|
دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فات (Re: garjah)
|
الزولة الرائعة
نحن بنصور في واقع حاصل فعلا وحكاية موية السكر البتشركو بيها خلوها وشوفو غيرها حليل ابهاتنا البيت ما كانو بيخشوهو فاضيين المنقة بيجاي والبرتكان بيجاي والبتيخة فوق الراس لكن جيل اليوم دايرين يخشو الفلم ملح
الرائع ود عازة
هل تعرف سبب تسمية الجماعة ديل بالكيزان قالو واحد فيهم عمل قصيدة وقال فيها
الدين بحر ونحن له كيزان
ومن ديك وعيييييك
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر ف (Re: WAD ELGAALI#4)
|
يا قرجة حمد لله بعودة البورد بمناسبة عرس ناس السعودية المالاقين العز واحد في السعودية شاف ليهو شريط عرس واحد اسمو حسب الله ،وفيهو واحده ملهلبة ،جاقوار آخر موديل ، نار الله بس ، وتاني يوم طولي تلفوناتو دورت مع ناس البيت ، بس فلاني ما في غيرا والخطبة ،وتحديد العرس ، والخميم ، والهيصة ، واخوك حدد العرس تاني يوم من وصولو طوالي ، وبقى الكنز كان في الكمائن ، ما قدر يشفوا الا جنبو في الكوشة طبعا صورتها في الفيديو كانت حاجة والشخصية حاجة تاني والرماد كال حماد ، واخوك حساباتو باظت والدارة قدامو فيها حاجات خطيرة ، بس قام نزل الدارة عامل فيها بيشارك في الحضور الرقيص ويقرب من اي بنات سمحات ويقول ليهم ، يا اخوانا انتو ما جيتو عرس حسب الله ليه؟ وين كنتوبا بالله؟ كان عندكم امتحانات ؟ بالله وروني عليكم الله واخيرا الراجل قبل بالتراكتور
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: tariq)
|
يجازي محنك يا ود العمدة
علاقاتنا يا دوب اتصلحت مع نواعم المنبر
مالك عايز تبوظا تاني
قــــرشو
البوست ده كان فيهو نقاش حاد مع بعض الاخوات
واذكر ان احداهن سالتني مؤهلاته تعبانة يعني شنو
يعني قاده عربي
وافتكر ان تلك الاجزاء ذهبت مع قفلة المنبر لايام خلت
وليم اندرية
وينك يا الحبيب من الضحية تاني ما شفناك
ود شاموق
امانة ما وقع راجل
ممكن يجضموك عديييل كدة
بعد يشيلو النضارة لكن
ابو نــــور
مشكور يا غالي وادينا ذكرياتك
ظاهر عليك مكسر ليك فضية بي حالا
ود عقــــاب قولت لي تسويق خارجي
يازول العالم فتحت ما بقت زي زمان
طــــــارق
هو ده انت بالله....ود الجيران الختر
لكن اعمل حسابك كان نطيت بيخربشووك
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: Abdalla Gaafar)
|
الله يلوي محنك يا قرجة والله حكاية فيرست ان فيرست اوت دي قلبتا فيها الهوبة لكن هسي قوانين المخزون - مع الاعتذار عن التشبيه - كلها مطبقة .. يعني حسب الطلب وكدة
وانت كان فاتك القطر بسبب الكرعين والإضنين ..الحكاية اتغيرت هسي يعني الشكل المقبول بقي اساسي وما بدخل في المفاضلات البخلي القطر يفوت هسي حاجات تانية .. زي دي ما بتعرف تعبر كويس ..ودي نضامة لكن سطحية جدا .. ودي ما عاوزة تخلي البنطلون بعد العرس..وديك خفيفة ولفيفة..ودي اهتماماتها كلها في التب تين والشوبنغ مول..وهناية ديك بتاعة ماديات ..وتوووت القطر صفر ...وتبدأ التنازلات .. والجري من عربية لعربية ..وهاك يا تنازلات .. لحدي ما تصل الفرملة .. وهنا ترقد واطة عديل كدة وترضي بالسترة بس وتختزل موضوع العرس كلو في حفظ النسل البشري بس..وهنا تنقلب الآية..يمكن ما يرضوا بيك..لانك وانت جاري من عربية لعربية في القطر ما لاحظت انو صلعتك بقت مراية..وكرشك كبرت .. والاستريس عفَص وشك ..وشكلك بقي ما كشفة..وبراحة تنزل من القطر ..وتاخد ليك وقفة طويلة في المحطة..لحدي ما القطر يبقي رهاب رهاب..وتبدأ تحاول تتوازن وتقنع نفسك انو الحكاية قسمة..وبعدين الراجل شكلو ما مهم وبعدين انتو القال ليكم انو قطر واحد منو ..ما يمكن يجي قطر تاني
ممكن ولا ما ممكن
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: garjah)
|
اسمع دى عينة من الناس القطرهم خلااااااص.... ................... اقول ليك كلام..........البت البتوقع ولد كويس ومحترم انا بشوفها شاطرة.....وبعدين الزمن دا الخطط تدار من القيادة الخلفية....الامهات........لكن ما بلومهم...فكل امراة لابد لها من زوج....وكل رجل لابد له من زوجة......... ................... لكن اقول ليك كلام....الايام دى انا بشوف كترة خصل...الله لا وراك ليها.......تقبل جاي تلاقيك خصل طالعة ......بجاي تلاقيك خصلة شعر من نص الراس..... ياسلااااام.....اخوك حيجن.......وما تقول الايام دي بسمع في الخالدى... خصل شعرك حروف اسمى ....البتكتب لي شوق وحنين ولون شعرك سواد حظى................... ............... وكلمة السر...... .جرجيرة......
............ shereef shereef
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: garjah)
|
يا قرجة وزولا
انتو سمعتوا انه البقارة عندهم المرا السمحة لازم تكمل10 أوصاف وهاكم ليها وورينا يازولة جبت كم من عشرة:
1- راسها ما يكون كبير 2- شعرها كتير وطويل 3- الرقبة قزازة عصير 4- الأنف قايدة ما مفلطحة 5- العيون بيض وكبار 6- السنون بيض 7- نصها زي نص المريخ زمان ( بشرى وبشارة 8- الفم صغير 9- حاجة تانية حامياني 10- الرجلين زي قزاز البيرة
وأخيرا يا قرجة أبعد من أم ستة .. فروة أكلتها عتة.. الحية هي والميت إنت... والأعمار بيد الله
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: cantona_1)
|
الاعزاء
بحر
معتز
امدرماني
الزولة 123
كانتونا
ابدعت واوجزت بحكاية القطر...ومن عربية لعربية
بس اخواتنا لازم يفهمن وهذا بمثابة نقد ويمكننا مناقشته باسهاب اكثر
ان الرجل السوداني
قد يبدو متحضرا ومثقفا ومع حقوق المراة
ولكن عندما ياتي لمسالة الزواج ينقلب لشخص اخر
متزمت وربما لجا لشقيقته او زوجة صديقه لاختيار زوجة
بمواصفات بعيدة عن ما كان يعجب به
فهو معجب بالمراة الجريئة ولكنه يريد الزوجة المسكينة
وهو مكتول في اللباقة ولكنه يخاف ان تنقلب لنقة
وهو مولع بالشعر الاسود الطويل وخصله التائهه ولكنه يفضلها محجبة
وهو وهو وهو
بس يا كنتونا نمرة تسعة دي ما فهمناها
والكرعين قزازة بيرة والا باكو بينسون
وتحدي الزولة 123
للجميع بانه لا يوجد سوداني ذو كرعين عديلة
والحكاية محتاجة لميزان موية
وطرق حديثة لقياس الانحراف عن الركبة
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: garjah)
|
أخوي قرجه الجمال شئ لابد منه خاصة إذا كان من تريد الإقتران به هو شخص ما يفكك منو إلا الموت أو في راوية أخرى أبغض الحلال. صحيح أن الجمال شئ نسبي لكين الحاجه كتلوم بت خليفه عليها رحمة الله وليست الجنة يا قرجة كانت تقول وقولها الحق ، السمح سمح كان قام من النوم وما في داعي لي تكملة المثل لأنو كلكم عارفين. حكاية الملايات وإعتقال جميع حيوانات البيت الأليفه من جداد وغنم وكدايس وكلاب لعيونك على الطريقة اللبنانية والشاهي باللبن الحليب والليمون الملخبط بي القريب من إشعار حلمنتيش والونسات هي في الواقع تؤطر وتؤكد المثل القائل ضل راجل ولا ضل حيطه ، والدليل أنه وبعد أن يطير العريس الموعود إلى جهة أخرى كما فعل حضرتكم يبقى رأى الطرف الثاني فيهو واضح وصريح ، فالمسألة في الأساس بتأكد هذا الضل الغير ظليل وفي نوع ظلال أو ضلله تشبه ذلكم الظل ذي الثلاث شعب والعياذ بالله لأنه قطعاً لن يكون ظليلاً ولن يغنى من لهيب الحياة المستعرة وهذا ما يعرف بضل الركشة عند أهل العلم. أما حكاية الكرعين المعوجات فهي ملاحظة جديرة بالإهتمام فهناك الكثير من المكلوجين والمعوجين في الأرض على شاكلة أب عصران الذي تم فصله من المعاينة الأولية في إحدى الكليات العسكرية لأن وضع رجليه لا يسمح له بأخذ وضع إنتباه العسكرية ودائماً ما يكون عامل صفا بالرغم من أنه وأمثاله لم يرتدوا أو حتى يسمعوا بالبامبرز في طفولتهم حتى يترك أثراً في كلوجتهم البينة تلك ، وبالضرورة لم يتم وضعهم فوق سرج حمار أو عقال بعير أو شاة تيعر بعد الولادة مباشرة تيمناً بالشيخ فلان أو الفكي علان أو أى شئ آخر. وأب عصران هذا لا ينفع أن يكون حارساً للمرمي في كرة القدم لأنه مطلوب منه أن يحرس في هذه الحالة مرميين لا واحد فالأول هو المرمي المعروف والثاني هو المسافة الكبيرة للكلوجة بين الرجلين. أظن أن الويكة بما فيها من لايوق والكسرة بما فيها من طايوق إضافة إلى الفول والمرقة على إختلاف مسمياتها دور في ذلك ، هذا الظن يبقى إجتهاداً إذا ثبتت صحته فلى أجران وإن جاء أحدكم بما ينفي تلك الظنون يكون لي أجراً واحداً كما تقتضي القاعدة الفقهية.
| |
|
|
|
|
|
|
Re: دي كرعينا معوجات...ودي مؤهلاتا تعبانة...ودي أضانا كبيرة ..لامن القطر فا (Re: garjah)
|
الاخ الاصغر قرجة سلام عليك الله شفت وصف كنتونا دا كنتونا ياخوي
حكاية راسا مايكون كبير دي جبتها من وين والله لا قابلتنا في غنية ولا في وصف معليش تقول مايكون مقودس مايكون فيهو طلع نازل ماعارف باقي الوصف دا بينفع مع بنات الزمن دا العيون متل الفناجيل والسنون براقن يشيل
وما بعرف كان بقبلن بحكاية الرقبة قزازة عصير وطبعا قزازة العصير كانت معروفة اسي القزاز اشكال والوان والعصير اشكال والوان وحكاية الرجلين دي ياقرجة رايك فيها شنو وبعدين ياقرجة حكاية الكلوجة دي يعرفوها كيف قبل العرس
| |
|
|
|
|
|
|
|