|
|
 نادى الحناكيش
|
حبايبى الحلوين
ارجو ان تسمحوا لى بطرح فكرة انشاء منتدى للحناكيش على غرار اندية الشماسة والمشوكشين وما شابه والحناكيش فئة لا يستهان بها وهى قريبة جدا مناولا بد من الاهتمام بها ومعرفة ارائهم فى مختلف القضايا ونعرف همومهم شنو وطريقة تفكيرهم كيف يعنى باختصار كده نشيل منهم ونديهم... وانا بى صراحة ما حنكوش ولا حاجة لكن عاشرتهم كتير من ايام الجامعة وفى مختلف الاجتماعيات وشعرت انو الناس ديل نحن ظالمنهم كتير ولازم نديهم حقهم.... وهذه دعوة لكل من يرى نفسه انه حنكوش او حنكوشة او غير ذلك ممكن نديهو العضوية الفخريةونناقش المواضيع بى روقة كده وانشاءالله تكون الفايده عامة... يلا نشوف كيف تكون ضربة البداية
|
|
 
|
|
|
|
|
|
|
|
حنكوش ؟ (Re: ayooby)
|
ده حزب جديد والا شنو معليش ما تاخذ في خاطرك ايام جمعتنا اقصد في زمنا ما كنا بعرف اسم بالشكل ده بس انته ممكن تختار المقابل من اسماء زمنا رفض ..هيبي.. حلمنتيشي..رستا.. كوز.. حنفيه الخ
| |
|
|
|
|
|
|
|
|
|
Re: نادى الحناكيش (Re: بنت الاحفاد 2001)
|
مرحب بيك 1000 يا بت الاحفاد وكمان ليك البطاقة رقم (1)... لكن ماقلتى لى انتى يعنى اتخرجتى سنة 2001 ولا لسة مستمرة ؟؟ طبعا شروط النادى لازم نعرف معلومات كافية عن الاعضاء ولا شنو رايك؟
وانت يا ود الجيلى شكلك كده بقول انك حنكوش قديم وداير تعمل لينا فيها الود فتك... لكن بى زمتك مش الحناكيش لذيذين وبستاهلو نعمل ليهم نادى كمان؟
ارح ياخوى خش لى جوة ... تقعد فى ضل الشجرة ليه؟ ياخى جوة الحتة مكندشة وترحب بيك... بس لازم تجيب معاك الفرقة وتدينا فاصل كدة تخلى الجماعة يحتو شوية
| |
|
|
|
|
|
|
|
|
|
Re: نادى الحناكيش (Re: ayooby)
|
walahyyyyyyyyy ya ayoob katltany bail 'di7ik, lakin bainy bainak kyda fykra 1000zzzzzzz, 6al3ta 7ankooooooosh wo ana ma 3arfa???????? lol. aha ana o3tabar myn yato nooooo3??????????
| |
|
|
|
|
|
|
|
|
|
Re: نادى الحناكيش (Re: 3asoola)
|
looooool laken al zool 7y3ref nafsoo kaif inoo
7ankoosh????? 3amtan al nas 3ndaha fekra inoo
awlad al mogtarbeen hom al 7ankish, laken walhi
nas al sudan zattom ma hayneen..
oo ba3dain 7elwa ya bit al a7fad 7kayt konta 7ankoosha.
hahhahahah...
| |
|
|
|
|
|
|
|
|
|
تعريف (Re: ayooby)
|
تحياتي للفكره وصاحب الفكره بس اذا ممكن نعرف شنو معني حنكوش او حزب شنو بالله ردوا علشان الواحد بقرر والا رايكم شنو ودمتم
| |
|
|
|
|
|
|
|
|
|
حنكشة (Re: ayooby)
|
أيامنا الفي الجامعة جايين مارين بجنب النشاط ومعاي واحد من الجزيرة قام شاف واحدة زميلتنا حنكوشة من العمارات واقفة في النشاط ومعاها أختها طفلة عمرها حولي ثلاث سنوات وكانت بتلحس في آيس كريم.
قال لي بالله شوف دي بتلحس في الآيسكريم كيف . والله نحن زمننا القدرها في العمر الواحد يكون قاعد جنب أمو وتنشغل عنو دقيقة واحدة تلقاهو أكل ليهو تسعة بعرات حمير وداخل على العاشرة.
هـــــــــــــــــــــاي يا وائل
| |
|
|
|
|
|
|
|
|
 New Memeber (Re: ayooby)
|
سلام يا شباب ... انا غايتو جديده هنا لكن ما جديده لنج ..يعني بخش و بمرق و كدا.... اها ممكن انضمه للنادي دا ... انا كان عندي صحباتي حناكيش و عندي الكانو بيتحنكشو لزوم الجكس و كدا ... و زي ما بيقولو خير الامور الوسط وانا في النش يعني ما حنكوشه ولا بتحنكش ... لكن النصيحه لي الله ناس ظريفين خلاص الحناكيش ديل ... كان في واحده صحبتنا الله يطراه بلخير جايه من السعوديه لنج البت لمت ليها في واحد بعدين اظن قال ليها تمشي معاهو مزرعه ابوه في حلة كوكو.... انتي يا البت قومي كلمي الناس كلهم ... والله يا ججماعه عمار عازمني في مزرعه باباهو في حلة كوكي.... واحده تاني باين عليها اخت اخوان ردت عليها... الترابه في خشمك اكان مشيتي حلة كوكي ....
| |
|
|
|
|
|
|
|
|
|
عسل يالنجمه (Re: ayooby)
|
موووووتيني بالضحك يالنجمه اللمعه ده كلام شنو التربه التكيل شمك يا سي ولي هههههههههههه بس ما اظن من بنات السعوديه ممكن تكون من بنات لندن وكده ودمتي فرفوشه ولذيذه
| |
|
|
|
|
|
|
|
|
 نادى الحناكيش (Re: ayooby)
|
الى جميع الاخوة والاخوات الذين شاركونا فى النادى بطلب العضوية او بالنقاش ونخص بالشكر الاخوة وليم اندرية/ وبنت الاحفاد/وودالجيلى الظريف/ وحموزة الحنكوش الكبير/وبيرل/ والشماشى بالرغم من انو عامل فيها شماشى لكن لازال يحن الى حنكشته الزمان/والنجمة اللامعة ودى حنديهادرجة عالية من الحنكشة/وعمر رجب وده من وشو حنكووووووووووش ودى ما دايرة ليها كلام/وعم زكى ده طبعا الاب الروحى لى نادى الحناكيش/ وختامه مسك بى عسولة العسل وعندى ليها رد خاص بعد اذنكم يا جماعة ..... وانشاء الله نجيكم فى الحلوة
| |
|
|
|
|
|
|
|
|
|
ياحنكوش (Re: ayooby)
|
عزيزى الحنكوش المتحنكش
ماهى علامات الحنكشة لكى الواحد يعرف نفسه هل هو حنكوش وله ماحنكوش
فى انتظار الرد حتى الواحد يقرر الانضمام الى نادي الحناكيش
وطبعا هذا يتوقف اذا كانت شروط الحنكشة تنطبق علينا
عصام
| |
|
|
|
|
|
|
|
|
|
Re: نادى الحناكيش (Re: ayooby)
|
هلا بيك
التحية اليكم جميعا
قد تكون الفكرة جميلة ومدهشة الى ابعد درجة
ولكن
اولا ما هو مفهوم الحنكوش فى رائيك
والى اى مدى ممكن تحصل اضافة فى الرابطة دى
انا بقترح انو اكثر فاعلية فى البورد دة يعنى
الناس تقدر تضع مواضيع للحوارات محددة من ادارة الموقع للنقاش مثلا
والكل يدلى برائية فيها بما فيهم الحناكيش
على شان نقدر نعرف ما هو المفهوم الصحيح للحناكيش
والى اى مدى ممكن تكون فاعليتهم فى النقاشات دى
وانا شخصيا مستعد لآبدا النقاشات دى بمواضيع جيدة جدا للنقاش
للحديث بقية
| |
|
|
|
|
|
|
|
|
|
re: (Re: ayooby)
|
تحياتى ايوب
جيت متاخره ممكن اسجل فى نادى الحناكيش وله باب التسجيل قفل
غدى 
| |
|
|
|
|
|
|
|
|
|
Re: re: (Re: غدى)
|
حقيقي فكره الحنكشه دي ما جديده علي اصله اخوكم كان حنكوش سابق ايام الجامعه النوع الكان بجيب معاها حفاظه المويه البارده في العربيه والنوع الكان ما بقدر اطلع في الشمس ومن ناس السور طبعا الفراعه بعرفه سور الحناكيش دا كويس لكن قدرت طلعت من الاطاره دا بعد سنه تانيه واخوكم بقي صحرواي للطيش وغريت البرنامج كله وودعته كفتريا المشربيه واتجهت لكفتريا المواني البحريه بالمناسبه دي مره قبضت ديك الجن دا خالط هناك كان بجي مهاجر من جامعه السودان في نص النهار الحاره دا عشان خلطه بس
وهسع ولله الحنين عاودني للبرانامج دا وبتقدم بطلب للعضويه مشفوع بي خبره السابقه في الحنكشه
وانشاء الله انا حا اعمل ليك احتفال صغيره كدا في المطعم التركي او في توتي فروتي طبعا دا لي حناكيش الخرطوم اما حناكيش امدرمان ممكن نعمل ليهم حفل خاص في اسبشيل في بيت المال ومن هناك نتحرك علي صاله البلياردوا في الملازمين و حا يكون برنامج هاي ولله
| |
|
|
|
|
|
|
|
|
|
Re: نادى الحناكيش (Re: al_msaa)
|
اخواني الحناكيش
رمضان كريم
طبعا الصيام دا بيكون متعب معاكم
لانه مافي سندوتشات وببسي ولا اي شئ
قالو واحد حنكوش قال لابوه يابابا ياتزيد لي المصرف
او امشي انتحر واكل فول ....واموت
قالو واحد حنكوش جاء يحكي لصاحبو قال ليه شفت ياحماده
انا الليله ركبت بص الكلاكله صاحبه قال ليه معقول لكن
...ليه؟؟ رد قلت اجرب اتحدي الصعاب اها صاحبو مندهش قال ليه
اها حصل شنو؟؟قال ليه والله شفت لما سواق البص دا داس الفرامل
الرجال وقعوا بصايد وانا والنسوان وقعنا بصايد
تصوموا وتفطروا علي خير ياحناكيش
| |
|
|
|
|
|
|
|
|
|
Re: نادى الحناكيش (Re: ayooby)
|
اهل العوض
مبالغة
قال عضوية قال
لوووووووووووول
الخواض
مسدار ود بادى دا بطفش الحناكيش
الكلام دا بيأزى مشاعرهم الرقيقة
لوووووووول
| |
|
|
|
|
|
|
|
|
|
Re: نادى الحناكيش (Re: ayooby)
|
Assalamou alikum all...
awalan, i appologize for having to write my posts in english; i don't have an arabic keyboard.
tanyan, i'd like to join this hanakeesh club.. here are my credentials:
kindergarten to high school fi comboni alkhartoum- we considered awlad comboni omdurman 2nd class citizens :O) (tab3an kindergarten di ma fi zool hina be3rifa :O) lakin leldaman kida it's pre school.. ya3ni alrawda)
GCE london certificate (Allah ygazi siddig ombadda wal kano alsabab... we had to sit for the exam min oula 3ali because al wazara decided to cancel it and we had to sit for the final session)
Then Computerman college (tab3an ayei zool hina marag min al sudan before the 90s think that computerman is a training center! well ... its a university college now)
I think i fit a typical hankoush profile, don't I? lol
salam to you all o ramadan kareem.
oh ... allmost forgot, baitna fi al khartoum fi al 3amarat.. legitoni kaif ;O)
| |
|
|
|
|
|
|
| |
ayooby
willeim andrea
بنت الاحفاد 2001
Wad Aljaili
3asoola
omar_ragab
Zaki
isam
7abib_alkul
bint algazeira
Ahlalawad
نصار
فيس بوك
تويتر
انستقرام
يوتيوب
بنتيريست