|
|
 طــعــم الـقــهـوة
|
كان ذاك الصباح كسولا ، وكنت انشط ذهني بالقهوة وبعض الذكريات ، ارتمي للانتظار فريسة اجلس بين قدمي خالتي اسيا وهي تعتمد لي كوب قهوتي الصباحي ، لا شي اسخف من الاتنظار .. فالحبيبات في بلادي يعتلين شرف التاخير .. إلا هي كانت تحترم الزمن كأنه يخبي لها العديد من المفاجات .
راحت عيوني تتامل حركة الجامعة في هذا الصباح ، اشم في الافق رائحة بنبان ، وما ان انصرفت الرائحة مسرعة من زهني عندما جلست فتاة جميلة تنتظر بدورها من تحب ،
لماذا تاخرت ؟؟؟؟؟؟؟ هي التي تحسمك في صرامة ان تهاونت في الزمن ، يعتصر الزنجبيل حلقي ، انظر في حب الي خالتي اسيااتوه في القهوة .. صباح النيل يازول صباح الخدر الشعبي حسن حمدون وطلته الجميلة علاقته بالجامعة تمتد لزمن اتحاد الانتفاضة ولكن هل هو من ضمن طلابها ام .. لا احد يدري ولكنه بشوش وحميم .. ناولني كيس الصعوط وتثاقفنا وتحدثنا في ساسة ... ثم لمحتها من بعيد كم كانت مرهقة هذا الصباح
- معليش كان لازم امر علي الايام عشان في موضوع مهم جدا لازم ينزل صفحة بكرة
- طيب كان تقولي انك ح تتاخري
-ما كان في سكة ، بعدين عثمان شنقر اخدني في همومو وهموم الصفحة و اليوم عموما لك الحب ... بدأت لي شاحبة وساهمة ، ثم قالت وفجاءة تعرف انو النظام ده دخلنافي ورطة ، رشفت قهوتها وواصلت دون حماس لكن ده كلو كويس عشان تاني مايتمررأي تسويف في الشعب دة ، انت لسة زعلان ، لا بس بحاول اعرف نزلت ياتو موضوع ، ذكرتني .. تناولت ظاهرة في الجامعات والمعاهد العليا بدت تستشري وهي ظاهرة الزواج الصوري او العرفي ، ماعارفة لكن في ظواهر بتشبه مجتمعاتها او بكون جزء من متراكمها اليومي وحراكها لكن الظاهرة دي ما عندها اي علاقة بتقاليد شعبنا واعرافة وثقافته ، ببقي السؤال الحقيقي كيف ومتين اندست ومنو المستفيد من انتشارها
هي لي درجة انها تتسمي ظاهرة ؟؟ كنا قد قطعنا في ذلك الوقت شارع الحرية وبدأنا نندمج في الزحام في طريقنا الي ابو جنزير ، ما تتخيل العدد الفعلي بخصوص الموضوع دة كبير كيف وسط الطلاب ، طيب ليه الجامعات بس ، ممكن في المجتمع موجودة لكن ما بالشكل المقلق دة في الوسط الطلابي ، ودة بعود لي حركة الطلاب نفسهم وقلقهم الدائم ، ولكن نحن شعب مامكبوت برغم القوانين القمعية اللي وضعتها الدوله لمحاصرتنا لكن نحن عندنا زقاقات في الخاص السلطة نفسها ما بتقدر تتسرب ليها وده باين في علاقاتناالانسانية وحتى في علاقتنا العاطفية انا وان....واعتراها شي من الخجل ، وواصلت انا بفتكر انو الموضوع ده لو الدين بدعمو هو في الاساس تحايل علي الدين نفسه وممارسة للجنس بشكل مبرر.... انا بتفق معاك لكن ببقي في المعالجة شنو .. في تقديري يتم تكثيف كبير حول الموضوع ده وتوعيه كبير وسط الطلاب ... بالمناسبة الموضوع دة اتناقش في التلفزيون وجابو مسئول كبير وقال كلام مضحك هو كان بيشجع الشباب علي اللي مامستطيعين يتزوجو زواج عرفي للحد من انتشار الايدز اللي الاحصائيات اقلقت المسئولين .. ما عارفة يا حبيبي انا ماشاهدت التلفزيون لي زمن لكن ما تستبعد انو ده يكون طرح النظام اصلا ، لانو اي تفصيله مابتشبه الشعب ده بتطلع منهم وزي ما قلت ليك واضح انو كل المتورطين في الموضوع ده اصحاب هوس ديني
الان في الحافلة المتجة لبحري وهي مواصلة لحديثها بذات الحماس ، الركاب يسترقون السمع وما ان كسروا كل حواجز الوقار وكانت المساهمات و التعليقات الساخرة من الكنبة الطيش الي السواق .... و الجميع في انتظار عدد بكرة
|
|
 
|
|
|
|
|
|
|
|
Re: طــعــم الـقــهـوة (Re: Tumadir)
|
جميلا جدا ان يخلع النضيف ثياب مشاركاته الخجوله الى رحاب الابداع والتواصل ... اعلم ان لديك الكثير .. فلا تبخل علينا .. والشله ديك
قناطير من الحكاوى السمحه فى الزمن الكعب ... اتمنى ان ارسل عربية الكشه لهم جميعا ... واوصى السائق بجلبهم الى البورد ...وهو السواق ده منو ؟؟؟ ما انت يا نضيف
شكرا ..يا جميل ..ولك قبلات الصبايا ..وتحياتى
ديك الجن
| |
|
|
|
|
|
|
|
|
|
Re: طــعــم الـقــهـوة (Re: DEEK_ALJIN)
|
الظاهرة جاية من الخوانة وتدخل الناس الما ناس في دين الناس
وللاسف الشديد القلم ما بزيل بلم فحتى في الأفلام التي تناولت هذه الظاهرة في المجتمع المصري كان الطرف الأنثى غالبا على مستوى جيد
من التعليم..يعني لا حملات توعية ولا حاجة ولكن على البنات أن لا يخافن من العنوسة ولا يستعجلن..الموضوع دا يعني الزواج: قسمة ونصيب وزي ما قال جورج وسوف نصيب حيصيبك
| |
|
|
|
|
|
|
|
|
|
Re: طــعــم الـقــهـوة (Re: elnadeif)
|
تحضرنى الان مناقشتى لاحد الاخوة الشيعيين فقد قال لى (لو لم يحرم عمر بن الخطاب زواج المتعة ما زنى من شاب)وتسترسل فى فى مخيلتى تلك الاحاديث التى كانت فى معية والدتى قبل اكثر من سنوات فقد سألتها "يا امى انت ما اكملت تعليمك ليه واكتفيتى بالمرحلة الاعدادية؟" فكان جوابها مخيفا" وواضحا" ...يا ولدى على زمنا كان قراية البنت نفسها مشكلة والزاد الطين بلة انو فلانة بنت فلان حملت سفاحا" ...وبالرغم من فلانة تلك كانت تفصل بينها وبين والدتى مسافة مكانية شاسعة يحكم عمل جدى بالتجارة فى غرب السودان ومسرح الحادثة هو الجزيرة موطن والدتى الاصلى الا ان التفكير المحافظ لاسرة والدتى سيطر على الموقف وكان ان اخرجت والدتى من المدرسة!!!!!فيدور تسأؤل مشروع عن طبيعة علاقتنا بالاخر(الانثى)وعن قيمنا الموروثة والمكتسبة ,,اين هى ؟ وعلاقتنا بالدين. هل هى علاقة اصطفائية ام علاقة فهم ووعى؟ وهل حان الوقت لنتحدث عن الجنس كمعطى انسانى ام ما زلنا نستتر وراء حياءنا ؟
| |
|
|
|
|
|
|
|
|
|
Re: طــعــم الـقــهـوة (Re: الشرغوف)
|
النضيف النضيف....
تحياتي
بلا شك أنا هذا الموضوع لاقى الكثير من الرواج الإعلامي دون أن يفكر من ناقشوه عن الحل وكيفية معالجة الأمر، كما أوضحت في كتابتك الرائعة موضوعا وسرداً، وما قرأناه عن الموضوع يدعم خط موافقة جهات مستفيدة ونافذة في إحداث خلخلة في ثوابت المجتمع -اكتبها رغم حساسيتي تجاه هذه الكلمة-فلنبحث عن هؤلاء.
وكما ذكرت أخي النضيف
فإن هذه الظاهرة لا تشبه مجتمعنا، وحتى المجتمع المصرى والذي عانى منها كظاهرة وسط الطلاب كان إنتشارها متدرجا فقد بدأت وسط نجوم الفن وأبناء الطبقة الغنية ومر بمحطات ومحطات إستلزمات فترات زمنية طويلة ليصبح ظاهرة.
أما مجتمعنا فلم يعرف هذه الظاهرة أبدا والسؤال لماذا الآن؟؟؟؟؟؟؟؟؟ هل هذا هو ما عرف بإعادة صياغة المواطن السوداني
ربما
| |
|
|
|
|
|
|
|
|
|
Re: طــعــم الـقــهـوة (Re: أبنوسة)
|
يا جماعة كدى ادونى فرصة اقول ليكم وجهة نظر تانية
انا بعتقد انه المسالة ما تربية الاولاد والبنات ديل بس لانه ممكن تلقى اخوانهم الاكبر منهم تربوا معاهم فى نفس البيت ومن نفس الام والاب لكن ما حصل فكروا بطريقتهم دى .. اتخيل لى الفراغ العقلى للشباب ديل هو السبب .. فعلا يا بناديهاما عدم تقافة او معرفة ووعى .. هم قاهمين واعين نعم لكن ما عندهم مكان يفرغوا فيه فهمهم او وعيهم ..يعنى مثلا اكتر جامعة هسه بتلقى فيها نشاط طلابى بكون اسرة ولا رابطة بتعمل تخريج اخر السنة !!! مافى الحاجات الكانت بتشغلنا نحن فى الجامعة .. الجمعيات الثقافية .. الاجتماعيات .. اركان النقاش .. حتى التعليم نفسو والمنهج ما صعب زى زمان عشان يغلبهم ويقوموا يمشوا المكتبة ويساهروا فيه .. عندهم مساحة زمن بتجئ بين الجامعة والبيت والاسرة غايبة عن نظر الجميع بكون اقرب مكان لتفريغها مع بعض فى جلساتهم وونساتهم اللى ممكن بسهولة تتحول لعلاقة عاطفية وبشوية كلام وزمن قعاد اطول شوية تعلق فى راسهم فكرة انهم لازم يرتبطوا وبما انه ناس البيت ما حيوافقوا عشان هم لسه صغار.. خلاص نحن ما قاصرين ونملك قرارنا .. يبقى نتزوج عرفى !! ويحصل اليحصل
طيب اسالوا نفسكم ليه زمان ما كان فى الحاجات دى .. مع انه انا متاكدة انه اى واحد فيكم بتكون اجمل صداقاته هى بتاعت الجامعة .. وبالذات صداقته مع البنات .. واكتر من كده كمان تلقاهو بخاف عليهم وبغير عليهم اكتر من اخوانهم فى البيت .. ده لانه الراس كان مشغول بحاجات تانية غير الليلة دى لبست شنو .. والليلة دى سمحة .. ونوحد الزى الجامعى .. وتانى ما تلبسوا بنطلون ..الخ
وخلاص ياخى نفسى اتقطع ..لو رجعتو برجع
| |
|
|
|
|
|
|
|
|
|
Re: طــعــم الـقــهـوة (Re: dreams)
|
الاستاذة تماضر
مساء الجمال
اشكر لك المساهمة ولكن انا متاكد انا لي شرف لقاء طويل معك ولينا ميعاد بالتلاقي .. شكرا
صديقي ديك الجن
الموضوع شايك وكبير ، و الخطر علي النسيج الاجتماعي بقي مقلق لكن ثق في انو ا لشعب متراكمو النبيل كبير وعندو القدرة لي الانتصارات متي شاء هو علي كافة المستويات .. ونحن الفي ايدنا القدرة عدالة العوج
العزيز بناديها
انت دائما جميل وشفاف وعندك بعد نظر لكن ماممكن نتناول اي ظاهرة بعيد عن تاريخيتها فلو فعلنا فقد عنصر العلمية المفترض تتقري بيهواضافة لي كدة نحن شعب بيختلف عن شعبنا المصري في المورثات وعندك شاهد
| |
|
|
|
|
|
|
|
|
|
Re: طــعــم الـقــهـوة (Re: elnadeif)
|
الشرغوف
تناولت موضوع جميل وشكرا لمساهمتك ، لكن في تقديري الشعب السوداني من زمان شارعو علماني بي افق شعبي او بي وعي شعبي كيف مااتفق كن عندنا خاصية بنتميز بيها عن بقية الشعوب وهي حياءنا العام و لشارع نضبط في حتي علي مستوي الالفاظ
لكن الداير اقولوا برغم حميميتنا دي لكن في العلاقات الانسانية العاطفية تحديدا تجدنا نمارسها بي سرية غير مبررة احتمال دة ناتج من تخلف في الشعور او ضمورة علي ان الوعي درجات كم االعافية عند اهلنا تماما كما ان الاخير معكوس المرض وهو حالة نادرة علي الاقل لاغلبية الناس وده نوع من فلسفة الشعوب المهم دي كلها قيم بتضبط افقنا ووعينا وقرايتنا للعالم من خلال ذاك الثقافي
الرائعة الابنوسة
لكم الانحناءة وانتم تساندون الاخر بي وعي يدرك ان المسافات لن تلغي الافكار لكي تلتقي وتتعارف وتتصارع صراع موضوعي ينحسم في مصلحة ذاك الوطن ، كلنا سنكون في ذاك اليوم وسنصلبهم ونعاقب كل من ارهقة هذا الشعب
و الوطن ياابنوسة عاوز يستريح
لك الفال وشكرا
dreams
كلامك موضوعي التثقيف الذاتي مهم ، لكن ما بتفق معاك في انو زمان افضل من اليوم مشكلتنا الحقيقية اننا اقدامنا مكبلة في الماضي دائما لو قدرنا ننعتق من الماضي اكيد ح نغني يوم بكرة جميل .. وتعرف انو الاسطورة و التراث الماضي هم ارهقونا لمدة 13 سنة من حكم نظام شمولي يدعي الجبهة الاسلامية
| |
|
|
|
|
|
|
|
|
|
Re: طــعــم الـقــهـوة (Re: elnadeif)
|
ذكر لى صديق ان هناك مجموعة فى جامعة الاحفاد لا اتذكر اسمها
تؤمن بالزواج بالاتفاق اى يقول احدهما للاخر زوجتك نفسى ثم يمارسون كل مايمارسه الازواج ... النضيف هل سمعت بهذه الجماعه ؟
من سمع ؟ ... 0
ديك الجن
| |
|
|
|
|
|
|
| |
elnadeif
Tumadir
banadieha
أبنوسة
فتحي البحيري
فيس بوك
تويتر
انستقرام
يوتيوب
بنتيريست