي ولادنا لابد نضرُه
وأصله سعراً حايم الله يكافي شره
عبله وصدفه زعلانات يحدرو
وحداد لمدة أسبوع ما ينجرو
ولا إن شافوا الحرامي وراه يجرو
ولا في السهله من الحوت يفطرو
الحقيقة هي لونه زرق وصوفه يرهز
وكل الشافه أول مرة قال عز
أتاريه الدنيا ماشي عليها حزحز
وبي واحد عيار نافوخع بزبز
وكمان عبدالرحيم أحمد حضيري
قال سيبوا الغلبة والحجة الكتيري
اللحم جيبوه جوه من الهجيري
الراس أوعكم تدوه غيري
أنا زولاً نفسي بالتقسيم جديري
وأنتوا شوفوا لي المكرضمي والكبيري
الحوش كتمه ومرتفعي الحرارة
وفضيل يهرج موقف فوقنا غارة
قال: أدوني كوم لي واتنين لي جبارة
العشرين قرش راح خسارة
حضر بي غفلة عثمان ود بشارة
وفرش طرفه قال جيبوا المرارة
سلمان أصله شارف وزيه ما في
جاهم واحدةِ لابسهِ وواحدِ حافي
لا قولة سلام لا قال عوافي
وفتحة خشمه قال يا ديل قفافي
أدوني الفوت شوفوا الخلافي
نص كون كوستيليته وباقيه صافي
عمي الحاج كمان راجل مصلي
قال يا ابني نظرك مو مجلي
وتنشين لا هو واطي ولا معلي
بس لكن قوي وما بينوكللي
شويتين مو كتير جاهم خليفة
قال الراس أسلخوه سوه نفيه
يتوكل وحده ولا مع رغيفة
وصفوا المرقة في الباطن نضيفة
والليلة التوم كومه قال ظلموه فيه
جا شايله براه داير يسلقوه ليه
ساد حوشه ومتاقي البيت عليه
في شان لا ضيف ولا شحات يجيه
أحمد حمزة قال حصانه جراي
يفج في الناس يعاين جاي وبي جاي
فرصه سعيدة قال بعملكم رأي
قال نعملها شية تستاكل مع الشاي
كما عوض الكريم يبدي ويرائي
شاف اللمة قال شني الحكاية
هسي دي كرامة ولا محل سماية
اللروح أجيب ما عوني جايي
سيدأحمد بعيد لكنه عشمان
بيقدر يصل حارس له دكان
أرسله كومه صحبة أي إنسان
وبالتقرره المجموعة قبلان
عبدالرحيم الحاج ينقنق وما هو راضي
وقال كومين قليلة على ولادي
ممحوق وأشوى من لحم الجدادي
وإنتوا شوفوا طريقة سوو لي الزيادي
باقي سعيد فضيل بالحيل مدروش
يمط القوطة طول مترين وينتش
وقال والله مو هش
ومزه متل دي دايري الزول يغبش
جا عبدالله أخوه بالليل بيهرش
وقالب عينيه حمرا وما بيرمش
وقال أصله خوتكم بقت غش
محل تقسيمه وينو نروح نفتش
بدل نقمح من الرمرام نقرمش
أتاريه السر يلوم في الناس وينبش
وغضبان يترقض متل المتلبش
الليلة خضر ود محمد نور بالحيل أتغشه
بعد ما جاب صلصته وبصله حشاه
لقاهم شالوه خلوا الواطه غبشه
طنطن وما رضى وسوالو دوشه
وغمض بالزعل من بيته طشه
فضل الله ما كان في حد طاريه
قال جاني المرسال بعد جبت خضاري
رزقاً لا ني حاريه لا ني داريه
هو شايله والضبان مباريه
قال بقسم منه لي عبدالله جاري
كل زولاً ذكرته ومني زعلان
وأصله راس القايدة عثمان عبدالرحمن
هو يشجع فيني وأنا برضي شفقان
وحاول يحفظها ويوضعلها ألحان
عطا قرمان لحم قال كله سيبوه
اليوم جمعة وكان عازم نسيبه
جدع القفة غادي وفر توبه
والطايوق مشكنه في جيوبه
و لـ كبير أخوانه لملمه بي خبوبه
كمان داسي الجلد ورافض يجيبه
/
| |
|
|
|
|
|
|
| |
yasiko
maman
Al-Shaygi
فيس بوك
تويتر
انستقرام
يوتيوب
بنتيريست